呢間野出名就一直都知...每次經過都一定有好多人排隊
但係咪真係咁好食呢???
係油麻地返左工一年都一直冇心排隊去食佢...
臨走之前終於立下決心試下佢係咩來頭
當日我已經係放LUNCH早少少既時間去..但依然有幾位等緊...
心諗好快姐..估唔到排第3都等左我半粒中先入到去...
好在排隊期間,店員都好細心地端出冰水比我地係出面咁熱等位既人客
入到入面..其實入面咁細...位都唔多幾個...
我覺得呢個先至係真正咁多人排隊既原因囉~~可能D人見人多又食下...
跟住就變到好似好出名咁....

分別先後食左2次...試哂所有想試既野
第一次,由於下午不想吃太飽同太貴,跟同事Share左一個餐...
係咁既..佢一碗麵就要40-50蚊,但佢有set就係揀一款麵+18蚊可配迷你飯+餐飲
芝麻醬冷麵+味蛋$4x
炎熱既夏天,我地揀左個冷麵...冷麵有梅子/芝麻醬
味蛋就另加既~
今次揀左芝麻醬,亦試左朋友既梅子醬...
梅子醬酸酸甜甜..芝麻醬亦唔錯~唔係好稠..芝麻味重..與吉野家的相似.但個人比較喜歡吉野家的芝麻汁...比較似海蜇果d味~冷麵冇咩特別...2個人食一個set我覺得唔大食既都ok..
味旦幾好食~~不過比起早期大門橫町的溏心蛋還差一點...(後來大門橫野開分店多人食後,蛋既水準都差左...)
迷你石頭飯麵價+18蚊一個set
個碗真係好迷你...同埋唔熱..又唔係石頭飯...不吃也罷
凍0t餐飲~

之後再試多一次佢既拉斱睇下咩咁得
就又叫左個set同同事share~
[b]味玉拉麵
有d豬肉食既除左隻蛋....不過拉麵我真係唔識欣賞..同味千果d都係差唔多
最滿意都係隻蛋
迷你肉粒蛋飯都係麵價+18一個set
share左一半個飯就係得咁多...加埋d千麵份量剛好...不過唔覺得好食...

如果唔係近,臨走想試下既話...要我特登黎排隊食我就係唔會喇...

我地七點幾去到，佢又冇得BOOK位，等左45分鐘
但係佢地都好好，有攞D冷水出黎比我地飲。

因為我有朋友話佢食拉麵淨係食橫綱，所以去食下。
我地食左中辛的叉燒拉麵，和九州拉麵，同煎餃子。
好好食呀真係。價錢同味千差不多， 但就好食過味千N倍！

抵食又好食，我會再去的！

星期日下午一心諗住去食橫網....
因為有朋友話好食之前等太耐又冇等

下午兩點幾特左6/7張台
一入到去就知出事

點解出面會等咁耐...因為入面得個十幾廿個位 + 兩個師傅做慢慢做...
一睇就知兩個都係港人亦冇去日本學廚既經驗
廚房用品放野方法都得日本餐廳好足
不過兩位師傅做野既手法就一d都唔日本
再黎筷子唔係木筷子(冇乜原因..只係好小食拉麵唔用木筷子)
一睇就見到d七味粉係refill既...再試唔係原裝野

餃子黎先...一睇就知唔掂...因為係縮水版
再睇有水...即係連煎餃子都唔識(未收乾水已經上碟)
唔識煮都唔緊要...唔洗上埋d水比我(有可能d餃子自己出水)
一食落...水汪汪...
重有佢d餃子豉油...都係唔掂

我叫左橫網麵豉女朋友就叫左九州拉麵
先唔講d麵講下個餐牌
有冇人發覺佢係冇麵豉湯既....
佢有豆醬(soy-bean paste)我諗大家都知佢同麵豉一樣
不過做乜鬼野唔用麵豉走去用豆醬
都唔緊要...佢個餐牌又會有麵豉牛肉飯...個下先勁...點解唔用一齊用埋豆醬呢
唔通有唔同....佢自先知啦咁.....

重有就係門口玻璃上面d字
第一行小左個年字....
第二行都唔知點解會係原料係日本入既....唔知有冇人留意到...係原料..唔係材料or原材料
咁只係可以估佢...d gas or 電(如果電都算原料)...係日本出口

到講下d主菜

湯 - 一個字味精湯... 好似即食麵個d咁
麵 - 一個字林...麵既質地同即食(冰個d)冇乜分別...自己煮一定好過佢
叉燒 - 都係一個字林... 唔知點形容重知就係唔掂(應該係雪左好耐既肉)
重有d牙菜,苛蘭豆....唉...

好似下位個位妹妹咁講
真係做一次傻瓜好啦
我由1830開始排, 排足7x多分鐘先入到去,真係等出煙
不過佢d 侍應都ok我排隊時, 都拎過d 水出黎到客人飲,叫做細心同有heart啦
講番d 食物~叫左一個味玉拉面同橫綱拉面+細曼魚飯
味玉好好食~個湯係豬骨幾好~d 面都幾彈牙
而橫綱就係豉油湯~都叫幾清~味都清淡個隻但都幾夠味
而叉燒就太過冧. 個曼魚真係唔錯~好香口而又唔腥~
整體黎講~野食係中上
加埋個價錢係抵食啦
但等待時間太長~我真係唔會再去食
未試過加冬天加冇人
我就會再諗下既

自從5年前跟朋友試過橫綱之後, 暫時在香港都找不到其他拉麵館可以取代它了.

小弟一向對博多風味的拉麵情有獨鍾, 大概因為那個豬骨湯底吧.

所以, 小弟每次來到這兒都不用再看那個餐牌了, 都是那個指定動作: "唔該..味玉拉麵, 加大, 要硬身麵...", 全因為那隻半熟的味玉蛋, 配上口感頗滑的豚肉粒, 夠彈夠爽的麵身, 以及那個特濃的豬骨湯底, 今次當然不會例外. (加大純粹是小弟的食量而已, 與份量無關, 請各位不用擔心!!)

味玉蛋的感覺大概不用多說吧, 那種入口即溶的感覺很難在這裡用三兩個字來形容, 豚肉粒感覺都很滑, 沒有一般豬肉比較"鞋"的感覺, 而麵身也保持一貫很好的水準, 相比我在香港試過的拉麵店真的好得多呢.

不過, 小弟亦因此有一個遺憾, 過份鍾情這個味玉拉麵, 卻令我不容易在橫綱品嚐其他款式的拉麵了.

食咗好多年的 ramen...
但真係太多人喇 無心機line up..
前排 Saturday afternoon 去晒相 見唔係好多人 就拎 ticket再去晒相
行番黎都要等多15 mins or more..
ramen 係好食嘅... 咁多年都無失準
再加埋 beer就係一個好lunch lu

就在小暑的晚上, 成為站在橫綱門外排隊的其中1人

話說少爺提議吃日本菜, 只是學校附近沒有甚麼好選擇, 於是小妹9點半就去排隊等位, 待少爺10點放學就可以直接過來~ 原來並沒有想像中等得耐, 大約25分鐘就排到, 只是少爺未過到來, 不過只是過了1個號碼, 少爺出現時小妹馬上跟店員說就即刻有得入座~~~

店子真的好細, 4人卡位要搭檯, 我們坐1邊而對面1邊是2個女生。 少爺翻了幾翻menu, 就選了橫綱拉麵(可自選的醬油湯底) 小妹就要味玉拉麵(指定豬骨湯底)。 2碗拉麵1同上桌, 其實小妹對豬骨湯底沒太大好感, 總會聯想到出前丁丁綠色包裝的豬骨湯麵味粉… 小妹先呷1口豬骨湯, 嗯很有味粉的感覺, 就撒嬌要跟少爺的醬油湯底拉麵對換 = P 醬油湯底開頭覺得幾好, 越飲越鹹而且好涸喉,,, 小妹對於湯麵食的湯底很重視因為小妹是愛連湯送麵的吃, 而少爺則將這要求只限用在日式拉麵。 但我們都對這兒的湯底大失所望。 拉麵也不好吃, 麵身很硬, 外面似是幼身1點的油點色澤偏黃 (當然不是油麵般油), 整碗是完完整整1個麵底, 1夾已經可以夾起整碗麵把碗清空.. 加上麵條很硬整碗麵纏在1起, 吃得很困難。

味玉拉麵的溏心蛋雖然是在湯碗裡, 仍清楚吃得出有微微雪藏的冷凍感覺。 同碗裡頭的肉粒又看上去像燒肉味道又欠佳, 最後只讓它們默默沉在湯碗底算了。那些黑色點點的油不知是否來自豬肉粒, 就等於平時吃鹹肉粽可以見到肥豬膏的黑色油黏到糯米上, 更不開胃。

是夜埋單$80, 平均$40/碗拉麵。便宜是大排長龍的最大理由嗎??? 小妹跟少爺來個”餐後檢討”, 我們不約而同表示1心排隊試吃是expert 會很好味, 而不是便宜囉…

最不是味意的是, 小妹排隊等位時有1男1女的客人離開, 男的1副不屑嘴臉說著, “10點幾都重有咁多人排係咪傻架”, huh!!!! 小妹真想問他們, 你們不需要等位的嗎?? 難不成你們剛才是1walk in就有位?? 這男的1句說話, 更令站在酷熱街頭等位的小妹深為自己的行為肯定地貼上傻瓜的標籤……!

昨天心血來潮想吃拉面 因要到旺角買2手碟 便看能否在油麻地找一所不錯拉面店 結果便選上了橫鋼這一家

甫去到因是晚飯時間, 等的人很多, 一個人也要等15分鐘才能有位置

店內裝修像在日劇看到的拉面店, 廚司被圍著食客在弄食物, 我坐著卡位內點了菜如下:

煎餃子: 餃子沒有一夾就散的, 肉質鮮美
九州拉面加味蛋 - 叉燒入味 味蛋夠糖心 拉面的蛋味不錯 那濃濃的豬骨湯底令我在吃完整碗面後也要清掉 爽
雞串燒 - 後加的菜, 因看到旁邊的人在點, 味道一般 燒得不夠火喉 燒汁太多影響雞肉味

一百元不到便可吃盡日本美食 侍應服務細心 見沒有白開水便主動倒水, 看到旁邊的客人沒吃光面便問是否有問題! 這才是應有的服務態度 值得一讚

每次經過都見到好多人
今日見得閒d, 所以等下
以為等一陣,
點知由八點三等到差唔多九點半至有得食…
又熱又累

叫左橫綱拉麵, d麵幾彈牙, 軟硬度適中
d醬油湯底都唔錯,但唔可以稱得上係好好

至於九州拉麵, 試完個湯底, 都幾鹹下, 影響晒成個麵

其實係度食真係幾抵, 埋單唔使$100
但入面d枱好細, 坐得好唔舒服
不過侍應服務幾好
不停幫你加水

但要係咁熱既天氣下等咁耐,我相信我唔會黎
除非唔使等位就會黎喇~

如果去過日本食拉麵的朋友都應該好清楚, 香港係好難搵到一間同日本一樣水準的拉麵館, 不過橫綱係可以值得推介一下. 我認為佢地煮出黎嘅拉麵同埋湯底差唔多有7-8成嘅日本水準. 始外, 係香港真係好難搵到一間平民化的好食拉麵館.. 橫綱一碗麵大約$40-50左右, 材料充足, 我認為價錢絕對合理. 不過始處環境比較狹窄, 絕對唔會係坐得好舒服的. 即叫即整的關係, 等待都需時大約5分鐘. 有試過漏單添.
叉燒拉麵, 保持一貫水準. 啲拉麵唔淋, 唔硬, 軟度啱啱好. 湯底是清湯, 我相信應該冇味精, 食完後水都可以唔使飲太多. 不過叉燒就有點點鹹, 一碗大約有6片.
味蛋絕對一定要試. $7一隻, 個蛋黄好好好~~~金黃. 個溏心入口即溶化, 滲出啖啖香味, 真係一流 . 就算唔食蛋的朋友友們, 如果有機會我都建議你地試一次.
不過呢間餐館最麻煩的問題便是排隊, 早去就唔使等太耐. 如果7點先去到, 相信要等一個鐘. 大熱天時等咁耐, 入到去又坐得唔係咁舒服, 其實都幾難頂的.

對唔住，唔俾個喊你真係唔得。

都唔係第一次去食，因為呢度o既味玉蛋拉面吸引左我成家！

今日一家4口又去食
等位就預左嫁啦，好味嘛，自然多人！

等等下，聽到位小姐叫：xx號飛，x生4位
於是就成家起身，行去門口
點知，之後佢又叫左2將桌，人地就入左，我地企多5分鐘，都未入得......
問個(應該係老闆娘)最老個waitress，佢話：我地冇叫你張飛喎！
唔係呀？我地4個人8隻耳都聽到嫁喎！

都算啦，可能人地忙中有錯姐！
之後有個四眼「公主」(另一個waitress)叫我地，問：有張桌有2個空位，入唔入住先？
拿佢係話入唔入住先嫁！

點解叫佢公主，睇落去就名。

咁我同我妹妹就入左去先啦，坐係度等。
後來，呢位「公主」就走黎問：你地要唔要叫左野食先。
我同佢講：但係我爸爸媽媽未入黎喎。
「公主」就話：下？入到黎都係分開坐嫁！
之後仲成日駕臨觀賞我地，同俾面口我地兩個睇。
終於，爸爸媽媽入到黎，問佢咁我地可唔可以坐返埋一齊。
佢話：下？咁你會搞到我地其他客！

呀姐姐，係你表達有問題，你問入唔入住先，唔係話分唔分開左喎？
唔好搞到好似我地係麻煩客咁啦，好冇？

如果一開始你問o既係：分開坐好唔好，我地話好，但入到黎要你安排返我地一齊就話我地問題姐！

衣家係你講唔到自己應該講o既野，再要俾面口d客睇，生意唔係咁做嫁？

咁多位，問心，呢間拉面係好好食，亦都好抵o既，但係d人就

1. 橫綱拉麵$45 ~ 選了豆醬湯及粗麵底, 喝幾口已有鹹的感覺,湯底咸味重過麵豉味. 碗內有2塊肉,配菜都幾多. 喜歡那麵條彎彎曲曲,又有蛋味. 加$5可以加大,麵條的確多了點,所以食一碗也很飽.
2. 清湯拉麵$38 ~ 沒有什麼特別餸,只得兩片叉燒,麵條略硬了點,而湯底的確幾清淡. 加了$20要碗細牛肉飯,比想像中惡劣,牛肉很差,又乾又無味,碗飯有無汁醬.

o係廣華醫院探完老死個初生二千金之後,一行三人就過左黎橫綱食飯...可能係黃金時間,我地由7點3等到8點9先輪到我地入座,我自己就叫左個九州拉麵,鰻魚飯團同餃子食:

1)九州拉麵 (湯底濃郁,拉麵有彈性,確實係非一般食店既拉麵可比,好食)
2)鰻魚飯團 (暖粒粒,但可能鰻魚太少,完全食唔到鰻魚味,普普通通)
3)餃子 (一口一件,外脆內軟夠肉汁,又係好食)

綜合埋兩個朋友既評語,以價錢計水準確係超班,但值唔值得等個幾鐘則見仁見智喇~~

尋日黃生收五點, 諗左好耐都唔知食咩好....呀, 不如就社橫剛啦,
早早地, 冇咩人嘛.....

等左唔夠兩分鐘.....就入左去喇, 仲要坐bar抬, 正!

叫左兩個叉燒拉面, 要spicy湯底.....

望住個鍾, 由五點九....去到六點......yeah, 終於有得食喇....

好味啦個湯, 食完都唔係太口乾...不過點解得兩塊叉燒(今次好淋架)....又冇粟米...

埋單收左$67.2, ....咁奇怪既.....

原來有八折....唔記得左tim...唔怪得之得兩塊叉燒啦....

係日本食好好好好味GE拉麵之後，返到黎香港就搵下香港有冇D好好味GE拉麵食，於是就搵到左橫綱，咁多笑臉應該唔錯。

先做足資搜查，最出名都係九洲拉面，味玉拉面，叉燒拉面，由於喵小姐同我都唔食蛋，所以就叫左九州同叉燒拉面

九洲拉面, 味玉拉面 (7.25/10): 整體黎講算係咁，可能係日本D拉麵太好味，所以覺得係橫綱LEE間香港算出名GE拉麵店同日本ge拉面一比，水準真係差左幾個層次.....不過喵小姐話LEE間店GE拉面係香港算係好味，所以都俾個7.25分佢la! 睇黎要食好味拉麵，就一定要去日本。

食完之後都算幾滿足咁就陪左喵小姐搭地鐵返屋企囉