巳經唔係第一次嚟....但係响澳門食buffet實在抵過响香港....次次都黎!!!

呢度大到行一圈都有排行,野食選擇多到不得了,次次都試唔晒
Refill 得好密,唔需要一開始入座都好多野食!!!例牌頭round:
即開生蠔-好新鮮又有兩種口味,適合不同人嘅口味
大蜆-算大隻,但不是太鮮
凍蝦-好大隻,爽口好甜

仲有即切魚生,普普通通,有三文魚,吞拿魚,八爪魚等大路野, 但都夠凍夠新鮮特色面包好多種,好香但驚太快食飽晒而唔敢食太多==>呢個麻麻怪怪地燒乳鴿-每次必食.....又熱又脆又juicy
意粉-雖然不即炒,但也不錯,勝在大路口味....不古靈精怪扮有特色
一小碟焗田螺- 薯蓉焗得好香...細細碟又唔會太飽肚
印度烤餅-都係每次必食,印度chef用傳統烤爐即烘,又熱又脆....配咖哩一流燉湯-好足料,原隻冬菇+鮑魚次次都好滿足咁離開,不過有d野食次次都見,希望下次會有新菜式新驚喜

本來去澳門旅行冇PLAN到食自助餐，但壽星女想食，唯有去睇下有冇位。
去到佢地話FULL BOOKING，不過可以試下WALK-IN。
我地大約5:00就去到拎位，個陣已經有幾班人等緊，好彩早小小黎。
佢分兩個時段，早小小由5:30-8:00PM;下場就8:30開始。
因為想夜晚去其他地方玩，所以早小小食。
等左大約半個鐘終於有位，都算合理。
我地首先就排隊拎蠔，但比我想像中細。味道都幾淡，個人覺得麻麻。不過其他海鮮:蝦、長腳蟹都吾錯。三文魚好新鮮，肥美，不停encore!
而我最鍾意飲佛跳牆，好足料，仲有小飽魚，連飲左兩碗，仲想繼續飲，但要留肚。
我個人去到邊都要食飽，所以無視朋友既眼光，試哂所有飽，但好似仲吾夠，哈。
成餐飯D侍應都好有效率，成日幫我地收碟。
但甜品款色少左D。

13:10pm walk in 到前台好彩重有大枱
每個人2百元唔使算OK 啦
(埋單後才知可用銀河優越卡有 10%Discount!)
(張卡在賭場前台免費申請即時收卡)
下次記得用

1.冬陰功湯好味,
材料足, 虾,青口....海鮮, 重不停添加補充
2.南乳燒雞
片脆, 肉香滑
3.甜品精緻好味
綠茶雪糕茶香正
4.加 $18 任飲汽水

生蠔,魚生要等夜晚喇!

枱與枱間距大, 不會椅背互碰,
唔怕隔離枱嘈到自己,

有2間房, 每間mim. charge 3,000

食得舒適

二月上旬‧晴

給酒店邀請了來住了三天，試了幾間這裡的食肆，包括這間自助餐。

其他食物不詳談，只談最好的。

生蠔即開，還要任吃。雖然每次只可吃三只，但法國及澳洲蠔任選，算是這樣。

在燒烤那邊有烤全羊。羊腿肉的部份也烤得嫩，好吃。

有印度烤爐，當然要吃塊烤餅或脆餅，又新鮮又香。

還有拉麵是即叫即拉的，雖然要等一等，麵爽滑而有韌性，很不錯。

另外甜品小杯也精緻，但....真的吃不得太多。

三百幾一人的晚餐，不貴，值得一試。

這是第二次來澳門吃自助餐，第一次是在旅遊塔的旋轉餐廳吃，很麻麻，因此對在澳門吃自助餐的質素有所保留；這次再試，是因為在大年初一兼為兒子慶祝生日，想吃得舒服一點，故此膽粗粗來碰碰運氣，結果又有驚喜喎
可能是一早預訂的關係，被安排的座位很舒適，三個人被安排坐在梳化卡位，離食物枱很近，對於喜歡吃一樣取一樣的我來說很方便
食物選擇頗多，冷盤有生蠔, 帶子, 蝦, 翡翠螺等，雖然不是頂級原材料，但看得出食物處理得很乾淨，絕對可以放心食
另有檔位煮白酒煮花甲，啲花甲好大隻，每份煮起為三隻，我拿了三次咁多
燒烤檔有牛扒, 羊扒等，個師傅好有禮貌，亦好主動推介，就算只覺一般亦拿了兩次
另有約十款左右熱盤供選擇，不過不失，已沒有印象，只記得refill 得很密，絕無欺場！
比較覺得窩心的是兒童專區，雖然食物種類不多，但位處賭場酒店的自助餐，仍能細心的有兒童專區，又有啲驚喜喎
個人最欣賞其甜品區，雪糕有十多款，亦有即制窩夫，梳夫厘供應源源不絕，如果無人排隊，更會有侍應於場中向客人詢問是否有興趣，免得放涼了不好吃，那一份主動體貼，令人加分
總括而言，這餐buffet吃得很爽，有機會的話，必會再試

我覺得香港的buffet好貴，三四星都要四五百元，如要食d質素好d的buffet，最少六七百元，真係好貴，食唔起呀！但我覺得澳門的buffte就好唔同，只要二三百元，就可以在些五星級酒店食。今次我過澳門就試左銀河酒店Festiva群芳。Festiva的大小都ok，食物的種類好豐富，有齊中西日印法的食物。刺身的種類都多，有三文魚、吞拿魚等，仲有生豪、貴妃蚌等，味這都ok，好新鮮。主菜有羊扒、即煮的白酒煮花螺、炒粉麵……我最愛羊扒，我覺得佢d'蘇'味唔太重，非常好味。最後，我食左約10種唔同種類、味道的甜品。真係超正。我覺得佢地的服務非常好，我叫左5個梳呼喱，佢地親自俾我，不用我自己裸。

值得介紹:咖啡味梳呼厘

有咩好得過訓醒就有得食呀! 今次入住GALAXY酒店, 樓下就係呢間FESTIVA, 早餐真係非常令人驚喜, 有齊中西日韓印法意的早餐BUFFET, 真係第一次食!每樣都試少少已經超飽! 面包都有廿種, 真係食包都食飽!第一ROUND出去, 都唔知食咩好, 樣樣一D再同老公SHARED 包好好味, 又係揀左最有興趣的同老公一人一半好食既再ENCORE, 再另外夾D返來, 真係樣樣野食都係水準之上, 好在係酒店PACKAGE包埋, 如果唔係成200一位, 又未必會去食GA LA中式既都唔差, 老公好中意腸粉, 呢度整得相當唔錯, 最後一杯咖啡, 唔係話咩好正既咖啡, 不過都唔會又酸又苦

總體來說真係值得一試! 而且見到晚餐都好多人去, 下次一定會再來的~~

諗住有我最愛既生蠔，但去到原來每轉只可以攞三隻，仲要大排長龍，野食都算多款！但我唔鐘意食自助餐要限住晒囉，就連攞魚生都每人限住，又每人每款比得三件左右，以咁既價錢唔使山長水遠去到咁遠，下次應該都唔會再去

今次係我第一次寫食評, 難得小朋友放暑假, 所以一家大細過嚟酒店住兩晚,

平時睇人嘅食評多, 今次真係覺得嘅新洒店嘅食物唔錯, 所以都想喺度分亨吓!

今次同兩個小朋友嚟, 所以book埋 Dinner Buffet, 呢間係銀河度假村入面" 群芳 ",

之前睇過食評唔太多人去過, 但食評都OK嘅, 欣以都決定去試一試!

出發前10天左右致電訂位, 點知話成個7月份都Full晒, 要做Waiting list,

好釆, 出發前都可以訂到位。當晚有D人想Walk-in都無位, 所以有心去試嘅朋友,

最好出發前book定位。

其實, 如果講款式就唔太多, 但我個人覺得, 食物都唔錯,

可以有下次。我最欣賞係佢個海鮮吧, 有即開生蠔、龍蝦仔、青口、

蝦、貴妃蚌同螺, 生蠔每人每次限攞3隻, 但有好新鮮嘅海水味,

貴妃蚌同螺都鮮甜, 而青口就一般啦。仲有係剌身吧, 有原條即開三文魚放咗喺度, 如果鍾意食壽司嘅朋友可能會失望啦, 因為多數係卷物, 而三文魚壽司只係出過一盤就無再出。

另外仲有即燒羊架, 牛扒, 串燒, 印度簿餅, 我試咗羊架同串燒都好食,

但老公之後去攞嗰件羊架就好"稣"。其次仲有一個蛋榚櫃放咗十幾款,唔同味道, 細細件好靚嘅甜品! 亦有小朋友最鍾意嘅朱古力噴泉,

我兩個小朋友好鍾意其中一款餅加朱古力噴泉, 佢哋話好好味,

每人食咗5-6粒。仲有一般buffet都有嘅粉麵飯熱食, 沙律吧, 水果吧,

同有個麵包吧。