和朋友路過此店，內裡都幾多人!
見到menu很多豬扒!一定是推介...食完後!超正靚豬扒(即叫即炸)仲有帶少少肥...好味道!!烏東很滑及爽口!!
有飯及烏東的組合!很特別!份量不少!
值得推介!
仲有靚仔日本人的服務員，很細心的招待。

星期六午餐唔係太多人選, 選了最出名滑蛋豬扒飯
滑蛋真係半生熟, 好滑, 估唔到塊吉豬俾蛋淋左, 食落仍然香脆
我估可能我好彩, 塊豬扒都好JUILE, 好味~
反觀我朋友叫了羅白吉豬, 佢話塊豬乾D無禁好味
呢間感覺唔錯, 不過佢餐牌唔多款式, 是日午餐係唔吸引.
如果黎食一定食佢吉豬啦

今晚沒有太多胃口…所以只能選小食, 不敢order太多的定食或者飯類~
我們點了:

1)豬扒家食配湯烏冬: 豬扒炸得剛剛好~而且不會太「鞋」, 配上滑蛋更好味~!!! 而烏冬亦出色, 似是贊歧烏冬, 有點煙韌, 加上一些木魚絲~~終於開胃點了~如果唔揀湯上~可以食冷烏冬~!!
2)芝士年糕: 這個超妹味~~年糕微甜~配上熱辣辣的芝士~~真係好正~仲要d芝士係微溶狀態~~~所以好好味~
3)大蝦沙律: 呢個都好好味~~因為佢個沙律醬好味~有點醋~~而且將d菜切得好幼細~~好易入口~又唔會食到冇曬儀態~
4)海蜇青瓜: 呢個係送ga~好似因為佢地唔知幾多年生日~送的小食~~份量都唔少~一人一兜~~而且d海蜇超爽口~!

期間職員斟水都斟得好密~~最後仲送左個豬仔鎖匙扣俾我地~~話下次有呢個鎖匙扣會有折扣ga!!! 哈哈~我們賺了~

老實講此店座落位置不算太好，但幸好附近還是有巴士電車站到，午餐時間過了大半才入內但還是有一半人。店名用豚字當然要試豚，基本上這裡主打炸豬扒那就來2種豬扒餐。

1.日式燒汁炸豬扒
2.蘿蔔蓉配炸豬扒

過了一會上台，一眼看見整盤食物感覺乾淨企理，冷烏冬用了類似竹簾般的東西托住，好日本feel~~但豬扒咬落去第一口有少許失望因為不是太熱，而豬扒外身給汁淋到開始軟身......但整體味道ok~配了菜絲溝淡了豬扒的油感，而冷烏冬配了醬油浸一會抽起吃味道剛剛好。 蘿蔔蓉配炸豬扒唯一不同的是多了一堆蘿蔔蓉在碗中，作用跟菜絲差不多而且有蘿蔔香帶著。

今次算是一次不錯的經歷，因為真的順道經過見到而內進，但感覺還不錯，地方骨子得來舒適服務也不錯！

實在諗唔到有咩理由唔比好評,因為我已經第三次黎,因為實在太吸引!滑蛋吉烈豬扒定食+冷鳥冬
唔知點解分開上搞到冇得一齊影相,先上左烏冬,不過都好,d飯可以保持熱辣辣!
個烏冬既口感真係一流,我本身唔中意凍食烏冬但係都比呢度既吸引左!加左佢d唔知咩醬汁,味道好夾黎到重點滑蛋吉烈豬扒定食啦!滑蛋真係好滑,撈飯係一流,佢仲有d生生地既蛋汁,至於豬扒有好多塊,脆既程度適中,唔硬,而豬肉厚,唔會薄如紙.一個女仔食咁多野,超級飽,不過超級滿足,尖沙咀開了分店,恭喜哂!一定會同朋友推介,話哂灣仔呢頭個地點有d唔就腳.因為公司附近先有機會認識到呢間好野!

因為喉嚨有一段日子不適，拖到今時今日才有機會試試這兒的名物──吉列豬扒。還記得舖子開業初期，廣受不少傳媒推介，早前更發現它更開了分店，莫非它真的很受歡迎？周六中午時份來臨，又沒有想像中的墟冚情況，反而覺得頗為清靜。落柯打後侍應先把餐前小食送上，麵鼓湯味道適中，不會太鹹或太淡，可惜卻欠缺了豆腐粒，幸而有滑滑的海帶增添口感。漬物是三片黃蘿蔔，清清甜甜的但質地較粗，相信是蘿蔔較老的緣故，有點失望哩！至於味付螺肉則非常彈牙，我更愛拌上的青瓜粒，爽脆之餘又醃得入味，很是清新。

吉列豬扒飯容後送上，意想不到份量很是充足，豚肉有厚厚的六件之多，而且沒有太多肥脂層。由於即叫即製的關係，熱力逼人。個人認為豬扒的色澤較深，未知是炸得較燶還是醬汁的關係，但口感是不錯的。豬扒外層十分鬆化，微脆香口，肉質說不上嫩滑豐腴，部份位置更比較乾身，但以此平價而論交到功課了。不得不提枱頭那支芝麻醬，極之香濃惹味，拌著生菜絲吃超級好味，我認為店子可以多加生菜，現在只有小半碗略為不夠呢。白飯則屬一般而矣，跟平常吃到的沒太大分別，如在這些基本食材多加注意應更顯心思。

最後要評的是白桃汁，在大熱天時喝一口冰涼的飲品，爽透！它味道清新，不錯之選。

今天第一次去馬場呢,起初還以為是內地遊客跟年長人士會比較多的呢,想不到外藉人士才是最多的,證明有些東西真的不親身去過是不知道的啦,呵呵XD賭錢果然是倒錢落海,有四葉草肥雞也沒有運啦,未到8時半已經輸了120元呢,還是跟女朋友仔離開這個傷心地找東西吃好了=3="
幸好還記得附近有這店的存在呢,這店的炸豬扒已經想帶女朋友仔來這裡吃很久的啦,終於有機會了,算是令我有點安慰吧.=v=
這店的情調很有趣,四處也貼滿了寫上日文的菜式呢,給人一種置身日本的感覺.看一下餐牌也不用選啦,我當然是點吉列豬扒定食的了,而女朋友仔除了滑蛋豬扒飯外還想試一下芝士球呢,也點吧,呵呵.
在等食物的時候待應先奉上茶及小食呢,是涼拌海蜇啦.麻味很香,海蜇也爽爽的,配合青瓜的酸甜很開胃啦,不錯呢.終於來啦!食物一起來的呢,不用一個只看著另一個吃那麼慘啦.還等什麼了?開動啦!XD先吃芝士球呢,起初還以為是肉丸來的,原來是粉團包芝士啦.甜甜的麵粉味加上流出的芝士味道也不錯,而且沒有油膩感,看來炸的水準很高呢.女朋友仔給我一點滑蛋豬扒飯吃啦,豬扒厚切有肉汁,連蛋汁一起吃很好吃呢.而飯也因為滑蛋而令味道豐盈了啦,很快便吃光了,呵呵XD
而我的食物又怎樣了?我的吉列豬扒也是厚切呢,雖比滑蛋豬扒乾,但也因為這樣令豬扒的肉味更濃郁啦,跟生菜絲一起吃把油膩帶走了呢.而麵豉湯應該是最弱的一環啦,沒有豆腐,沒有什麼味道,只有蔥花呢,跟即食麵豉湯差不多啦,幸好豬扒真的很優秀,瑕不掩瑜呢.結帳207元呢,這樣的水準算便宜啦,我們相逢恨晚呢豚兵衛,我一定會再來吃的,呵呵

因為遲去，所以不用等位。
叫了一個炸猪扒飯加鳥冬 ($80左右），炸猪扒外脆內軟，好食！
凍鳥冬也好食，尤其是送鳥冬的醬汁，有一種魚的味道，很開味，本來以經很飽了，但仍想再食。最後還有一張九折優惠券。

豚兵衛Tonbe可算是一間吉列豬扒專門店，很多的報導和廣告都集中在它的吉列豬扒。

買了兩張團購卷，一張係大蔥炸雞定食（$88，原價$127），一張係白金豚肉定食。（$118原價$245）

報導話老闆本身是日本人，覺得香港的正宗日本菜太貴，就連在日本很經濟的吉列豬扒也是，所以便自己開一間經濟實惠的日式料理店，那我就很好奇到底豚兵衛是否真的那麼物美價廉呢？

大蔥炸雞定食
包括：大蔥炸雞 + 牡丹蝦一隻 + 三文魚剌身三片 + 生蠔一隻 + 漬物 +麵豉湯 + 日式白桃特飲

白金豚肉定食
包括：白金豚肉 + 漬物 + 麵豉湯 + 白飯 + 日式特飲坐下不久就上了漬物和麵豉湯，漬物是黃蘿蔔，味道爽口，配飯是可以的 。麵豉湯只有大約半碗，咸淡度剛好，有一些海帶和蔥，只是奇怪沒有豆腐 。跟著上來了日式特飲，不知道是什麼特飲，我沒有問，店家也無講，故無從得知，但是顏色漂亮，酸酸甜甜，只是味道有點不太適應。牡丹蝦+ 三文魚剌身+ 生蠔一起上，全部都很新鮮，味道鮮美，牡丹蝦還有蝦羔呢！海菜也很爽口，只是Wasabi 認真唔得，一點也不嗆，唔知日本老闆認為如何呢？好了要上主菜了，先來的是大蔥炸雞，雞肉切成大大片，做法不是吉列，有點似鹽酥雞，這雞塊的粉裹不厚，外層香脆，肉質也見其嫩口彈性，但肉鮮味不算強，底下還有一些醬汁，味道是可以的。再來的就是白金豚肉，據說白金豚肉採用上上級的麥豚肉，利用高溫迅速炸熟鮮豚肉。上桌的白金豚肉的確賣相出色，金黃色的鬆脆外衣，又有熱騰騰的香氣，夾起來，麵包粉和豚肉緊緊的貼在一起；食下去，肉質香嫩無比，完全不粗嚡，一點兒感覺不到脂肪，真的鬆脆無比，肉汁豐沛，而肉味也是不錯的，非常可口，只是我會期待它的肉味會稍為更濃郁一點點，畢竟它是白金豚肉呢。伴碟的薯蓉內還有薯粒，非常特別，好吃；切得異常幼細的椰菜絲，很爽口也很清甜。

桌上有兩瓶可讓食客自行添加的秘製醬汁，我特別喜歡他們的芝麻醬，入口香濃惹味，一試難忘，與豚肉非常匹配。他們的飯據說是選用日本高級珍珠米，但當天感覺香氣是不錯的，但好像太軟了，飯粒彈性不足。我翻遍店裏的菜單，也曾請問店員証實店裏是沒有售賣這款白金豚肉的，比較接近就是這款「幸福麥豚特選吉列豬扒」單品售 $１48，定食$１６8一客。

這餐是滿意的，尤其是可以特價吃到如此美味豚肉，只是很奇怪為什麼菜單上就沒有這個白金豚肉，難道店家就那麼沒信心，這個白金豚肉就只適合做團購，還是有什麼我們不懂的特別原因呢？？？

用餐日期：7月2日

一向食吉列豬扒的專門店都係走比較貴價路線，而豚兵衛今次以團購為號召，真材真料，絶不欺場，認真超值。其實灣仔店地點不太方便，係灣仔同銅鑼灣港鐵站中間，又唔近巴士站同電車站。若非呢個團購優惠吸引，係中環番工o既我，平時係絶對唔會係集成中心一帶食晏。

團購餐包日式醬汁吉列豬扒飯 + 麵鼓湯 + 味付小食 + 漬物 + 白桃汁。

日式醬汁吉列豬扒飯有D汁醬預先淋左落D豬扒度，D豬扒唔會太乾，食落D醬汁幾好味，枱面仲有豬扒汁任你落，落左之後豬扒更加入味。讚! 豬扒炸得鬆脆可口，完全食唔到D雪藏味，D吉列炸粉唔會好似係和民，一夾就甩出黎。D飯的份量都唔少，飯旁D青菜絲，一方面可以冇咁油膩，另一方面可以唔駛淨係塊豬扒冇dry。青菜絲夠晒清新，仲可以有沙律醬任你落，D青菜絲落左沙律醬味道更加可口同突出，果然冇咁熱氣。

始終食落豬扒汁D味比較濃，加上較熱氣，飲番杯白桃汁即時涼晒，加上大熱天時，完全爽晒!

以呢個價位食吉列豬扒飯認真超值，算係比較用心的團購餐，遠遠過黎都值得再encore。