54
27
20
港鐵尖沙咀/尖東站 B1 出口, 步行約6分鐘
繼續閱讀
營業時間
星期一至日
17:00 - 22:00
以上資料只供參考, 請與餐廳確認詳情
招牌菜
食家推介
呢間位於金巴利街既🇰🇷韓國小店，地道到令你好似置身韓國咁，令人即刻想飛翻轉泡菜國！🛫不過略厭座位比較窄💺，真係有置身簾航既感覺。好似小編咁既肥豬仔就坐得冇咁舒服！另一大敗北就係呢間小店冇酒牌😨🍶🍶🍶食韓式小食點可以唔配燒酒呢！(不過東主唔介意你去隔離間韓國雜貨店買黎舖頭飲❤️✌🏻)。但切忌不自量力，因為果味燒酒太易入口，令人不自覺地愈飲愈多🤪。—甜辣雞球🐔份量少d，唔好expect係Xxdam chicken個d炸雞咁大份，呢個只係小食，可以形容為「韓版巴辣雞粒」。 韓式豬腩肉🐖燒得幾脆身，不過乾左d，個醬幫佢🥓加左唔少分！魚片串🐟同炒年糕🍢都幾chewy and soft👌🏻 迷你飯團🍙好鬆散，一夾就散，可以改名叫...迷你炒飯。最後...Old saying, the main point is who you eat with, not the food itself.—#foodiehk #hkfoods #hkfoodshare #hkfoodblogger #hkfood #hkigfood #hkfoodieblogger #hongkongfoodie #hkfoodlover #topcitybiteshk #hkeats #食好西 #食評 #hkrestaurant
繼續閱讀
果然同店舖名一樣，真係主打售賣韓國地道小食。令我非常非常鍾意嘅係佢哋嘅炸醬麵，超級好味😍😍😍😍😍好鍾意佢哋個汁,同埋食到入邊有少少薯仔蓉。我都唔知係正唔正宗，只係我自己鍾意呢隻味！ 如果講到韓國街邊小食，又點少得魚片串🤙🏻🤙🏻襯埋佢哋用胡椒同香蔥整成嘅湯底🙆🏻♀️🙆🏻♀️🙆🏻♀️good 好似去咗韓國食路邊攤嘅感覺！另外好抵讚嘅係佢哋飲品價錢都好實惠，全部都係$10罐！
繼續閱讀
同朋友夜晚想食下韓國野 緊係要去尖沙咀 黎到韓國街間間都爆場 冇位要等 唯獨呢間小店有位 所以直接入去試下～.嗌咗幾樣野食 諗住每樣都試下咁😋🌟韓式年糕串 年糕係炸完再淋醬係面 外脆內軟 加上啲甜辣醬 幾惹味😋🌟炸醬麵 正常味道 係唔正宗既 但咁平都唔要求啲咩😂🌟魚糕串 有種係韓國街頭食小食既感覺～唔錯🌟烤五花肉飯 好惹味！有埋生菜～加埋泡菜包五花肉食好正 但嫌啲肉太薄唔夠喉🌟迷你飯團 有啲鬆散 唔夠實😖調味亦唔夠🌟韓式熱狗 好難食好奇怪 炸得好重油溢味 唔掂😖.總括而言 價錢係好平 但一分錢 一分貨當平平地止下口癮～唔好期望係正宗韓國野啦😂
繼續閱讀
今日去咗尖沙咀行街，咁啱行韓國街見有點餓就入左呢間韓國小食店。 因為見佢呢間嘢都開左幾耐下同埋佢嘅價錢合理，係韓國街入面我覺得呢間算較平， 所以今次就試下呢間韓國小食店。 佢嘅座位比較窄，因為舖面比較細。我同朋友一齊叫咗一條韓式炸熱狗($14)同埋韓式壽司($28)。首先佢嘅味道， 我認為不過不失，同一般係其他韓國小食店整嘅差唔多味道，冇話特別好食或姐難食。而份量方面，我就覺得有點兒少😂，同埋樣一般。炸熱狗係即叫即炸，幾好。
繼續閱讀
今晚一個人，路過尖沙咀韓國街，由於時間有點趕，於是選擇了來吃地道小吃。諗住快靚正。店內小食店格局，門外又張貼了雜誌介紹，心想反正未試過，試試吧！走進食店已看見開放式廚房，兩位呀豬媽正在料理中⋯⋯全店只有三位店員，看了餐牌，點餐後便自己找位置坐。店內右手邊椅靠著牆壁，放著五張窄窄的細枱，每張容納兩個人，全店坐滿可容納十多人吧！由於地方窄窄，而又坐滿了六成食客，故此筆者不好意思拍攝室內環境。餐牌一張，一眼看晒。由於今晚沒有飯癮，所以點了麵和一串小吃，試試水溫如何⋯⋯炸醬麵$38~餐牌寫了Best 字，相信是食店招牌產品，但筆者只有三個字形容為 “杰撻撻” ，麵是和䁔的，青瓜絲只得數條。幸好今天不是太肚餓。老實說，又不至於難食的階段，但真的唔多吸引，完全不想將麵撈在這個醬汁，最後輕微點了一些醬，當作齋的辛辣麵冇落味便算。如果多加一點青瓜絲，可能感覺會比較良好。韓式年糕串$15~店員快速端上檯面放下，便立即走進後巷，筆者客氣地說:小姐，我沒有點這個年糕。店舖細細，但她好像聽不到。後來㕑子望出來望著我，於是對她說:我沒有點年糕。㕑子問: 點了什麼?我答: 點了豬腩肉串。之後她沒有任何回應⋯⋯由於筆者已吃完那碗炸醬麵，無聊之際，望著這碟年糕串，望著它足足五分鐘有多，沒有任何店員拎走⋯⋯於是忍不住為它拍張照。好吃與否就不清楚了，但看著年糕串冷冷清清冇人理，相當可憐。過了五分鐘後年糕串終於撤退，於是筆者又再等，原以為小食店格局應該快靚正，原來都是需時。韓式豬腩肉$20~燒到”乾爭爭” 有點像柴皮豬肉乾，還要加一大堆OK汁味道的醬汁，味道怪怪，完全沒有豬腩肉肥美嫩滑的感覺，而且還𡁻了很久，難道韓國口味會喜歡如此有𡁻頭？筆者初時就是被牆上這張照片吸引了，原來相片和真身是可以很大落差的。
繼續閱讀