8pm 去到, 等左15 mins 度就有位, 流通量算快~

煎蛋卷: 見其他人ge食評話好味, 我地又即管試下。夠大件厚身, 可惜無蛋味, 其實直程無咩味!! 係有少少甜味, 但真是太淡了, waitress話點 豉油食, 但d 豉油又太咸, 我點其他醬仲好食~

炸芝士薯餅: 有兩件, 都幾大件, 炸得好勁, 我怕肥, 唔敢多食, 熱辣辣, 又多芝士, 好味! 不過真是好油!

燒魚乾: 咸咸甜甜的, 好味! 不過乾左d, anyway, 魚乾魚乾嘛

咖喱牛肉飯: 友人說麻麻地, 我食左少少, 都是一般日式咖喱ge味道,無咩特別

放假總是懶洋洋, 午飯時間亦推遲至兩點, 不過也有好處的, 就是不用等位
繼上次強行被拉到和亭後, 這次終於成功來到丼丼屋
店子相當的闊落, 有很多空間可以擺放bb車, 而且有兒童餐供應, 兒童餐具亦很可愛, 難怪是親子飯堂快快手點菜, 我要了咖哩牛肉鳥冬, 男友則點吉列豬扒(柚子酢)加配定食

烏冬約十分鐘就上枱, 吉列豬定食則要近二十分鐘, 我想是即炸的吧
咖哩烏冬上枱時只見到一碗濃濃的咖哩汁, 份量多得掩蓋所有麵條
聞落是很香的日式咖哩味, 心想如此濃厚的咖哩汁拌麵一定好吃咖哩汁實在多, 攪勻後每條烏冬都能掛上, 對此實在非常滿意
因為最怕這種濃汁烏冬不夠汁, 吃到最後只能吃白麵
烏冬比一般的幼身, 如果換上粗烏冬將會更有咬口(這應是我喜愛吃粗麵條的偏好)咖哩汁的味道比想像中辣, 但沒有日式咖哩應有的果香味, 反而有點濁喉的感覺
牛肉呈薄片狀, 有大約六七片, 雖然看上去肉質很瘦, 但吃下是腍滑的, 而且富牛味, 不錯
整體覺得可以再encore的, 因為本身太喜歡吃濃味且多汁的食物男友的定食包括醃蘿蔔, 牛蒡絲前菜, 吉列豬扒, 椰菜絲, 白飯和麵豉湯
吃了兩塊豬扒, 所以只簡單交代一下豬扒的食味好了
雖然應是即炸的, 但豬扒只是處於暖的狀態, 可幸的是炸粉夠薄, 雖然間中出現皮肉分離的情況, 但味道是可以的
豬扒內裡保留一定肉汁, 沒有炸至乾巴巴, 柚子酢的酸味亦中和了炸物的油膩感, 不至於太滯膩整體食物質素是可以的, 雖不是令人驚艷的質素, 但相信至少不會"中伏"
侍者的態度很不錯, 對小朋友尤其親切, 看見很多小朋友都帶著笑容離開

第3次黎食啦, 今次依然叫左吉列豬扒套餐同炸芝士薯餅.
個豬扒比之前薄左, 不過都好好食.
今次D白飯好食過上次啦, 起碼有水分同飽滿, 有米飯香. 而D椰菜絲好爽脆新鮮~
個薯餅依然好好食, 充滿芝士, 啱哂芝士迷~

坐低見到有新野, 就叫左個牛肉壽喜鍋試下.
食物到枱勁開心, 因為份量足, 都幾多下大約1.5人份, 同阿妹阿媽share食
(可能我地係細食, 食完個豬扒飯同薯餅食埋呢個啱啱好).
牛肉好好食, 唔硬又唔"鞋", 好有牛香 D蔬菜都好新鮮, 不過年糕就差少少啦, 唔煙韌既~
我怕個牛肉鍋湯底咸, 所以冇湯時都係加清水咋, total 加左3次清水.
食得7788, 最後落左D飯落個鍋度, 煮到冇乜汁就食.
可能加左3次清水, D飯唔咸, 有少少甜, 好有牛鮮同菜甜.

總結, 今次丼丼屋D野食都唔錯, 會再光顧!

今天原本可以同男朋友踢完波先食飯, 但因為要回家, 所以我自己一個人食完飯先回家。
本來想食EMO 韓國菜...點知超多人, 所以就轉戰丼丼屋, 好耐之前都食過一次, 唔覺得有什麼特別, 不過MENU 同食物都好精緻。

環境
屯門市中心的丼丼屋, 環境不錯, 當天其實都有好多人等, 但因為我是一個人來, 所以唔洗等都可以攝位。入面都好寬敞, 侍應安排我在圓形柱TABLE個度。這裡的TABLE就好像BAR TABLE前的, 所以不會太闊。

MENU
Menu 好精美, 全部食品都有圖, 令人好想食^^. 但我CHOOSE了呢個

* 牛肉壽喜鍋因為佢的賣相實在太吸引了。

食物

落左ORDER一陣, 食物就來了, 來到時就是這樣 ^_^.................
都真的好快手, 而且跟MENU中的賣相差不多。.
* 火鍋湯底是甜甜地個種, 好清 好好味。入面有豆腐、白蘿蔔、紅蘿蔔、芋絲、蒟蒻、菜、金菇、年糕, 好多野^_^。
豆腐超滑, 白蘿蔔同菜吸了D湯好味。蒟蒻片仲係有花蚊, 搞到我好開心。
不過有年糕的火鍋係香港好像是第一次食到, 令我想起我最喜歡食的其中一個關東煮中, 有一個好像叫「福袋」, 係用腐皮包住年糕, 樣子好像一個丫袋仔甘, 在關東煮中煮琳, 咬入去甜甜, 煙煙韌韌, 好好食 ^_^, 不過呢個唔係甘, 但都好煙韌好彈牙。
味道:

* 牛肉個牛肉望上去好靚好新鮮, 不過原本我以為係厚身短身的牛肉, 來到時才知道係好像美國肥牛的那種....不過想又想都唔會有日本燒肉個種肥牛來打邊爐, 只是我有點期待....但個牛本身好好味....好有牛味, 又大塊.......
味道:

佢仲有跟飯 同一假蛋, 因為我唔食生蛋, 所以當我食晒所有野之後, 將隻蛋倒入去煮......這個餐仲有加呢個漬物, 酸酸地, 好好食, 好開胃。
味道:

總括來講, 整體上都好食......

這個餐$88, 雖然好好食, 亦令我好滿足.....

其實吉野家的味道配料同差不多, 當然佢的牛肉係好D, 新鮮D, 不過價錢差$30幾 (因為呢度有加1)..
...如果平時食, 我覺得吉野家已經好足夠 ^_^

做左媽咪出街食飯首先要選岩吾岩小朋友去 尤其係我個女得18個月大
有冇BB櫈 會吾會太嘈 例如有live band之類都吾去得 所以當我睇見飯評有人推介依間有兒童餐 我地就即刻去試

星期日六點幾去到等10分鐘倒0K啦 裏面係幾日式裝修 同日本差不多 坐底冇耐即付上小童餐具 我個女見到好開心跟住玩左一陣 我地叫左食物如下：

炸芝士薯餅（好似30幾蚊）
同飯評推介差不多 必叫小食 薯餅外面炸得趣又冇油冧冧 裹面又夠熱 薯蓉好滑 芝士又溶哂響入面 好好味

鰻魚飯 $98
我好鐘意食日式鰻魚飯 響香港通常食果d鰻魚都比較薄身 （未去過好高級果d日本料理食）但依間d鰻魚好厚身 係平時食嘅厚3份之1 下面再放滿日式蛋絲 再加埋日本米煮出黎嘅飯 簡直係100分嘅鰻魚飯 98蚊直頭抵丫

炸豬扒咖哩飯（好似係60幾蚊）
普通日式咖哩味道啦 個豬扒炸得比我心目中好 夠趣夠熱吾油又juicy 以依個價錢有依個質數 好ok呀

兒童餐 $55
有牛肉同炸豬扒揀 我個女重細所以揀左牛肉比佢 成份有牛肉半碗 日式煎蛋2件 白飯 橙汁一杯(類似果汁先生) 牛肉麻麻 有d鞋 冇吉野家果d咁滑 但比我個女食就岩曬 冇咁肥脷丫麻

宇治紅豆新地$25(原價$38）
因為跟餐叫所以平左$13 最吾好食係依個 雪榚下面放好多早餐果d粟米片 我覺得超吾抵同吾好食

後話:個兒童餐黎到放到我個女面前佢眼仔定左一定跟住好開心笑 (佢得18個月大炸) 因為從來都係分大人d野比佢食 佢從來冇自己有一份餐嫁 d餐具又靚靚 我個女重自己食飯 從來係要人餵吾肯自己食嫁佢 重差不多食曬 所以我同我老公講一定要再黎丫 除左我地重有5枱有小朋友 所以我地話依度係小朋友嘅飯堂

d waitresses 成日吾記得加水或者叫佢攞飲筒又吾記得 因為真係好忙 但係佢地個個笑容滿分又有禮 所以都係絕對值得原諒嘅

冬至日突然有得放早，收工後便閒逛 一陣市中心才回家。是日早餐吃得太盛，中午只是吃了少少，都依舊是好飽...之不過人在外心野野，好想去食少少東西(其實是貪吃吧)。有限胃納要容納無限餐廳的選擇，這實在是苦惱﹗思前想後決定不吃假期都有的TEA，不知只在閒日才有的下午茶餐會有嗎﹖幸好給我在丼丼屋食堂中找到了﹗禮貌的侍應介紹企在門口八八卦卦的食客們關於這個下午茶餐，四個配套每項選一，價錢依項目多少來定斷，價錢甚抵之外，又可以飽有飽有，餓有餓食。閒日的餐廳當然清靜得厲害，一人獨坐四人枱，侍應奉上暖水後，我便和餐牌對視著...腦交戰良久，終於被食物吸引，點了一個太豐富的下午茶了。

上次在這裡喝過的菠蘿汁，單叫加一後差不多$20一杯，跟餐都有這個教我如何放過﹖當然味道方面如同菠蘿罐頭加點點糖水，但入口也感到有點果肉纖維，酸多甜少，只可以說對我口味嚕。不過水杯飲用位置的水滴太多，會給客人有點不太好的感覺。(俗語：乜隻杯咁濕淋淋,都唔知咩水黎,好嘔心...)之後的天婦羅盛盒為何是這麼巨型﹖明明問了只有蕃薯﹑南瓜﹑茄子和竹輪卷各一，原來每樣都是加大版...(已經擔心吃完這碟後黎緊個飯點算...)炸漿是厚實版本，更帶點椒鹽味道，第一次食到這麼特別的有味天婦羅漿，不過總覺得食天婦羅這些主要是食回當中食材的味，現在的炸漿味很搶，反而有畫蛇添足之感。

不過說到炸功都不賴，三樣蔬果都保持水份和柔軟度，而竹輪卷沒被炸成硬條。

吃到此已經六成飽(汗)，之後是餐牌上REMARK是細版的豚肉生薑燒丼都有得吃了。兩片豚肉，每一片都有我手掌那麼大，煎到帶點金黃，肉質甘香鬆軟。豚肉下原來墊有一堆洋蔥條，洋蔥最好吃的便是炒到半生熟，又甜又香。肥膏的油份流入飯底，令飯粒油光滿佈，我再加入豬扒醬撈食(即是甜甜地沾吉豬食那種呢~)，食下食下整碗飯竟然被我KO掉。(好大食!)看著肚腩一天比一天大，大食便是這樣練成的。XD不過飽餐一頓，的確是大快人心。

我要推介這間restaurant 比有小孩的Daddy and Mommy!!!!! 佢地個兒童餐好正, 份量又多, 又有一杯橙汁!! 我兩個細仔食得好開心! 雖然可能炸豬柳有D熱氣, 但偶然一次無所謂啦!!! 大仔要咗個咖哩炸豬扒飯! 好滿意!!! Daddy 就order 咗個焗咖哩牛肉飯! lee 個真係好好味!!!! 如果可以有多D 芝士喺面就更好啦!

服務也很週到, 尤其是對小朋友!!!! 好欣賞!!! 一定會再去!

親子丼沙律清新。親子丼即係滑蛋+雞肉飯。
滑蛋呈流心蛋絲狀，十分嫩滑，蛋汁豐盈，甜甜的，相信係加咗日本甜醬油。
不過由於蛋汁太多，底下嘅飯變得好濕，好糊口。
米飯本身亦無甚咬口。
另外，雞肉係雪藏貨色，無雞味，但勝在唔嚡口。
以58蚊一個套餐嘅價錢，不能要求太多喇。

芝士炸薯餅薯蓉內藏滿滿芝士，一咬落去，芝士呈半溶流心，可以拉成絲狀，不錯。
但炸皮太厚了。

整體普通，一試無防。

一入去，只有bar枱位，同侍應講聲，佢話有枱就立即轉比我地，服務也算不錯。
等了十分鐘左右，就幫我地轉枱，坐得舒服好多。

親子丼＄53見到之前的post都讚呢個親子丼，價錢又抵食，於是點了一客試試。真係好多蛋汁，雞肉也嫩滑，但略為濕了一點。

牛丼＄48賣相一般，但牛肉汁好香濃，d飯又夠熱，拌埋d汁食，真係食到停不了口，可以再encore。

芝士炸薯餅＄38新鮮炸起，好熱，好香，但不油膩，份量也很大份。一啖咬開，發現好豐富的芝士要流出來，好好味！唔單士有薯蓉味，仲有芝士味，雙重味道，雙重口感。值得推介！

星期二約左兩個朋友食晚飯,我提議嚟呢間,其實未嚟過的,不過睇D相好似好吸引咁,所以嚟左呀!朋友都食過架都話OK的,七點半嚟到都冇咩人,可能係屯門及閒日的關係啦,我地三個人分別叫左一個吉列豬扒丼,一個咖喱牛肉焗飯,另外叫左一個汁燒牛扒飯,再叫左一份蛋卷,我睇食評相後就好想試食啦,仲有燒魚干一齊食呀!!

上菜好快呀,先嚟蛋卷,好靚呀!!有四件的,好厚的蛋卷,入面係少少流心蛋,好香好好味呀!!我好鍾意食蛋卷架,正呀!! 燒魚干朋友話上次食過話好味的,果然真係喎,好薄的魚干,唔知係咪雞泡魚干呢?? 好味喎,真的好香!!

飯嚟啦,咖喱牛肉焗飯都好大份喎,賣相OK呀,好香咖喱的味道,我都試左少少,有些芝士係面,牛肉唔算好淋身,不過份量都幾足的,唔會飯多牛肉少,少少辣. GOOD!!!

汁燒牛扒飯個樣都OK,係七成熟的,都好多件唔算大件的啊!! 朋友話味道都好味旳.

我的吉列豬扒丼,上面一層係吉列豬扒,一面係一層蛋舖係飯面,豬扒唔算好鬆化,但都好味,我好鍾意果層蛋呀,少少未熟晒既感覺,加埋D飯一齊食,VERY GOOD!!!! 仲有一碟小黃瓜的.

我地坐左好耐,係度傾計,但仕應的服務都好好,都有不停加水,沒有感覺要趕客,不過真的唔多人.