之前試過沙田分店, 第二日肚柯… 事隔幾年… 再次鼓起勇氣食鋒壽司… 因為10點幾, 其他食肆都close了… 今次試銅鑼灣分店… 等了半個小時才可以進去… -_-“ 幸虧食物質素還好… 茶具很講究, 每個杯都有有意義的字句!芥末八爪魚
味道: 沒有特別…… 八爪魚有點腍…
賣相: 最下層是蘿蔔絲, 上面放上日本香葉, 最上層再放八爪魚豆腐沙律
其實都沒什麼評論可言, 全是生的… 都不用煮… 芝麻醬也是一般日本料理店的… 喜歡汁麻醬和沙律菜分開上, 自己喜歡用多少醬都可以~
賣相: 正常三文魚腩壽司+甜蝦壽司+鰹魚壽司+帆立貝壽司
味道: 三文魚腩肥美, 帆立貝有點胜, 鰹魚混合油薑和蔥一起食味道不錯.
賣相: 正常用紫菜保住食ge新出壽司 -三文魚腩壽司
味道: 洋蔥加三文魚是一向都很夾的味道. 加上紫菜, 其實也差不多, 但好像換一下吃法, 沒那麼悶…
賣相: 將長長的三文魚腩壽司diagonal地放在紫菜上, 美觀~魚生飯
味道: 送沙律和醃菜. 魚生飯看得出有用心製作, 魚生下面有一層碎紫菜, 下面再有一層像似甜菜的東西, 最底下才是壽司飯. 甜菜可以中和壽司飯的酸味, 增加整個飯味道的層次感, 不錯. 但壽司飯真的是太酸… 玉子不太甜, 很好; 但水分不足, 有點乾.
賣相: 很好, 魚生擺放精美, 加上日本香葉點綴, 賣相不俗.Overall: service, environment各樣都正常… 約$120一位… 還好…

在皇室堡戲院看戲前，揀了這間峰寿司主理的To To Ya，是主打吞拿魚料理的小店，發現好幾款料理驚喜無限，能讓已麻木的舌尖有點新衝擊。紫蘇白魚軍艦，不是常見的款式，有點創作寿司的味道，亦給人春日感覺，白魚貼近白飯魚，透明亮澤，口感順滑，有啫喱質感，拌以蟹籽素翅，口中卜卜響，紫蘇香慢慢滲出，小小的軍艦已有很多心思。北寄貝手卷好像為不愛魚生質感的食客而設般，切碎的北寄貝有嚼勁，加入大量沙律醬，應是小孩至愛。另一出色料理，靈感來自越南米紙卷，材料則和風十足，包括蟹柳，甜蛋，昆布，菠菜，三文魚，搭配和諧舒服，色彩繽紛，最優秀的是米紙質感，柔軟中有點煙韌，比起很多主打東南亞菜的食店做得更好！帶子刺身及葱吞拿魚手卷水準中上，前者食味清甜，後者魚脂甘香。燒餅風味炸鱆魚餅構思頗特别，將原本放在源於大坂八爪魚丸上的甜香燒餅醬，沙律醬，木魚花及紫菜粉，轉移到鱆魚餅上，濃郁惹味。不過，本人覺得由於鱆魚餅本身調味已足，反而沾些薑末吃，風味更佳。此店有一道料理不可不試，就是吞拿魚拉麵，首先清澈的湯底是由吞拿魚熬成的，熱度夠，鮮甜非常，此種滋味坊間未曾品嚐過。吞拿魚片可按自己喜愛，自定生熟，若喜歡較生的，便可趁早挾起。不過，這兒的吞拿魚件就算浸在湯中良久，全轉了色後，肉質仍然軟滑，是另一種口感，配料清爽，麵條亦彈牙，值得回味。

今年冬天好像特別冷 (其實去年也好像是這麼冷...), 所以一說起吃, 便會想到吃個熱辣辣的羊腩煲, 打邊爐, 或是近年比較流行的雞煲. 不過我想大家身邊總會有幾位朋友特別喜歡背道而馳, 例如夏天會走去打邊爐, 或是像現在那麼冷的天氣就會走去食雪糕, 吃冰品, 實行用反行動來對抗嚴寒.
這天晚上只有10度左右, 來到晚飯時間, 當宅女正在盤算著吃什麼來暖暖身子時, 大爺一句: [我要食壽司!] 完全地被打亂了算盤. 不過想起來也很久沒吃壽司刺身了, 所以便就就他一起去了附近這家峰壽司魚屋.還記得最初銅鑼灣的峰壽司剛開業時, 好評如潮, 每天門口總是聚集了大堆等位的食客. 當年宅女住得近, 不時也會光顧, 當中的珍寶帶子跟蟹腳印象尤其深刻. 不過數年前搬家後巳沒多再光顧了, 而前陣子白沙道的峰壽司也結業了, 銅鑼灣就剩下這家有加賣吞拿魚和其他定食套餐的魚屋分店.
我們晚上8時多左右來到不用等位便馬上可以入座, 侍應帶了我倆坐在壽司BAR枱. 眼看這裡地方又不算十分大, BAR枱大約能容納8-10人左右, 其餘多是二人或四人座位. 魚屋再沒有迴轉壽司帶, 換來的是一本餐牌, 一疊落單紙讓食客自行填寫. 不像板長那樣把壽司名字全印在紙上, 反之要食客自己寫上食物編號. 其實有好有不好, 好的當然是環保一點, 不用印那麼多紙, 但不好的是大家要一邊對編號一邊寫, 但有些人總會覺得很麻煩的. 不過我想其實如有需要, 侍應也會代勞落單的, 因為後來宅女追加1,2碟也不用再填紙, 只口頭跟侍應說就可以了.大爺喜歡吃三文魚, 所以一來便豪氣地點了5件享用.
挪威三文魚 (HKD$7/件), 千尋海老 (HKD$12/件), 海螺 (HKD$9/件), 厚肉帶子 (HKD$26/件)其實宅女近年巳少吃三文魚, 不過看到這裡的三文魚色澤呈鮮橙紅, 又幾肥美, 所以也試了一件. 三文魚切得幾厚也大塊, 入口的確夠肥美, 油脂亦豐滿, 算是不錯. 千尋海老其實是在蝦上放上一小堆蟹子, 件頭都幾大, 吃起來蝦肉夠肥厚肉質爽甜有彈性; 海螺其實都幾細舊, 肉亦不夠厚, 吃起來不夠滿足, 但幸好入口十分爽脆的. 這裡的壽司飯握得幾實的, 沒有太鬆散, 而且醋味酸度得宜, 飯粒圓短飽滿, 配著各款刺身吃起來算是不錯.
厚肉帶子是我來這裡最期待吃到的, 標名是北海道產的, 上來的帶子肉質果然十分厚, 未知是否心理作用, 感覺件頭比以前較為細隻了, 不過當然比我在板X板X所吃到的巳算是很肥美的了. 入口很滑肉質軟棉, 肉質厚吃起來有實在感, 也帶點甜美的感覺. 其實宅女一向不敢說香港連鎖店的壽司刺身有幾新鮮, 因為除非是即撈即吃, 否則上岸再到餐廳再到食客口中, 其實巳不能說是新鮮了, 但當然總也不能下下即撈即吃, 所以以連鎖壽司店來說, 這裡的質素巳算是不錯.

魚背 (HKD$14/件) + 長腳蟹 (HKD$18/件)魚背是宅女每次去吃壽司都喜歡點的款式. 這裡的也算是不錯, 入口魚脂味重, 雖然未能到鬆化的程度, 但吃起來也算帶點回甘, 口感油潤滿足得來也帶點嚼勁; 反之另一令人期待之物長腳蟹便有點失望, 記得以前吃的是非常厚大的一舊蟹肉放在飯面, 但現在這個只是瘦瘦長長的一條, 蟹肉很薄, 軟弱無力地鋪在上面. 蟹肉是幾甜, 不過入口飯的比例很多令蟹肉不突出, 吃得亳不滿足.

海膽 (HKD$18/件)其實在連鎖壽司店是有點怕吃海膽, 因為曾經試過在某間巳結業的壽司店吃到發臭的質素, 即時吐也來不及. 這晚本來沒打算點, 但大爺要吃便捨命陪君子了. 看到HKD$18一件又幾便宜, 但這價格當然也不會有什麼期望了. 待師傅端給我時, 看看賣相又幾對版呀, 色澤帶點橙紅色, 最重要是沒有成一PAT PAT的狀態! 入口海膽味不算很濃但仍保留海膽應有的軟棉慢慢溶化的質感, 加上份量都頗多, 底下的壽司飯偏少一點的, 一口吃下去完全能感受到海膽的甜美. 當然質素就不能跟頂級那些相比了, 但以HKD$18一件的價格覺得收費絕對合理.

火灸盛 (HKD$32/3件)一碟有3件, 分別是火灸鰻魚, 三文魚和帶子. 三款都是用火槍烘過表面再塗上醬油的. 好吃的鰻魚其實現在在香港巳買少見少, 所以在這裡都巳有心理準備不會是很好的貨色. 果然上來的是很鞋口的肉質, 而且十分瘦又乾, 幸好表面烘了烘吃起來帶點焦香; 中間的帶子比起之前的厚肉帶子明顯是2種級數, 這個細隻很多, 也不厚肉的, 口感較為單薄, 而且也烘得很微弱; 左邊的三文魚表面烘到半熟了, 不過因為這裡的三文魚都算是肥美, 所以吃起來一半仍是刺身一半是烘得魚味濃郁, 口感豐富且油脂味更豐厚, 是三款之中比較好吃的.

三文魚子 (HKD$18/件)三文魚子也是宅女比較喜歡吃, 每次吃壽司也會點的款式. 這裡下的三文魚子份量算OK, 粒粒呈鮮橙色的晶瑩剔透十分飽滿, 入口每粒都漲卜卜的, 帶點咸鮮的味道, 周圍的紫菜算幾乾身香脆, 加上低下的壽司飯份量適中, 一整件''啪''進口中, 三文魚子跟飯的味道十分配合, 整體也是吃得過的.

牛油果甜蝦沙律 (HKD$22)上來真的只有一丁小碗, 份量還要十分少, 賣相跟餐牌看到的完全是兩回事. 這裡的牛油果跟甜蝦巳完全埋藏在一堆厚厚的沙律醬內. 夾起來只見到有很多生菜絲, 牛油果不見踪影, 甜蝦好像找到2小粒但這個入口全都只有沙律醬的味道, 其他什麼牛油果, 蝦味完全是找不到的. 白白浪費了HKD$22.

最後還點多了幾件壽司, 加上每人一罐啤酒, 加一後盛惠HKD$4XX.
感覺價格比板系店貴一點, 但某些款式的質素的確比前者來得有水準 (除了那個沙律)
不過未知是否假日人多, 店員人手都不算足而且大多都木口木面, 說不上很有禮貌但仍會說句多謝. 反而比較有禮的是一眾在壽司BAR枱前的師傅.
如果晚上想吃壽司BUDGET不想超過500元的話可以考慮這家的, 感覺比板系店好, 但當然如果對吃壽司刺身有些要求的就不要考慮連鎖店了!

第一次打食評係因為我忍唔住佢d服務.

岩岩開門無耐,得幾枱客,一定唔係忙既狀態,
從我睇野食到order,都係圍埋一齊傾計,
到d野食黎,就咁放係枱面,一句聲都無出過行開左,
到第2次仲要同同事一路傾計一路笑咁幫我落枱同收野,
第3次有一個年紀大d既同事出餐俾我地先有禮貌
之後想加茶,都係個主任以上既員工幫我地加,
我覺得其他既員工態度真係好差.難道岩岩開門未訓醒?

自從銅鑼灣其他分店汁左,就去左呢間幾次,野食同mk店既水準竟然差d但係貴d
炙燒三文魚竟然好多筋,
帶子縮左水,
峰玉子個頂好乾,
芝士薯蓉波個面好乾.可能入面無芝士會更好味,

唯一可以讚既只係個mini香蔥吞拿魚飯,佢呢度專食吞拿魚,如果呢個都唔好食就真係出事....
不過今次去完唔會再食.我寧願食物普通正常但係服務好囉,
以後食峰只會去mk!!

上一次食評係呀妹寫 所以大家對呢間野既諗法有d唔同

今日約左我mentor去Windsor House食野 大約係4點幾
諗左好耐之後揀左食峰壽司魚屋食野

果陣大家都唔係太hungry 所以叫左個Lunch setD $58 (5點前都可以叫)
最尾跟餐加左個沙津($10) 因為要加10%
最後$86 埋單

一開始個Tea都ok.味道唔錯Set d 個刺身飯 刺身ok 幾fresh
但個飯真係好難頂...好酸個set都okay 沙津好食 甜甜地咁
飯就差 湯係ok 唔太咸~ d青瓜同白羅白比較酸 唔係太岩口味最尾見唔夠飽 加左個salad 勁多野食 味道唔錯 好健康
建議大家食左呢個先食個set

d rice實在太酸 食到1半已經唔想食 好浪費
呢間好難令人keep住幫襯..加油啦

今日12點半左右入座

食Lunch.2人.

入到去,比左2杯茶..一開始都幾好飲...沖第2次,變到好淡叫左Set A $48(最平的):好似有10件Sushi~有前菜~麵豉湯(ma ma地好飲)仲有,叫左Set C 好似$58:有軟腳觸手卷...同埋Sushi~前菜~麵豉湯加左三文魚刺身 唔太抵食... $36得4塊 又唔係話好大.加左個拉麵,,唔好食ge / V \.....OK啦...唔洗等位^_________^

做到十點先走,點都要食啲好野
食壽司絕對係好選擇
呢度雖然鋪位比較細,不過都唔算等得好耐
一坐低就狂叫野食
三文魚壽司,軟殼蟹卷,蟹柳壽司,火炙蟹柳壽司,鰻魚壽司都好正
佢嘅魚生好新鮮,啲飯又唔會一夾就散,炸野又唔會好油
如果個鋪位再大啲就更好

3月15日, 銅鑼灣全線峰壽司都突然執晒, 想食峰壽司就唯有嚟呢間峰壽司魚屋… 又一次好好彩地平時見佢門口總係堆積住一大村人, 今晚去到竟然唔洗等可以直入~ 不過呢間峰壽司魚屋全店都係order位, 並不設迴轉位, 而且壽司亦變成板長一樣大部份都係逐件order, 唔洗下下打孖上.

::: 三文魚壽司 ::: $7
照舊先叫個三文魚壽司開開胃~ 賣相同味道同峰壽司如出一轍, 唔錯!

::: 千尋海老壽司 ::: $12
鐘意佢比峰蝦口感更creamy~ 味道都幾鮮~

::: 帶子壽司 ::: $14
感覺上無以前咁大隻, 而且質感比較乾, 味道都唔夠鮮.

::: 魚腩盛 ::: $52
有三文魚腩、吞拿魚腩同埋劍魚腩~ 三種魚腩色澤都唔算十分靚, 略帶少少乾身. 當中三文魚腩雖然係腩位, 但就因為薄切而缺乏口感. 其餘兩款叫做厚身番dd但係油香都係爭d… ok 啦!::: 軟殼蟹卷::: $26
軟殼蟹卷味道唔錯, 但軟殼蟹成份好似比以前少咁… 同埋三個卷其中一個卷得有d散散地…::: 四點盛 ::: $36
四點盛包括峰蝦、三文魚、帶子同埋蟹柳壽司~ 峰蝦質地都幾彈牙, 鮮味都有~ 三文魚壽司都新鮮, 帶子都係細細隻同唔夠鮮. 蟹柳好凍, 但味道ok唔會好大陣雪味. ::: 蟹膏軍艦 ::: $12
蟹膏好凍, 唔夠鮮甜, 只係ok~

::: 北寄貝沙律軍艦 ::: $9
絕對比峰壽司細件! 餡料亦相對較少, 北寄貝亦無乜咬口… 唔好食嘅…

::: 蔥吞拿魚腩軍艦 ::: $14
吞拿魚蓉無吞拿魚味又唔鮮… ::: 火炙蟹柳壽司 ::: $9
算係全餐最好味的! 蟹柳燒過之後質地變得軟嫩, 出奇地食到少少鮮甜味~ 再加上大量沙律醬, 好夾好好味!我地兩個都鐘意食迴轉壽司多d~ 因為可以同壽司師傅距離近d又可以自己揀碟自己覺得最新鮮嘅壽司先食! 而家落完order, 壽司師傅整得幾求其你都要照單全收. 咁講真呢度唔係話唔好食, 但呢度連薑都要叫人先至肯嚟… 同峰壽司比真係仲有段距離… 好掛住峰壽司呀…

這間峰壽司不算大，但環境也算舒適，不會太擠迫。青瓜細卷(HK$12)﹕清新的感覺。峰鰻魚(HK$14)﹕這裡很多壽司都是一件一件order的，我覺得很好啊，食量不大的人也可多試不同的美食。這個峰鰻魚十分入味﹗麵豉湯(HK$12)﹕超簡單的熱湯，但在冷冷的天氣，或有點頭痛不適的時候，喝下這個湯便馬上精神抖擻。火炙蟹柳(HK$9)﹕燒得微焦的蟹柳，配以帶點點醋香的日本米飯，令人想一吃再吃。軟殼蟹手卷(HK$26)﹕每次都必點這個，即叫即炸，熱辣辣新鮮炸起的軟殼蟹，配以美味沙律醬，實在滋味﹗魚生飯(忘了價錢)﹕厚切的各式魚生，色彩繽紛的，單是賣相已令人食指大動，而且鮮甜可口﹗

大家別忘了向服務員要一碟酸薑，這裡的酸薑味道不錯的﹗服務也不錯，效率很高，只是真的常常大排長龍呢，建議大家早一點來吃晚飯了﹗

在20/4/2012 去試吓搬家后的"峰"
我一打開餐牌看見價錢貴了(但心想現時咩都貴ok!!啦)
但我点了幾款魚生壽司, 一吃發現除價錢變貴了之外還有如下:
1. 豉油變差了
2. 飯變得太酸了
3. 魚生變得有骨了
4. 魚生變得多皮了

因為有d朋友都會CONSULT我去邊到食飯! 所以我已决定叫D朋友千祈米去!!!!!!!!!!!!!!!!!!!!!!!