267
108
87
港鐵尖沙咀/尖東站 E/ L3/ L4 出口
繼續閱讀
電話號碼
27343803
開飯介紹
倚窗閣提供各種來自世界各地的國際美食,並提供早餐、午餐、下午茶、晚餐以至自助晚餐,而且餐廳內可盡覽彌敦道繁華熱鬧的景緻。
繼續閱讀
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
優惠
招牌菜
食家推介
相關文章
蒸氣海鮮粥底鍋曾幾何時流行過一段時間,其實我係幾喜歡,因為原汁原味品嚐到海鮮的鮮味,而且粥底吸盡精華,知道九龍酒店倚窗閣推出蒸氣海鮮晚市套餐,每位$488的冰火鮮套餐或$688的鱻上鮮套餐,價錢已包含折扣及加一,4位起,取價合理,係時候回味了。兩款套餐會有食材及湯底選擇的分別,但兩者都有海鮮剌身拼盤: 愛爾蘭及美國生蠔、海螺、北海道帶子、挪威三文魚及油甘魚;鱻上鮮更有紅蝦。蒸的海鮮拼盤有扇貝、鮑魚、大蜆、沙巴龍躉、海蝦、安格斯牛、醉雞、田園蔬菜;鱻上鮮添上半只龍蝦及一份黑毛豬叉燒。冰火鮮套餐有2款湯底選擇:韓式人參海鮮粥 或台式鹹粥,而鱻上鮮的更可以選擇,蠔仔泡飯及日式海鮮稻庭麵。有多達12款醬汁及配料包括龍逸軒皇牌XO醬、自家製薑蓉蟹醋、四川麻辣汁等。鱻上鮮套餐更包含任吃自助餐甜品。追加每位$38+10%,更加無限享用紅白酒、汽水、茶及咖啡。聽到呢度,馬上懂得選擇,我們五人選擇了$688的鱻上鮮套餐。先到的刺身拼盤非常新鮮,剌身皆是厚切,餘韻鮮甜。黑毛豬叉燒是倚窗閣自助餐的招牌,少少肥膿,十分誘惑!繼而大家自蒸海鮮,餐廳對每款海鮮都有建議時間,大家無需擔心,大多是2-5分鐘有得食。全部食材都非常新鮮,吃得滿足。餐廳亦展示了四款湯底材料讓我們選擇。我們揀了蠔仔泡飯,材料有蠔仔、冬菜、芫荽及豬肉粒。甜品極之豐富,真是口福無邊。訂座及詳情:https://eshop.harbour-plaza.com/kowloonhotel/zh/wc-steamed-set
繼續閱讀
網上成日都有人問我,邊度食自助餐可以有生蠔同龍蝦,老實講,有其中一樣好多酒店Buffet都有,但有齊兩樣就多數都好貴,但早排去尖沙咀九龍酒店倚窗閣,性價比真係高。先講講價錢。《尋鮮之旅》由2024年1月4日至2月29日供應,時間為下午6時至9時,可以食足3小時之餘,又可以切合近年香港人早返屋企的生活作息。為慶祝九龍酒店38週年,優惠仲要超多,先係經網上訂位,會有72折,已經好抵食。家陣(星期一至四) 6位以上更是高達62折,成人每位港幣$509.8元 起。(星期五至日/公衆假期及其前夕): 6位以上高達62折, 每位港幣$553元起。由【2月19日至3月14日|閃購優惠買二送一】倚窗閣自助午餐及自助晚餐,每兩位成人,第三位可享免費優惠。請注意閃購優惠期:2024年2月16日至22日享用日期:2024年2月19日至3月14日訂檯傳送門 : 《尋鮮之旅》生蠔但凡自助餐有生蠔或龍蝦加持,大家都會覺得係回本位,不過好多時都係得其中一樣,倚窗閣今次不惜一切,樣樣齊。先係有愛爾蘭生蠔及美國生蠔,仲要即開即食,並非半殼蠔可比。而且美國蠔近年質素有改善,已非當年大而無當,肉質死實的感覺。不過大家要注意,基於貨源問題,有時候會無生蠔,但會另行供應波士頓龍蝦,變成冷熱兩食。蒸海鮮有鮑魚、龍蝦、沙巴龍躉、蜆螺、鮮蜆及海蝦,全部新鮮貨,喜歡的,更可以單點龍蝦,生蠔加海鮮,點都值返大半價錢啦!凍海鮮小龍蝦、紐西蘭青口、智利藍青口、海蝦、翡翠螺、俄羅斯蟹腳及加拿大雪花蟹腳。刺身及壽司北海道帶子、赤貝、阿根廷紅蝦、八爪魚、劍魚腩、油甘魚及三文魚,更講明產地來源是阿根廷、澳洲、加拿大、中國、印尼及挪威。精選手握壽司、三文魚籽、蟹籽。每晚的特別時段,都有即製火焰雪山。熱葷熱葷可以分為中式同西式兩種。支竹羊腩煲一食便知高低,竟然用上了新鮮黑草羊,肉質鮮香軟熟,旁邊仲要放上腐乳,夠認真,可惜沒有生菜,唯有走去粉麵檔淥一碟加羊腩汁,真心覺得好正。慢煮和牛面頰超稔同大件,好入味,又係可以配白飯食。臘味煲仔飯原煲上,臘味油份落晒飯粒度,煙煙韌韌有嚼口同油香,美味度爆燈。帶子海膽意大利麵口感豐腴,帶子肉質幼嫩,而意大利麵個人覺得可以煮得較有嚼勁。蟹肉乾燒伊麵很傳統的宴會菜單尾,兒時最期待的菜色之一,炒得好乾身,蟹肉份量也不少。豉油皇虎蝦烤得蝦殼微脆,豉油香味好出。酸菜魚深圳食得多,香港反而少食,試了兩件,跟深圳的味道差不多。另外仲有雞蛋煙肉焗美國生蠔煲、美式燒排骨同夏威夷薄餅。即片混醬北京片皮鴨,有金薑、青瓜、京蔥、蜜瓜、海鮮醬、麻醬及酸梅醬供大家自行配搭。湯燉湯是蟲草花燉烏雞,火喉十足,一口氣乾了兩盅,滿足。西湯是藜麥粟米周打湯,而中湯冬瓜清補涼煲雞,很家常湯水感覺。越式牛肉河大家都知我係“澱粉怪”,就算食自助餐都要來碗粉麵。湯底清而香,配料有肥牛、龍蝦丸、鮮蝦、鮮魷、豆卜、黃金魚片頭牛丸及扎肉,相當豐富,麵底就有油麵及河粉。即煎羊架好厚肉,臊味輕盈,加點Mint Jelly食,好味。另一款屬於隱藏美食係鹹蛋黃炸魷魚鬚,勁熱氣但香口。仲有蔥鹽香煎和牛粒、香辣鐵板牛舌、日式雞軟骨串燒同香港特色及日式天婦羅,都係幾熱氣菜,大家要有心理準備。頭盤基本上帶港風,尤其是有港式碗仔翅同埋咖喱魚蛋豬皮。朋友係食雞控,口水雞同玫瑰豉油雞都是中菜廳龍逸軒出品,當然有水準,就連雞胸位都好嫩。而黑豚叉燒又係正,有嚼口而鬆軟。加埋四川麻辣豬肚及涼拌青瓜,都令人幾開胃。點心自家中菜出品的點心有蝦餃及燒賣。西式頭盤日本清酒生蠔海膽杯、白蘆筍鮮蠔荷蘭汁、芝麻吞拿香芒沙沙、自家醃製刁草黑椒三文魚。咖哩為了照顧不同口味的客人,咖哩當然不能或缺,不過被安置在餐廳較後位置,大家要細心搵搵。當中有印度蔬菜咖哩、泰式紅咖喱牛肉、印度天多利烤雞、印度素咖哩角、印度薄餅及印度香米。沙律想食得健康,有好幾款沙律,包括了雞蛋青瓜沙律、羽衣甘藍牛肉藜麥沙律、雜果大蝦沙律與甜粟米火腿沙律。Cold Cut有紅椒凍肉腸、Coppa Ham同埋黑椒牛肉。甜品選用了Movenpick雪糕,共有熱情果芒果雪葩、檸檬青檸雪葩、瑞士朱古力、士多啤梨、法式焦糖燉蛋、楓糖合桃、Espresso Croquant、Tiramisu 以及 Panna Cotta Raspberry,9款口味各有不同,睇下你食得幾多?太太就好鍾意即製雲呢拿疏乎厘,熱辣辣出爐,灑點糖霜,口感鬆軟,好正。另外有好有趣既扑扑朱古力(棉花糖及杏仁),小朋友就鍾意朱古力噴泉,因為可DIY自己喜歡的口味。其他甜品種類好多,甜魔恐怕郁要失控。整個蛋糕有綠茶士多啤梨蛋糕、72%朱古力慕思蛋糕、芒果慕思蛋糕、士多啤梨慕思蛋糕、招牌芒果拿破侖、木糠布甸、意大利芝士餅同埋麵包布甸配雲呢拿汁。個人首選一定係芒果拿破侖以及Tiramisu。細細杯既有紅桑子特飲、杞子桂花糕、椰汁西米糕、藍莓芝士蛋糕、士多啤梨吉士泡芙、冬甩、杯子蛋糕、榴蓮布甸、Panna Cotta、香芒布甸及什果Jelly。今次就推薦Panna Cotta 同香芒布甸。中式甜品有楊枝金露,而涼粉同豆腐花,就有好多配料,任你配搭。水果有新鮮菠蘿、哈密瓜、西瓜同火龍果,揀得好好,基本上都勁甜。飲品除了有咖啡機外,凍飲有橙汁、蘋果汁、羅漢果茶以及檸檬青瓜水,個人鍾意健康些小,一於飲羅漢果茶。
繼續閱讀
其實只要海鮮新鮮,不用太多技巧,只要簡單清蒸就很出色了!怎麼忽然說起蒸海鮮呢?只因尖沙咀九龍酒店內的倚窗閣,現正推出兩款(「冰火鮮」及「鱻上鮮」)蒸氣海鮮套餐,食材包括有沙巴龍躉、扇貝、鮮鮑魚、新鮮大蜆、半邊波士頓龍蝦、海花螺、醉雞、田園蔬菜 及 安格斯肥牛,每一款也新鮮可口,只要自己控制好蒸煮時間,便能吃到鮮甜美味的海鮮了。😋大廚更特別準備了12款醬汁及配料,以作配搭食客的不同喜愛,其中最特別有龍逸軒皇牌XO醬、自家製薑蓉蟹醋、四川麻辣汁…等等。套餐更奉上一大碟海鮮刺身拼盤,包括:愛爾蘭及美國生蠔、海螺、北海道帶子、挪威三文魚及油甘魚,讓喜歡叫刺身的你,更能享用到海鮮的不同美味及溫度!如享用「鱻上鮮」套餐,更會除餐附送蜜汁西班牙黑毛豬叉燒。當食完蒸海鮮後,海鮮的精華更會直接滲入底層的雞湯之中,在加入自選的配料(韓式人蔘海鮮粥、台式鹹粥、日式海鮮稻庭麵 或 蠔仔泡飯)後烹調,更添滿足!😍食完海鮮後,更可享用倚窗閣內的自助甜品,內有多款甜點及Movenpick 雪糕,令滿加感加倍!🤭現透過 eShop 購買及訂位,更即享有獨家優惠!冰火鮮套餐 discount 後加埋一,每位只需HK$488 ,而鱻上鮮套餐discount 後連加一,每位也只是HK$688。eShop 網址:倚窗閣蒸氣海鮮晚市套餐套餐由即日至4月30日,每晚只接代20位客人,想要吃就要約夠四個人或以上及預早兩日前訂位啦!#兩款蒸海鮮套餐內容略有不同#請自行決定取捨#冰火鮮#鱻上鮮#蒸氣海鮮#四位起#倚窗閣地址: 尖沙咀彌敦道19-21號九龍酒店2樓電話: 27343803
繼續閱讀
分享一下早前 #Mark Six 小組飯局,主題是團年!在週五晚上,一起到尖沙咀「九龍酒店」,一起品嚐超讚的海鮮自助餐。這天小弟竟然是最早到,急不及待出外影食物相片及開動先吃。吃自助餐的好處就是不用等齊人,可以各自開動,挑選自己喜歡吃的,盡情投入美食的歡樂!凍海鮮區約有十款選擇,波士頓龍蝦、智利藍青口、紐西蘭青口、長腳蟹、翡翠螺、海蝦、小龍蝦等都齊備:不可錯過的有波士頓龍蝦,一向是吃其爽彈的質感,今次落少許檸檬汁就吊起了鹹鮮:喜歡吃啖啖肉的朋友不要錯過龍蝦鉗,鮮味突出,比龍蝦肉更濃稠,這個有驚喜:長腳蟹和翡翠螺都有吃到,新鮮,這點最重要,兩者均是甜美啖啖肉,海鮮迷不要錯過:刺身方面大約有八款選擇,帆立貝、油甘魚、吞拿魚、𩶘魚、八爪魚、赤貝、三文魚、希靈魚等:帆立貝是巨大厚肉鮮甜,每隻開半邊更顯得其雪白剔透,一向少食三文魚的我也覺得其刺身肥美,部位也靚。我的霹靂無敵 comfort food 三文魚籽,一匙羹一匙羹大啖吃,鹹鮮在口中爆汁,很治愈啊。我吃了三碗,朋友戲言這在外吃也要數百元了!Anyway,所有煩惱可以暫時放開,沉醉在鮮味中,這不是美食的威力麽?在我心目中,三文魚籽除了做壽司或拌飯吃外,可以有很多「隱藏食法」,例如配上烘多士加 cream cheese 再灑上三文魚籽,甚至乎可以伴沙律吃,美味不羨仙!其餘壽司包括有「火炙和牛壽司」、「火炙三文魚腩壽司」等。冷盤有各類火腿 cold cut、煙鴨胸、鴨肝凍、煙三文魚、芝士區域等:最受歡迎莫過於「風乾火腿」,配上甜哈密瓜。油脂甘香,鹹香度足,喜歡風乾火腿的可放縱一下:熱盤選擇非常之多,也配合海鮮主題,即管逐樣介紹。「原汁原味蒸海鮮」,有鮑魚、蜆、扇貝、龍蝦鉗,翡翠螺等等,新鮮出爐熱辣辣,師傅蒸的速度很快手,以保留海鮮的鮮味,流量也去得快,心水選擇是「蒸鮑魚」,吃得出各項用料一絲不苟:「酸菜魚」合我這個酸菜怪,發酵的酸菜調味得宜,魚肉紮實無骨,粉皮吸盡酸菜汁,絕對是寶:寒冬下來個「支竹羊腩煲」帶骨支的羊腩帶皮肥瘦得宜,非常入味,枝竹和馬蹄也吸收磨豉醬的味道,用來沾腐乳吃,驅寒滋補:「臘味煲仔飯」也是另一個亮點,潤腸、臘腸、臘鴨共冶一爐,鍋底帶飯焦,特別一讚鴨潤腸,甘香豐腴:「慢煮和牛面頰」以煲仔形式上場:這個我有吃到,肉是用上近牛面頰的厚切部位,有些韓國風,肉質較鬆化,汁料亦惹味,又是另一種美態。其他美食款式確是琳琅滿目,「泰式豬頸肉」、「喇沙菜式」均好吃:「鐵板燒系列」由師傅即場主理,有鵝肝、大蝦、羊架、厚切牛舌等等等等⋯⋯即燒即吃,誰不愛?「蟲草花燉雞湯」此蟲草花燉雞湯相當足料,滋補順喉,飲完感覺很舒服。更重要是它是無味精,清燉出食材的原味,完全適合我這𥚃有「味精敏感症」的人士,可以飲多兩碗!其餘湯有「木瓜雪耳煲雞」及「西式羅宋湯」「印度區域」有各款咖喱彩色,配 Naan Breads,以香料的香氣帶動味道,辣度相信是大眾接受的程度,惹味:吃這個配冰凍飲品,最適合不過,我的「滋潤羅漢果茶」,我這些 dry 人一族,飲了兩杯呢。到了今日主角出場:「賀年撈起」要說「撈起」,它是農歷新年南洋一帶的民間習俗食物,就是「撈起魚生」,吃這菜大家都希望新一年撈得風生水起,攞個好意頭!相傳「撈起」是源於台山,中國五邑一帶,當地人鍾意食撈鯇魚魚生;後來他們去到南洋,約在1960年代就發明將生菜絲、西芹菜、紅蘿蔔絲加入生魚,再加酸甜醬汁撈起,就此演變成賀年食品。此「撈起」的魚生用上三文魚,加入白蘿蔔絲、紅蘿蔔絲、青瓜絲、海蜇、木耳絲、白芝麻、花生碎、五香粉、胡椒粉等。把主食材整齊排列在大圓盤上,倒入甜酸梅醬,大家把各食材和醬汁撈勻時大聲說出吉利話話,全部人就會用筷子將圓盤中的各種材料高高撈起,邊講「撈起!撈起!撈到風生水起!」,而且將魚生盤中的材料夾得越高,象徵心願更容易達成!聽聞最好要企起身㚒到胸口咁高,咁就夠晒喜慶啦 通常「撈起」都是份量比較大,在這自助餐可以一嚐滋味,又攞個意頭,必食項目之一 XD甜品有朱古力噴泉、各款蛋糕、自家拼B仔涼粉 (可加大量新鮮水果啊)、楊枝甘露、即焗梳乎厘等:水果拼盤,有新鮮菠蘿、不同莓子如紅桑莓、藍苺等,哈密瓜、西瓜片等,冰涼清甜,還有 9 款口味的 Môvenpick 雪糕,每樣吃一球相信已可過足雪糕癮。又是一個開心滿足的晚上。整體此自助餐的吃口感是相當滿意,實在太飽足了 : -)在此預祝各位有個團團圓圓、開心滿滿的農曆新一年!
繼續閱讀
阿女話今年生日想食自助餐,她生日正正在聖誕與除夕之間嘅其中一日,一諗已經估價錢唔會平,佢仲話諗好咗在尖沙咀食,我當時第一個反應係「嘩!嘩!嘩!」今次實大出血了!她早一個星期在網上預購當天晚餐時段的自助餐,酒店的開始時間是下午六時,我們訂了下午六時半,到達後見已有約八成入坐,食品不是宇宙級的種類但絕對是可以食得你好飽。首先阿女出去拎嘢食,我見佢拎咗即開生蠔、翡翠螺、小龍蝦、帶子、赤貝、牡丹蝦刺身,我當然都唔執輸,比佢嘅份量再拎埋凍蝦、長腳蟹、青口、藍青口、八爪魚刺身。第一口食生蠔「嘩!嘩!嘩!」好鮮甜又回甘,呢個價錢比我食到生蠔仲要質素唔差我第一個反應係呢間酒店嘅自助餐我一定要推介比我啲朋友。最開心係我每次出去拎生蠔時個廚師已經好好的為妳安排了一碟四隻,上面咪講咗我到達時已經有八成人入坐,但我去到拎生蠔嘅位置,最多都只係需要等1-2位,試過有一次係唔需要排隊就可以拎到,呢個真係要大力啲讚佢哋嘅安排,唔係話乜,有好幾間出名食自助餐嘅食肆都係因為拎所有食物都係要排長龍而令我唔想再去幫襯。熟食佢哋有羊架、牛扒、和牛粒、片皮鴨、龍脷魚、天婦羅、串燒、Pizza、韭菜豬紅、豬皮蘿蔔魚蛋...仲有鵝肝多士呢個驚喜。甜品雖然佢哋應該唔係主打食甜品,相信都唔會令一眾甜品愛好者失望,有朱古力噴泉、豆腐花、雪芭、多款蛋糕同甜點,仲會在每一小時出一次即整梳乎厘。餐飲佢亦有別於一般酒店每人免費一杯餐飲的做法,而係有一個茶水間可自行無限量添飲咖啡或茶、果汁、罐裝汽水...等等。還要讚多一樣嘢係佢哋每個崗位嘅服務態度都好好,不論是前枱登記、廚師、在大廳負責收碟、斟水嘅各人都好盡責,見我一食完淨低隻碟「吉」咗會即時前來收走,唔會積聚一堆碟叫人收都無人理。總結:今次呢餐是一個非常開心嘅夜晚
繼續閱讀