一行七人,等了一會,幸好剛剛有枱準備走。第一次來堂食,格局好有舊式茶餐廳feel,I Like it!!!
叫左兩個餐@$38,三碟散叫。
是日午餐,見廚房不停出芺蓉蛋飯,當然也叫一個。可能有其他比較,此煎得乾身的蛋塊,會比較dry。但它內涵有火腿、芽菜、蝦仁,都其實都幾好味。
蕃茄蛋牛肉飯,牛肉未至於o拿到無晒牛味,加埋酸喼喼的蕃茄汁,好醒胃。
黑椒雞扒炒公仔麵,嘩!炒公仔好食,不在話下,雞扒煎得香,而且落左「福麵」粉包醃,成為最受歡迎之選。
福建炒飯,材料豐富,不過味道完全唔同酒樓中食到的味道,而且較淡味。
雪菜火鴨絲炆米,好咸,因為佢料多,感覺米粉少。欣賞佢鴨絲肉多。
除左熱狗醬好食,碟頭飯,都好好食,很夠鑊氣!

每次响中環肚餓時, 必會想起永樂園嘅熱狗王. 今日响老蘭見完客, 又未食飯, 立即到永樂園醫肚. 列牌食兩隻打孖上, 再加凍奶茶一杯. 熱狗飽烘得又熱又脆, 熱狗腸雖是罐頭, 但卻是來路貨! 而惹味嘅醬汁酸酸甜甜, 十分配合! 坐咗＋零分鐘已見佢賣出過佰隻, 真係唔講得笑! 難怪可以在中環屹立數＋年, 正!

永樂園既熱狗成日食, 尤其係孖腸狗, 唔食唔安樂
D 狗醬真係一流, 包又夠熱, 如果再趣D就正
仲有條腸佢地係用糼既雞肉腸
如果可以有其他肉腸選擇
咁就可以無咁悶啦
不過永樂園既狗始終係經典

又是早起找吃的一個上班日，今天走了來中環找吃的，在這炎熱的天氣下，一個人走去吃條很久也沒有吃過的熱狗。

此處其實也算是一個茶記，低座位非常有限，而由於最有名的是熱狗，所以其熱狗檔是在店門的位置，方便人外賣。此處賣的是港式熱狗，不是大大的珍寶腸，沒有芥辣及茄汁，取而代之是沙律醬及港式的熱狗腸。

接過手的熱狗只是微暖，不是熱至燙手的，個人比較喜歡吃很熱的食物，一打開熱狗包來拍個照，是勁多沙律醬的，熱狗腸是勁幼的一條豬肉腸，咬起來腍腍的，沒多大咬勁，港式的也是如此的了，而沙律醬比一般的甜，應該是自家再溝的，但很是Creamy，至於包身夠大而且也挺軟熟，可是不夠熱，唔夠香口，整體來說算是不錯，跟丹麥餅店比較的話，個人喜歡丹麥餅店多一點。

有吃的，也要喝的，點了杯凍鴛鴦涼一下，可是這杯凍飲太多冰了，雖然茶味及咖啡味是平衡了，兩者也勉強感覺到其存在，可是也實在是太弱了，反而花奶下得夠多，有點花奶的香味，但以茶記的水平來說，這杯凍鴛鴦不合格。

吃過了，喝過了，也要坐車回公司開工了，努力！

由於暑假都就快放完lar，
所以近排都是比較鐘意周围去吃野，
今日同同學仔行去中環搵表姐吃飯，
不過表姐未收工，又見有少少肚餓，就系呢間餐廳叫佐兩份熱狗餐，
講真，味道真是一般般lor，條腸子都幾細條下，無咩腸子味，比D醬汁掩蓋佐lor，
覺得$8一個甘嘅熱狗唔系好抵吃，
我地沒人仲叫佐杯原味奶茶，
奶味有嘅，不過茶味就淡佐少少，甜味都算是始終嘅，不過我同學仔就話甜佐少少，
環境算是乾淨嘅，不過就是上菜速度慢佐D，希望會有改善lar，
我同我同學仔都是覺得呢餐可以填飽個肚嘅~~

見好多人講熱狗好味,有次星期日想去食,點知原來星期日係唔開,因此一直好期待去試下...
今日終於有機會平日去試下,點知非常失望...
- 熱狗$9. 見到個價都知無咩料,點知條腸仔好細食落去又淋又唔脆,比沙律醬蓋晒d味,都食唔出腸味,.只係得個包脆脆地咁.
- 叫左個麵餐, 好似平時茶餐廳咁,無咩特別,係個湯好濃...咸左d!
- 紅豆奶茶(餐加$5),超甜!奶茶已經甜,紅豆仲要用糖水浸既.甜到可以一杯變兩杯果隻...

整體都失望,名氣大過味道,可能係果邊老字號食回憶啦...

因為阿蘇之前介紹過
所以特登去一嘗佢的雙腸熱狗王

面包新鮮焗出黎...香脆可口
d汁好正...酸酸甜甜好開胃
好過平時食開的芥末+蕃茄醬好多

唯一個人黎講唔係好中2佢d腸太林
比較中2食脆皮腸

同埋$10一隻真係有d貴
經開食下就無妨
成日食就真係唔得掂喇

今日去開中環, 原本係諗住行過對面landmark 買牛角包食
不過醒起哩個熱狗鋪我仲未去試過, 所以決定都係行遠少少
口袋裡準備左$12, 但原來熱狗只需$8

我o係門口已經見到熱狗係$8, 雙腸$10.
咁好自然我就行左去話要隻熱狗.
但原來貼住熱狗幾錢o個度唔係收銀=.=, 個阿伯指我去入面
買左飛, 真係有張$8 既飛仔, 好懷舊!!!

好啦, 買完飛, 就去拎張飛去食物個counter.
個阿哥同我講係咪要熱狗. 咁入得黎食既都係架啦.
佢又指返我去出面.
哦, 原來岩岩一入黎個阿伯個位係整熱狗既!!!

唉, 我咁樣行黎行去行錯晒d 位. 一睇就知我係新仔第一次黎食...

阿伯伯三兩下手勢好見住佢好快就整好左個熱狗
個袋好懷舊, 又令我諗起時新

熱狗... 好像見不到有腸... 講真, 條腸真係唔大條, 所以哩間野先發明左雙腸熱狗.
黎永樂園食佢既熱狗, 的確唔係試條腸有咩特別, 而係試d 醬
但首先講下條腸. 腸並唔係什麼德國腸美國腸
唔知有冇人試過o係超市買過一包叫"小紅腸"呢, 無論大細同咬口都係差唔多
條腸, 冇錯, 係細過廚師腸, 咬落非常淋.

講下個包, 烘得熱熱的, 外面有少少微脆, 亦不乏內裡的溫柔, 非常新鮮既包, 值得一讚

至於秘製醬汁. 一開頭食落, 係鹹鹹地, 有d 似沙律醬.
但再食落嗒真d 又開始有d 甜味出黎.
感覺就可以沙律醬 + honey mustard 咁.
雖然個醬唔錯, 係幾好食, 但未至於好食到令我深刻到記得/ 回味佢哩種味道
在一剎那覺得好食, 然後從味蕾中溜走. 因此都不能夠話有咩特別要突登走過黎食.
但如果有日經過中環/ o係中環返工既話, 間唔中食一次都唔錯.

放工後在中環的街上漫遊，突然想起永樂園的熱狗，食飯前一於先食一個。係一條小巷賣普通的熱狗，居然做到街知巷聞其實真係唔簡單，原因就係因為佢既醬。平時食熱狗的，要加幾十樣野...茄汁、芥辣、蛋黃醬、pickles。但永樂園只係一隻醬，就有了人家幾樣醬的味道...既有mayo的creamy口感和味道，又有pickle的酸味，又有牛油香...簡單得來又令人值得回味。同平時一樣，阿叔勁大pat醬咁pat左落個包度，好野。

其實除左腸之外，其他野都冇咩特別。腸係勁細條的，太腍了，不太好食。個包係烘過的，但好多地方都識咁做，真係冇特別。所以我返來食的原因永遠只有一個...佢既醬。

其實我覺得食到最後個一兩啖，條腸已經食晒，淨返個包同一大pat醬既時候反而仲好食過有腸哈哈。下次去的時候，不如試下叫「熱狗走腸呀唔該」，應該都會幾過癮。

我地一行五人去食lunch

一齊叫個set lunch, HKD38, 雖然係中環, 但如果呢個價錢我地可以係d好d gei location同埋食d質素起碼ok ga 野lo. 係中環唔代表你可以張一d hkd$20 gei quality 賣到HK$40


我要gei set lunch 包左: 吉列豬排意粉, 中湯, 熱奶茶

個意粉同吉烈豬排黎到係發到脹晒gei
個中湯超多味精
杯奶茶,正常一杯奶茶,無乜特別

一般茶餐二十幾都唔會咁

我唔知佢地d熱狗如何如何, 但呢個餐真係唔值呢個價錢,服務態度亦同一般茶餐廳冇任何分別

係附近做野都半年,都無食過呢間,有同事話佢之前獨個兒試過OK,咁就一行5人黎試下.

會雞扒飯/意粉, 吉列豬扒飯/意粉..我地5個人都係叫呢兩樣,無試另外的兩樣(每日快餐有4款).

跟湯及野飲$38蚊,比想像中貴,但中環區都合理啦.

點知黎到5杯水,有三杯有黑色野,搵一杯出黎洗餐具都難!!

我叫既吉列豬扒,連吉列都已經"淋"哂,入面唔駛講,塊豬扒油浸咁既款,又唔算薄但又唔算厚,勉強夠送半碟飯,淨返半碟要靠汁.

但我地發覺兩種扒飯既汁都係一樣...一樣唔掂!!

叫既湯有中湯,同事反映味精極重. 我地飲忌廉湯,好水,又淡.

最慘係服務態度奇差,楂住人地碟飲係度用手指篤來篤去...真係激死.依家又唔係吉雞,吉豬,一眼就睇到邊碟係豬,邊碟係雞.駛乜咁煩講來講去,慌佢D口水唔跌落去咁.

衛生都要講一講就係真係好污槽,養到D烏蠅鬼咁大隻,

環境真係好逼,真係好似唔駛俾錢咁...係咪屈蛇屈蛇咁屈D客坐低...搞到自己好似變左非法入境者屈係個船底度咁...我地算好5個人霸到一張檯,唔駛同人搭檯,如果搭檯一定食得仲辛苦!!

最後可以讚既係我地5個人各自各俾自己個份,佢都肯逐個找,而無出聲話我地麻煩.有D地方通常都係要我地自己夾好錢先好行出去俾既.

回到公司上黎一check發覺咁多人讚,但讚既都係熱狗多,午餐既少,所以打返篇上黎啦~~

一定無下次,中上環好過佢平過佢好味過佢既選擇唔少.

雖然未試過堂食，但外賣就不少。

至愛佢既熱狗王 (單腸) $8。個醬正到連蔡生都讚過佢。有好似 pickles、牛油、沙律醬的 combination 溝出來的。

不過就好細個，好唔夠喉咁

另外佢既下午茶時間至到 7:30pm，是晚外賣要了沙爹牛肉烏冬加埋龍鳳大檸樂。沙爹湯雖然油，但佢 d 牛肉勁淋！呢個襯烏冬或通粉都正。另外，雖然 menu 無龍鳳大檸樂，但只要 order 就有，佢仲幫我攪散左咸檸先，變左我無得揀少 d 咸添，不過就慳左 d 力。

咁樣食法都係 $35，係中環呢個價錢都算抵啦，係個落單阿哥語氣豪氣左少少。

據聞呢度既熱狗好出名,所以小妹專登泥試下...
叫左雙腸熱狗($10)
個包外脆內軟,但條腸好幼
沙律醬味道酸酸甜甜,幾開胃,係同出面果d有分別既,但又未至於好好味囉~佢只係靠醬汁取勝,十蚊隻我覺得貴左d啦~

因為工作關係要帶相機去中環拍攝，於是就想到找些「值得拍」的地方吃飯。

同行的是男生，總不會走去食Robuchon，於是就平民化一點，選擇了有名的老式茶餐廳～永樂園。



七時去到，在門口影幾張相，再走入去。進入地庫，第一時間發現，完全收不到電話，這真的很大件事，如果朋友有急事打來怎算？更加不知道那些來蛇王的中環上班族怎辦。

不理那麼多了，就叫了鎮店之寶，傳說中的「雙腸熱狗王」及「熱奶茶」。



餐廳內人不多，看到牆上的餐牌，要一個飯麵要五十元，很好吃的嗎？這個價錢去太興新世代也可以了。

侍應的反應快，手勢也很熟練，肯定是在這裡打滾多年才累積得到的，完全地代表了上一代的勤快。



先來的是奶茶，是預想得到的滑，而感覺上好像是奶是故意落多而變得更滑，對在下來說是不錯的配合，不過$14一杯，比起熱狗還貴，好像翠華也是差不多吧？

再來是主角熱狗，$11反而比較合理，解構一下。



麵包是以烘多士的方式烘，又熱又脆，感覺很好。

醬汁似是沙律醬再加芥末？少少酸少少甜，是混得不錯的，味道特別，可以說是熱狗的靈魂。



而主角腸仔，真的很微妙，絕不是平時吃到的味道，而在下肯定多年前是吃過這一種味道的，到底是什麼腸？還真記不起。

上網找資料，說是荷蘭腸，但就是不知道什麼時候吃過，算。而在下覺得這腸比較鹹，有點和醬汁不太夾，但也是脆皮的。

可能是在下比較吃慣美式熱狗，還是覺得那大大條腸加那些比較淡的肉味比較適合自己，永樂園的這兩條腸，很細，而味道在下不懂欣賞吧...

等到朋友來，吃同樣的東西，埋單每人$25，其實是很貴的，這個價錢已經可以吃一個燒味雙拚飯加一罐可樂再有錢找。



在下只曾在中環工作一年，沒有永樂園／勝香園的情意結，故此覺得試過就算，不會再故意幫趁，路過又不用排隊的話，一試無妨。

但始終都是多年老店，所以在下決定把拍到的相片弄好一點，作為對此老店的致意。

更多食評可參考：http://kenshin_jd.mysinablog.com

因為佢大大隻字寮住熱狗王, 甘在下午茶時段去. 收$23的熱狗王+飲品. 一上台, 真係比佢嚇親, 條腸好細, 都唔明WHY佢叫熱狗王. 講味道真係無味道好以說, 太多黃色的sauce,腸仔無咩特別. 不過個包真係哄過既.

感覺名過其實, 食個腸仔包會包d.