又食又飲，當然有老闆請。先說環境，我地七個人，有間房俾我地。如需要服務員用木棒敲擊一下有人來，服務員都好勤快。評：魚生拼盤，不過不失，因為呢道主食燒， 新鮮都OK，不過D魚生唔夠肥。7／10評：呢碟牛肉拼盤， 好美味，不同部份，最好味係牛肩，肉質及顏色新鮮，不用燒全熟，有點血先有肉味。＄498 有人請說OK，如果自己俾就真係貴左D， 9／10。評：新鮮海鮮，蝦，一口一口肉，加上他們有三款汁（甜，蒜，LEMON），8／10評：一口芝士，正！！！熱騰騰的芝士絲!！！！！9／10評：飯團＋湯漬，食下比較淡口，不過不防一試，因為飯團好好味。評：清酒，勁易入口，不知不覺間，飲左兩支。10／10評：梅酒好甜，每人都飲左1.5 杯， D唔飲酒都可以試下。9／10評：燒酌，比較難入口，同大陸的48﹪酒精無咩分別，所以叫左一支，我OK既。7／10

總評：坐得舒適，食得招積。服務好NICE，因為我地有兩位朋友飲醉左，又俾定TISSUE同膠袋我地上車用。

三五知已約埋一齊食晏
一行人本身諗住去飲茶
剛路經此地見到有LUNCH食,價錢又不是太貴,抱住一試無訪心態就試下啦!!
上到餐廳已見到有其他客人用餐,
入座後感覺環境尚算不錯,仲有個露台,店員話係炭火燒好特別,睇下有咩食先選擇都很多,經店員介紹後,我地最後揀左D燒肉餐同埋和食餐,
食物未到前無聊自拍中発現好多即影即有相店員同我地講呢D相係公司特色,
無論一PAIR人或一班人祗要你感親(KISS)我地就感送(牛肉)既宗旨,
所以全餐廳每個角落都癸現Ｄ即影即有相,佢地仲話情人節當晚會送埋張相比你做留念好SWEET食物終於黎啦,唔講啦開動刺身Ｄ肉好肥美,店員跟我們講解Ｄ肉要用大火去燒先可以鎖住Ｄ肉汁,千其唔好番黎番去.D牛肉好JUICY,入口即融(正)種類多不過如果可加入海胆更加正,可能我太貪心估唔到Ｄ份量竟然同相冇分別,製作相當用心,值得一讚.

最後仲有雪榚食,冇乜特別所以冇影相,
最後店員仲比Ｄ意見咭我地填,冇野講一個字正,–定再黎試埋過野晚(露台)
食飽飽埋單走人.....

和幸吧
開心聚會露台吧！
日式燒肉太流行了，成行成市！
但小弟情有獨中呢間，好有feel, 飲下食下，一樂也。
叫了一個四人餐，底食。有質素，有份量。
包了四支啤酒
有刺身并盘 - 魚肥，蝦靚
好多火堯肉
招牌厚切牛舌 - 爽口
和牛 - 油花均勻 入口真係溶喎！
唔知乜牛- ok 好食，牛味濃
大蝦 - 鲜，爽
蠔 - 鲜甜
豚 - 正日本豚，厚切，肉質爽嫩，有汁
雞 - 汁味好特別，肉嫩
原隻鱿魚 - 牛油味
和牛粒稻庭udon - 大大粒和牛
飽滿，大滿腹！

雪糕...完美句號的一餐！

GOOD!

經Yahoo團購買了4張團購券,每張$198, 星期六要加$49服務費及$30茶芥, 限時9:30pm-11pm我於9:20分到達,表明團購訂位後,即時安排入座.侍應5分鐘後拿4式前菜來(有玉子豆腐,辣味螺肉,麻醬豆腐同埋枝豆,每人一款),另每人有一沙律菜.

肉類於9:40左右才端上2 set食物(見圖),我地四人不停燒不停食,中途都無放慢手腳. 食物味道無乜特別, 都係一般貨色.爐頭一係好大火,一係校慢了就要比較長時間才燒熟食物.大約10:50分,侍應走埋來提我地,仲有幾分鐘夠鐘,話如果繼續燒, 要俾番正價.咁我地問未燒完既食物會點,佢答話會收走, 我地唯有係咁燒係咁燒,不過最尾都剩咁大盤食物(見圖).我地埋單後,2個侍應走過來問我地意見,問做乜咁多食物剩低. 我地話見佢地2個人係1個爐,4個人又係1個爐, 個爐又細(直徑無1呎都無), 又限時1.5小時(仲要食物唔係準時送到), 其實係燒唔到幾多, 我地已經無追加任叫的食物. 之後其中一個侍應聽完之後好似好突然, 話"吓?你地無追加食物都剩咁多? 我地話其實食唔飽架, 不過你地話繼續燒要收正價,我地唯有埋單囉.

由於團購見到好似幾吸引，138加一就去試下兩個人去食，之前book左位唔駛等，一去到坐低佢就揼波鐘(限個半鐘食)，等左成半個鐘先有野燒，牛肉ok夠簿多汁鴨胸普通不過其他食物就冇水準，雞同豬淡而冇味超市貨色縮水牛油帆立貝，南瓜同粟米唔啱燒勁乾最後慘到要慢火再用番帆立貝d牛油同燒汁用心去慢慢燒先好食最後結論不如自己屋企整仲好食

甜品奶凍ok,有奶味不過未夠滑同香雖然團購咁平未必好食係正常，正價可能好食，但係食過印象唔好已經吸引唔到我再去試

去到看見餐牌選還不多,最終選了拼盤牛舌及牛肉,味道非常一般,不過是自己燒的,所以就當我燒得不好吃,之後再沒有點選燒的食物,選了一個飯及一個湯烏冬,飯的味道太辣又濕,湯烏冬的牛腩一口咬下去,果然肉汁鮮甜,因為全部都係血水,又齦,湯底更十分鮮味,因為味道是我們非常熟識的出前一丁一樣,不過佢唔係我地食開既麻油味,而係豬骨湯底品味.其實都無乜所謂,反正我地都係試啫,我地4個埋單八百蚊都唔算貴,不過好似無食過野咁囉,講咗咁多,我最欣賞一點,就係我們並無訂位下,佢都很樂意比位我地.我們食了一個多小時,發現真的不用訂位的,如果大家想找一家不用等位的餐廳,這一家都是一個好好的選擇.順便可以欣賞全新撘枱設計,最終我們再戰老麥,那時候發現都麥真的不錯.

幾個月冇去，估唔到水準差咗咁多！因有腰患， book 位時己講明唔坐 bar 枱，當日 staff 來電 confirm booking 時，也comfirm 唔係 bar 枱位，點知上到去竟然要我坐 bar 枱，又話已經 fully booking ，冇得轉枱？俾佢呃咗上去！如果唔係約咗 friend, 真係會即刻走人！坐到我條腰鬼咁痛！
最衰仲係 d 食物水準一落千丈，厚切牛舌完全冇味，一口牛冇牛味，唔新鮮，雞亦仲淡味過煲完湯d 豬肉，牛肋骨只合格，冇咗以前嘅鮮味！
d 梅酒冰多酒少！ 2 個人食咗 $860.00，勁失望！相信同樣價錢，不難找一間水準較佳食店！我以後都唔會再約d friend 上去！

K小姐生日飯，地點選在尖沙咀赫德道食廈－The Hart 3/F的和幸吧，食日式燒肉，回味一下年前二人在日本遊學的日子。

和幸吧有別於一般燒肉店，設有露台坐位，大約有七、八張木枱，以提供炭火爐燒肉作招徠，充滿日本風味，而且露台伴有微風輕送，比拘束的室內座位，室外座位來得更有氣氛。木枱雖設有四個座位，但由於枱面空間不大( 所以每枱都另有一張小木枱放食物/雜物 )，坐三人已略嫌擠迫了一點，二人就剛剛好。調味醬有蒜泥、香蔥鹽醬&燒肉汁；三種醬料味道偏濃，很容易就把燒肉本身的味道蓋過了，所以還是不醮調味醬，原汁原味吃最美味。炭火爐用圓柱狀棕櫚果炭塊，中間有多個透氣孔，平均佈滿炭面，令火力均勻。

唯一美中不足就是那個炭火爐上的鐵網未能固定在爐上，燒烤時會貼著燒肉，夾燒肉時就連肉帶網整個提起，有點不方便。前菜－魚仔&豆角 $20
味道普通，用來作佐酒小食或餐前開胃小食還可以。芝麻醬豆腐沙律 $38
沙律蔬菜是配角，用來襯托主角芝麻醬豆腐，豆腐夠冰凍，豆味香但不夠滑，加上香濃芝麻醬及木魚絲，讚。黑松露鯛魚薄切 $79
鯛魚薄切尚算新鮮，可惜只得薄薄的十片，而且魚味較淡，幾乎被味道香濃的黑松露醬全蓋過了。鹽燒厚切上等牛舌 $88
牛舌芯部份，件件厚身，質地香嫩得來又略帶嚼勁，不錯。特上黑毛和牛拼盤 $498
這個拼盤份量頗多，五種不同部位的黑毛和牛，每款有五件，比其他燒肉店的拼盤份量來得多。(從左至右)黑毛和牛胸腹肉：肉質腍身，但牛味不濃。
黑毛和牛肋骨肉：牛味最香濃，而且足滿肉汁。
黑毛和牛西冷：五種部位裡最腍、最為好吃。
黑毛和牛肩甲肉：肉質香嫩，加上燒烤醬汁，烤出美味。
極上岩鹽一口牛：有嚼勁得來有少許筋。不知是否心理作用，我們都覺得炭火爐烤出來的肉的確又比普通燒肉爐烤出來的，更為香口美味。

成日聽到朋友去和幸吧食燒肉...聽就聽得多...食就未食過
今次終於輪到我見真身...唔知係咩水準既呢

成間野整到似似地日本既居酒燒肉店...幾得意既
中間整左個吧枱...難怪叫吧
周圍暗暗地...幾有feel...我估夜晚都真係幾有氣氛

超值御膳一人 $58
前菜,冷豆腐,
野菜沙律,麵豉湯
特上燒肉盛皿,白飯,甜品

呢次食下個午餐先...有個超值御膳一人前吸引左我
咁既價錢有咁多野食...幾鬼抵喎

今日前菜食涼伴帶子群邊...平時都幾鍾意食
呢度個群邊味道幾特別...有d磯燒元貝味
冷豆腐淋滿芝麻醬...日式芝麻醬酸酸地...永遠好食野菜沙律...幾清新...酸醋汁夠晒開胃
麵豉湯有幾片昆布...唔太咸...收貨啦特上燒肉拼盤有三款肉...總有一款啱口味
燒汁牛肋肉肉質唔錯...未燒前有雪花
燒汁味道幾配個牛肉...唔錯
柚子豚五花...個豬肉講明係五花肉...薄片唔韌...有肉感
柚子味最啱醃燒肉...當然好食
最普通係雞肉...唔夠嫩滑
雞腿肉應該可以好滑至係...竟然都有d位硬左d
好似近來都冇食過邊間d雞肉係鬆軟既...真奇怪
味噌味配雞ok啦...可以更好最值得一提係用黎點個燒汁...黑黑地...但竟然好甜好正
每件燒肉加上呢d燒汁...即刻加晒分甜品又見到雪糕糯米糍...方便得黎又好食
不過如果換左雪糕就仲好啦...熱食完有杯凍雪糕就爽晒其實呢間野唔錯既...但係燒肉醃製味道唔夠出色
環境啱年青人得閒燒幾燒...傾幾傾
名冇改錯...做到吧既感覺

真不幸呀 ﹗撞啱裝修，好很嘈呀 ﹗影響情緒 ﹗坐露台本應好舒服同 relax 架麻 ﹗扣分 ﹗好奇怪，點解每張枱都放個電爐係度呢？原來依家做埋 shabu shabu 日式火鍋。朋友仔未到，研究住個 menu 先。同半年前大同小異，加多左少少時令推介。牛就當然必食啦 ﹗仲要叫最好既 ﹗

剛向侍應姐姐查詢，稱碳爐暫停。嘩 ﹗不幸吧 ﹗我為左個碳爐先黎幫襯架乍，如果係咁坐露台都無意思啦，裝修又勁嘈，掉返入室內算喇，好失望。坐裡面真係幾侷促，地方又夾又窄，又頂晒腳，真係頂佢 ﹗要打側坐先得 ﹗扣分 ﹗

朋友仔有排都未到，本諗住探阿 Wing 班，點知佢又咁?今日放假呀。唯有叫支上善如水飲住等啦，清清甜甜又易入口。

凍茄子，好肚餓，食住個前菜先。茄子用醬油燴過，質感軟棉棉亦好入味，好味。

松露鯛魚薄切，時令刺生推介。淨飲清酒好 dry，叫野送吓酒先得。鯛魚切得薄薄，魚味偏淡，質地結實，配上微咸黑松露，都幾有趣，還可以啦。

南非生蠔，朋友仔終於黎到喇 ﹗先黎個新鮮生蠔狼個口先。味道未見特出，口感 creamy，還可以，都幾好。枝豆，我每次都會 order，消磨時間佳品，豆味清甜，朋友仔唔啱食，無緊要。

清酒煮蜆，蜆 BB 完全無味道，似咬緊無味香口膠，質感又鞋又靭。湯底淡而帶蔘鬚味道，劣 ﹗其實我係想要燒既牛油清油大蜆，普唔係依個。到最後都係放棄左，食幾舊算喇。

香蔥蒜蓉燒花虎蝦，全晚最好味既一道菜，比牛更好。鮮味又爽口彈牙，大大隻啖啖肉，燒得又夠香口，有打算再添食架。有專人服侍燒埋，爽乎。香蔥蒜蓉燒花虎蝦，最好食。硬晒 ﹗要耐心等上十分鐘，蝦大隻要花時間慢燒，否則又燶又唔熟，麻煩晒侍應姐姐喇。

牛油清酒燒大蜆，繼大花虎蝦後，又一好味傑作 ﹗先燒滾清酒，等牛油完全熔落清油度，再倒係大蜆上面慢燒，好香呀 ﹗食落肥美清甜非常，又夾雜住清酒牛油香味，正 ﹗其實我覺得似花蛤
多啲喎，邊係大蜆呀。之前比錯個恐怖清酒煮蜆我，真係嘥我錢呀 ﹗

極上黑毛和牛盛 HKD498 ﹗主菜終於都到喇，萬眾期待 ﹗最好食既都係無醃過既牛肉，味濃又多汁，口感嫩滑得黎有趙口，好好味 ﹗但醃過既牛肉就比較遜色喇，醬油甜味蓋過鮮肉味、趕走
鮮牛味，雖不講得上難食，但失真呢。

香蒜牛油燒鮮魷，我只係見到牛油，咁香蒜呢。尚可叫做新鮮嫩口、嚥嚥靭靭既，燒完香噴噴，可以一試。

燒雪場蟹爪 HKD298，新出品 ﹗我梗係試啦，但得兩條小腿，真係少左?喎。雪藏雪場蟹，無鮮味、口感霉，算罷啦 ﹗只有海水味又鞋烚烚又貴，不試也罷，差。