每次行過Godiva都俾佢d朱古力吸引住...個樣好靚...心諗一定好好食...但實在太貴喇..唔捨得買...點知有一次老公趁我去洗手間0既時候..偷偷地去買左兩粒士多啤梨朱古力俾我呀...真係好surprise...好sweet呀....見到真係呆左0係到呀...

個包裝好靚好grand..不愧係高級朱古力連鎖店出品..未食已經好開心....終於好唔捨得咁咬左一啖....嘩嘩嘩....粒士多啤梨好大粒好甜...一d都唔酸...真係好好味0架..仲有Godiva 0既黑朱古力包住...唔太甜...兩者夾得0岩0岩好...食完好滿足...

當然要多謝老公俾左一個surprise我啦!!

最近天氣真係焗到要死, 見完客來到GODIVA買杯DARK CHOCOLATE DRINK, 全因為佢係GODIVA所以我才會花成$4X來買杯CHOCOALTE DRINK.

飲了一口,發現有點失望, 因為 CHOCOLATE味不太濃........ 說到CHOCOLATE DRINK最好都係MCDONALD (唔係MC CAFE wor記住).

今日老細請食朱古力呀
一盒裝，有不同既味道，我第一次食TRUFFLE
揀咗一粒有饀既唔知乜名既朱古力食
WAH ~好甜呀~ 但朱古力係滑既, 只係甜咗D
我反而鐘意食TIME SQUARE 既 JXXX 多D呀

又有得食Godiva餅乾啦~今次唔洗我買,係屋企人買番黎食~我就成機可以試多款godiva餅乾啦~希望之後有機會試得晒佢出既朱古力餅乾啦~

今次食既係Hazelnut Praline(榛果蓉餅乾),口感似番餅乾啦~總共有四層,一層餅一層朱古力 x 2 次!所以口感硬!但我覺得朱古力較petite mousse嗰隻甜~可能佢唔係用dark chocolate!簡中一塊都唔會滯~但一次食幾塊就有d滯啦~

松露朱古力 ~ 一盒有18粒, 六種不同味道, 包括.....
焦糖軟心
巧克力慕絲
蘋果焦糖
軟心香蕉
黑森林
檸檬慕絲

粒粒都係精雕細啄, 外脆內軟, 味道濃郁幼滑, 毎一粒o既味道都各有所長, 食完開心指數都上升咗....
$460

自從試過dark chocolate chocolixir後，一試鐘情，誓要試晒四種味！經過一個月時間，終於俾我完成呢個壯舉了（可憐我的荷包）！
談談我對四種味的感受，由我覺得最麻麻的說起吧：
Milk Chocolate：喝下去味道有點怪怪的，因為Godiva旳朱古力味濃，時常常搶了奶味，令朱古力朱古力味不純，顯得有點怪，而且我吃不到朱古力粒粒呀但是它是四種味中最滑的一種，比較像一杯真的飲品
Raspberry：其實我覺得raspberry也是dark chcocolate，只是在cream上加了點raspberry醬，對下面的朱古力沒多大影響，只是讓我偶爾飲到一點酸味～
Mint Chocolate：Mint 與Raspberry是有一大截距離的，因為Mint在品嚐整杯朱古力的過程中都能感受得到，真讓人有很清涼很refresh的感覺，夏天飲真係perfect！不過雖然Mint同chocolate好match，但係始終會搶左朱古力的醇味，如果沒有dark chocolate作比較，它也是有95分的，但係珠玉在前，它只好屈居第二了
Dark Chocolate：它是我第一次試的一款，也是最好的一款，因為我整個舌頭都充滿了dark chocolate的味道，又不會像吃pure dark chocolate般感覺到苦，而品嚐過程中時時都可以吃到粒粒朱古力碎，我覺得自己就像在吃朱古力般滿足，因為沒有其他配料搶了朱古力的純味，所以我覺得它是最好的，也最能體現出Godiva的質素
與朱古力相比，Cream就顯得平凡，滑是滑的，但是由於朱古力味太濃，它的奶香就不太能吃出來了，其實可以不要cream的，但是有了cream，chocolixir的賣相才能夠100分啊！
飲過Godiva的chocolixir，我已經可以對其他的chocolate drink不為所動了，現在唯一想試的就是Chocolux的75%chocolate，不知道能不能超越Godiva chocolixir在我心中的女王地位呢？

去完Jean-Paul Hevin Chocolatier， 又見到Godiva Chocolatier ，兩間我都係第一次
幫襯，今晚將銀包豁出去，買了一盒朱古力餅，有七款味道，400元拉，
甜得適宜，吃落唔會漏。

上次試左黑朱古力味既雪糕,今次就試classic一點既milk chocolate,同樣係一揭開張紙,已經覺得好香,明顯呢款係比上次試果款淺色,味道甜一點,但仍然充滿朱古力香,第一口令人覺得好幼滑,充滿牛奶朱古力味,感覺反而比黑朱古力好,可能黑朱古力味太濃吧!食下食下,食郅滿口朱古力香,好鬼滿足!
個人黎講,我喜歡milk chocolate口味多於dark chocolate呢!

托妹妹的福氣, 有幸試到godiva的巨型朱古力. 呢款朱古力, 一盒兩粒, 好珍貴架.

士多啤梨好巨型, 食咗四, 五啖先食完. 又甜又多汁. 加上薄薄的朱古力外層, 好正!

原本在隔離 citysuper 買的, 但找不到食評位置!

上星期買了一支黑朱古力, $25, 想試好耐, 前一次找不到黑朱古力, 今次買到當今朝早餐, 一飲之下, 朱古力味濃滑, 唔苦, 不太滿意, 最重要太甜, 係咪入錯樽呢?

入左海港城啦....
就緊係去搵野食啦.....
原本諗住搵另外間係幾個月前開張既朱古力架....
漫不經意下走左入去
咁心諗寄然入左黎睇下佢d朱古力禮盒都好.....(因為激嬲左人)
跟住行呀行呀......就去左個櫃睇佢d松露朱古力.....結果就是但買左樣朱古力出黎喇...
佢又sell喇喎個隻士多啤利朱古力啦.....
我未試過佢d朱古力麻...就話要一粒丫....好食先買多幾粒無所謂啦....
點知佢話2粒先有個盒仔一粒比個袋你拎住架咋喎!!!
心諗咁算啦...又唔係太貴40蚊粒姐!!
但係對於我dd學生黎講其實真係幾貴架.....跟住就走左去山頂排纜車既時候都唔捨得食喎.....番到屋企終於食左......一分錢一分貨果然比街邊貨好食丫....+上比我拎左差唔多8hr架喇都未溶而且能夠入口即溶好似和牛d肥肉咁......正呀!!下次去再買多小小食先!!!

今日終於買到Godiva 香港新出的Belgian Dark Chocolate 雪榚，做緊promo，一杯三十九蚊，第二杯半價，由於早幾日金鐘已經清晒貨，今日有機會即買即試

非常濃郁的朱古力味，香滑既雪榚真係引唔住一口接一口~~~~

價錢唔貴，絕對值得試下啦!

講開呢間朱古力店, 其實我都勁鍾意食佢既朱古力架!
雖然佢賣既朱古力係好貴好貴, 但又真係好食到我會忍唔住好間唔中買幾粒食,
咁啱我亦係最鍾意食酒心朱古力呢~~

最後我買咗三款酒心朱古力比未來奶奶, 每款兩粒,
即係圖中左至右第三行, 分別係"Cerisette" (原粒櫻桃, 即Kirsch 甜酒)、
粉紅色包裝紙既"Cherie" (櫻桃甜酒, 即Kirsch 甜酒)及
綠色包裝紙既"Raisin Fine Champagne" (葡萄甜酒, 即干邑),
記得舊年想買呢幾款比未來奶奶, 點知去到時職員話已賣晒......
好采今年買得到咋!! 不過原來加價加得好嚇人呀!
舊年一樣買咗六粒朱古力, 但只需$110 至$120 左右, 但今年要$160 呀......
不過真係好食冇辦法啦! 同埋佢個金色包裝都好簡潔好Grand 呢~~

Ref : http://hk.myblog.yahoo.com/joycewai616/article?mid=5798

extra dark truffle-truffle唔係應該出表薄,入面軟咩??但係呢粒唔係.入面唔係軟,只係滑.食完唔覺個口有陣朱古力味o係個口past好耐.唔係o係個godiva盒拎出泥都唔會知佢係出至何處!

9/3/2008 午

買左兩樣野食
一個係~Milk chocolate Hazelnuts
另一個係Milk chocolate chip ice-cream

Milk chocolate chip ice-cream($39)~好朱古力囉~好似食朱古力咁~唔係好食~都唔係難食囉~無咩牛奶味~唔抵食...唔會再食

Milk chocolate Hazelnuts($56)~個包裝就好靚啦~雖然細包~但都有15粒左右~無朱古力應有的苦味~甜左少少~d Hazelnut都幾脆口~事實證明貴都未必好好食...