今日同同事一行4人到了這餐廳！
去的時候因塞車竟不停打電話給訂位同事😰
上到立即叫野食！
選擇算多，而且出食物也很快！
魚生全是厚身的，還有帶子（其他放題較少）甜蝦也很大！
芝麻雞翼一定要試，天富羅不錯，炸年糕好味，還有羊架也不錯！
因為太趕著吃而沒有照相！

總括這放題食品品質得好。
在剛開始不久後會先給甜品，糯米糍，到走的時候溶得剛好。
但埋單先知呢間連星期四都貴啲的！

我人生的第一篇食評, 奉獻給尖沙咀大喜屋.

本來已不太喜歡食日式放題，覺得來來去去都係食果d. 但朋友約聚餐又得閒就應承出席. 六時閏席, 我六時半再到，一入門就有d嚇親, 好似每位都又二百幾蚊喎, 點解環境仲裏過翠華？幾十人逼係一個小房間內, 我同椅同另一張枱的椅是零距離, 我全程要抱住件衫同個袋食飯。室內嘈過街市, 同朋友講野要提高十級聲量...

每間放題都會漏單, 呢d都見怪不怪, 但呢間怪在漏左單係d客ge錯, 有d order黎左兩次, 咁我地話己經嚟左, 某職員非常黑面咁話我地order左兩次 (當然絕無其事), 咁其實我地都係唔想浪費啫, 你咪俾第二枱. anyway, 咁佢話cancel之前果D我地重新點過, ok, 咁都可以接受, 佢杝叫我地係枱號後加過A, 代表新單。點知....之前ORDER個D同之後ORDER個D全部都送嚟....都費時同佢嘈, 全部放低算了.

漏單錯單擾攘左一段時間, 七點半佢放放低幾粒雪米糍催埋單... 結果遲左半小時到, 就只吃了幾片魚生, 兩粒牛舌, 兩片翠玉瓜, 一碗所謂蟹粥同幾條菜就冇得吃......260蚊...

認真食物質素只能說過得去, 蟹粥無味, 天婦羅一口油, 其它野無乜印象. 咁ge環境, 咁ge服務, 請我都唔會再去.

如果有人想去探險, 最好book第二段, 聽講好似唔會催命符咁催你埋單.

好幾位朋友約了食飯，預早訂了枱八點九時段，
到今日晚上七點才通知商戶可否四位改為六位，想不到他們也幫忙到，值得一讚。

一如既往，排了很久才可以上到去，不過都是值的。
今次第一次坐沙化位，比起之前坐枱位舒服多（以前吃過很多次都是坐枱位的）。
而所坐位置更可以望到對面清真寺後的景色，可以說是錦上添花。

不過可惜有點兒遺憾事是，吃了很多次，今次漏單竟然比較嚴重，
還好有位員工見我們等了半小時，枱面還是空空如也的，主動幫我們催單才發覺漏單，
之後叫我們另外寫多次，結果不用幾分鐘，食物就不斷出來，讚！！

刺身保持一向水準，新鮮！讚！
本人最喜愛之一的芥末八爪魚軍艦簡直近乎完美！外邊紫菜還脆的！
燒物中以多春魚、牛柳粒和羊鞍最美味，牛柳粒燒到恰到好處，不會硬實實的。
至於燒日本紅薯就略微比較軟身，如果硬身小小就更完美。
最後，想不到的是，他們還沒有提供燒菠蘿，只有普通切開的，實在可惜。

一行3人，5：45到達取位，帶位小姐安排一張路口四人枱給我們，但窗口有兩張四人空枱，我們要求坐窗口位，但竟然有一位女侍應回答我們；「嗰張係4人枱，你們3人要坐呢張」，我問：「兩張枱都可以坐4人，有乜分別？」她只重覆剛才說話，不知所謂的解釋，咁差嘅服務，無謂多講，立即走人，永不光顧！

14/2 剛好是老虎與老熊的假後第一個工作天，當天一放工立即出發。在附近行了一會差不多時間就上去。
在樓下見到勁多人排隊，等左大約三個字先上到去，上面再要等一輪先有得坐低。
坐低大約 7:45pm 左右，剛好係我地 Book 枱時剛，立即拿拿臨落單。
見佢可揀既款色唔算多，但叫可以接受。費是佢漏單所以第一 Round 快快手寫足 D 。
但佢竟然無麥甩漏，呢樣好抵贊。
先來左個刺身，但盤好靚，有個假既樹仔做裝飾，味道都不錯，幾新鮮，但係蝦就唔太好，有 D 鯹，其他都 OK。
另外值得推介的有墨魚餅，炸得幾好。其實佢 D 炸物都真係唔差，唔會好似某 D 放題餐廳咁炸完一堆放好耐等人落單既 Feel。
其他有食到羊咩、燒牛肉粒都係唔差，但唔算有警喜。
但係佢既蟹籽沙律就幾乎全部都係青瓜絲無麥清律醬。
輪到評論佢既服務，原本諗住咁多人一定會好求其唔會點理你，但係整體都無漏單同埋收碟同上菜速度算係幾好。但佢個環境就真係比較迫，好多時佢來左一大堆單攪到無位擺要拿拿臨洗左枱上面既野食先得，如果志在慢慢品嚐既就唔好試啦。
最後由於今次係情人節 Booking，所以要預先過數 $200 做訂金，佢都就返時間有職員收過數紙再比返 Cash 你。幾好！
但佢個層大廈既 Lift 就真係勁慢慢慢慢慢啦。
最後要多謝老熊陪住老虎過一個又一個情人節。
~ Love U ~

年廿九 為了取個好意頭
我跟男友去了吃放題 寓意年年有餘

早在兩星期前訂位
還預早了少許坐電梯上去
所以很快便可以入座了

一坐低當然要把握時間寫紙仔啦!
每個選項都剔了 一於樣樣都試試先來的是刺身
我們都只吃大路的三文魚, 甜蝦 和一些具類刺身
所以只點了少量來試試
第一次來的水準最好 三文魚和甜蝦口感新鮮甜美
第二和第三次來的三文魚相對不太夠鮮味
甜蝦: 樣子都有點甩皮甩骨
象拔"螃": 非常爽口 也是挺好吃的選擇然後我點了兩款沙律
一是凱撒沙律 另一款是"海捷"沙律
想不到這裡的放題會出現凱撒沙律呢
對於鍾情於這款沙律的來說真的是一個很驚喜的消息
凱撒沙律: 生菜新鮮爽脆
面頭有不少脆麵包粒 非常好吃
"海捷"沙律: 同樣是以差不多的生菜作底
不過面頭變了惹味的"海捷"
可能就是太惹味
跟生菜對比起上來 我覺得"海捷"的醬汁太重味 不太合我胃口炸物方面
當然要試試很多食友都推介的芝士年糕
芝士年糕: 年糕新鮮炸起 外表脆卜卜 裡面的芝士就熱呼呼
果然好吃 而且不算太膩 來這裡用餐真的要點來試試
炸蠔:吉列脆皮不算太油 裡頭真的吃到有蠔 配著吉列醬汁很不錯
炸魷魚軟骨: 樣子乾乾的 吃下口都是乾乾的 不過對我這類軟骨精來說 總算過過口癮
天婦羅: 都是大路的表現 最特別的是有露荀天婦羅 來到記得要試啊和食類
牛油炒帆立貝: 一客有五至六類 醬汁的顏色很吸引 帆立貝不會炒得過老 不錯
牛油粟米: 一向吃放題都不會點牛油粟米 今天忽然心血來潮想點 想不到這裡的粟米甜甜的 又挺好吃啊
燒羊架: 點了一隻來試試 不算太大隻 羊肉烤得挺香 想吃點紅肉這個也是不錯的選擇啊(我不吃牛)
焗蠔: 蠔粒混了沙律再釀在蠔殼上焗 很惹味 我覺得這個一定要點來吃 (不過男友卻嫌沙律醬太多)
煮青口: 青口味道淡口 配上檸檬汁 如果不太飽都可以一試
燒翠玉瓜: 翠玉瓜燒得很淋 內裡不會太乾 燒得濕潤好吃其他的食物不算太特別 所以都不多提了
飲品都可以任點 有幾款不同的罐裝汽水和啤酒
甜品是一粒小巧的抹茶雪糕糯米磁
如果可以任吃就好了

總結一下
這裡的收費雖然略比坊間其他放題貴一點 (星期六晚連加一大約$250一個人)
但食物種類不少
質素當然也讓人滿意
而且漏單程況也不算嚴重
還會有店員定時幫你更換食物碟
所以我覺得貴一點也是物有所值的

個人本身唔係特別鍾意食放題，而且上次係旺角食過一間平價放題簡直係失曬信心，不過今次老媽子生日又話想試下放題，就帶左佢黎間貴Ｄ，我諗係價錢越高質素越好掛～
我地一家六口訂左６點鐘，上到去安排左張窗口位，個景都唔錯，鋪面算係有Ｄ日式風味咁拉。
食物都幾ＯＫＡＹ好味，刺身有冰底，而且唔同出面果Ｄ甜蝦，大大隻連頭好鮮甜，三文魚同北寄貝都唔錯。到壽司，都ＯＫ，細細舊，有好多唔同花款。手卷一般，紫菜會好快淋，所以要快Ｄ食左去～其他熟食都好有水準，好似係古法紅酒牛腩咁，真係落足紅酒，食過番尋味！天婦羅唔會太油膩，炸到岩岩好，真係想去偷下師ＸＤ。廣島焗蠔太多配料，食唔到蠔味。燒番薯，初初以為黎左碟變形腸仔，不過原來係番薯，賣相唔係咁好，但其實好好食～最後想講既就係芝麻雞翼，真係好好食，好香又唔油，激讚！服務算係唔錯拉，漏左小小野食比我地，叫個待應跟下一陣就有番，
雖然價錢唔係平，但算係唔失望，一定會再黎～

聽到隔離台話食物黎多左比佢地叫個待應退番Ｄ食物入去，但見到佢地走果時仲有好多野食剩，好浪費，又係到投訴Ｄ待應慢，但我眼見佢地成晚都跑黎跑去，由其送食物果Ｄ待應，佢地做得咁忙仲要比人投訴，真係覺得抱打不平。

第一次寫OPEN RICE食評~想不到係失望~

1.蟹粥聞說不錯~誰知一丁點蟹味都沒有
只有少量蘿蔔絲+空蟹殼?"

2.熱飲上得茶~而且是凍的~
凍飲基本上得汽水!

3.WAITRESS添茶可以添埋落我杯茶~

4.可能星期日關係~漏單多~原來隔離亦一樣~

唯獨好味~

係 芝士年糕!~內軟外脆

整體而言:

食物質數..~~200UP食這間可以有更好選擇!

坊間日式放題甚多，要找一間有質素又抵食的並不是易事。做了資料搜集，最後決定試這間尖沙咀分店的大喜屋日本料理

未夠18:00 已經到達，店外已經有四五個人排隊中，我們順利入座後就立即看 order 紙了！今晚係預祝我的生日，又係食放題，嘻嘻

刺身
三文魚肥美新鮮，厚切，雖然帶子細細粒，不過其他餐廳的放題未必有帶子提供，甜蝦尚算大隻，可接受的刺身質素沙律
刺身沙律配上特別醬汁，開胃得很

壽司/手卷
雖然只有海膽手卷，不過也好過無啦，海鰻壽司好長呀，味道不錯，我們已經 encore 了燒物/熱食
焗廣島蠔，燒羊鞍很不錯，鹽燒雞翼和雞軟骨就一般，其他的燒物和天婦羅中規中矩，值得推介的是螺肉，十分惹味可口麵食/窩物
蟹粥都值得一試.，是有蟹蓋係入面；冷麵，烏冬，牛肉窩味道不錯飲品
汽水任飲，最開心是可以飲玉泉檸檬

生果
只選擇了西瓜和橙，西瓜很甜，橙就普通。由於雪糕要加錢，所以我們沒有叫

總結而言，是抵食的放題，食物上檯速度快，不過可能星期日，有漏單的情況。

已經黎過大喜屋好多次,但一直都唔記得寫下食評,
大喜屋晚市同午市既野食一樣,但價錢午市平D,咁梗係食午市啦,
必叫的刺身,三文魚以放提來說已經很不錯，蝦也是，不過建議大家一定要盡早起掉,不然冰化掉時,刺身沾上冰水後吃下可能會肚痛,我跟幾個朋友已經親身試驗3次了,每次都是冰水化了,刺身味道開始變,然後可能不新鮮了,所以 大家還是盡早趁著剛到新鮮時吃 店內的火灸系列又是必吃之選 試過星期日午市去食,冇幾耐火炙三文魚就沒有了 非周末時間的雪花牛肉鍋我也是建議大家吃的,周末的就算了,閒日去食,大大鍋的,牛肉跟粉絲也多,周末去就變少了, 鹽燒冬菇,希望下次再吃不要落咁多鹽唔係真係好咸啊 沙律還挺不錯,幾新鮮,不過我都係中意留返個肚食其他野 之前佢地有個煮牛舌係非常好食的,最近一次去,菜單上已經沒了,變成紅酒煮牛,這個不太好吃最後這個真的很好吃!如果冇記錯係炸淮山,甜甜的,又有點脆,熱呼呼的,很好的一個小吃,如果冇記錯,係最近才有的新菜!其實仲有其他很多不錯的小吃,有個是炸日式芝士年糕,這個也不錯吃喔!