29
5
2
港鐵元朗站 A 出口, 步行約9分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
招牌菜
食家推介
嘩，店仔細細估唔到咁出色!4人餐經濟又實惠，好多菜式都好食到令人估唔到。前菜份量有少許不足，4個人先俾一細細碟青瓜。菜式眾多，因此選擇幾碟作特別推薦!第一係雞煲，上枱時香氣四散，同真係肉既雞煲一樣咁香、有過之而無不及。調味十分出色，惹味非常，素雞咬落同真雞無異令人食慾大增。素叉燒真係令人好意外，我地全枱都爭住食。首先外型已100分，同真的好似。咬落蜜味香濃，質感亦好討喜。如果溫度可以熱返少少就完美啦。用黎煮菜的湯底同樣令我地好意外。因此冇用魚整居然都可以奶白色，令每樣蔬菜都好入味。清得黎又好實在，絕對適合怕食素的人士。北京填鴨先厲害，一致好評。一人一件剛剛好，有呢個構思既人都幾創新!又有得自己包下，點下醬，相當過癮。素填鴨好脆口，麵包皮都好香，成個配搭100分!
繼續閱讀
突如其來的即興，告知友人與男友很想吃南瓜焗飯同素食，於是諗起緣來素食喇大約7:00左右，都未見多人等了5-10分鐘左右就好快安排入座一坐低緊係點 我最想食既芝士南瓜焗飯（個名係咁上下啦🙊我忘了）南瓜肉好甜 好林 我好鍾意總係令我每個月都突然想要食（因為太「漏」喇，朋友們唔太好南瓜同素食，我1個人又食唔晒，所以最多只能每月食1次）😭😭😭仲叫左炸大腸、芋頭魚、$1拼盆、片皮鴨等等炸大腸有菠蘿伴碟 可能炸得唔太脆 味道唔太真實 所以炸大腸還有進步空間🙆芋頭魚外皮很脆 黎到時熱辣辣 口感唔差 不過呢碟野係差唔多最後先黎到 所以我地3個人食唔晒（唔建議同時間叫南瓜焗飯&芋頭魚，人少一定食唔晒）$1拼盆 我覺得$1既野又唔可以要求太多 佢只係唔係太夠汁囉🙈不得不提 呢個北京片皮鴨好脆 好正可能全靠脆同個包仲有青瓜&醬汁所以好神似 總之一句講晒 我好鍾意啦😋晚飯時間 樓面姐姐話今日有糖水 要唔要 話係送既為食既我緊係問問 係咩糖水先啦 一聽到係南瓜就幾飽都要試 朋友們唔食南瓜 得我一個話要 個南瓜西米露真係正 又唔算太甜 又有南瓜香 食完好想再食 但免費既野唔敢再問人拎😂😂 朋友a & b又話唔要人送 如果唔係 我一個人可以食3碗西米露喇總結 ， 點解南瓜焗飯可以令我食完仲想再食架😂😂😂
繼續閱讀
今次本意想食素食純健康些, 特意近近地找元朗素食餐廳"有營食肆"第一次品嚐。可惜事與願違, 總數共HKD405二人晚飯(沒有叫套餐), 令人失望。餐廳環境雖細也仍可以, 由落ORDER開始計, 上菜服務是異常地快速, 桌上一碟仍未食完(大漠羊肉串), 就有另一碟上桌(金瓜盅伴法式多士), 接著就有第二碟上陣(松子金勾七色菜炒三絲), 再來就二盅湯水(極品芝士蟹皇翅) , 最後麻堆第三碟(鮮露筍炒蛋白翅); 就算快速食完大漠羊肉串, 二人桌那麼細仍可以堆晒三碟餸加二盅湯同一時間在細桌上爭位置放, 可想有幾迫了。(1) 大漠羊肉串 HKD38(2) 金瓜盅伴法式多士 HKD98(3) 松子金勾七色菜炒三絲 HKD68(4) 極品芝士蟹皇翅 HKD32x2=HKD64(5) 鮮露筍炒蛋白翅 HKD88 茶位二人 HKD12 加一服務費 HKD37 總數 HKD405心想服務快速也不緊要, 食物質素OK也好啦! 怎知中毒, 同想像太有出入了, 落得太重調味料啦, 何來得"有營食肆"美譽呢, 不太明白? 所以對我們來說今餐總數$405元二人晚飯(散叫), 只幫親一次已經足夠了。(1) 大漠羊肉串 HKD38 --- 咬落去無煙奀感覺(2) 金瓜盅伴法式多士 HKD98 --- 賣相睇落去不錯, 法式多士也脆, 可惜金瓜盅裡無咖哩味, 太多西芹; 基本上把汁塗上五至六塊法式多士食完後, 也已經唔想再試金瓜盅裡汁了。(3) 松子金勾七色菜炒三絲 HKD68 --- 此碟胡椒粉太多, 但也是唯一一碟可以接受及食晒落肚, 好像連招牌菜也不及它。(4) 極品芝士蟹皇翅 HKD32x2=HKD64 --- 感情一般, 預左它蟹皇翅得幾條。 (5) 鮮露筍炒蛋白翅 HKD88 --- 此招牌菜是最差, 基本上我地食左二口也已經停手, 實在太油及太咸食唔落肚, 結賬時也要向waiter講一講此碟實在太咸了, 都不知廚師落多了"鹽"或是什麼, 仲要整碟"油"海咁。
繼續閱讀
元朗咩都有得食，如果我係度住真係唔知點減肥，今日中午覺得都係食清d，於是搵到呢間試下，環境幾清幽乾淨，中午有唔少套餐。我唔想食碟頭飯就叫佐個豆腐枝竹班腩煲，52元有湯有前菜有飯有茶要加一。大廚手勢幾好，個煲足料之餘還有好多配菜例如雜菌紅蘿蔔椒絲等，送飯一流。雖然班腩是大豆纖維做的但好神似而且口感幾正。睇菜牌還有好多特色菜下次再來試過。
繼續閱讀
前幾天和家人一早訂了元郎緣來素食7:00鐘..我地準時到達.但一去到問有位未.但有位女店員說;未有位.頭先打過比你地但冇人聽取消了.我當堂非常之嬲!因為根本冇收過call..之後叫我地等.一等就15分鐘.之後入到坐又叫那位女店員問有冇點心食.因為朋友話屯門分店有.好好味.所以問下.但佢態度好差答;這裏有沒點心.要食可以去屯門食...聽到之後就沒有再理會他同.感到難受.但今時今日甘既態度.服務..唉.之後睇左一陣餸.就有另一個後生仔主動行黎話見我地等得耐送左碟齊(正)..又介紹餸(棷皇湯.南瓜飯.金錢扒.炸朱排).因為見尼個男仔態度幾好.所以就照佢意思落單...落單後都好快上餸.但真係諗5到我眼前食物係齋..個南瓜飯又勁令.朱排同真既一模一樣.上好餸就大開殺介.先試椰皇湯..我其實本諗住尼個湯麻麻吾叫.但見佢介紹得幾好.聽落又多料所以先叫..一飲.兩個字清甜.正.有蟲草花.候頭茹.龍眼肉...椰皇又大隻新鲜.點解話會新鮮尼因為我記得以前食椰皇焞蛋.D椰皇一焞耐就會沈色變黑之後招牌南瓜飯就吾洗點介紹.一個字正.但好飽好多..到炸朱排真係好似真既一樣...但真係好熱氣金錢扒.尼個餸幾得意.用新鮮候頭菇.口感幾正.但味道比較入味.可惜當日電話冇電.影5到相.~.~今次晚餐都好滿足.只係部份按排同態度非常不好!
繼續閱讀