在yahoo團購左兩張優惠劵($148一位+39.8 加1) (諗住咁多人買一定OK點知咁差)
去BOOK位時候...因為冇我想要既時間…又差唔多到期..STAFF又安排唔到比我..
就搵佢經理不過都好好比我安排第2個時間...之後叫我再覆..點知打左好多次都話個經理唔係度..
未問完個STAFF就CUT左我線...之後我再打個去..個D STAFF 爆粗鬧WOO...話成日打黎...咁你搵唔到你經理.咁我梗係打多幾次..經理要我快覆佢...我唔覺得我有錯啦..冇啦啦比你鬧你冇野呀...我黎食野唔係比你鬧囉...
唔記得影相...

食物方面，以我食過以百幾蚊一位的價錢作比較下評論
肥牛鍋，肥牛真係好肥，而且仲好靭‧完全唔得...
青酒煮蜆..但有好多沙
婦羅及串燒..完全唔得
沙律菜，好唔新鮮‧
而家食D 百幾蛟位其實而家都有大把選擇

在GROUP BUYER團購左兩張優惠劵($140一位)
星期一訂星期四，好順利，可能是21:00-23:00比較容易有位‧
在門外的價錢牌標示21:00-23:00的價錢是$218，而最貴時段19:00-21:00是$238.沒有團購所指的$398‧難免有點被搵笨的感覺‧
服務方面本人要求唔高，所以可以接受‧
食物質數方面，以我食過的作以下粗略評論(以百幾蚊一位的價錢作比較)

刺身整體唔錯，排列整齊，有冰薦低，唔會一堆咁比你‧蟹,三文魚及油甘魚都好肥美，值回票價之選‧
壽司沒有大舊飯的情況出現，品質亦比完六的好‧款式亦不少‧
蟹粥賣相平庸食落確不同，好鮮甜‧
肥牛鍋，原來有烏冬，一般，肥牛真係好肥，而且仲好靭‧
青酒煮蜆，沒青酒味，這是當然的，但有沙就接受唔到‧
天婦羅及串燒，完全唔掂，一點成意都冇，可以不食‧
沙律菜，好唔新鮮‧
汁煮田螺，螺肉，八爪魚，菠菜一般‧
牛肉他他，雖然唔知點解叫牛肉他他，因我理解牛肉他他是生牛肉碎，這個是五成熟而且是一片片的，不過又幾好食‧
泡菜超正，可以叫多D，唔會飽肚又醒胃‧
青酒淡而無味，都係飲ASAHI啤酒好D‧

埋單要比$40服務費(每位)，好似有D唔底，因為是團購應該是平多一點個心會好過D，所以覺得GROUP BUYER有誇大優惠‧睇新聞話團購服務的投訴不斷增加，所以大家要小心‧

本身都好鐘意食放題，貪佢d野細細件咁，一次又可以叫好多款唔同野食，啱晒朋友食聚。

今次就幫襯左團購，買了4張coupon，約埋幾個friend一齊來試下，買左之後上黎見到評語麻麻地都有d擔心，但係今晚去食完又唔覺咁差呀，所以忍唔住都要打返篇野先。

可能因為好多人都買左團購，book位都打左好多次，但book星期4都ok，基本上個場都full左....(建議其他朋友早d book, 同埋book平日會好d)

一來我地就叫左好刺身，都幾多款揀，有d有頭甜蝦、油甘魚、蟹柳....都幾特別，平時食放題都好少有，所以都試左少少，都ok,最like個甜蝦，都幾鮮甜.....不過最愛都係3文魚, 好正, 我地寫左勁多都來足....(早衰d相係個friend度.....有機會再up)

之後仲試左芝士蝦卷,3文魚芒果卷, 同埋火炙3文魚sushi.....水準都唔錯, 同專食sushi店有得fight~ 仲有我最愛的玉子, 可惜冇刺身款....朋友叫左個海膽手卷，我冇食,不過個樣都唔錯呀, d海膽睇落幾full

d串燒同天婦羅都可以試下, 夠熱又夠味, 唔怕好油, 最正係羊架同牛舌︿勁快比人清晒, encore左一次

見到隔離台叫左d鍋, 超香,但我地已經太飽食唔落lu~~

總括今次團購都ok呀, 比$140食夕到咁多野,而且可能之前睇左的食評太差, 搞到原本冇咩期望, 但食完都覺得唔太差, 可以再試呀~~(如果有平......)

我太太在團購買了(紙上燒)任飲任食兩小時，當日去到見到門口還有一張好大廣告板寫着(紙上燒)任飲任食兩小時，我們去之前三天已打電話訂，我們去到餐廳入坐時侍應生還收了團購的確認信，坐下後我太太便点菜及詢問(紙上燒)，當時侍應生才告訴我們紙上燒團購已不再提供(提供有效期12-11-2011)，只提供普通的壽師和刺身，我們跟他說我們買的是紙上燒不是普通的壽師和刺身，他便說無辦法只有食or 不食，我們在訂坐至今日入坐時點解無人同我哋講，他說總知現在是這樣，我問經理在嗎?他答我便是了。
最終我們沒有食離開。
總結:
態度差
黑名單一定不會再去

10月26日買了兩小時團購,
個訂台電話打左幾日, voice mail 都爆晒, 不能留言...

到今日都仲未book到台
諗住上來open rice查看一下, 點知...出事了
咁多 members 鬧爆
早知我pay pal之前來open rice 睇左comments 先啦...

佢今日又再推$38 既午餐... 真係希望買既朋友在上來看一下comments再慎思!!!

唉... 好後悔

Tap Sonic Hong Kong飯聚......
有人話要食好D，又有人話要任食，根本冇可能就到........
但居然俾團員M發現左呢間神串一......
佢同我講:$248任食.....我當堂嚇左一跳.....然後就得啖笑
響呢個世界居然有咁貴既任食，即係焗我去試架姐

第一轉食刺身就梗左架啦.....但係個LIST度居然有油甘魚！離晒譜！
真係任食油甘魚！我之後叫左4轉！.........其他一般中國人食飯點都要有D米氣落肚，之後叫幾件壽司......一般...有個白痴好中意食甘蝦.......呢度果D有頭既，質素係高D，我都食左幾隻也有這種和食.....居然真係可以同時滿足到「想食任食」同「想食好D」兩條蛋散，好野~

星期六難得同男朋友一齊放工(5日半的確有點兒難受!!!),
相約在尖沙咀食lunch, 大家都好想食日本野, 平時食開的元x又排哂長龍,
行去the one睇下有乜食, 就黎到神串一啦~~

haha~第一次食午市放題
雖然有點貴, 但男朋友話要試下係咪真係咁值, 就入左去lu~

記得以前食親放題感覺都好似去韓燒咁, 有d垃垃離離,
但呢度算係叫高檔放題, d 食物好新鮮呀!!!

食放題梗係乜都食渾哂啦~ 所以都廢事係咁影(好似會好失禮咁)
不過我想講佢d鍋物真係幾得, 料夠, 而且好新鮮,
特別係個雪花牛肉鍋,

黑色衫的經理哥哥話呢度ge牛都屬於AA水準喎~~最後仲叫左2個, 1人KO1個~男朋友鍾意食魚頭~~就點左呢個 (我怕腥, 只有佢食, 都OK WO!)
哇....好大個頭, 襯番我對面個大頭仔串燒都唔錯, 特別鍾意佢GE牛脷~ 我想講我去食Buffet唔會食飯囉, 但人地話要食, 好彩份量剛好, 雖然小小一碟, 但刺身同D珍珠米分量都幾1比1, 我平時唔太鍾意食三文魚籽, 但果次唔覺意食左, 口感好得, 要讚!! 炸物~我好鍾意蕃薯天婦羅, 經理話係用日本甜著, 所以好sweet sweet架 仲有食左好多好多, 有芝士年糕, 餃子, sake煮蜆, 牛柳粒等等,
全部都唔錯, 真係有d料到~
當然唔少得刺身啦, 其實平時食個魚生飯都90幾蚊(至少), 而家俾多百幾二百就可以食盡咁多野,
真係好抵, 最重要係個地方一點兒都唔cheap, The One商場已經係個保證, 好過你俾百零蚊去mk某d放題食...冇服務之餘又冇驚喜, 有時番工咁辛苦, 都想食得舒服d~ 呢間野真係ok! 會帶朋友黎慶祝食飯~~~~

p.s. 最近The One有個M&M FUNCTION, 排左半個鐘拎左佢地番屋企~

團購了晚餐放題. 去到坐低無耐, 粒聲唔出, 放低咗盤嘢食.
無龍蝦, 見有兩條蟹腳加兩小件蟹同牛肉加豚肉. (兩人份量)
我問佢係咪蟹代替咗龍蝦, 先至主動話係, 龍蝦斷咗好耐, 之前用鮑魚, 有啲客唔鍾意, 而家轉咗用蟹.
我張團購劵明明係龍蝦. 訂位時又出聲, 入到去又唔出聲, 好似佢俾咩我就有咩食咁.
咁無計啦, 去到, 又買咗團購劵, 唔通走咩.
食完先"興", 佢門口仲貼住有鮑魚的餐牌.
唉, 仲有兩張團購劵未用, 點算.
下面的開飯朋友, 你哋就好啦, 仲有鮑魚食, 我得返蟹腳咋 !! 仲要幾鹹吓 !!

見樓下有位姐姐派紙話有下午茶咪上去試試,
上到去門口無人, 又無MENU, 店內只得兩個客,
入去問個四眼侍應有無TEA, 佢好晦氣話有,
但坐低後, 又唔俾MENU, 又唔招呼, 態度奇差!!
張紙寫下午茶套餐, 問佢有無MENU, 就咁答一句無, 得兩款麵揀,
問套餐有無野飲, 又係無, 無就唔好寫套餐啦!!

成個舖得兩個客, 但煮兩碗麵都要20分鐘,
但味道真係唔得, 個湯好淡, 好似求其煮碗麵出嚟敷衍客人咁,
食左一半已經唔想食落去!!

味道唔得, 服務又唔得, 又唔清潔,
咩都話無, 有無諗過我係客人嚟架, 唔係乞食呀,
真係唔駛錢都唔會再嚟呀!!

因為團購關係, 未食之前睇定openrice,雖然劣評如潮, 不過已經有哂心理準備,無想到差得甘膠關.

可能因為平日食, 打去第2日已經有位, 去到見到間餐廳見環境不錯, 起碼枱與枱唔會好迫

之後坐低表明係團購,一黎就係成盤野,當中龍蝦變成鮑魚,仲要每人得果1隻, 其他仲有東菇, 南瓜, 魚柳, 黑豚肉(好鞋), 等等
第一次試紙上燒,不過一次夠哂, d 紙燒無一陣,就燒焦了, 搞到d 肉黑麻麻,仲衰過去韓燒.

不過我黎日式放題, 重點緊係魚生啦, 把鬼火d 魚生又薄又細塊 , 仲有其他野食, 不過好垃圾下,得3張紙可以剔, 有一張係用黎紙上燒既料, 有一張係壽司,手卷,魚生,仲有一張係飯面加串燒. 我叫左個三文反, 淡而無味, 我都未試過食放題會食飯, 因為真係無野好食, 我細佬叫左個冷烏冬, 但係d 烏冬果樣勁似上海面, 仲有做得任飲任食, 可以cheap 到得兩樣野飲, 其一係熱茶, 其二係綠茶.飲汽水都要錢, 仲有d 沙律牙, 卷物可以自己拎.
手卷d 紫菜咬唔開, 牛油雜菇(淡), 酒煮蜆( 蜆有沙), 章魚丸(成舊粉).

服務員還算ok. 不過呢間野無下次, bad list. 埋單, 要比埋個服務費,每人38.8 , total 每人180, 未試過比呢個價錢食埋d 甘既放題.