went there last week with my parents and grandmom. The dishes are heathly, not as much oil as other vegetarian restaurant, not as much friend stuff as well. My grandmom very like it, espcially elderly like something simple and light. Even for people are not vegetarian, their meat are very tastly!!

兩人吃晚飯，點了:
1.五柳黃魚:香脆，螢光色的汁是重點，雖感色素很重，但美味。老公仲話用d汁撈飯吃好味。
2.咸魚雞粒炒飯:少油、味香，讚!食唔晒，外賣回家吃，仍好味。
3.羅漢上素:不油膩、味道適中、最好味是d菇類。

環境:一般

晚上, 我同齋妹決定入去西貢, 看電視劇 instead of 行沙田. 入去之前, 齋妹建議買外賣返去. 而驚訝地, 她提議"三寶齋".......好難食個喎!!! 我說....她答道: 我知....炒兩盒粉麵姐, 沙田得佢一間齋鋪.....算啦 .............. 囧啊.....

去到, 外賣飯盒都幾抵食既, $25一盒, 大大盒. 叫了一個麻婆豆腐炆伊麵 同 一個 素鰻魚炒河. 等了十多分鐘, 飯盒搞掂, 再去超市買埋雪糕, 登上299號慢車, 直指西貢, 執一執新屋, 看大結局, 食埋個飯仔.

入到屋, 大家趁熱, 先食野. 一打開飯盒, 份量都不小, 抱著預左唔好食既心態黎吔. 麻婆豆腐炆伊麵, 算是兩份野之中最好食6的了, 味道雖沒有普通炆伊麵咁味濃, 但勝在那麻婆豆腐夠味, 而且唔太辣, 淨呢個會有個OK分俾番.

素鰻魚炒河, 是濕炒既河粉. 不過覺得, 只是整熟了河粉, 再煮好一個茨汁, 淋上去, 令到上面有味, 下面冇味. 素鰻魚其實只是紫菜卷, 茨汁又係冇乜味既野. 總之.....難食.

係沙田....你係獨市咋.....不過獨市得黎都冇乜人幫襯....證明的確一般.

有時一個人係附近行,想食清d,唔去一田果邊food court,偶爾都會食碗無乜未既齋麵.

今日同屋企人係沙田買野,心諗都未試過晚餐,週六晚餐時間都唔係好多人,個心都覺得唔對路,不過搵位難,好一餐唔好又一餐啫,咁又出事.

三大兩細,食得唔多,就要了一個二人餐再加碟炒麵,應該都夠.

紅燒素鮑翅 : 豆腐絲,金菇絲,竹笙同冬菇絲唔多,不過個豆粉茨就真係杰,味又無乜,就連鐘意食碗仔翅既囝囝都灑手擰頭.

時菜珍肝 : 不論色,香, 味都係求求其其,完全同珍肝拉唔上關係,白菜仔灼完塾底,上面既"珍肝"兜幾兜打個色水茨就算,唉..........乜黎架?

鮑片海鮮煲 : 講真,個海參片同蝦件都有幾分似,鮑片就真係加100%聯想至得,又係杰玻璃茨,食得多都唔健康.

羅漢齋炒麵 : 呢個算似返d樣,至少麵底炸得金黃,脆口,料就真係唔多,都係果句,杰茨又黎啦.

講食物就真係無乜邊樣得,反而服務都算幾好,話說個位新手阿姐,攞碟炒麵上檯時又懶,將小碟辣醬放係碟邊,點知隻手又唔夠力,碟辣醬跌落地飛開晒,濺到我同家人,點知個位阿姐竟然掛住攞掃把掃地,我家人成隻腳都係都唔理,終於要老板娘出聲先識比紙巾我,擰轉背,又係佢攞碟野黎,單手上之餘隻手仲震震下,我都打個突,不過老板娘都識做,同我地say sorry,最後仲打個九折(即係無收加一),我諗都好難有下次,絕對唔係因為呢件事,而係d野食唔得.

　　今日又心思思想食齋 , 兩位阿姐仍舊服務態度無得頂 , 好有心機咁話比我知道素紮蹄﹑齋雞係d咩整成 , 結果我就買左齋鮑魚﹑齋叉燒加埋素紮蹄﹑齋雞作為今日既早午餐囉 , 第一次食齋雞原來係有d似玉子豆腐既口感 , 外表望落去以為係煎炸會好油 , 但係食落去味道好清淡 , 至於素紮蹄就好似實左d , 外面個層又乾又硬 , 好彩入面既腐皮有水份先唔難食咋 , 試左咁多款式既齋 , 我發覺自己最愛係齋叉燒 , 可能係因為平時都唔可以食真正既肥叉燒 , 有d假既齋叉燒可以比我滿足一下 , 咁樣一盒野買左$36唔係特別平 , 不過當我諗起禾輋個間齋舖整個d齋既樣貌 , 呢間d齋已經係好好架啦。

齋鹵味 ~ 記得之前黎買野食個陣d阿紅既服務態度非常唔好又冇禮貌既 , 不過今日兩位阿姐態度良好 , 皆因少買齋黎食既我多多要求 , 所以一路不停講唔好意思 , 幫我剪齋個位阿姐冇黑面不特止仲竟然話唔緊要 , 我仲以為自己聽錯咋 , 哈哈哈哈^^我淨係揀左齋鮑魚﹑齋鴨腎﹑齋叉燒同甜酸齋 , 幾樣野入面最入味係齋鴨腎 , 可惜硬左少少 , 其他個d真係麻麻地 , 一早知道呢間既齋味道唔係好好食架啦 , 但係新城市又淨係得一間齋舖 , 冇得揀情況之下唯有係度買ja , 至少我諗應該會好食過百佳超市個d所謂既齋。

是日相約到舊同學gathering, 但由於當中有素食人士，所以只能往齋舖解決。

然而，太公想來想去，都想不出新城市中心有齋舖；在沙田居住的朋友就指出，哎，沙田廣場有一家；於是，大伙兒就出發了。

一行七人，叫了個有五個小菜的四人餐，另加琵琶豆腐、松子蛋白炒飯和齋鹵味

四人餐的第一味是紅燒素鮑翅；素翅做得粗，但就不夠爽口；湯裏的豆腐絲和木耳絲，本能豐富口感；可惜，勾芡時下手太重，成「pat」野咁，似漿糊多於一切，調味也太濃，腐絲和木耳絲再有口感再有味道，都吃不出。

素鮑片時菜 - 本以為素鮑片是鮑魚菇，但吃下去感覺比鮑魚菇再鮮甜一點，與鮑魚味極似，像經過加工的素食材，相當可口；可惜，用的是生菜，加上又是那又厚又濃的芡汁，甚麼食味都浪費了。

五柳素仙班 - 以芋頭製成魚狀，經油炸後成形，是齋舖的經典菜式；可惜，這裏的芋頭太乾，不夠軟身；而外層的炸漿也炸得不夠脆，功夫未夠水準。

沙律素海蜇 - 光看名字令人難以想像 - 原來這味小菜，重點是「沙律」！一大盤的薯仔沙律，加上幾條「五彩繽紛」的素海蜇 - 對，是「五彩繽紛」沒錯，有相為證，小女子見識淺陋，至今還是第一次領教這種五彩素海蜇！

味道又如何呢？老實說，這素海蜇味道本不錯，爽口非常，與已經調味的真海蜇很像，不看顏色閉著雙眼吃還能接受。只是，這咸味濃烈海蜇，配上偏甜的雜果+薯仔沙律，又咸又甜的感覺，終究奇怪。

XO醬爆素螺頭是最好的一道，素螺頭與草菇，青紅椒等同炒，很惹味；素螺頭賣相似被切小件的玉子豆腐，但口感和味道都與真螺頭相似，味道不錯；不過，又是略嫌勾芡稍重，火候也略嫌不足，但還算可接受。

另外叫的琵琶豆腐 - 豆腐加上薯蓉，搓成球狀再炸，金黃色的一個個，本來賣相不錯；可惜，一咬開，裏面竟是猶如咖哩般的鮮黃，卻沒有一點咖哩味，假得嚇人；明明這道菜可以很平實地作，何苦偏要整色整水呢？

齋鹵味和松子蛋白炒飯，兩者皆不過不失。

埋單，一人$74，以此質素，不算抵食；太沉迷於要「整色整水」，以及要勁加芡和加色素，是最失敗的地方 - 為甚麼不能安安份份地做點平實簡單的齋菜呢？

明知山有虎，偏向虎山行。

明知食評彈多於讚，昨晚居然到三寶齋晚膳。無法喇，個女話事嗎。

不過睇晒d食評後，通常都係話:
1. 服務差
2. 食物多油

其實都唔係第一次响呢度開餐，不過多數係响齋期，要大約15至30分鐘等位，到開餐又忙碌得很，班waiter真係多句都冇，d位又迫又窄。食物嘛，只記得d炒米都好似幾多油，得到劣評實不為過。

昨晚非齋期，一入到去要乜位都有，因為只得二三枱客。我話四人居然俾張六人枱。唔錯噃，可以有位放隨身物品。

揀咗四個小菜，一碟飯，埋單約二百四十元，可以接受。
菜單如下:
1. 五柳魚
2. 涼瓜班腩
3. 西檸鴨
4. 西蘭花黑椒雞扒
5. 鴛鴦飯

五柳魚--------------基本係煎魚形芋頭，煎得較為差，火路唔算均勻。五柳菜又乾又少，個汁都可接受。

涼瓜班腩-----------非常唔錯嘅小菜，涼瓜新鮮，齋班腩口感不俗，有咬口而味道清新，而且唔覺油多。

西檸鴨--------------香煎齋燒鴨，以菜芯墊底，另上一碟檸水作為醬汁。齋燒鴨煎得香酥，沾上了檸水即食，不減香脆感而又冇咁熱氣，菜芯都清鮮可口，正。

西蘭花黑椒雞扒--而家d素肉效果真是不俗，雖然雞扒有d似午餐肉，但係食落又真有dd雞肉感覺，唔錯喎。

鴛鴦飯--------------飯用蛋炒，再用兩種獻汁蓋面，感覺一般，不算特出。

全晚感覺，都算Ok喇。

最後有兩點需要一提:
1. 當我們討論菜色時，小女希望食芋頭魚，一位女服務員聽到我們的說話後便信步上前在菜單中指出給我們。

2. 原先我們選了西檸雞，但寫菜的男服務員建議西檸鴨，認為菜色大致一樣，但較可口，一試果然不俗。

服務水準果然是隨不同時間、不同日子而改變啊。

11月28號 - 夜晚10點幾左右

去左沙田市中心行街。 之後去了我去過好多次的三寶齋買飯盒食。 今日揀左素咸魚雞粒炒飯。 叫左之後5至10分鐘之後個飯盒到la。 之後我拿回家食。

個飯好香呀。 好想食呀。 食入口覺得好好。 不太咸。 D飯炒得好靚。 真係無揀錯。

他們仲有其他飯盒or麵盒的。 徐左初一&十五之外, 他們都會送一杯豆漿的。

本身同朋友都諗住要食齋清清腸胃 , 加上又覺得入左呢間齋館有種遠離左外界既寧靜感覺 , 但係食落原來並唔係 , 因為呢度d野真係幾多油囉 , 食完仲慘過去食一個M記既感覺。

齋鹵味 ~ 個人淨係揀左甜酸齋﹑齋叉燒食 , 因為呢度既咖哩齋和豉油齋味道都淡得可憐 , 基本上淨係食到油"益"味 , 而且十幾蚊份量得一碟仔 , 太少啦掛。

鐵板扒配西蘭花 ~ 呢個反而有d驚喜 , 扒既味道好似食緊午餐肉咁 , 西蘭花亦好腍 , 加埋d茄汁食幾醒胃。

粟米粥 ~ 入面放左好多材料 , 至少有粟米﹑香菇粒等 , 味道清淡唔似落左好多味精 , 粥既份量有成一個湯碗咁大 , 叫左之後可以幾個人Share都夠分。

踏完單車去大圍還車，朋友中有人食齋，所以特登過返沙田食。平時好少去齋舖食飯，因為感覺上冇咁飽，今次難得有機會就試下！
星期六晚唔使點等就有位喇，佢地俾大枱我地坐，所以好有多位擺野食哩！
一行七人叫左五餸一飯，份量尚可，但唔知班男仔做完運動食夠唔夠飽呢？我地叫既食物如下：
1)齋鹵味(冇乜特別，不過面頭既齋燒鵝好新鮮，炸得夠脆，幾好食)
2)生炒骨(像真度極高，顏色似之餘食味都勁似，唔講真係以為自己食緊生炒骨，係爭在冇舊骨即)
3)雜錦一品煲(有Ｄ扮海參既東東，食落冇乜味，但感覺得意，其他配料好似冬菇咁都ＯＫ)
4)荔芋卷(每件都好大舊，不過比較實同粉，點標準橙紅色酸甜醬都唔錯，鬆化Ｄ會更好)
5)鐵板金菇茄子(比想像中差，淡同埋好油，驚驚！)
6)福建炒飯(份量夠大，味道尚可)
今次食飯志在聯誼，食味都係其次，下次有機會試下其他地方先！

好耐無食齋，所以同屋企人黎試下。黎之前見到食評咁差都有ｄ卻步，但母親大人話試下無妨，所以都去馬。

去到見到唔夠二成滿座，睇睇餐牌，都係新派齋菜（即係扮魚扮肉），「真」齋選擇唔多，叫左個三〔食送〕餐（送甜品），再另加一碟小菜。

落單唔夠五分鐘，伴隨住侍應嬸嬸一句「跟餐送既」，一個馬荳糕出現o係桌面。屋企人全部呆哂，四個人食飯，跟餐甜品居然係一件馬荳糕！而且仲要係最早上？！無奈之下唯有留低最後先食。

羅漢齋豆腐同素鰻魚（紫菜腐皮卷）同時出現，兩者相似度達90%（請看上圖）！不禁令人懷疑d汁係一齊煮既。羅漢齋豆腐普普通通，但素鰻魚鬆散異常，唔夾先散，同以前（十幾年前）o係深水步食到既質素差天共地。
而d獻汁又鹹又杰，令到整碟菜毫不清淡。

再上生炒骨，螢光橙的汁非常嚇人，但味道其實可以。

最後係琵琶豆腐，髮菜絲好少，又炸得過哂火，食左一件就無食。

待應得兩三個，而且手腳慢，態度亦不佳，睇住佢拎住兩碗白飯同人傾左一陣計先上。

埋單$242，以呢個質素好明顯係貴。下次食齋都係去遠少少，不過沙田素食店選擇好似唔係好多…

終於都有時間上寫返上次清明節放假既經歷！當天，兩口子到沙田行街，到晚上七點鐘左右想食飯，最初想食太興，但這個鐘數，大興門外已有長龍；想到小巴黎，也有人在門外排隊，往旁邊的三寶齋望去，見裡面有空檯，不用等位，心想試試吃齋也無妨，於是便進去一試。

甫進店內，侍應指示我們到一張細檯打對面座，但其時店內食客只佔四成，我地又望到有卡位，亦有其他食客可於卡位「撐檯腳」，於是便要求坐卡位，但得到回覆︰「唔得喎，留低左俾人架喎」，焗左我地坐o個張細檯。

但，那卡位的檯上並沒有擺上任何「留座」的牌。肯定係唔想我地兩個人霸左佢四個位啦！

不過就當晚，我地由七點零食到八點零，o係呢個公眾假期的peak hour裡，店內長期keep住有三成位係吉o既。
至於我地原先要求去坐o既卡位…
嘿！最後都係得兩個人坐！
----------------------------------
然後講價錢，價錢算中價，每味菜只係比o係美心皇宮平廿蚊左右，但論環境，論服務，論舒適程度，實在係完全冇得比！
雖然，美心皇宮冇齋食，但三寶齋的齋…
----------------------------------
其實我地好少食齋，所以就睇餐牌上的相片點菜，點了下面三款︰

茄汁素蝦球︰$68
「蝦」，明知是素蝦，但咬下去質地似無味墨丸，只有人造香味。
芡汁才離譜，又鹹，只得極小的蕃茄絲，且蕃茄是硬身的，顯然未有用來煮過汁；
茄汁，沒下過蕃茄也不算甚麼，但那種顏色，是螢光橙色！
螢光！
怎能想像這汁是經過甚麼樣的過程製造出來？經過了甚麼chemical reaction，添加了多少人工的addictives？
蕃茄明明是素，為甚麼連這也省了！？

整體而言，這碟菜，很有內地那些假蛋假豆腐假髮菜的「風味」，完全違背了「健康素食」的宗旨，只吃了兩口便算了。
最貴係佢，最難食又係佢。

五柳黃魚︰$58
熱食時ok，只是脆皮炸得略硬。
再次，芡汁是褐紅色的不知名化學汁液，又是那種artificial的味道。
已是三款菜式當中最好食的一碟了。

紗窗明月︰$48
相中所見，係冬菇、草菇、髮菜撈埋一碟煮，然後旁邊圍d西蘭花，看來應該挺清淡的，我們其實不愛叫那些扮葷的素菜，明明是齋，為甚麼偏要去扮肉呢？

落單後不久，侍應前來交待︰無西蘭花。
著我們另選別樣蔬菜，稍微掃視一下旁邊兩檯，都有叫莧菜，應該不錯吧？於是便選了莧菜，侍應再落單。
嘩！再細心看隔離兩檯…不得了！
滿桌都是咬不爛的莧菜，全是渣！
心想︰糟了…
不知是幸還是不幸，侍應此時再來交待︰無莧菜。
她問我們再選甚麼菜，我地反問「你地今晚有乜菜？」
她不好氣地回答︰「你講啦，我地呢度乜菜都有。」
乜菜都有？
「小唐菜。」
「我地冇小唐菜喎。」
我扯火了，「你剛剛又話乜菜都有，叫我諗，我諗左你又話冇，咁你實情有乜菜呀？」
「菜心同通菜。」
乜菜都有！
你地係做齋菜架！乜菜都冇！

上菜，嘩！
完全係「掛羊頭、賣狗肉」！
冬菇、草菇全不見了，換來的是蘑菇。
完全係呃人！冬菇同蘑菇，完全係兩個檔次！
芡汁太「杰」，太鹹。
髮菜雖已停售，但大可不用髮菜啊。結果碟上的所謂「髮菜」質感脆如紫菜，好「削」，完全不是髮菜，只是不知名的合成品。
----------------------------------
總結︰
完全無誠意做菜！付這個價錢，實在有太多更好的選擇！
真係唔明，點解可以到依家都仲未執笠！

早幾日同事出外工作後
帶回齋鹵味同我地分享
試左甜酸齋,蠔油齋,齋叉燒,齋鴨腎同咖哩齋
全部都唔太入味
而且盒底見到有好多油
食完一件已經唔想再食
都係早前o係深水步買o個d好味

Ｄ食物勁差,腐皮卷勁硬,勁難食,我買到回家要放湯煮林才食得到, 牙力少Ｄ都咬唔到.
Ｄ油勁多,足夠比我炒碟菜,買油錢都節省埋
經理態度勁差,話之理,最好你米幫襯,煩住佢.
Ｄ亞姐更不在話下,佢巴弊過你,買就買,唔買過主,米阻住哂,什麼叫禮貌都冇,多謝都冇句,
我絕對不會再幫襯