51
9
12
港鐵油麻地站 A2 出口, 步行約2分鐘
繼續閱讀
營業時間
星期一至日
12:00 - 02:00
以上資料只供參考, 請與餐廳確認詳情
食家推介
呢間樓上CAFE唔同既地方係，以白色為主打，加上開揚既觀感，令人感覺好精神。OREO曲奇奶昔，一向都好鐘意，因為我鐘意朱古力，但又唔想經常獨沽一味，所以就借OREO過橋。混合左CREAM後，味道濃厚左。黑松露芝士雜菌意粉份量好多，好抵食而且色水好好，整體味道香濃，但又唔會過咸趁熱撈匀佢，雜菌都唔少架芝士煙肉雜菌長通粉同樣地，都係好大份通粉唔會太硬，軟硬度岩岩好味道濃郁，兩款主菜水準都好好
繼續閱讀
賣相幾好，冇諗過D嘢食可以咁難食⋯⋯意粉煮的太爛，好軟，仲有完全冇汁冇味，難食到極點。小食拼盤樣樣嘢都好甜，唔明點解每樣嘢都要搽蜜糖。鴨胸燴飯，簡單來講就係茄汁撈飯紅霉花茶，淡到得個酸字，好難飲個咩女祭司特飲，就係糖漿，難飲到呢成餐飯食得好痛苦花錢買難受真係未試過cafe難食成咁好煎熬
繼續閱讀
好失望，去這裡聚會的經驗很可怕。食物冇位放，搞到要去人地張枱囉野食。食店內的安排實在差劣，飲品餐具都不知道放在那，水也找不到。 仲要係用紙碟膠叉，品質最差佳之選果種，搞到好似小學雞食野咁，夾粒肉丸都難。米飯常常吃到硬粒，而且配料的份量非常不足，味道像是溝淡了般。因為一大盤上，所以味道及份量控制失敗，飯就多，料就少。唔好食。 意粉同樣差劣，夾又夾唔到，煮得太軟而散晒。反而意粉調味過量，落醬料過量，基本上是沒有控制的。其實都有春捲同薯角食，不過不輪不類。春捲落怪汁，冇味又整到淋晒，一盤底既又唔脆。 分開上都唔肯。 薯角仲恐怖，成堆蕃茄醬，原本炸脆都變淋晒。 有人唔食茄醬真係冇得食………唯一可取的只是炸雞翼，只要唔炸焦黑，都正常可吃了。甜品是全部最不可原諒的。 一塊多士切開四份，上面加一舊cream同埋落幾滴chocolate 醬,咁就當甜品。三樣野都唔夾，搞到堆crean又熱又唔熱，甜又唔甜仲衰過食西多士，唔知搞嘜好失望。服務生好像是臨時請的，行行企企，有個仲訓教………唉，搞party,免。
繼續閱讀
今日同閨密high tea 睇戲睇完戲 2個女仔想搵個地方少女心事而旺角既上樓cafe雲集..咁上openrice到睇下有咩好cafe 可以試下啦~咁岩睇到station 3 佢地既飲品係以塔羅牌去改名..我同閨密都覺得好得意, 所以就簡左黎呢到試試一去到, 我地唔係睇野食先, 係睇飲品先, 係到研究左一陣子,之後我地叫左2個set 再加個小食~燒牛肉配田園沙律日式和風沙律醬配新鮮蔬菜清新開胃~之後,上左我杯飲品月亮 (即荔枝及波蘿沙冰)荔枝及波蘿味道分明,味道清甜, 正^^夏日炎炎, 行左街咁耐嘆返杯沙冰簡直透心涼 黑松露帶子鮮菌燴意大利飯本來覺得應該都好普通~期望都唔大但上枱後有驚喜黑松露味重, 而配料份量都唔少!但略覺得意大利飯煮得有得偏硬如果'林'返小小, 整體會更加好蜜糖雞翼沾上蜜糖既外皮煎得好香脆而且雞翼非常入味, 肉質嫩滑唔錯既小食^^我地去到都差唔多10點鐘,但依然爆場,好熱鬧而CAFE提供一D GAME比客人玩等客人除左食野之餘,亦可以玩遊戲玩樂一番
繼續閱讀
一行十幾人黎慶祝生日，諗住地方大，坐得舒服。食物inner set 83蚊起ge頹飯。主要係 忌廉汁/茄汁/沙律汁 + 火腿/磨菇/煙鴨胸+意粉類/飯/菜既組合80幾90蚊食呢d野都算，跟餐有杯34蚊既野飲，但全個餐牌得2款係38蚊~係果汁味精+紅茶/綠茶，頹爆，連飲朱古力都要補6蚊差價。如是者第一個朋友身先士卒，叫左個燒牛肉沙律，牛肉得幾塊，佢主要都係食草，冇錯，呢個就係83蚊個餐啦！跟住其餘有幾個叫左飯/意粉，份量真係好少，肉醬意粉好少肉醬，帶子飯好少帶子，連火腿長通粉都好少火腿，其實呢d野咁平，收人地80幾90乎幾蚊，慳黎做咩呢??結果唔飽，有人就叫多左個淨燒牛肉沙律，即係同set一模一樣既菜式，45蚊，黎到份量多過一個餐，跟住大家突破盲點咁計，如果散叫加多一杯40蚊既野飲，只係85蚊，而跟餐係83+6(差價)=89蚊。發現原來跟餐係貴過散叫既一刻，第一個叫set既朋友灰左。因為d野食太頹，我只係叫左杯焦糖朱古力，甜到嗆喉，最後我要左d熱水，沖多左2杯飲，味道先balance d~仲有一個fd都好慘，其實得3款飛碟，吞拿魚/火腿同芝士 , 但d款都唔齊，冇吞拿魚，無奈叫左個唔想食既火腿，黎到係有2個三角形咁大既size。最低消費:每人一杯野飲[$34起]環境:不過去開cafe都對食物冇咩期望，最緊要坐得舒服同多野玩，但係呢2點都好失望!!!間cafe有2邊，我地被安排左去細嗰邊，同場有4枱，坐係我後面個枱係一班年輕人食野玩層層疊，講同笑得好大聲!我地黎只係想傾偈，嘈到大家都要好大聲先聽到對方講野，最後，有人忍唔住叫隔離細聲d，但已經係嘈到走左都仲係好頭痛。 表面好似係隔離枱問題唔關cafe事，但有實際上cafe有2個問題:1)冇人控制場面，亦唔夠staff stand by，我想叫個staff幫手溫馨提示下隔黎枱都冇人。 2) 間cafe ge 隔音同吸音做得好差，四面牆，聲音回彈+焗係個咁細既地方，只要有一枱講野大聲d，全場嘈爆，另外枱同枱之間緊貼，即係我背後就坐左個隔離枱既人，全部聲受哂，多個屏風/有靠背既sofa隔音都好好多。桌遊種類少: -款舊(得象棋/飛行棋/只言片語等舊game)- d野唔齊 (冇說明書/冇骰子/玩只言片語有repeat 卡，冇兔子，數字牌唔齊)好心搵食工具就保養下啦，一副都唔係好貴。小插曲:唔知誤會定咩，負責book 枱個fd話個staff本身話可以叫dinner set+另外如果有3個人以上就可以叫party set 。 但係有人叫左dinner set 後，再有6個遲到既fd想夾份叫party set已經唔比咁叫啦，所以冇得叫party set la。總結:其實我唔知呢間野有咩賣點，食物份量不足，主要材料份量少，飲品普通，收費不合理(set貴過散叫)，環境嘈吵同冇咩野玩，性價比奇低，我同我d朋友都唔會再黎，希望大家唔好中伏啊！
繼續閱讀