平日去.....乜都無得食
菜....是好值得俾笑面.出面係食唔到呢種味道的
好清甜.....可能自己種..哈
點心又不是特別的.......味道同出面的酒樓不相伯仲
但來這裏填紙叫食物失去特色.....
自助都好玩,,,,食完仲去行山....我推介俾一家大細去....

大包既質數之高，料多唔在講，包身鬆軟香滑，正！

鳳爪排骨飯亦是驚喜之作，餸飯既比例剛好，加上醬油既配合，簡直一絕！

一朝早係荃灣西樓角打左 $49.5 的去試下隱世酒樓,
自助大排檔格局,

蝦餃: 冷冰冰, 公仔點心反叮貨式
鳳爪排骨飯: 份量足, 但係冷冰冰, 飯又硬又乾, 鳳爪勁乾得一層皮
煎餃: 外皮熱, 饀料冷冰, 勁倒胃, 退貨
瑞士雞翼: 放入口感覺溫溫吞吞, 即時放棄
叉燒及牛肉腸粉 - 0鞋口
牛柏葉 - 正常
唯一可取既係芝麻煎餅, OK香口

食到心情好差, 人客漸多, 泣泣樣樣係你面"等"你盡快食完...唉...
走程又打的, another $50

well, 埋單$112 + 車費$100, we should deserve better
結論係, 如果你係已經翻過幾個山頭,筯疲力盡之際, maybe會覺得依間 "客棧"好正,
if not, 唔好搵自己笨囉

今日(25-10-2009 Sun)7:17am醒o左,見男友都醒o左,就話帶o黎呢間佢上次佢search到,又想試o既郊外茶樓.

o係川龍街等小巴,到8:40am上到車,17分鐘o既車程就到達喇,見到都幾多人,心諗樓上都應該冇乜位,叠埋心水o係樓下坐啦,但亞姐話樓上有位喎,而男友又想上,好,同佢上去啦.

我o地坐o係最盡頭太陽’照’住我o地o既位,男友去自助沖茶同攞點心,佢一返o黎,攞成5樣o野,好嚇人啊.

佢見漏攞醋蘸小籠包,就再去攞啦,點知又攞o左4樣o野返o黎,睇見真係眼都凸埋出o黎.但始終都係冇攞醋,佢話冇碟仔裝喎.

咁開餐喇,先試蝦餃,細細粒,味道只差得如少少,但仍屬好味,蝦亦爽口.
味道: 4.3分

鵪鶉蛋燒賣
呢個普通水準啦,唔差又唔係叫好好.
味道: 3分.

鳳爪
皮唔夠腍,味道亦唔夠,呢個差o左啲.
味道: 2分

小籠包
size都唔係’小’,冇醋蘸但味道仍可o既.不過皮就唔太薄啦.
味道: 2.8分

炸雲吞
又係冇酸甜汁蘸,呢個咬落脆卜卜,佢係放涼o左,但都依然咁脆,勁.但可惜有好多油,
味道: 4分

煎釀燈籠椒
又係冇任何醬料同豉油,但食落,原來都好夠味,唔使蘸.
味道: 3.8分

牛腸
都幾滑,牛肉味都唔係好突出,普通呢.
味道: 3.1分

馬拉糕
呢個放涼o左,邊邊好硬,味道淡o左啲.
味道: 3分

牛栢葉
由於我唔多好呢個,所以最後至食.男友係咁食,食到底都冇其他o野墊,佢就大讚老實抵食.我又試吓先,牛栢葉既爽又夠腍,又唔係死辣,又OK喎,令我都食不停.
味道: 3.8分

男友話要食豆腐花,所以又攞,點知又攞多樣好耐冇見o既芝麻卷.

先試豆腐花
特登盡量唔’o畢’蔗糖食,食得出有豆香,質感亦算滑,味道清新.男友加蔗糖份量o岩o岩好,不致於食得太多糖,叻仔.
味道: 4分

而芝麻卷,一打開保鮮紙睇,賣相當堂比下去,好肉酸,但一來好耐冇食,二來都拎o左o黎咯,點都要試o架啦.食落芝麻味竟然好重,以前細細個食呢樣o野,我總要問爸爸呢啲係咩o黎?爸爸答芝麻卷,但次次食落都只覺得係冇味o既凍糕.但呢o度真係似固體芝麻糊,不過,可惜o既係佢口感唔係幾得,咬o左入口係漿埋一’pat’,都幾難頂吓,而且,佢竟然又好油.
味道: 4分

服務:
基本上佢o地係好少同你接觸,只係叫佢計數同到地下畀錢,不過基本禮服係有o既.

環境:
我o地坐o個個area係唔開冷氣只開風扇,開頭未食o野,被太陽曬住都唔覺熱,但越食越熱,我就發覺啲窗原來可以打開o既,於是自己開窗,咁就微風送爽,好啲啲o既.

衛生:
舊式茶樓o黎講都算係咁啦.

埋單$142.00,兩個人食11樣點心,真係未免有點兒那個,不過亞Q啲當食埋晏囉.

味道係3.44分

下次會試吓端記.

今日陪阿媽飲茶,一起身唔知點解心血來潮想起試吓呢間隱[世荼樓~"彩龍茶樓"
其實好耐之前都聽阿媽講過呢間荼莊好懷舊,但因唔方便遲遲都冇去,不過見今日咁好天又早起身就嚟試吓..不過真係要早ka,,我9:30去到食1 hour都開始有d食物冇得食喇,好彩最緊耍嘅蝦餃,真正嘅山水豆腐花都仲有,,
其實最特別係乜都要自己嚟ka,,由自己放荼葉..沖荼..攞點心..埋單,,一腳踢都係自己來
不過呢度真係好啱秋高氣爽來,之後仲可以行吓山添

之前既食家都有好多靚相, 咁我就慳番嘞。XD
10月10日星期六, 打算來個郊外FAMILY DAY, 拖晒咁多得閒既家人揸車上來飲茶~
可惜太遲出發, 來到都已經十一二點。
點心已經冇睇相見到既咁多, 台面得幾樣揀, 而且都唔係太有溫度~
連腸粉都冇得食, 蝦餃得番一籠, 選擇唔太多。
最後拎左幾樣, 再去叫多兩碟白灼菜, 咁就開餐!

蝦餃比較細隻, 冇乜特別, 係個鐵籠有D特色囉, 不過心理上都係覺得用竹籠會好味D…XD
見佢有鵪鶉蛋燒賣呢家野, 雖然明知膽固醇超高, 但都貪得意拎左一籠;
一夾起就知大件事, 個碟底果D係油來既?!
再咬一口, 哇……一半都係肥豬肉…
個人由細到大都唔鐘意食肥油, 真係有D想丟低呢件燒賣…
山水豆腐花滑就係滑, 但總覺得豆腐花既滑應該唔係咁, 佢直頭有D蒟蒻FEEL, 唔通加左葛粉?
而且豆味真係非常稀薄…都幾可惜…

不過佢呢度D菜就真係幾好食, 叫左菜心都油墨菜, 前者都同市區既冇乜分別,
但後者就真係零舍爽脆, 山長水遠入來食都值既!
茶水就冇前人講話飲得出山水清甜咁誇張, 不過水質係的確好D, SO茶味幾好!
如果係追求食物質素, 似乎都唔需要特登入來, 市區都仲有大把好選擇;
不過想轉換下環境、飲茶都有番D新鮮感之餘仲有得呼吸吓郊外空氣的話, 咁都可以考慮下
只係估唔到呢D地方消費仲貴過我平日喺市區食, 所以拉均都係一般, OK啦!

川龍山上的茶樓有兩家，一家是端記，一家是彩龍。

個人教喜歡端記，茶較香而食物質素也較好，而且我們光顧開的農家菜檔就在端記附近；不過問題是，一點半後抵埗，點心選擇就很少；反而彩龍的食物選擇就豐富得多。

今天我們一點半才從家裏出發，也只有去彩龍。

甫坐下，又是自已沖茶拿杯碗筷。水仙幽淡，但香味只屬一般；不過以山水沖出來的茶，自有一番清甜之味，始終比市區加了氯的水，好喝一點。

頭一轉拿了四籠點心。

蝦餃 - 蝦倒鮮甜爽脆，是新鮮貨，不過那澄皮太黏太厚，接口位卻容易鬆，吃起來實在一般。

排骨 - 肉香和豆鼓香都不及鄰店端記，沒有甚麼驚艷感，只是肉夠多而沒有太肥滯，與其他茶樓相比，還可屬中上水準。

咖喱魷魚 - 魷魚夠爽，不過咖喱不夠香，而且放涼了，質素較平庸

豆腐釀鯪魚 - 鯪魚鮮甜，反而是豆腐，好像用了老豆腐，沒有很滑，豆香比平時街市買的多一點點而已，清清地還算好吃，但未見非常精彩。

八月已不是西洋菜當造的季節，但男友堅持想吃菜，就要了個油麥菜。油麥菜是吃落爽脆無渣，而加了腐乳同吃更香口一點；不過這質素的油麥菜在山下也不難找，這一大盤油麥菜佔據我不少胃納空間，早知吃個芝麻卷好過！

最後，來了個山水豆腐花 - 豆腐花質感是很滑沒錯，可惜豆香較薄，若非細心品嘗，真的不能感受到 - 要千里迢迢上山吃它？倒真的在此奉勸大家不必了，還是安安樂樂，去山下九龍城義香和長沙灣順興隆，出品皆比它要好！

光顧了彩龍數次，皆未盡如意。彩龍的排場雖較具霸氣，連私家收費停車場也有 (雖然吃滿$50就可免費)，頗有「山頭我獨尊」之感；但讓我選，還是清幽而甘於平實的端記，更討人喜歡！

即興的一句「不如飲早茶」，朋友仔仲以為踢對拖落街，實情是「上川龍喎」隨即出發！！！由街市街附近坐綠色小巴上山，三、四個字就到，快到呢！到埗時為九點幾，未算人多！騰上騰落最終揀了外出的有瓦遮頭的露天位，陣陣微風，出奇地唔熱。朋友仔俾我話晒事食乜，入番去拎點心位，有個阿哥突然對住我講，「阿妹，新鮮熱辣剛剛切好，要唔要番碟呀？」一朝早就食燒腩肉？我望住碟腩肉，好似對住我講「拎我返去啦，拎我返去啦」，咁就中招，第一轉拎了蝦餃、炸物三寶同埋燒腩肉。
蝦餃：細size，一口一粒，皮薄蝦肉爽口，唔覺有肥豬肉粒，但唔多明點解只係得蝦餃用鐵籠，究竟是以之分辨價錢，還是另有烹調上的秘技？
炸物三寶：自拼鹹水角、春卷同炸雲吞各一，三件炸物都凍咗，但鹹水角個皮仲脆脆地，夠煙韌，只嫌內裏有點肥肉，之不過枱枱都有有拎呢款點心囉！其餘兩件炸物都仲脆，尤其喜歡春卷，皆因是小妹喜愛的芋絲餡。
燒腩肉：真係熱架，皮脆肉鬆化，只夾住兩層薄薄的肥肉，少少肥，唔肥膩，當初朋友仔見我拎碟燒腩肉做早茶點心，都O了嘴，好在佢都覺得好食，不過，少食多滋味，要留肚食其他點心，最後要打包。
第N轉：
大包：見其他枱都有拎，唔拎似乎會後悔，掰開個包之前，同朋友仔估下裏面有乜東東，雞肉、冬菇、燒肉同鵪鶉蛋？實情係一個大版的菜肉包，有點失望！！！
芝麻卷：一到茶樓我就話一定要食，事前每碟都用保鮮紙包住，一打開就聞到陣陣芝麻香，出面其他茶樓真係好難食得到，或者蓮香樓啩！
豆腐花：一廂情願以為山水豆腐花會好滑同夠豆香，事與願違，真係好一般。
兩個人埋單一百一十幾，食飽飽，仲喺附近行咗一陣，搭車返屋企瞓番個午覺，滿足到呢 ;> 實情仲有其他點心想試，同埋川龍仲有另一間端記，朋友仔話會同我再黎喎，哈哈！！！

今朝同左女友上來川龍飲早茶,上到來o既時間已經9點幾,
所以冇乜人,但都仲有野食,呢度o既其中一樣出名o既係山
水沖茶,今日一試,的而且確係多左分清新,但唔代表佢d茶
好飲,因為佢d茶葉好似酸酸地.......
呢度係要自己出去攞野食o既,我就攞左燒賣,大飽,鳳爪,排
骨,鮮竹卷,馬拉糕......總共9籠野,老實講質素同賣相佢一定
唔得,但佢真係實而不華果d,每籠o既分量都唔少,而且兩個
人都只係食左$92,係$92,己經連左茶錢,你仲可以講咩!!

一早開完call, 男友仔黎車我去飲茶.

去到岩岩有張枱, 坐低後男友仔去沖茶....因為自己沖既關係, d茶都香濃d!

先去睇睇有咩點心食..全部都熱辣辣, 但我地只有兩個人, 所以唔叫得多野.

雞扎 - 好耐無見到d雞扎咁舊式, 有火腿, 豬肚, 芋頭, 魚肚, 腐皮, 雞肉. 好新鮮, 好好味!
叉燒包 - 好彩只有兩個, 如果三個實食唔晒. 不過都好好食, 好夠汁, 唔會太稀或太杰, 叉燒食落唔似隔夜
馬拉糕, 開頭以為係舊式個d, 食落先知原來係千層馬拉糕. 好鬆軟, 甜甜地, 幾清
鳳爪 - 幾惹味, 雞腳唔會太淋, 有得咬下
排骨 - 咁多樣較遜色一樣, 無乜特別, 但勝在夠熱, 仲辣口的
豆腐花 - 都滑, 但碎左d, 同埋一早"不"晒出黎放o係枱面, 無野包住, 有d唔衛生感覺

埋單都只係6x蚊, 幾抵食. 有機會會再黎

成日睇電視，話E度幾好，環境又好，食物又有風味(好味)，咪山長水遠走黎試下law。我之前都有上網睇下D食評，d人都話麻麻地，點之自己試完仲衰過垃圾，個d死人大包，都唔知擺左幾耐，個女待應見我地咁水魚，就叫我地食，一食就知道自己中了計，個包d皮又乾又硬，又唔好食。蝦餃又無乜味，不過個皮，同D蝦幾彈下。雞扎ok啦!小籠包多汁，不過個皮厚過我面皮law。燒賣都係麻麻地。而每樣點心，都有一個共通點，都係暖ge，無一樣係熱個law，而且d味道怪怪地。各位朋友，唔好信電視講ge野，九成九係大話，呢間野，我打死都唔會再去，我去富臨食下午茶都好過佢，起碼唔會食到成身汗先啦!D野起碼唔會凍先啦

一個龐陀大雨的早上，大家也不計較黃色暴雨影響，照原定計劃上川龍飲茶，尤記得在多年前OR大遊行後，一直未來過。去了較近車站的彩龍，雖然當日是假期，可能受天雨的關係，只有幾枱客人。

揀好有利位置後，第一時間去自助斟茶洗碗筷，之後立即落樓下各取自己喜愛的點心。

不可不食是山上馳名的西洋菜，看似很嫩綠，其實與一般酒樓貨式無異，不過在川龍食，心理上較為新鮮。

一大蒸籠的大包，有人看見立即要兩大個，包皮很厚，質地很實、水分較多，入口很粗糙，饀料簡單只有雞肉混了點梅菜，沒有傳統的大包有鵪鶉蛋、叉燒等之類的東西。

馬拉糕-不是發得高高又鬆軟，兩塊又扁又薄的糕，中間有一層薄薄的奶皇，似吃三文治多一點。

叉燒及牛肉腸粉-粉質一點也不滑。

奶皇包-包皮同樣粗鞋，奶皇又少又不夠香。

燒賣-只有肥豬肉，沒有蝦肉等增加爽牙口感。

其實專呈來食只是吃這裡獨有的風味，再加上是日大雨，雨點"的的撻撻"滴在屋頂的聲響，更有鄉村的味道。

一直都想到川龍飲茶，終於如願了。

先自行找位，再自行沖茶，又自行拿點心吃，全自助的飲茶，卻令人覺得特別開心。

什麼點心都拿來吃，最好吃的是西洋菜，很新鮮，只需蘸少少醬油已經很好吃。
蝦餃個頭小小，不算特別好吃。
牛柏葉是我喝茶的必點之選，這裡做的也很夠味。
鳳爪不用說了，是男友的至愛。
奶皇包很差，皮是濕的，餡的顏色也不對勁，不甜也不流沙的。
燒賣一般。
鵪鶉蛋燒賣雖然極不健康，不過味道不錯。
炸雲吞是一般水準。
豆腐花是滿懷期望的，可惜覺得不夠滑也不夠豆香。
蒸豆腐反而很不錯，熱騰騰的很好味。
芝麻卷是友人指定點的，不出所料味道一般，我覺得太粉了。

完全不知道各款點心多少錢，最後結賬是$144，不貴。吃完到外面走一走，呼吸一下新鮮空氣，好一個舒適的週日﹗

食物款式雖然地道, 但味道同質素都好掂!

今日叫了:

奶皇包
白灼西洋菜
春卷
咸水角
蘿蔔糕
蒸魚雲

兩大兩小合共$96大元

2009年3月1 日

是日遠足兼去川龍飲茶,
乘港鐵去荃灣站,
經綠楊新邨, 石圍角邨, 老圍村, 圓玄學院和上了幾百級石級,
終於到咗川龍嘅彩龍茶樓,
嘩.....人山人海,

由搵位, 沖茶, 攞點心, 全是自助,
第一眼見到放點心的點心枱,
真係好壯觀

兩人食了,
蝦餃
燒賣
牛肉球
牛肉腸粉
叉燒包
炸雪吞
煎釀茄子
芝麻卷

合共100元正,
個人覺得物有所值,
全部食品都熱辣辣(除了芝麻卷),
不是一般酒樓交來的貨式,
正....