3
6
3
付款方式
其他資料
外賣服務
電視播放
以上資料只供參考, 請與餐廳確認詳情
總體評價多是因為下午茶性價比比較高。其實最喜歡的就是有座位坐，東西好吃也不貴。就算是週末平常出門的簡單用餐。其實這邊附近居民樓多，所以有時候居然還要等位？每週想到的打發時間的地方就是詩歌舞街附近了，粥粉麵飯，泰式粉麵還是值得試一試。
繼續閱讀
14/8 晚同朋友經過大角咀見到依間餐廳幾多人,於事入去,坐底叫咗抄聖子,清蒸紅鮋,豉油皇蝦及油菜。每樣味道都幾好,當條紅鮋上嚟之後試了魚腩部份都可以,但食到魚鰭部份發現有臭味,同夥記講,佢走去問老細,佢返嚟話因為你食過所以冇辦法幫你,跟住問佢點,佢就走咗去。大佬,我都冇叫你退錢或換過。最慘嗰晚太夜,打去食環署冇人聽。依間嘢以後唔會再去。
繼續閱讀
話說我係一個傷殘人士，需要坐輪椅，好啦入去諗住食個早餐，點知d 伙記態度真係唔好，成日話我部輪椅阻住曬，但明明店舖空間好闊，我唔知佢地係咪太多人定點，但都唔應該咁樣話人，我地俾足錢入去食。食物質素我唔評論，但價錢同出面茶記差唔遠，咁樣嘅態度已經食咩都無味。喺度要同大家講下，如果屋企人/朋友要坐輪椅，去呢間茶餐前真係要好好諗清楚。
繼續閱讀
今天出席一個儀式後已近晚上9時，與家人由紅磡走到大角咀一帶的太子餐廳，這裡算是我們的飯堂，預備吃過晚飯小菜後才回家，身心有點疲憊，但也感到一份卸去壓力的輕鬆感，徐徐取起餐牌，菜式包羅萬有，依舊令我花多眼亂，爭扎一輪要了粟米斑塊、椒鹽九肚魚、客家咸菜豬肉煲、時菜鮮魷河和凍檸茶3杯。1. 粟米斑塊配白飯及飲品 HK$60筆者由小到王出在最愛的小菜~經典"大排檔"小炒款式，滿滿一碟也是筆者由小時候到現在都鍾情的小菜，上桌令人甚為驚喜，除了份量比想像中多，巨型斑塊新鮮現炸至金黃亮麗，外層炸粉香脆不油，內在魚肉嫩滑細緻，粟米芡汁也是"真材實料"，香甜粟米粒不少也加入蛋花，並非一些食店粗疏的透明玻璃芡可比。2. 椒鹽九肚魚配白飯及飲品 HK$65意想不到九肚魚份量如此多!我似乎有半個世紀沒有吃過這香口餸啦，又是大大碟成品，每件九肚魚撲上薄薄粉漿，晾油程序做得好，咬一口外層酥脆乾身，油香惹味，魚肉鮮嫩滑溜溜，十級棒呀，再點些喼汁或淮鹽同吃，伴飯或來杯冰凍啤酒一流，真的快活過神仙!3. 客家咸菜豬肉煲 HK$62肥美亮麗的腩肉呀!原煲呈上的小菜，待揭開煲蓋後熱騰騰香氣四溢，引得人口水直流，超級興奮呀，最搶眼當然要收主角豬肉，由腩肉以南乳醃製後爆香，豬皮彈滑富膠質，瘦肉和脂肪一層層夾著，甘香油美，咸菜帶點甜味並非單一死咸，再加入香氣獨特的唐芹、些少豆豉同煮，惹味度提升數倍，層次感也豐富不少。4. 味菜鮮魷河 HK$50喜歡炒粉麵下的油不過量，口感乾身，感覺較"安樂"大堆頭之作，雖不是乾炒，但也聞到"鑊氣"十足，界花魷魚頗爽口，不會如坊間吃到的霉和不新鮮，加入微微酸咸的味菜條、清甜青紅椒、洋蔥豆豉和蒜蓉，即炒得不油膩的河粉，質感煙煙韌韌 (感恩粉條並不零碎)，又成了一道惹味醒胃的大路炒粉麵啦!跟餐的3杯凍檸茶 (凍飲跟餐加2元) 要了少甜少冰，飲一口感覺不得了... 茶味濃厚而不苦澀，雖要求甜味減少，但甜度亦不太遜，整體而言是較濃口的貨色，很久沒有飲過這般質素的茶，個人認為"好味道"並沒誇張，當然，加多片檸檬更理想，哈哈! 筆者心感50-60元的價格吃到這水準和份量的小菜，加上不加一服務費，基本上在大排檔和酒家是沒大可能的，最有趣是看似兇神惡殺、粗聲粗氣的店員，觀察到我在替每道菜拍照後，再上菜時刻意將新呈上未曾拍攝的菜餚放在近我的位置，姐姐們也有與我們交談並不時抹枱清潔，感覺十分溫馨和細心啊! 又再證明凡事不要看表面...* * * * * * * * **口味各有不同，食文只作參考。 FACEBOOK ♡ :https://www.facebook.com/lizta.tasteGOOGLE+♡: https://plus.google.com/+LiztaLo
繼續閱讀
係亮賢居樓下呢間太子餐廳唔聲唔聲都已經開左年幾兩年! 以呢個價錢黎講 食物質素都算唔錯咖喇 平均35蚊一個晏仔 快餐都會日日改變 所以選擇都算多 但係佢最特別既係常餐果塊雞扒 佢煎到塊皮的而且確係好香脆 然後先至將佢擺落去同啲意粉一齊煮 塊雞扒咬落去係吸引既 鐘意食煎炸野既人真係要黎試下佢個常餐B 講起佢個奄列都唔錯既 切開出黎都仲有新鮮既蛋汁 唔會乾到好似炒蛋咁 不過味道就唔係好夠喇 太淡可能入面啲火腿太少喇 所以自己加啲鹽會仲好食但係佢既服務質素就麻麻喇 員工態度差 成日叫佢追單又唔理 試過有次等左半個鐘 追追下要個老細自己黎入廚房跟 同埋員工禮貌真係有待改善
繼續閱讀