以前老公經常到台灣公幹，每次他踏入家門後，我的耳朵總會被不同形式的台灣美食洗滌，那些地道小炒、肉臊飯、魯肉飯及米台目等，彷彿紛紛歷歷在目，引得我既妒忌又羨慕。人在香港，無奈只能得個恨字，始終台式小食在香港較單一，離不開珍珠奶茶、吐司等，味道亦不算突出。然而能擁有稱心台味的台式火鍋與飯店亦不多，數數手指，結果不外乎四、五家。所以便沒多想了，忍忍忍忍........受不了的時候，便往台灣飛去吧！

早前看到食家 La Singers 推介的圓山，使我對香港的台食，重新泛起一陣漣漪。這晚正好在尖沙咀，臨急抱佛腳致電訂座，店方只能答應8時半後的時段。抵達圓山門口，人聲與等候人潮均同樣鼎沸，怪不得店方未屆8時半已再三來電與我們確認。全店爆滿，被分配到門口走廊旁的桌子已算萬幸。

久違了的小魚與花生小食，味道不錯！餐牌選擇不少，可能恨吃台灣菜太久了，大多都合乎我的胃口，唯只得兩個肚子的老公和我，得需小心配搭！

圓上有烏魚子供應。我們上次在日本餐廳嚐過，烏魚子甘香豐腴的味道，記憶猶新。今趟不如來試試烏魚湯，這道名為阿里山烏魚湯，售價以烏魚的重量來計算，烏魚售價是每両 $15元，最少兩人份為12 両。

湯底乳白帶粉紅，入口厚重，清鮮甜美，底子的酒香輕描淡寫，令這道溫醇的阿里山烏魚湯錦上添花！湯料已被煲煮得幾乎溶化，烏魚的皮肉變成綿綿的魚蓉；豆腐比魚蓉體積略大，但已被煮成不規則的形狀了；最易被筷子撿到的是青綠的大芥菜，還有豬肉塊。

阿里山烏魚湯的配搭跟廣東人的夏日裡魚湯很相似，但那溫醇酒香的底韻則無法媲美。遠看蛤脷肉瘦削兼模糊不清、莫非蛤蜊不新鮮？心裡搞著警號！入口蛤蜊水準不凡，甜美豐郁，非常滿意！

細心觀察後，留意到蛤蜊肉明顯地被分開上下兩半，切口清澈易見，這大有可能是廚師在烹調時先用小刀將蛤蜊肉劏開，至於當中好處，則有待日後查明。

這道蛤蜊煮勝瓜亦是清鮮之作，雖算不上是難度高的菜肴，但從味道濃稠恰好的上湯湯底、翠綠兼軟硬適中的勝瓜，顯出廚師的盡心的製作及不朽的功力。再來的是老公欲嘗的三杯雞，蓋子一開，香氣滿溢，正好與先前兩款清鮮的菜色有著鮮明的對照。女侍應隨即替我們將醬汁及雞塊拌勻，翻拌的時候，不但翻出更盛的熱氣，那份撩人的惹味亦為之倍增，巴不得馬上將雞塊放進嘴裡品嚐。

`特製的三杯雞醬汁，均勻地沾上雞塊，像是髹上一層古銅閃爍的健康膚色。雞肉難得的保持嫩滑，除充滿九層塔及香料的香氣外，醬汁與酒香亦深深滲進雞肉內，味道之佳，真叫人愛不釋口。

留意到整鍋的三杯雞油份不多，與廣東菜的啫啫雞煲比較，感覺較為健康。美味的醬汁令老公想起白飯來，我提議不如一試圓山的肉臊飯。

肉臊飯賣相對辦，肉臊醬汁馨香、不油、不膩。肉臊肥脂與瘦肉兼備，瘦肉入口鬆軟、肥脂入口即溶，做得很不錯，老公謂圓山的肉臊飯，跟台灣他最愛的的一家比較，差距相當接近。時近晚上11時，大廳中的桌子才能逐一騰出來，生意真的不錯。

雖然當晚較為嘈雜，但圓山的食物質素及服務，均沒有令我們失望。剛剛嚐過這一頓，老公已在盤算什麼時候可再到圓山一趟，看來暫時我們不需要坐上飛機，搭乘港鐵便可滿足了！

過年前聚會甚多, 有新認識朋友的激情飯局, 有死亡的豪飲食醉局, 但最叫我懷念的都是小撮舊友竊竊私語的文場飯局。我愛多人, 但不想說話; 我更愛少人而談得親密。這次有兩位一年不見的夫婦前輩相約晚飯, 他們甚懂相處之道, 處事認真且熱心, 與他們談上一晚, 甚感開懷。

因以聚舊為主軸, 食飯地方不能選快來快去之地, 最好希望坐得舒服。然而這店卻可符合要求, 餐桌安排不緊, 坐得舒適, 人多但比較靜, 容易交談。而且食物有特色, 開放時間至凌晨, 是聚腳好地方。我則因工作地點在附近, 眼看餐廳開張, 亦到來吃過幾次, 所以選上了這裡。餐廳以台灣菜式為主, 配以部分川滬菜為副線。我們四個人, 只簡單點上一個二人餐, 然後另加點菜便成。第一味點上的是台式名貴小吃, 烏魚子。烏魚子含大量鮮味, 口感煙綿, 但裡面粒粒脆口。經輕烘之後, 外層甘脆, 有烤過的暖口味道; 內層則軟綿鮮味, 鹹香感覺強。烏魚子咬開, 口中感覺到一粒粒魚子在跳動, 晶瑩而有卜卜作響的感覺。餐廳特別安排京蔥與雪梨片夾著烏魚子同食, 京蔥清爽, 能淡化烏魚子鹹味; 而雪梨片爽脆, 減低煙綿感而果味的涼爽感令鮮味更突出。不過這個烏魚子比我之前在這吃過的卻乾了一點, 而且質感偏向硬一點。另一個是涼菜冷盤, 涼拌海蜇拼冷鎮鮑魚。鮑魚, 台灣人又叫作"九孔", 傳是因為鮮鮑魚的殼上有九個小孔, 所以有此名稱。將鮮鮑魚灼煮之後, 放進冰箱中冷藏, 將鮑魚質感保持有彈性。混上以芝麻醬, 麻油為主的醬汁, 惹味可口, 口感富彈性而有嚼勁。醬汁味道明顯但不太濃, 令鮑魚鮮味一層層的透現, 而且從鮑魚片中啖出甘甜味道。反之, 海蜇則略嫌太硬, 有彈性但是有點韌, 差了一點。接下來是姜蔥海參煲, 砂煲上能保持熱力, 而且砂鍋將姜蔥的味道逼出來, 香氣應更吸引可是用上的是大條的禿參, 禿參光禿禿, 外層滑嘟嘟。厚肉而口質感, 水晶狀骨膠原稔口感強, 可惜海參鮮味欠奉, 味道淡。再者, 在砂鍋中的姜蔥爆得不夠時間, 味道帶不出來。三杯雞是惹味絕倫的菜式, 也是台灣菜的一味特色。雞件用上砂鍋烹調, 加上三杯醬汁同煮, 包括麻油, 醬油及酒, 三款每樣一杯, 並配上姜蔥蒜等惹味作料去配襯。這味菜味道吸引之餘, 香氣還是份外的誘人, 菜式上菜時常會吸引別枱目光, 有一種渲染力。姜蔥蒜味道加上羅勒葉惹味吸引, 香口而味濃。可是, 雞件外層略嫌過老, 有點乾和鞋, 而且吃到後來, 油膩感太強。無論如何, 頭段的三杯雞確是獨霸味蕾。而這個精緻改版的蚵仔煎卻教人好生得意。蚵仔煎像薄的蛋角, 有少許脆口。而餡料卻像意大利薄餅般一粒粒的突起, 蚵仔經過拉重油炸香, 外層變成香脆, 可是內層汁油又仍然保持, 吃下汁水湧出口中, 不錯。而且當中混入了芫荽碎及紫蘇葉, 令香口熱氣之物多了清爽感, 沾上少許甜酸醬同吃, 味道不錯。可是, 蚵煎冷下來的時間快, 建議不應閒置太久。點了一些台式菜之後, 我們還點上一個油泡尖椒, 相當的惹味。尖椒用上外省長形青辣椒, 刮去椒囊中的辣椒籽, 將其打碎混入蒜豉, 再將之以油泡輕拉便成。青椒皮鮮味而青澀, 但包含著絲絲蒜椒辣味, 而四川風味在醬汁上亦加上了醋, 令酸辣惹味感覺更加明顯。這個是整夜最好吃的一個菜。蒜蓉炒台灣A菜, 帶少許甘苦味道, 尚算可以。剩下來的單尾也是餐廳常推介的兩個: 第一個是台南擔仔麵。擔仔麵麵條用上類似蘭州拉麵的幼麵, 應而有彈性, 另外混上擔仔醬肉燥。不過這個擔仔麵卻來得太淡, 肉燥粒粒有味道但不香, 湯底比較清, 擔仔醬不夠重身, 令吃下來總是欠缺一點吸引的味道。另一個主食是台式肉燥飯, 一小碗但甘香無比。肉燥由肥瘦肉混合組成, 瘦肉打碎, 肥肉切方下粒, 個人喜歡是六成肥四成瘦的比例。而這家餐廳無論在肥瘦比例與碎粒處理都做得不錯。至於飯粒方面, 我會建議用上日本或東北種的短身圓形米種, 因為飯粒在韌度與吸汁後的嚼勁都比一般泰國越南等絲苗好。但可能因成本太貴, 所以餐廳只用上國內的絲苗米等品種, 吃下比較淋身, 而飯香不強。這雖然飯粒有其美中不足, 但肉燥卻是甘香而甜, 調味不錯。最後為滿足大家吃個甜品作結的想法, 我們特意點上流沙奶皇飽。流沙內容充實, 注滿鹹蛋黃的奶皇如注湧出, 甜㕲奶香平衡不錯。可是蒸飽的皮過韌, 但是火候時間控制不錯。

整體來說, 這家餐廳交出了特色食物, 味道雖不算特好, 但仍可滿意。而地方寬敞亦舒適, 場面文靜, 是聚腳好地。唯一問題在於服務上, 員工對餐廳餐牌食物認知不足, 有些員工根本連肉燥飯也不知是什麼。當然這個餐廳是有責任, 不過最低工資實施亦間接影響餐廳簡化人手。同樣亦令員工提昇的積極性降低, 這樣, 餐廳員工質素參差是可堪遇見的, 可悲也!

第一次喺香港食台灣菜，
果間叫【欣葉】，
執咗應該有九世！

之後食過好多間，
不過睇怕都係前世嘅事！

後嚟台菜似乎靜咗一段日子，
直到……
早兩年大熱嘅【一品花鵰雞】
直到……
早兩年又開返嘅【圓山】

上星期我地儲齊七個人，
不如往事當晚回味，
去咗【圓山】食七咁食！

前菜係鴨舌拼生腸，
鴨舌差過老天祿，
生腸又冇肥媽咁好食，
失望！

個湯係麻油雞，
啖口…冇乜味…
再次失望！

再嚟海瓜子，
細細隻，食唔出味，
更失望！

但係正如伍晃榮話齋，
波係圓嘅…
就算3比0，
未到完場，
隨時可以反敗為勝！

跟住嚟個炸白飯魚，
外脆內軟又冶味，
咁又俾佢追返一球！

鹵肉，
嘩！
入晒味，質地又軟滑，
D汁用嚟撈飯冇得頂，
即時又Score！

紅燒豬肝，
冇壓味夠甘香！
加埋另一撈飯拍檔蛋黃肉，
又整多球世界波！

最後炒A菜同擔仔麵，
整得都算頭頭是道，
仲唔係臨尾一個頭槌，
頂入決勝一分！

最後居然4比3反勝，
真係無話可說！

所以話呢…
點只波係圓
連個山…都係圓嘅！
服未？

開頭以為係普通台式小店，原來係頗高檔食店。
環境服務幾好，但食物味道就一般般啦。
台式三拚 ~ 台式鹽水鴨+台式鴨舌+蛋黃小卷：鹽水鴨唔肥, 肉質滑；鴨舌唔夠野味；蛋黃小卷好差，乾身簿片又有點腥腥地既味道。
開洋高山菜：菜 “老”, 靱之餘有渣。
紅糟豬手：豬手皮厚，汁又唔香，感覺豬手好油好濟既感覺。
口水雞半隻：價錢貴但食落唔似新鮮雞，失望。麻辣汁就好香，補救番次等既雞肉。
炸花枝丸：花枝丸炸完內里仍保持丸汁，但就唔鮮味。
我們食野好少，其實唔夠飽，但既然味道一般，也不再加菜。

早前有好友話尖沙咀有間台灣菜幾好食，所以趁今日星期六約埋朋友一行6人一齊去試下。我地大約夜晚8點到達，因為無預先訂位關係所以等咗差唔多20分鐘才獲安排入座，喺等位期間我就心諗如果唔好食就白等了… …

坐低後服務員遞上餐牌，打開餐牌樣樣菜都想試但又食唔到咁多所以就問服務員有咩好介紹，服務員好細心地為我哋推介咗幾款招牌菜式，我哋最後揀咗三杯雞、蚵仔煎、花雕蒸南非龍蝦仔、石窩燒黑豚肉、上湯莧菜及例湯試試。三杯雞 – 傳菜員放上枱時已聞到陣陣酒香味，以匙更攪攪酒香味更濃，雞肉睇嚟係選用新鮮雞，而且醬料好特別配合九層塔作拌菜，好食！

蚵仔煎 – 賣相及味道同台灣士林夜市食到嘅有所不同，呢度較乾身，味道不過不失，無乜特別。石窩燒黑豚肉 – 服務員將黑豚肉倒入預熱石窩內，黑豚肉連同汁醬喺窩內沸騰不斷發出“喳喳”聲，原來石窩及窩內石春都燒得好熱，賣相好有特色而且味道唔錯，黑豚肉肉質很嫩口，感覺好好。花雕蒸南非龍蝦仔 – 龍蝦仔睇上去都幾大隻，我地叫咗3隻開邊蒸，龍蝦肉質鮮甜肉多將花雕酒汁淋上一齊食好好味。

上湯莧菜 – 莧菜有瑤柱碎放面拌碟，清清哋都幾好呀!

例湯 – 今日例湯係野生雜菌煲雞，野生菌材料好多，除茶樹菇外其他都唔知道叫咩名，湯味好濃仲唔油膩，原來例湯都咁好飲喎。

最後叫咗一桶豆腐花做甜品，一桶可分6-7碗，好滑又有豆香味，我忍唔住食咗2碗呢!

埋單平均每人約$280(因為食龍蝦略為貴少少)，整體嚟講食物水準十分滿意，服務員態度亦很好但可能客人較多，加水及換骨碟較耐，都可以接受嘅。下個月Jenny生日我地已約好再嚟幫襯啦。

之前好多次睇左OPENRICE都想去E間試下架啦..大家講到好似幾好..
差唔多夜晚11點, 我地見圓山有宵夜時段,而且門口寫到好似幾抵咁..咁我地3個人就去左食啦!
一坐底, 打開Menu, 哇 貴! 根本冇平過...
不過冇法,都冇理由走人架MA!
咁我地就叫左 " 三杯雞" "肉燥茄子""台式炒A菜""涼拌窩荀絲""滷肉飯""肉燥飯"...
先講 " 三杯雞" .. 我覺得味係OK幾好 不過好少雞,,
"肉燥茄子"就同平時魚香茄子冇分別..
"涼拌窩荀絲" 幾好味,好開胃.
"台式炒A菜" 好差!!! 勁多油!! 食落去得個油字..
"滷肉飯""肉燥飯"... 肉燥飯好多汁..D飯都整到好林..唔好食'

整體上, 味道OK.. 不過一D都唔值咁既價錢! 價錢偏高!!! 我唔會再去食!
同埋佢地既服務態度,係令我唔想再去試既主要因素!
好差, 真係好差!
叫極唔應, 落單又落錯,仲要你推我我推你咁..唔快快黎整返好張單, 同埋漏單!!
D員工仲要好似老馮要我地自己追單, 等勁耐咁..

同朋友慶祝生日。我地5個人叫左8個餸。
想推介兩個菜，三杯雞，份量雖然唔多，不過都好夠味，可以話係色香味俱全。
仲有係蛋黃肉，原來係底層係豬肉餅，肥瘦各一半，食落口即溶。好淋！有鮮肉味。
蛋黃肉係蒸嘅，所以食落都唔油。
我地每個人都特登叫左每人一碗飯呀！

最近有位朋友到過“圓山台灣料理”茶敍後返嚟同我哋講圓山點心推出新產品，好好食值得嘗試，所以我同朋友一行四人決定今日下午去試試。
我哋差不多一點到達食店，客人比我上次嚟多咗好多，所以坐低無耐就急不及待叫咗以下食品：例湯(沙參玉竹豬(月展)煲雞)、素菜飽、小籠飽、自家製醬汁蒸鳳爪、香煎韮菜長餃子、九州豆蓉南瓜煎軟餅、炸菜雞絲腸、香煎芋頭糕及雪影叉燒飽2客。


首先品嚐係今日例湯–沙參玉竹豬(月展)煲雞, 飲第一啖時已發覺此湯廚師肯定落足心機去煲, 因為料多湯濃又無落味精啱晒我；其他點心試後都唔錯及有一定水準...素菜飽飽皮鬆軟尤如棉花糖，菜餡甘香，適合我朋友Ada及June喜歡清淡口味及吃得健康之人士；小籠飽皮薄湯唔油點醋食一流；自家製醬汁蒸鳳爪醬料好特別又有少許辣，連一向唔食辣嘅我都覺得好味；炸菜雞絲腸味道清新口感十足；九州豆蓉南瓜煎軟餅香軟唔太甜；雪影叉燒飽外層鬆軟內裡叉燒肉香汁濃，我和Frankie每人就食咗2個；至於香煎韮菜長餃子及香煎芋頭糕則尚有改善空間，前者唔夠韮菜味後者則略為偏咸。食飽後我詢問服務員是日甜品係乜，服務員話今日係雜果西米露，於是每人叫咗一客，冰凍可口一啲都唔甜仲有粒粒果肉添，最適合近日炎熱天氣作清涼解熱。
整體嚟講“圓山台灣料理”食物水準真係唔錯、員工好有禮貌接待亦好殷勤、環境雅潔，所以我同朋友都決定下個月再嚟幫襯試下其他食品。

小女子生日有幸朋友在大老遠上海回來放假
也回來和我吃生日飯
感激!感激!

終於在朋友怒遲一小時之後
我們開餐了
不過也幸好在這繁忙時間
一小時之內他們也沒催沒趕
感激!感激!

朋友不想食SET
我地叫了以下菜色

小食拚盤- 揀了兩樣,豬耳朵和涷鴨 ----豬耳朵是OK的,但涷鵝有點蘇
台灣滷肉 - OK,肉林入味,只是對我來說有一點點咸
鈔針筍 - 針荀入口爽脆,不過也是有點太咸
宮保雞丁- 說真的有點失望,因此台灣的宮保雞丁不是這樣的,一定不會有腰果,而且太油
煎蠔餅 - 蠔仔都燶左了,同台灣一粒粒半生熟的蠔仔,實在是有很大的分別,蛋也煎太油可能那天我都點了他們比較不善長的菜
水準一般
應該吃SET的比較穩當
在這要再多謝朋友的一餐生日飯

在台北的时光过得非常快 被台北人民的热情好客深深吸引 喜爱这里随处可见的亲切 也为各类小吃而着迷 谢谢Ann Tai Wan Walker热心推荐的紫晶酥 满满的芋泥真的让爱芋头的我停不下口 而快乐的时光也非常短暂 在台北观光的几日 路过圆山饭店而未入 始终有些小小遗憾 这次得知尖沙嘴有家台湾料理 特地赶来一解思念情绪

到美丽华往前行 就能见到醒目的招牌 很好找的地方 提前定好位 不用等位便可入场 入座后发现冷气很大 问及可否换到边上的桌子 侍应似乎不太想理会 让刚到的我有些失望 看一下午市的餐牌上 小点$15 中点$19 大点$23 特$27 顶$39 另外茗茶是每人$10 菜式不是非常多 但细看之下都有发现食家们推荐的几款 点了 阳明山炒剑荀 $108 新鲜的竹荀 细细长长 爽脆而配着淡淡的酱汁 与细细的肉丝相伴 倒也鲜美 不过不管口感 还是搭配 好似除了新鲜 没有让人觉得很特别的地方 招牌极品流沙包 $23 热气腾腾 捏着冒着热气的包身 流沙溢出的时候很满足 入口有奶黄包的香甜感 但又不会过重的奶味 吃两只都不会觉得腻 即撞木桶豆腐花 $39 也是大家强烈推荐的一款 原桶的呈上来 有黄糖和糖水做配料 闻一下 豆味飘香 舀入碗中 滑滑嫩嫩 只是对于常饮豆浆的我来说 豆花的豆味似乎还不够浓 口感有小小淡 不及在公和豆品吃到的招牌豆花那般 唇齿间豆香流转

总体来说 环境还可以 只是服务确实一般 席间一直来回在周围各台走动 但添茶又不积极 上错菜式的时候也没有致歉 回应较为冷淡 让客人觉得不是很舒服

而食物来说 味道偏清淡些 爱少油少脂的食客可来尝试下
另外 或许我这次点的不是很多 没有试到最精彩菜式 但因服务不佳的原因 短期内应该不会再来尝试的