本人吃印度咖哩經驗絕不豐富，欲鍾愛那混著獨特且濃厚的香料的印度咖哩。另外又愛印度薄餅naan，麵粉遇上乳酪，再經烤爐烘出的餅香，簡單而美味。吃過的印度咖哩屋不多，現努力四處尋覓值得回味的印度咖哩。今天巧遇此團購餐，小小二人餐卻可一試多道印度特色菜，滿足三心兩思的我們。由柯士甸站往佐敦文尉街走，夜嗎嗎……十分鐘的路程都變得久遠。對向大街的小店不難找，甫入店內，大約八九張4人桌，一個門檻分隔了兩邊餐桌，7點抵達，餐廳卻只有半滿，相信平日walk-in搵位無難度。本來已不曉得印度咖喱，掲開主餐牌，花多眼亂，更覺得咖哩種類選擇多，以街坊生意定價，看似抵食。香料鬆化胡椒餅
有別於平時圓椎塔形的胡椒餅 ，表面立立令呈金黃的，相信是炸而非焗成的。這圓形胡椒餅被炸成薄薄的一大片，面上舖有碎蕃茄，洋蔥，香莞作topping。輕輕力已把餅“啪“開， 入口果然鬆化香脆，而且配上toppings豐富了整個餅的味道和口感，尤愛蕃茄和洋蒽的清新感。吃到一半的時候發現分過餅的手指都沾滿油，但又可能餅夠薄的關係，口裏不會覺得很油膩，是多道前菜主菜中最出色的。很推介不怕肥不怕熱氣的朋友，一試也無妨。

雞肉沙律
雖說是沙律，但有別於西式，日式，泰式沙，印度的沙律是沒什蔬菜，只是一另類凍食的菜式。
雞肉沙律其實是雞肉`青豆`青瓜並混著火紅色的辣汁混合而成。雞肉肉質鬆軟，青瓜爽脆不帶青味，青豆當然是雪藏貨，沒什麼好評論。那看火紅色辣汁味道未算突出，但辣中帶微甜，令整道菜成頗開胃的餐前小食。印度串燒芝士球
首先芝士球不是球狀，亦不是以串燒的形態出場，驚喜的是以鐵板上碟。鐵板上舖滿青椒，蕃茄和生熟洋蔥，一磚磚的芝士煎得焦香撲鼻，兩邊被煎至一陣焦黑色，另外兩邊又沾滿紅醬，相信煎的過程塗了不少醬料”上色”。
芝士質感似豆乾，芝士塊的心略比表皮軟，但整體硬實了無彈性，口感不甚討好。芝士塊除帶微微芝士味外，便沒甚味道，而且只有表面沾上紅醬，芝心呈白色沒吸到紅醬的味道，整體上只聞到香料和混醬的香，實質淡而無味，吃兩口便沒興趣吃了。牛油雞
牛油雞其實沒有很濃烈的牛油香，反而配料的香味很突出，不明何解取名為牛油。
牛油雞以窩仔上，浸在紅紅的牛油醬汁中，醬料入面有少量香料配以大量洋蔥，配搭起來香味十足。鍋仔內有多件雞塊，十分足料，可以說是全餐最出色的菜。

濃汁咖喱蝦
跟牛油雞一樣，以鍋仔上，濃汁外表似是泰式的黃咖喱，蝦雖爽口彈牙，但全無蝦味，似是浸了三日三夜的湯渣。相比牛油雞的牛油醬，此濃汁的味道和香料都調得較啖口，加上無味蝦，請問濃在那裏!?

Naan & Cheese Naan
Naan 雖有麵粉香，但口感乾身，較坊間的鬆散，平常在印度餐廳，淨吃Naan 也覺好味，但這裏的出品的，總覺欠缺一點香口和應有的韌性，嚼起來感覺很寡，吃一點已覺悶。
Cheese Naan 是包著芝士粒同烤的Naan， 芝士粒很薄很細小，芝士味很淡，大 概似是片裝芝士，所以其實和原味的Naan 沒兩樣。

這裏賣的不是服務，而是地道，相信食品的款式和口味沒有港式化，美味與否則各花入各眼了。菜式味道不太合我意，未能討我歡心，且地埋位置不算方便，重臨機會微。

印度餐一向以來都好像有點神秘, 煮法或用料沒有劃一標準. 而事實上, 印度餐的流派也甚多. 南印與北印不同, 印度尼泊爾巴基斯坦又不同. 不過好肯定, 不會跟以前我們香港吃的所謂傳統咖哩不同, 因為那些是從印度咖哩中抽絲剝繭, 再加入香港本土特色味道而建成.

小時候經常有一個印象, 咖哩一定是辣的, 越辣越好味. 不過其實印度咖喱是可以一點都不辣, 但香料香氣依然吸引, 這, 才是真正的咖哩. 不過嗜辣的我又怎會放過這個牽引味蕾的刺激呢!

從小就常到渡船街尋食, 因找車位容易, 而且食店選擇多. 近年南亞裔人士聚集油尖旺一帶, 吃咖哩的小店多了不少, 有機會可以逐間試試. 說回這店, 應該是開業不太久, 人流亦不算多, 不過菜式有點誠意.我們只兩人, 沒太多空間選擇. 又想吃燒雞Chicken Tikka, 又想吃炒印度香飯, 於是便來了一個大集合. 這個印度烤雞炒香飯味道濃郁. 幼而長的Indica香米混入烤雞的燒香與肉汁, 惹味得很. 米中香氣加上了印度香料, 姜, 番茜等令飯味推到了另一個層次. 烤雞鬆化而軟稔, 帶燒烤味道, 不過醃料略鹹一點. 始終也是值得推介.咖哩方面, 我們點了一個Masala Mutton. Masala是經常點的一個咖哩, 有些餐廳會做得流於表面, 肉質, 用料混合與烹調都馬馬虎虎. 但這店的算是高於平均, 因我們之前已有雞肉便想試試羊肉. (註: 此餐廳可能因宗教的關係, 沒有豬肉及牛肉選擇的.) 一向以來, 印度人煮羊肉甚一流的, 羊肉軟稔, 入口鬆化, 不會有多餘殘渣停留口中. 而且用的是小羊, 肉質較嫩. 這個Masala Mutton恰到好處! 羊肉肉質棒, 咖哩厚身圓潤. Masala一向都是圓厚口感, 辣度適中平衡, 不會如破喉利刀, 有如奶油般又香又滑. 這店用上茄膏為基, 蕃茄鮮味強而有力與Masala圓潤口感互相輝映.Naam烤製得好, 我們選擇了薄荷Naam, 初到時硬脆香口, 但放久了, 薄餅開始有點韌, 是比較遜色的一個.如怕太辣 / 香料太重人士, 可考慮右邊這杯Mango Lassi, 是印度芒果味的甜乳酪飲物, 可中和刺激味蕾. 另Lassi也可有鹹飲的.

整體來說, 這店確是不錯之選, 菜式選擇雖不算多, 但平均感覺不俗. 特別留意枱櫈及門口比較窄, 可是性價比亦不算貴.

各位好,　　小弟前前後後都係食過幾次印度野，E.G. 阿X丁@CWB 同其他幾間，都覺得印度野都OK，不過唔可以算係太好食。今次又係團購既關係去試一試新野，間野係渡船街附近，交通都算方便，落車行10 MINS 內都到左。去之前都擔心食物唔知岩唔岩口味，又驚無乜野食，又驚態度差 ( 之前有D經驗唔太好)。點知去到就即刻有位(預早BOOK 左)，因為有D真係會叫個客等下依樣個樣先入，就算你真係BOOK 好左。坐低後侍應態度好好，已經準備好杯水，同拎定團購個餐單比我地選擇，侍應方面大多係印度人士(應該係掛，如果認錯就抱歉)，但都有一個係香港人，絕對係USER FRIENDLY，減少溝通不便的情況。落左單後，食物好快就已經上枱(大約10 MINS)，等既時候都唔太悶，因為佢有幾部電視播緊印度既MUSIC VIDEO，因為平時無乜機會睇，所以都幾吸引到我同女朋友，仲一齊討論D印度女仔靚，幾好笑。

　　我地本身係2個人去食，但買左4人團購套餐，因為太鐘意食，又驚唔夠食，結果職員無黑面無態度差，仲好NICE 好禮貌，D野食亦都無因為我地得2個人，就比少D份量比我地，真係足4個人份量，放到成枱都係，勁開心 ，咖哩角, 春卷都好好味，好有印度香料既味度，最好食係個燒烤雞，真係勁野味，入晒味，仲好大件添，切開舊雞會發現D紅色既調味料，已經入晒舊雞既深處，証明係用左好長時間去調味，加上佢既印度飯，配上好味既咖哩雞、咖哩魚、咖哩蝦、蕃茄芝士等等，簡宜係天籟之味，再點上自製既薄餅，薄餅皮又軟'熟'、又香口、又唔太油。結果苦戰左1.5 個鐘己經又飽又滿足，仲食乘左好多，因為太好食，所以叫職員幫我打包(外賣)，起初仲諗住個職員實黑我面喇，咁鬼麻煩人地，結果無黑面無唔鐘意，仲好好咁張4個唔同既咖哩分好一格一格裝起，絕對唔會混埋一齊，所有野都包得好精美。最重要係，我地始終都係偷心既香港人，因為仲有兩罐可樂未飲，同佢講完，仲要問埋佢有冇COKE ZERO，勁麻煩，因為我地減緊肥，結果又無黑面，仲裝好左放埋飲管入去，咁NICE 咁有心既鋪頭去邊度搵啊，我真係未試過囉，到我地走既時候，仲要個職員(印度人掛) 笑住口咁同我地講BYEBYE，叫我地下次再黎，仲要我唔覺得佢係口不對心喎，真係笑容勁好既印度人

　　其實野篇野一食完就決定要寫，雖然我從來無寫過OPEN RICE，但都係HEA 下HEA 下攪到依加先打，加上比一間好差既印度餐廳刺激低下，決定一定要讚頌D 好好餐廳。

一早訂了位 不用等 跟本沒有人
點了指定菜色還以為有半隻 入口乾 冇汁
我本人愛吃雞胸都不能接受這"烤雞"小辣 但這份量 真的太多咖哩比較最好味 但也是一小碗的

這四人餐的原價會有人吃嗎? 6XX
份量夠你飽足1天

沒有團購的 請想清楚

個個星期都嚮附近上堂要嚮度食晚飯, 有時都想試下新野, 呢間上星期經過見到, 又未試過, 雖然就咁望個門口…無乜人客得侍應有d驚..不過都即管試試啦.

入到去睇睇個menu,因為未齊人, 所以諗住嗌住小小野食先, 見到有隻叫香辣雞既有三隻辣椒標誌, 好想試下, 嗌人落單時, 個印度人話very very spicy…一聽到有d打退堂鼓咁, 不過最後個fd都決定照叫黎試下, 另外都嗌左個蒜茸烤餅. 嚮等食期間真係有d擔心..連印度人都話好辣既野我地食唔食到呢..萬眾期待下佢同埋個烤餅一齊出場勒…

熱香辣鮮雞: 一試…係辣既..不過唔係想像中咁辣, 食完唔駛點飲水添, 好好味呀… 蒜茸烤餅: 一睇個面感覺有d油膩, 不過又好鬼香口, 就咁食都好味道, 人真係矛盾既動物… 之後齊人再加既野食:

原汁咖哩雞: 原汁即係平時嚮街度食到既黃咖哩囉, 都好味既, 有少少辣, 但係味道唔係太特別 原味烤餅: 其實點咖哩汁最好就係食3原味, 乜都唔加剩係點d汁就索哂d味啦. 印度炒飯: 個飯我麻麻地, 覺得飯粒太乾身, 用黎送咖哩汁就ok既. 埋單每人都係$60以內, 平過嚮重慶大廈食呢, 而且可以慢慢坐唔會俾人趕(因為無乜人客)

若非團購，我相信我唔會食印度餐。若非團購，我相信我唔會咁遠去到油麻地同佐敦附近食野，地點唔算太方便。
我前幾次食印度餐都係團購自助餐，所以我都期望呢次食晚餐會同自助餐o既菜式、口味會唔同。

今次呢個團購餐包小食 (選 2 份) + 印式麵包 (選 2 份) + 印度燒烤 / 串燒素菜 (選 1 份) + 白飯及炒飯 (選 1 份) + 羊肉類 / 雞肉類 / 海鮮類 / 素食類主菜 (選 2 份) + 飲品 (從餐廳飲品單中任選 2 杯)。

我同媽咪就叫左炸雞同沙律、印度串燒雞、香菇香料飯、咖喱就係魚同雞，飲品就叫左乳酪。

炸雞好快就送上，只係暖暖地，唔係太脆，香料味重，都算OK!沙律就怪怪地，賣相唔多想像到係沙律。跟住就係幾香口、幾濃味o既鐵板印度串燒雞，份量o岩o岩每人一件，並配以椰菜、檸檬同洋葱等，食落味道清新，唔會覺得好似食左好多肉咁! 而且D雞放係鐵板有少少濃濃地都幾特別。細細碟咖喱汁配魚同雞都幾，主要都係要D咖啡汁蘸烤餅，我叫左係提子芝士烤餅同烘薯烤餅，烤餅食落唔覺有提子，亦唔覺有蕃薯。D餅大大份，都食得幾盡情。烤餅都幾鬆軟，點咖喱汁非常好味，唯咖喱汁就食唔慣，辣左D。仲有香菇香料飯，都係果句，食唔慣，乾乾地o既長米，我有D想學印度人用手拿飯食，不過費事又要洗手，所以我都冇試。飯入口一D都唔覺香，似普通炒飯咁，唔熱，味道較淡，或者都係點咖喱汁黎食?!最後飲品係乳酪，似美樂多定益力多之類，都好味!餐廳位於食街位置，食唔慣印度餐o既你，或者去隔離食粥仲開心!

經table map book 枱. 餐廳不算太大只有一個香港侍應生,其餘都是印度人. 我們不是團購的所以侍應生就換了一個正常餐牌給我們. 每款菜式都只是幾十元但份量不算很大所以我們點了三款主菜試試,另外還叫了三款印度烤簿餅.Fish Tikka鐵板上,熱滕滕的端上.魚肉夠滑不會燒得太乾,還有椰菜和生洋葱伴碟,加少許檸汁然後點些微酸白色的芝士醬一起吃,開胃惹味. 還有我非常喜愛而且每次吃印度菜必點的濃濃mango Lassi,好開心! 正中的mango Lassi是很甜的這杯我覺得適中亦可解辣.看之前食評說咖喱羊肉很羶所以才想試試,但我就不太覺得羶所以有點兒失望,但是肉質都幾嫩滑. 牛油烤餅很香牛油味煙煙韌韌好味.胡椒餅只是HKD4,很香脆.鑊仔燴雞還以為是鑊仔上,雞肉ok加入青椒,彊絲和洋葱雖然不是鑊仔上仍感覺到它的鑊仔味. 最後上的蒜蓉烤薄餅老公較喜愛之前的牛油烤餅,我就覺得這個也不錯,很香,獨立食不點咖喱更好更能食到它的蒜香味.

最後老公還點了一杯有些印度香草味的傳統印度奶茶. 因我們之前飲過星加坡用媡奶沖勁好味的印度拉茶,他以為這個是同一樣東東,結果令他非常失望根本就是另外一回事...

今晚不經不覺吃得好飽...

Went here with a 5-course meal on groupon with my wife. Place was very busy but managed to get a seat quickly. The place is tiny but GREAT indian food.

I'd put it up there with Tandoor or Bombay Dreams as the top Indian food i've had in HK. Only issue I had is that its far from me but its a walk from Austin Rd MTR....a walk away from the 970 bus stop that I used to get to Kowloon side from Western Dist.

Food - We had Prawn curry, chicken tikka, Samosa chat and kashimiri naan and onion culcha. The curries and tikka were creamy with awesome sauce that I wished I could buy a bottle of to take home (at risk of offending people in movie theater we Did end up taking home all the left overs). Food was great quality (I would have been content with just the Kashmiri Naan and the prawn curry sauce!) but the value is great as prices were generally under HKD 100. Apps were HKD40 or so. And best of all King Fisher beer only HKD 22! Bottom line we had a 5 course meal and I loved it all (the cold app with peas and chicken was our least favorite)

As i was smelling all the food, and before I was even served, I was already looking forward to coming back with some friends to have beers and good food.

今次的團購，是印度廚房的二人餐，聲稱可享五道正宗印度菜，有超過八十款美食選擇，地點為油麻地的文尉街。星期六晚七點來到，餐廳座位半滿，只有一位侍應是香港人，其餘都是印度人，當中有的略懂廣東話。侍應安排坐在二人檯，桌子很細小，坐下來也略嫌擠迫。然後侍應便遞上團購的餐牌，由小食到主菜，總共有約三十款菜式，正價餐牌上的八十多款菜式當然不能任君選擇。我們選擇的菜式如下：小食有咖哩什菜角、香料胡椒餅；烤餅要了提子芝士烤餅、烘薯烤餅；咖哩有濃汁咖哩魚、香料椰菜薯球；還有印度香料飯和印度串燒雞，飲品是印度奶茶和芒果乳酪特飲。先到的是小食。咖哩什菜角只有一隻，而非正價的兩隻。咖哩什菜角的餡，眼見有薯仔和青豆，外皮炸得金黃鬆脆，內餡咖哩香濃，辣度適中，過癮可口。香料胡椒餅很薄脆，上面灑上蕃茄粒、洋蔥粒、蔥和芫茜，也有不少胡椒粉，入口香脆，胡椒味重但偏鹹，蔬菜粒令口感爽脆清新。然後來的是是印度串燒雞，只有兩件，也是正價份量的一半。雞球是串起來燒熟，表面有少許焦黑，放在圓型的鐵板上，伴以椰菜絲、洋蔥絲、檸檬上檯，吃起來雞肉很嫩滑，味道微辣，配合檸檬汁非常惹味。印度香料飯，印度米的形狀修長，質地比較硬，沒有香港人吃慣泰個米的黏性，米粒很乾身，入口有淡淡的香料味，雖然不能分辨是甚麼香料。然後來了兩個的骰的咖哩主菜，魚的份量很少，只有兩三小塊，椰菜和薯仔的份量相對很多，兩碟主菜的顏色相近，咖哩味道相約，香辣兼備，但濃汁咖哩魚多了一種香草味道，這個味道不太自然，不太合個人口味。烤餅最後送上來，提子芝士烤餅夾著的是橙色的椰絲，卻不見提子和芝士，當然也沒有提子和芝士味道，烤餅很乾，蘸上咖哩汁會較易入口；烘薯烤餅的餡是薯蓉，較為油膩，兩款烤餅都很韌和硬。兩杯飲品也不太合口味，印度奶茶有很重的香草味，感覺像藥油的味道；芒果乳酪特飲的顏色和味道都很人造，口感就像開稀了的乳酪。記得對上一次吃印度餐是在元朗一間有名的咖哩餐廳，估計有十年之久，當時雖然辣得滿頭大汗，但對印度食物的印象還算不錯。今次過吃過印度廚房，不知道下次再吃印度餐會是甚麼時候呢？

well done for having thought of this.

The sheekh kebab is $34 for 2 pieces on a small sizzling plate. Great, that leaves room for other dishes like the chicken tikka, again smalller portion for $32.

The half price, half sized portions makes it possible for even a groud pf 4 to try as many as we liked for a reasonable price.

We had chicken tikka, sheekh kebab, tandoori prawn, all were done nicely. Meat was not burnt and moist inside. Sitting by the window you can see the chef pulling the meat out of the tandoor.

The curries are good too. Had lamb vindaloo with rice. Nice n spicey.

Fairly small place, 20 seats I think, so does get crowded.