13
12
5
港鐵大埔墟站 A1 出口
繼續閱讀
營業時間
星期一至日
07:00 - 22:30
以上資料只供參考, 請與餐廳確認詳情
食家推介
咪以為太興淨係做燒味，佢個下午茶包羅萬有，女仔細食可以嚟個輕量版茶餐，食件西多或者奶油豬仔飽，想飽的可以食碗湯麵，上次我食過牛肉麵都ok呀。 今日我就俾茶餐價食個 early dinner, 哈哈，當然係食招牌燒味啦! 我叫咗個特瘦义燒飯，肉質幼嫩，個蜜汁仲好惹味! 阿爸叫個叁拼燒味飯，跟足餐牌咁，三拼要燒肉切雞义燒，份量好足呀! 所有茶餐都包杯飲品，如果唔想飲茶啡，可以試吓佢嗰羅宋湯，超足料，有齊蕃茄椰菜紅蘿蔔…，高纖夠健康! 、湯粉麵組
繼續閱讀
老公突然話午餐想食太興，我又冇乜特別想食，就順他意吧！本來以為求其一餐，點知有小小驚喜！其實平時我都去開這間太興，吃過的早餐、晚餐都不錯的。而今次我叫了以為普通的牛丸米粉，原來好好味的！米粉是爽口的新竹米粉，我覺得已經好正；另外，牛丸有新鮮的牛肉香味，亦吃到有牛筋，估計是手打的牛丸，亦十分彈牙！連我老公都搶了兩粒來吃。我叫侍應給我辣椒油，這裡的辣椒油不太辣的，但很香，所以加起來很好食。冰鎮奶茶是我的最愛，基本上每次都叫它！水準保持！
繼續閱讀
其實大埔都好多選擇 只不過放工近地鐵就起食餐好少少。叫左個個肥牛煲係同張圖差咁遠....圖片只供參考姐，都唔使差到咁遠下話...？ 定係不符商品說明先。就算你係叮出黎都好，可以落番小小水冇咁乾， 乾到痴埋一舊夾又夾唔到，啲沙嗲醬都未溶咸到完全食唔到。啲菜又好老。咁簡單兩個菜式都做唔好， 可唔可以唔好浪費食物？ 仲話係咪蹝野食店，如果係煮得好相信都唔會出現咁多浪費既情況，啲野咁難食咪嘥野食店真係浪得虛名，貼錢買難受了！
繼續閱讀
冰鎮凍奶茶，個個都話自己係原創，快餐店、茶餐廳、士多仔異口同聲地道，不過關我鬼事咩，哈哈。質能幼滑致極，茶味突出、奶味強烈，各有千秋，香甜濃郁又夠凍，堅透心涼 ﹗不過份量真係有點少，飲兩杯先夠喉呢。炒滑蛋厚切極上午餐肉出前一丁，每日一丁基本野，我的留住青春靈丹妙藥。侍應阿姐話只可以依足 menu 去 order，不準轉煎蛋、不準轉火腿、不準轉腸仔 ﹗加錢都不準轉，真的嗎？極上午餐肉？形容的有點浮誇，只不過是火腿午餐肉罷了。沒怎麼煎過，不香口；沒怎麼烚過，不軟塾。實質偏硬帶油，麻麻地。菜芯不甜帶草青味，老而不嫩，照食可也。預早煮定的麵條，泡湯出貨，粉口又無味又唔夠熱，非常討厭 ﹗微暖的炒滑蛋，強勁的牛油味道，西炒蛋來的，滑得黎有點硬實喎。完成港西合壁的早餐，行山前食飽飽，行動開始 go go go ﹗
繼續閱讀
好少幫襯太興，因為覺得食燒味不用那麼貴吧！去完郊遊，在火車站附近覓食，尼度好像比較快有位又可以坐一陣。等左約10分鐘就有位了。同兩位朋友坐下，各自叫了燒味飯、豬軟骨拉麵，午餐包餐飲。個豬軟骨都好味、淋又不致於散。麵就standard啦，無驚喜也不覺差。奶茶就真係好飲嘅，有茶味！怪唔得ｄ人成日話來太興飲奶茶啦！我們坐在卡位，傾左約1個多小時，都無人趕我地走。我覺得地點算方便、又幾好坐。服務態度可以啦，環境又唔會好嘈！ok!
繼續閱讀