吾掂吾掂，原本想去麥文記食麪，但full house,諗住過隔離都吾差啩、原來是極差。吾計價錢，只講麪底，一咬下去，不彈牙只覺稔稔地，沒有食幼麪咬口。越食越不好食，因為越來越稔。雲吞細粒，味道ok.唉!食雲吞麪最重要麪底，可以不幫襯，其他分店吾知有幾好，不過都不會選這品牌。

呢度嘅雲吞麵係用普通飯碗裝嘅。幾細，估都估到。麵係兩箸已經挾唒。雲吞係大過粒麥堤莎小小，共四粒。據聞傳統係咁。
雲吞，全鮮蝦，蝦肉新鮮彈牙有鮮味，雲吞皮薄薄地，但非常札實。麵亦彈牙，條理分明，無乜䶨水味，滴兩滴醋，更加好味。大地魚湯底，唔覺有味精。整體其實係好味。百物騰貴嘅今時今日，$31一碗，我可以接受，但都係一個頂點，再加$1，我都唔會食。

向來也喜歡吃碗剩雲吞當是小吃,覺得總好過花十元去吃幾粒全是粉的炸魚蛋為佳.永吉街的 麥奀更是首選！貪其細細粒不影響正餐胃口。這天六點來到佐敦但八點才晚飯，便決定來個小吃.這個週年誌慶也不易捱吧!雖說免費贈送豆漿,但可不可以大方一點呢?這樣的大半杯會不會有點難看?剩雲吞----一碗八粒雲吞是常吃到的全蝦餡料,湯底沒有問題是正常的大地魚加蝦子的味道.問題是吃到其中有數粒雲吞"腥腥地",是蝦肉不太新鮮吧!而且隻隻蝦內也有條黑黑蝦腸......是傳統的話雲吞應該是散尾,而不是這樣子死死實實的"一舊"吧?
銅鑼灣分店已口碑不見得好,但這裡更甚是再創新低的零笑臉!完全沒有老店出品水準,服務對答態度欠佳那位擁有極黑臉的女侍應應記一功.

夜收工，介乎肚餓與不肚餓之間，但怎也要吃些東西吧。
好在中國人有個偉大發明：雲吞麵！這一帶當然以麥奀為首選。細蓉索價三十大元一碗，不可謂不貴。好細的細蓉，麵爽脆，湯的味精頗多。雲吞是傳統的迷你版，少許散尾放了在麵底，內有原隻蝦，都爽的。

仲有秘密武器 - 余~均~益~ 辣椒醬！（應該吃撈麵才用吧）。

堂堂一所城中雲吞麵殿堂老字號，竟是一個笑臉也不值 ?

說到明是"奀"，份量自然是少，而且雲吞麵由來的傳統都是吃巧不吃飽的。若是以份量太少而攻擊她，那就未免有點為她不值了....

沒錯，三十大洋換來一小碗一箸也吃得完的"細蓉"，的確是高消費的活動，但間中來一碗 (記得小弟上次去中環總店吃，已是數不清年前的事)，也不是太過份、太奢侈了吧 ?

的確，雲吞的水準是大倒退的 ---- 全蝦雲吞一直不是我所好，而且當蝦隻只是徒具一個"爽"字而全然缺乏鮮味之時，您還可以說甚麼 ?

但話說回頭，湯底及麵條卻仍是不錯的 ---- 前者味甜且濃；後者更是極度爽彈且一點鹼水味亦沒有。論水準，比自己認為城中翹楚"劉森記"更出色....

淨說這一口麵，也不忍給她一個喊臉啦....

開頭以為個名係老子號， 應該衰極都有限。 點知叫咗碗雲吞麵， 先至發覺中招； 個碗只係大過個飯碗小小。 最重要係味道一般， 老表同雲吞成都好味D. 一D都誤值三十幾蚊。
個牛筋撈麵還可以， 但d麵好重鹼水。
最差嘅係d阿姐嘅態度， 今時今日真係十蚊都誤值。 我問有無辣椒油， 得一個字"無"。 點解連辣椒油都無?

琴晚原本去食澳牛炒蛋,點知因為做冬而休息一天
之後就去左附近既麥奀食雲吞麵,因為聽聞這間店舖很出名,所以決定入去嘗試
入到去見到雲吞麵28蚊,心想應該是物有所值
點知來到果陣先發現碗麵份量超細,連下午茶也不如
味道也是一般,雲吞不是想像中那麼好

我終於明白.名店也不一定是好的,因為愈出名的店舖,就是愈冇質素
呢間野一定冇下次!!!!

今日好忙，Lunch諗住快快手，食麥文記，點知今日澳洲牛奶公司休息，搞到麥文記勁多人等位，唔想等，快步去咗左鄰的麥奀，諗住食過中環嗰間okay呢間都唔會太差，點知錯晒！

一坐低，發覺雲吞麵碗要28，個心即刻諗你憑'mug'野可以賣貴麥文記4蚊?唔通係電腦打單同杯茶? 後來我終於知道...可能係杯茶

份量，食麥文記我一定一碗就飽，呢到竟然唔得！我咁鬼細食都唔得其他人可能要叫3碗!
雲吞同麥文記一樣，有4粒，可惜size係麥文記一半!， 味道亦不及，蝦肉新鮮度亦不及麥文記　
湯底都普通，有d鹼水味
麵，唔得，太硬

一定無下次!

有些飲食品牌,總店水準好地地,分店就差天共地.當年曾在奧海城food court吃過麥奀記,差得令人乍舌.還記得麵條的鹼水味,非常之刺鼻.

月前在佐敦開設分店,在老字號麥文記旁邊,是有意抑或無意?猛虎又及不及地頭虫?個人喜愛中環麥奀,同時亦喜愛麥文記.兩者到了今天,終於來個直接競爭.

先吃蝦子撈麵,老實說蝦子同老店一樣.當然不是吃過最好的蝦子,始終都覺得車品品的蝦子是無敵.麵條柔韌彈牙,沒有鹼水味,另外的大地魚湯底,則比老店的淡,嗒落不及中環店的鮮香.

這一個蝦子撈麵,份量貫切傳統不多,賣$40一碟.以佐敦指數,算貴.

細蓉也是這樣子,羹不見天,麵條在面,份量細小,傳統的雲吞面從不是填肚之物,如果想吃雲吞麵而要有飽的感覺,對面的雲吞成可幫你.麵條一樣彈牙,也是沒有鹼味.雲吞保持細小身形,蝦多過肉也是麥奀的方程式,但是蝦肉則不及老店新鮮了.湯底的味道,比麻油味重重包圍,是一時錯手下得太多?是佐敦人喜歡重麻油香味?吃雲吞麵不同吃出前一丁呢.

檯上的日本旅遊書剪報,把麥奀形容為"庶民派食堂之美食",日本人太高估我們香港人了,一個蝦子撈賣$40,一碗雲吞麵賣$28.加埋總共$68,以這個價錢水平來看,還算庶民?以庶民角度來看,$28一碗吃不飽的細蓉,絕對是"呃鬼佬"之作.去雲吞成吃碗同樣是雲吞麵,十三四銀大大粒雲吞吃得你飽,味道未必很好,也不算太難吃.大件夾抵食,才是庶民對飲食之真正訴求.

今日下午去佐敦食野，見到澳牛同麥文記都好多人，所以就入左去呢間唔洗等位既麥奀食，結果令我地感到十分後悔

我地叫左個雲吞河同牛腩河，雲吞河$28，牛腩河$30!!!
可惜，佢既份量同價錢係完全唔成正比既
一碗麵係用好似飯碗咁細既碗載住，
我去食糖水個碗仲大過佢:
其實食5 分鐘已經足夠食完.__.

先唔講份量，講味道!!!
呢間野叫做”雲吞麵世家”，其實佢係一D都唔配呢個名的
間野講到自己D 雲吞咁出名，心諗就算碗野細D 雲吞都應該好大粒好彈牙，點知...真係得個"諗"字
佢D 雲吞得幾粒，而且粒粒都細過個pingpung ball
食完都唔多覺入面有蝦，所以評唔到分，唔好意思
而且個湯底都十分普通...
至於個牛腩河，又係好普通，D 牛腩唔夠林，幾啖就食完成碗，
個湯底都算可以接受。
不過以佢既份量同味道，我覺得佢只值$10

我地食完兩碗麵後覺得一D 都唔飽，
唔比錢都唔知自己食過野.__.
所以即係走去左隔離再食糖水

可能入面D waiter 都知D 野太細碟，
所以你叫完野食後佢地都會問你仲洗唔洗叫菜…