4
0
0
以上資料只供參考, 請與餐廳確認詳情
今日由食素朋友介紹我去食私房菜...問心我真係好少食素, 原來而家d素食好多樣化, 真係估佢唔到...朋友話呢間素菜館係私房菜形式經營平時都要book位先有得食呀...我地今日就order左兩個幾特別嘅菜, 朋友笑住話當自己食緊肉啦... haha..素叉燒$50 -小碟, 另大碟$78幾乎估唔到係素食, 幾可亂真!不過我覺得肉質唔似係肉, 太散, 而且太重燒酒味, 但仍算可口素羊肉串串燒 -$50/6串, $78/12串呢個真係好似, 連味道都好似, 仲有花生醬整成串燒醬伴食, 仲以為自己去咗泰國菜館呀呢度有最低消費, 只要叫夠約$3x/人, 就可以任食飯, 湯, 及糖水仲有呢度嘅侍應服務都好有禮貌呀,食完都覺得心平氣和咗喎... 下次想食素, 記得要先打電話預約留位呀^^
繼續閱讀
mar 25, 11,我揀來這裡lunch因我好想試吓佢嘅小菜..........以前去過石水渠街.........新位置都喺第1次嚟........早1日訂位同小菜..........9人叫咗 : 1) 飯 (包埋)-只要附合到最低消費嘅hk$35,就可以任食 2) 湯 (包埋)-只要附合到最低消費嘅hk$35,就可以任食-1如以往,沒多鹹味,但都比以前多味的了,足料 3) 素叉燒 - 小 (@hk$48)-雖然有9個人,但都無叫到大因我哋要試多d款呀嘛-質怠都幾似,表面挺度適中,幾香口,有味 4) 素乳豬 (@hk$48)-呢個乾身,配以海鮮醬添 -顏色深啡色,都少少似真的乳豬色-外層微脆,蘸埋個醬 5) 古法蒸素魚 (hk$68)-喺紫菜包住腐皮,喺交來嘅材料,因訂菜時,聽到店方問店員蒸魚返了貨未有-上面撒上芫茜同陳皮薑絲,真喺1絲不苟呀-味道就ok啦 6) 芋頭魚 (hk$60)-個芋泥太軟身啦,挾起好難唔散,而且亦影響埋個口感添 7) 素羊肉串串酥 (hk$68)-最欣賞就喺個沙嗲醬汁,惹味,帶點甜-大家都要"匹"d汁嚟撈飯食,正呀 8) 猴頭菇炒時菜 (hk$68)-味道是ok的 9) 腰果西芹炒馬蹄 (hk$68)-呢個喺我自己諗比店方煮的-近來想食腰果西芹,最衰現時無鮮百合,否則就貼近我嘅心意-其他材料有紅蘿蔔,粟米同素肉等-腰果真喺好慷慨,比咗好多,如果d馬蹄可以甜d就更好了 10) 蜜桃素香酥雞 (hk$68)-有大大件的蜜桃,青瓜片,青椒,番茄,素雞同生馬蹄 -酸酸甜甜,最好用嚟扒飯,最有驚喜就喺用上生馬蹄,呢個喺好有新意,我食咗1/2粒生馬蹄都未諗到喺咩嚟,直至友人肯定話喺馬蹄我先得出呢個結論,幫到個菜+點另1種質感 * 多謝友人請食飯...............更多謝1友人最尾衷心嘅祝福 * 這個價$$$$已是收貨了~~~~
繼續閱讀
嘩，真的要說說這間店舖。因為，我的宗教關係，經常要食齋。在灣仔的齋舖唔多，好食的也只有一間起兩間止。在兩年機緣地找到這間樓上食堂。第一次去到較污穢的街市上樓。當時，都係本住試一試。點知找到這間好好味的素食地方。展轉，近期，他搬了兩次。我們佛堂剛搬到他們上址附近。滿很開心，可以有個安樂的地方食飯了。點知，他竟然又搬番去灣仔地鐡站附近。與我們又相距很遠了。但我們還是依依不捨這個食堂。情願食完走15分鐘回佛堂，也會想來這裡吃個飯。大家要記得品嚐他們的湯。次次不同，但次次好味。他們的串燒包保您朋友唔鍾意食齋也無問題；因為實在不像一道齋菜，您一定會愛上這道菜。义燒是例排一定會食的。豆角炒蛋也要試試，香滑可口。請大家繼續支持他們啦....
繼續閱讀
佛有綠，一個古舊嘅名字，一間新一代素食館提起佛有綠，如果超過六十歲嘅香港人可能會記得以前有間素食館叫佛有綠，但係已經結業多年。筆者只是兒時在大人口中聽過從未去過，但名字深深烙入我嘅腦中。不過約十年前，在灣仔舊京都戲院對出嘅巴路士街忽然出現相同嘅名字，入去試試，味道唔錯，價錢合理，由一位中年修行人主理，花款雖然唔係十分多，但勝在真材實料。有小食又有套飯，小炒都有，可以話五臟俱全。可惜係租金飛漲，對於向來難以生存嘅素食館嚟講可以係至命打擊。館子只好搬到樓上舖繼續經營，展轉搬過幾次，好在當日有留下電話號碼，否則收唔到佢哋嘅短訊，咁就失去一間咁有心嘅素食館。如今搬到灣仔軒尼詩道，地點非常方便，只可惜樓下門口唔太明顯，希望各位有心嘅朋友可以有緣搵到。早前因為公司搬離港島所以同佢寬別咗好一段時間，上星期再收到短訊，得知又再搬新舖，所以心思思又再去幫襯。館子現今係一個小單位，面向軒尼詩道尚算光猛開揚，由於面積關係，只可以放大約四張八至十人檯。由於健康關係，女主廚在地舖後期已讓位俾佢個仔，而新一代齋叉燒就係嗰時研究出嚟，今次重臨當然唔會放過啦。叫咗一個叉燒飯，只不過係$37.00，牆邊有個大飯煲有一個大湯桶，只要幫襯叫菜有$35.00食同湯都任飲任食，真係抵！叉燒未到，先飲碗湯，齋湯潤厚，濃淡適宜，入口有種幸福嘅感覺。叉燒終於都到，去裝飯，大飯煲內係紅米飯，有益健康。急不及待先試一口叉燒，味道依然強烈，濃濃嘅醬汁包住仍有點脆嘅皮，入面係軟而有咬口嘅「肉」，水準保持得好好，如果加少少生抽吊味，可以話美食一絕。好耐都冇試過食碗幾飯，飲兩碗湯，今次真係食得非常滿足。
繼續閱讀