今天午餐到訪過功夫點心，下班後耳猶未夠，到佐敦尋找點心專門店，一來是滿足一下在下的為食，二來也可為在下的阿姨尋找好吃的點心，下一次可帶在下的阿姨到合適的點心店。

然而上一兩星期在下經過佐敦，看到這間廣州點心皇，可是當時想到其他食店，而緣慳一面，今天下班後特音前來品嚐一吓。來到門口，看到店舖顧客不多，尚有座位，於是推門而進，在下坐便在近門口的卡座。環顧四周，在下右手邊有粉紅色的架，架上擺設了富有中國特色的陶瓷，過了一點便是粉紅色牆上貼了食物的海報，再過一點，便是格仔鏡子。而粉紅色牆邊便是卡座，中間則是方形木製餐桌及餐椅，左手邊便是水吧。在下坐下後便點選較輕盈的兩款點心，牛肉球及叉腸粉，後來加單要多一杯凍菜蜜。在等候期間，來了六位顧客，坐在在下的右手邊，頓時熱鬧起來。

首先來的是叉燒腸。看到腸粉皮略為厚身一點，不過吃起來卻又很滑稔，而叉燒亦是中規中矩，沒有太多的肥叉燒，也不覺得叉燒硬。跟著便是牛肉球。今次吃到的牛肉球是有山竹的，跟傳統牛肉球差不多，可是少了青蒽。然而在百物騰貴的年代，還可以吃到這樣大的牛肉，實是難得。在倒下喼汁後，牛肉味依然存在，因為喼汁的量不多，所以可以吃到牛肉的味道，倘若加上適量青蒽及芫荽的話，在下相信會較好味及可以吃回以前的味道。午餐時分只是喝中國茶，而沒有喝西茶，因此在下午茶時間叫了一杯凍菜蜜，不再喝餐廳供應的中茶。而這杯凍菜蜜也是一般普通的飲品而言。在這裡用餐，可算是坐得舒適，坐位間也不算得太窄。因為在下只有一個人，正在看著電腦，因此服務員只需拿走吃完食物的碟子，因此服務是可以了。

今天晚上原本約了剪片V先生吃飯，原本想到TC2，結果星期五的晚上，早已座無虛席，侍應叫我們也不用指望等位了。結果V先生提議去吃點心，又說佐敦有間吃過不錯的，說帶我去見識見識。原來V先生口中所說皂就是「廣州點心皇」，一間我也經過數次，卻沒有光顧過的點心餐廳。時近九點，人客不多，侍應安排我們坐到闊落的卡座。既然V先生是老主顧，就由V先生發辦好了。V先生一口氣點了六款點心：

脆皮鮮蝦腸我說不吃炸物，V先生仍然堅持要點，加上亦是店方推介，想必是好吃得非點不可吧！一碟三條的腸粉，外皮白晢，內裡餡料應該是沾了粉漿炸脆的蝦。V先生極加推介我吃，我敵不肻，就試一块好了。

腸粉皮入口腍滑，餡料的蝦，外層酥脆，還帶點燙嘴，想必是新鮮炸起的，蝦吃來亦夠爽口，因此本身腍滑的腸粉吃起來也很有質感，果真不錯，可惜我不能多吃，餘下的就拜託V先生，相信他也很樂意的。

四寶滑雞扎原來V先生對於雞扎相當講究，述說這裡一如傳統，四寶包括了雞件，魚肚，豬肚及火腿，不似一些以豬皮代魚肚，芋頭充火腿般濫竽充數。四寶究竟是什麼，我實在無從考究，但雞件，火腿，魚肚應該是穩佔一席，豬肚 / 與冬菇也是比較常見，但豬肚感覺是較舊式的做法，畢竟功夫比冬菇要繁複很多。這款雞扎有豬肚，火腿，而魚肚吃過後亦是如假包換，確實相當不俗。

豉汁蒸排骨蒸排骨是一款我自己一定不會點的點心，但身邊朋友卻總喜歡點的。無他，我在家媽媽一星期總會有一兩天蒸一次排骨，因此蒸排骨對我來說不是太珍罕的事情，可能V嫂煮西餐較多吧！

賣相不俗，肥瘦比偷合理，沒有像一些酒家，肥肉佔了九成，放眼一望，整碟也是白濛濛一片的。吃了一块，肉質新鮮，頗有嚼勁，亦沒有沾厚粉的弊病。估計V先生鮮有機會吃到，我就淺嚐一下好了。

鵪鶉蛋燒賣鵪鶉蛋燒賣曾有段時間銷聲匿跡，不過質期懷舊之風剩行，鵪鶉蛋燒賣又再在一些點心店上出現了。鵪鶉蛋對於年輕的V先生來說還好，對於我這種老人家來說，營養就實在太豐富了一點。不過既然V先生點了，就只好捨命陪君子。

賣相還算公整不俗，吃起來，春蛋僅熟，蛋黃入口即化，的時間掌握得不錯，豬肉燒賣頗香，肥肉是小不免了，吃起來還帶點爽勁，味道還不錯。

龍蝦湯鮮竹卷這款龍蝦鮮竹卷又是V先生推介的，聽名字很有Gimmick，賣相與一般的鮮竹卷有點不同，鮮竹卷浸在黃色而濃稠的湯汁內。湯汁的顏色就不太龍蝦了，吃起來也的確如此，沒怎麼吃到龍蝦的味道，鮮竹卷也沒太大特別，反而因為湯汁較稠的關係，鮮竹卷反而沒傳統的做法般吸飽了汁，因此食味就比較一般了。貴為店方推介的點心，大有改進的空間，最少龍蝦湯真要做得名副其實一點！

潮州蒸粉粿一籠三個的潮州蒸粉棵，賣相對辦，吃起來，皮不算太厚，很奇怪，我吃潮州粉粿總期望，粿皮厚身一點，那種軟糯感是我最愛（當然這只是我個人奇怪的期望）餡料多是爽口的葛粒，花生，肉粒等，但越吃越辣，越吃越嗆喉，想必胡椒粉下的太多，其實很怕狠下胡椒粉的食肆，因為此作法多是作為食材不新鮮的遮羞布，不管如何，縱然粉棵要下胡椒粉調未，但過量就適得其反了。就連很能吃辣的V先生也覺嗆喉呢！

流沙奶黃包既然叫作流沙奶黃包，吃時也小心翼翼，咬了一口，餡料相當「流沙」又燙嘴，奶黃餡料顏色呈螢光黃色，看起來其實不太吸引，不過吃起來，味道既香且滑，還是很不錯的，建議可加點鹹蛋黃，相信不論色澤上或食味上均會更佳。

蟹皇蒸燒賣賣相就不算太公整，歪歪斜斜的樣子。頂上的蟹籽有點熟了。燒賣吃起來還算不錯，以豬肉為主，吃起來帶有鮮味。

山竹牛肉球牛肉球一碟三粒，Size在這個縮水的年代，算是反潮流的大，先吃一個，牛肉味道是有的，肉質也頗有嚼勁，不過越吃香茜味就越重，大有蓋了牛肉味之勢，整體其實還不錯的，但如果莞茜份量可以酌量減輕一點，牛肉味道反而會更突出。

廣州點心皇裝潢上看得出花過點心思，但可能是保養又或是設計用色的問題，始終給人一種流於茶餐廳的感覺，不過老實說，整體環境比茶餐廳要舒適得多。人客不算太多，侍應人手也足夠的，加上每枱客人均有一壺熱水供自斟自飲，因此服務上不會有什麼問題。食物方面，整體平穩，偶有如雞扎的帶點驚喜，亦有粉棵般的質素參差的，以結帳每人八十多個大洋，吃飽後還可以坐一下，談談天，算做不過不失吧！

V先生邊吃邊談茶經，又大吐苦水嫂子不愛飲茶吃點心，老實說十個有九個女孩子也不喜歡吃點心的。無他，因為點心多油肥膩，是女孩子Keep Fit瘦身的天敵，試問還有多少女孩子肯吃？既然V先生對點心如此情有獨鍾，下次吃飯就等在下帶路，嚐試別的店子好了。

Berlin

點心店開得成行成市，單計旺角區，出名不出名的`抵食不抵食的，諗口簧似也諗得出數家。佐敦潮州打冷，煲仔飯，印度咖喱食肆多而著出名眾所週知，點心專門店卻偏偏少見，今天團購半價優惠便吸引少吃點心的我到來一嚐點心專門店的出品。甫入餐廳，視線即被它鮮艷的粉紅色裝潢吸引過去，四方木制餐桌椅夾雜著茶記式的卡座，格調亦中亦西的，正好配合又賣中式點心又賣泰式料理的玉龍，最近還加賣燉湯呢! 星期日下午三時有多，坐客量一半，不用等位，此店位置不屬中心地帶，相信平時也不會太多人。不單裝潢陣設中西合璧，連茶具碗筷都超時空交錯，店方捨棄舊式茶壺，改用保溫暖壼並盛著滾開水，每位一個茶包。茶式是不可選擇的，相信都是清一色潽洱，茶色濃但味淡，不是難飲，但絕不好飲!! 如先前食友所說，點心即使更令更出色，茶的水準卻出奇地低，所謂°飲茶飲茶°，如何留住嘆茶一族!?南瓜雞肉砵仔飯（$20）
南瓜本身很甜，雞肉很嫩身不鞋口，但合起來吃就是覺得不太合襯。砵仔飯粒粒分明，偏硬身有嚼頭，質感合我心意，加上甜豉油，便可吃上一大碗。

菜苗餃子（$24） 3隻
一籠三大隻，隻隻足料夠秤。 餃皮呈少許剔透，皮不算厚，略厭濕氣過盛，或久放蒸籠保溫，以致餃皮變得稍身及黏筷子。 餃內有蝦仁兩粒，碎菜苖，蝦仁爽口，連菜曲吃不算很油膩，算是不錯。雞球大包 （$18）
大包足一個蒸籠之大，相信女孩子吃了，都吃不下其他點心了，一絲絲白煙正反映新鮮出籠熱辣辣 。大包內包著肥廋豬肉，少量菜絲及雞肉，另還有臘腸一小片，最令大驚喜的是吃到最尾發現有一小顆春蛋。眼見鵪鶉蛋的男友便雀躍地搶著吃起來了，所以我無緣一嚐它的高膽固醇 。 包質非常鬆軟，濕度恰到好處，沒有糊口或是乾旱的感覺。餡料上的吸了豬及雞肉的肉汁，包身帶微微肉香。驚喜的事來了，剛巧吃到餡底下的一小口包，包剛好吸了臘腸的脂汁精華，臘味香在口內一湧而出，澎湃非常，正。

龍蝦湯鮮竹卷 （$24）
鮮竹卷的腐皮硬度偏軟，但又不是糊口一patpat，口感合心意。腐竹香不足，反之龍蝦湯底濃郁，有點妹仔大過主人婆之感。鮮竹卷包卷著蝦木耳絲蘿蔔絲，再加上吸了龍蝦湯汁鮮腐竹，一口咬下去，先是香濃湯汁滿溢，然後是爽口的餡料絲，相當美味。是四款點心最推介的一款，其次是雞球大包。

店方以茶記方式作業，數個待應一條龍服務，另桌上一大個暖水壺坐陣並支撐整餐茶，省卻等侯加茶加水的時間及人力，在不用加一的情況下，本人絕對接受得了。今次點菜時分開了兩張點心紙，所以吃完兩籠再上兩籠，每樣都可襯熱品嘗，而且避開了小桌不能同時放下四籠點心的問題，未知一次過點齊點心，會否能做到過窩心的安排呢？

各人以半價買了$30現金coupon,，結賬再補了$30, 包括每位$2茶芥，優惠下屬抵食，但食物質素只屬一般，難以令我再次專程造訪。

喜愛到這裡吃「羊城老點」，一來地點就腳，交通方便；二來是這裡開至零晨3am，點心即叫即蒸，勝在半夜都有新鮮點心吃。「雞球大包」是少見的懷舊滋味，肉餡擠得滿滿，頗夠風味。「咸水角」的皮雖然略厚，但外層炸的夠脆，內裡軟糯，加上蝦米，豬肉及日本 wasabi，夠惹味。其餘一般的燒賣，蝦餃等都手功扎實，味道不俗，值得一試。

廣州點心皇係一間點心專門店，位於佐敦廟街，開左一年多，OpenRice 評分高達 3.7，呢度o既點心由擁有超過 20 年經驗o既師傅精心製作早前o係網站用每張$24 o既價錢買左兩張 coupon，每張 coupon 可以換到三款自選招牌點心連兩位茶錢(原價$58)，客人可於o係以下每組選擇 1 款點心：

第1 組 –
潮州蒸粉粿 (原價 $12)
鮮竹牛肉球 (原價 $12)
芋絲炸春卷 (原價 $14)
焗叉燒餐包 (原價 $14)
冰凍紅豆糕 (原價 $14)

第 2 組 –
淡水鮮蝦餃皇 (原價 $22)
脆皮鮮蝦腸 (原價 $20)
韭黃鮮蝦腸 (原價 $20)
鮑魚滑雞粥 (原價 $22)
豐料糯米雞 (原價 $20)

第 3 組 –
鮮蝦菜苗粿 (原價 $18)
雞球大包 (原價 $16)
蟹皇蒸燒賣 (原價 $18)
灼北京菜心 (原價 $16)
南瓜滑雞飯 (原價 $18)

呢個優惠適用於每日 2:30pm - 3am，無論係下午茶、晚飯抑或係宵夜都用得

今次 coupon 有效期長達五個月，我地o係 coupon 到期前兩星期先享用團購優惠呢間點心專門店位於近尖沙咀方向o既一段廟街，我地當晚行錯方向，花左十分鐘先揾到廣州點心皇，見到門口有幾個坐位俾人坐o係度等位，不過當時大約 7:30pm 只有幾枱客人，以平日晚市黎講人流算少

廣州點心皇地方都算闊落，大家坐得較為鬆動，仲有幾張卡位可以選擇，店內天花有特色ｏ既燈飾，近門口放左一個中式大櫃，幾有中國古典味道 我地向店員表示使用團購優惠，之後收到一張團購自選套餐o既點心紙，發覺當晚有幾款點心與團購優惠內容唔同，可能賣清用其他款式代替，例如韭黃鮮蝦腸轉左蜜汁叉燒腸，鮑魚滑雞粥轉左做豬肚滑雞粥，鮮蝦菜苗粿轉左做鮮蝦炸雲吞，蟹皇蒸燒賣轉左做腐乳灼通菜，仲有灼北京菜心轉左做白灼唐生菜最後我地兩個人選左鮮竹牛肉球﹑脆皮鮮蝦腸﹑雞球大包﹑芋絲炸春卷、豐料糯米雞同埋南瓜滑雞飯(砵)呢間點心專門店只提供普洱茶，冇其他款式選擇，不過我地一向歡喜普洱茶，冇得飲水仙或者鐵觀音冇乜所謂

由於點心即叫即蒸，所以落單後大約十分鐘陸續送黎

南瓜滑雞飯(砵)係以小砵裝住o既蒸飯，份量較小，飯質軟硬適中，有o的似食煲仔飯咁，配上南瓜同埋滑雞，南瓜都算淋，o的雞醃得唔錯入味，豉油比較甜，適合用黎撈飯，不過個蒸砵細左o的，食起上黎要夾晒o的餸先至可以食到o的飯鮮竹牛肉球一籠有三粒，牛肉球夠大粒，肉質嫩滑又鬆軟脆皮鮮蝦腸應該係全店最具特色o既點心，用炸米網紙包住鮮蝦粒後再用腸粉皮包裹，網紙夠脆，o的蝦夠爽，不過唔夠鮮味，同埋粉皮有o的過濕，出現左黏住筷子情況雞球大包好有份量，除左有1/4隻雞蛋o係入面，仲有蝦肉,雞肉同埋叉燒，個包都幾軟熟，o的肉冇因為蒸過而變得嚡口，幾嫩滑芋絲炸春卷o既外表係一條普通o既春卷，但係食入口就有香濃o既芋頭味，除左有一粒粒o既芋頭，仲加左o的冬菇同埋肉碎，春卷外皮脆身，十分可口豐料糯米雞有雞肉、一舊叉燒、半隻咸蛋黃，雞肉好入味，冬菇夠大隻，糯米夠淋身，又有汁，好好味 呢間點心專門店應該ｏ係旅遊書賣廣告，如果唔係都唔會見到一個西方人家庭黎廟街食點心，佢地飲汽水食中式點心，別有一番風味，仲用手拎住舊春卷放入口添

今次呢個優惠好抵食，$24就可以食到三款正宗廣東點心，而且一張 coupon 仲包兩個人茶錢，若果大家唔肚餓可以兩個人用一張 coupon，選三款點心兩個人分享添，若果日後再有團購優惠應該會再幫襯，試下其他野食

其實呢間點心專門店除左供應點心外，仲有得選擇泰式粉麵，若果一班人黎幫襯，可以部份人食點心，另一o的人叫泰式粉麵，唔駛因為遷就對方口味而唔開心，可算係雙贏局面呢間點心專門店當晚樓面有三位員工，不過當時客人又唔多，唔知點解佢地提供大排檔式o既服務，雖然店員樂意為客人加茶，不過有位員工比較粗魯，做親野都好大動作，例如o係客人身旁好似沖奶茶咁樣方式替客人加水，送黎o既點心未放落張檯就鬆手，攪到好多聲響，有o的豉油濺到檯上

商戶推出團購係想吸引多o的人幫襯，不過若果廚房同埋樓面應付唔到額外人流，只會帶來反效果，另外，雖然我地係$24 買一張 coupon，不過店員入單時呢個餐只係$16.8，由此可見30% (價值$7.2) 要俾團購網站抽佣，當晚兩位員工知道又係團購客人幫襯後感到無奈，究竟團購 coupon 有冇超賣，團購公司會唔會食水太深，抑或員工想清閒o的，值得大家探討

食店林立的佐敦區, 要搵食當然沒有難度, 但要搵好野食都唔易, 因為此區有1/3 以上是茶餐
廳為首, 其餘則各式各樣菜式都有, 今晚無為事前作準備, 亂打亂撞看看有否食運了。
不知是否從添好運開始, 主打賣點心的小店越開越有, 今晚試呢間原全未有所聞, 就看看水準
如何吧。

茗茶 $4南瓜滑雞飯, 砵仔鳳抓排骨飯: 以小砵載著蒸飯, 份量略小而飯質軟硬適中, 分別配上鳳抓
排骨和南瓜滑雞, 前者進入味, 後者南瓜腍糯, 但雞味略遜, 對飯痴而言是必須之選。

牛肉球: 只嫌牛肉球略為鬆散, 但整體也可以。薑蔥牛柏葉 : 牛柏葉爽口, 加入薑蔥椒絲等令味道得以提升, 但油下好狠, 慘成油浸牛柏
葉。 鮮蝦菜苗餃: 蝦隻爽口沒帶腥味, 如果菠菜加多一點更味美 。

腐皮鮮蝦卷 : 見到幾油膩, 所以唔敢食。
脆炸雞中亦: 實在唔明點解無啦啦會賣炸雞亦, 但朋友喜歡也叫來一容吧。
炸得非常香脆可口, 相信是即炸出來的, 蒜粒怖滿原隻雞亦而且帶點焦鹽香, 雖然好味但感覺好熱氣啊。蓮蓉壽飽 : 外皮比臉皮厚還厚, 有圖為証, 蓮蓉唔香又唔滑, 把鬼。

總結: 點心款式多, 味道唔太凸出, 當過下點心引都無坊

我是日休假，我同外甥女加埋媽咪三人行去完香港科學館玩，係媽咪帶外甥女番屋企前，我地一於去tea 一 tea先，科學館係正尖東，過去佐敦飲茶都好近，我地一於行陣消化下D午餐，4點半左右再食下午茶。

我地一坐低，侍應只問我地食燒賣定蝦餃? 我上次食左燒賣，再者我好鍾意食蝦餃，今次當然係蝦餃啦!

既然我鍾意食蝦餃，我就食左2隻。蝦都算鮮味，肥豬肉唔算多，皮薄，好在唔會一夾就好易散，讚!春卷同炸雲吞各2件，外甥女話熱氣唔食得，我同媽咪每人各一件，春卷同炸雲吞一D都唔熱，但依然香脆可口，味道OK，表面好油，食落都有少少油，心裡有D不安，最好用吸油紙吸左D油先上碟比較好。叉燒腸粉好滑，叉燒份量尚可接受，外甥女終於可以有得開餐，佢好鍾意食腸粉。上次我食左南瓜蒸滑雞飯，今次可以食鳯爪蒸排骨飯，我最欣賞就係用缽蒸，D飯蒸得夠乾，好似食煲仔飯咁。排骨算係瘦果種，鳯爪同排骨份量尚可接受，唯個蒸缽細左D，食起上黎要夾晒D餸先至可以食到D飯。D鳯爪同排骨蒸得好入味，味道滲入D飯度更加好食，難怪外甥女肯食肯一半份量。我每次見到圓型馬拉糕都覺得好特別，味道同平時酒樓的馬拉糕不遑多讓，馬拉糕蒸得好鬆軟，唔算太甜，不過外甥女就唔多喜歡，話唔食甜野喎! 甜品就有凍紅豆糕同桂花糕各2件，外甥女又話唔食凍野，我同媽咪又食晒。紅豆糕椰汁味濃，駛到糕好滑，紅豆份量算少。桂花糕就比較淡味，桂花唔夠香，好似就咁食杞子黃糖糕咁。

團購優惠，4人餐試勻10款野食都係$145，鍾意食點心的我原來一直都未試過呢間，大好機會，當然約埋朋友黎試！

但係成晚食完，真係乜咩深刻印象，大致上算OK，但實在冇咩特色...以份量計係幾豐富的，3男1女食晚餐都食到好飽下～炸雲吞，夠熱夠脆，但係餡少之餘，亦冇咩味～(點左汁都只係得D汁味...)炸春卷又係炸，裡面都係蘿蔔椰菜為主...唔難食，但係稱得上好味嗎？no囉～古法馬拉糕係最唔掂的！勁甜，又唔鬆軟，我完全唔明點解要整到咁甜？
鳳爪排骨飯得一隻鳳爪，4個人都唔知點分...排骨肥瘦算適中，但又係冇乜味，冇豆豉香...南瓜滑雞飯D南瓜唔夠甜，用料唔夠靚，所以個飯都冇乜香口美味的感覺...蟹皇蒸燒賣算係唔錯，雖然蟹籽唔脆，但我覺得味道都OK～蝦餃皇亦都OK，當然個蝦餃皮係唔夠薄，但D蝦夠大隻，又都幾爽，收貨～朋友覺得馬豆糕同桂花糕好難食，我覺得還好，但的確係冇咩味...我一向食慣清淡野，但佢好多點心都真係冇乜味，我相信唔係因為調味料不足，而係用料唔夠好！

總評︰唔怪之得星期六呢D日子，由七點坐到八點都冇乜客，有都係好似我地咁幫襯團購而已。大部份點心都唔難食，但亦唔見得好食，毫無特色，而佐敦區又有咁多平靚正美食，點解我要畀正價幫襯你？真係諗唔到理由！結論係︰試過一次，睇怕都唔會再幫襯囉！

座座商業大厦均將自己的地址歸為彌敦道，但可能只有一小部份牆壁面向彌敦道，令訪客每每碰壁。 今次來到門口面向廟街的食肆，又是 “未見杯先行三十” ， 甭說心情了。

這裡原來並非傳統酒樓而是如添好運的格局，工作人員只有五、六位，分工不明顯，屬“為威喂” 模式，營業至凌晨三時。

$75 的團購二人餐有八款點心，非常優惠。 蝦餃皮薄，每顆有兩隻蝦仁，肉爽但餃皮比較黏； 义燒腸的义燒較少，腸粉皮很厚，和第一腸粉是兩樣，配上甜豉油又不太差； 炸雲吞和春卷的炸皮均很香脆，不覺膩口，醬汁配合得好吧； 鳳瓜香排骨滑但我這大餸的要甜豉油來送飯； 馬拉糕未算太香太鬆軟； 桂花糕和紅豆糕比較清淡，夠凍，有涼透心的感覺，可惜桂花渣很多但桂花味很少。

以超平的價錢吃到連鎖酒樓質素的點心, 夫復何求？ 但我就是貪得之徒，我希望能在你這裡一邊品茗一邊喫點心，沒有似樣的茶怎襯得起你們的點心？

我上次黎幫親呢間點心專門店應該差唔多係一年前，專門店o岩o岩開張辦團購，所以買左好幾張黎試，每次食完都好滿意，所以今年再辦團購，我都即刻買番幾張，當然價錢冇上年咁平唷~

朋友未試過夜晚食點心做晚餐，所以今次算係朋友的突破同改變。朋友問我團購餐包括有乜野食? 我真係完全唔記得左，買完就算~
我我地一坐低，侍應只問我地食燒賣定蝦餃? 排骨飯定滑雞飯? 揀完呢兩款，其他的都係標准左o既點心。由於朋友唔舒服，所以我要食晒碟炸春卷同炸雲吞，每人各1件。兩樣炸物雖然唔算係o岩o岩炸好，但好脆，好香口。我食晒2件春卷，朋友問春卷餡料係乜? 我都唔肯定係唔係蘿白茸? 但咬落去唔多似係食肥豬肉之類，結果我投降。我食晒D炸野，所以朋友就負責食晒成碟叉燒腸，叉燒算瘦，蒸得o岩o岩好，朋友話都OK好食。今次我冇點我至愛點心 - 蝦餃，而要左燒賣。燒賣面放D蝦籽略嫌少左D，賣相一般，唔多起眼，豬肉唔算肥，恰到好處。馬拉糕賣相幾靚，成個球形咁，比起平時酒樓果d不規則形狀，顏色亦有點兒淡左少少，好似都唔多習慣，冇傳統馬拉糕的感覺。馬拉糕蒸得好鬆軟，夠晒熱，甜度o岩o岩好。滑雞飯我完全冇食過，由於我已經食左半個馬拉糕。朋友問起平時好少見到蒸飯係用缽黎蒸，其他我覺得好似煲仔飯，用瓦煲會入味D。D飯除左有滑雞外，仲有南瓜，份量雖然睇落好似好細缽咁，但食埋其他點心一齊就o岩o岩好啦! D滑雞都算幾滑，醃得唔錯好入味甜品係桂花糕同紅豆糕各2件，朋友唔食得凍左，於是我食晒 。其中桂花糕係我o既喜愛，桂花花味清香，令到D糕點有清新的感覺，且甜味適中。紅豆糕都OK好味，如果再落少少椰汁會更好食，D味會更加突出、更濃。 下次再黎試埋蝦餃同排骨飯先~