1
1
0
我同媽咪有個星期日走去沙田廣源邨一間老人院探一位八十幾歲嘅老婆婆，原來入得呢間老人院嘅老人家要無依無靠，實在好難入。加上管理完善企理，比較公公生前住九龍塘一間私人老人院還要闊落乾淨！每位職員又友善！之後，我哋帶佢出嚟飲茶，附近有間酒樓<福滿樓>，門面睇落幾大！我發覺呢個屋邨商場設計幾特別！M 記仲成間屋咁！唔知係咪拍廣告那間？其實，我家人唔興飲茶，爸爸鍾意飲奶茶，媽咪手術後又要戒口。同老人家一定要飲茶............所以，我唔知貴唔貴？！埋單時以屋邨價嚟講，覺得貴一點！我不太記得點心名及大中小點，請見諒！專登影低三款點心，值得一讚！素腸粉 - 腸粉做得幾滑！ 有粟米、木耳、翠玉瓜，清清地，幾好食！酥炸豆腐 - 份量確實不少！ 熱辣辣！豆腐夠滑！好惹味！蜜桃米網卷 - 米網卷做得不錯！即叫即炸！ 十分脆卜卜！有蜜桃、菠蘿、鮮蝦。鮮蝦已去蝦腸，新鮮爽甜；與蜜桃、菠蘿甜味相當匹配！ 連老婆婆都話未試過！我都想佢可以試吓啲新嘢呀！三人飲茶，埋單 $155
繼續閱讀
咖哩牛腩飯餸及飯分開上，咖哩不太濃，牛腩夠“淋”，飯軟硬適中。隨便一餐，中規中矩，也算過關。咖啡無論如何降低標準也不合格，沒有香味，敷衍之作。看在價錢份上，也不會沒有客路。
繼續閱讀