過往食過這間酒店多次都ok,所以今次生日聚會就選擇這間,但真的很失望!!!

服務 :
1) 侍應d服務態度語氣很差!!!
2) 問經理無長腳蟹咩,佢話dinner無喎,咁係咪即係lunch有呀???咁普通的長腳蟹及翡翠螺都無!so cheap!
3) d碟好dirty好多漬,油立立!

食物 :
: 生蠔 : 好瘦,瘦到好似紙咁簿,只有咸味無鮮味.而且無次每人只派兩隻,8點9到己無生蠔供應,好小家!!!
: 花甲等海鮮煮都無晒鮮味
: 燒牛肉很硬很鞋,朋友食一半已無食
: 魚生壽司 : 只有三文魚,吞拿魚,雞蛋及蟹子,仲有一款唔知咩魚供5款,d刺生唔係好新鮮,仲要每次都係比3-4片到,真的好小家,壽司係见到都唔想食個隻!
: 雪糕 : 唯一可取的就是有H記雪糕,在無咩食物可取的選擇下,我食了4球

今次總括來講有5粒星,係差呀!
佢sell全港最長的食物bar枱,佢唔係多食物,只係將d食物分散開d!!!簡直係取巧!!!
而且每次出的食物都係得20份到,轉個頭就無嗱!真係好小家呀!
雖然有8折,但都係唔值.
今次係一次好錯誤的選擇!

在上周日與同事一家相約到window cafe try lunch buffet.意想不到超多人,簡直係近日見最多人食的buffet.之前看食評都知唔錯,親身體驗後亦有同感.
大部份的食物都好好味,尢其是desserts.甜品好多款式,連少見的梳乎里都有,勁...
本人則最愛chocolate mousse,pancake & mango千層酥都好正...還有一個hot的杏汁燉奶.真係唔錯呀!價錢又合理,服務都ok!

從來都對這間咖排廳有著一定的信心, 這一次亦沒有令人失望.

由訂座到用膳當日, 都跟咖啡廳保持聯絡, 因為用膳當天是母親大人的生日, 當然要隆重其事, 不可有一點的差錯.

由於我們只會惠顧他們的午巿自助餐, 所以有些要求即是變得頗為苛刻, 但酒店方面亦作出多方面的配合, 這才對嘛. 比起一些打著5-6 星級的酒店, 服務態度便是按章(收費)工作, 對比起來九龍酒店則顯得比較有人性呢.

話說回頭, 生蠔, 藍貝青口, 魚生, 刺生, 熱盤, 到甜品都一應俱全, 除了較令我失望的雲吞外, 其他都是質數以內的佳作. 先不說已經很少酒店會在中午時段提供生蠔外, 其熱盤的質數令人回味. 尤以生炒骨, 和桂花炒勾翅為佳. 生炒骨之出色比起大拍檔的還要好, 比起一向都愛到的香港大學校友會餐廳水準更高. 雖然勾翅分明是素翅類物料, 但炒功出色, 值得推介. 其叉燒的品質比起帝苑的更佳, 不知為何人人都說再興的叉燒奇佳, 但其實帝苑的叉燒的質數一直比它為佳, 但倚窗閣的比較起上來, 還高一班呢.

說到甜品, 不過不失. bread pudding 的水準依然, 非常好食. 必食... 個人而言, 比較心儀D 字頭的雪糕, 但可能似乎音不多. 而這裡亦有提供6款H字頭的雪糕.. 若說回本, 只吃雪糕已經能夠回本. 由於有著DBS的8折優惠, 人頭費用只是18X , 以食物, 環境和價錢來作出比較, 是一頓非常超值的自助午餐. 希望它們的價錢和質數可以繼續維持.

因為生日，朋友請食BUFFET，上網SEARCH過九龍酒店評語不錯，所以訂位一食。
食物款式很多，不同種類、不同國家食物都有，很多選擇。
刺身款式雖然不多，但頗新鮮，三文魚夠肥美。
熱食亦有很多選擇，有PIZZA，生滾粥，中式湯粉麵，師傅即場為客人煮，夠熱辣。
甜點亦不少，最愛芒果拿破崙小切餅，很鬆脆，大家一致讚賞。
服務亦都很不錯，禮貌周周，又替我們拍照。
透過OPENRICE網上訂位，每客人送一杯 橙汁 / 蘋果汁 / 啤酒 。
持HSBC有9折、DBS有8折

突然Family Gathering, 要吃Buffet.
上Openrice兼打左好多電話、好多間都Book唔到位。

後來看上去比較好的就是這間。
多年前來過、印象普普通通。D人話無龍蝦…等等、所以無太大期望。

但原来不但有水準、而且有誠意。

Their food is situable for elder person and younger person.
Taste is very good.
Due to 蟹 season, every one included one 蟹. Not so big, however, tasty.

Food refill is very fast. So much hot food, this is very welcome for elder person.
For young person, can enjoy so much cool dishes and dessert.

Aged over 65 has discount. Very good!

溫馨的周日 -- 在於歡聚

要求了窗邊位...因此頗舒適

選擇款式不錯, 很樣…但沒有什麼令人驚喜及難忘

冷盤---太少選擇
細細的煙三文魚 ---不吸引
魚生有 - 墨魚..青魚..蟹子 --選擇不多, 味道鮮美
青口 – 味道好
沙律 ...生果只有西瓜 菠蘿… --- 太少
有點心 – 奶皇飽..燒賣..我無興趣, 但一家大少...合適
果汁..鮮奶..茶 任飲 – 不錯
熱葷 – 我沒有吃…選擇 10來款…款式無甚特別
有焗薯都幾得意…但味道一般

甜品 – 梳乎里..班cake…豆腐花…木瓜…waffle….雪糕…芝士蛋糕…麵包有甸等…..
蛋糕款式少了些 最好味 : 藍啤梨芝士蛋糕 ….

小朋友 - 88
大人 - 168
7歲以下免費
全單8折
一家4口...有位7歲以下, 有位小童價...所以 好抵!

我無意中走0左入一個叫vwinwin.com0既抽獎網站，見唔洗錢就試0下參加，點知就比我中0左個九龍酒店自助餐仲比我星期六晚食，成4舊水嘛…勁正可能唔洗錢0既關係，加上我勁鍾意食蝦，佢0地用蝦做0左好多唔同0既菜式，好味到震不過我就嫌佢送0個隻「芝士焗淡水龍蝦」就太流，一食就知係雪藏貨，食0左落肚馬上無晒位，勁唔抵

本來打算在中秋一家人出去吃中式晚飯的, 但係幾乎所有餐廳同酒樓都full晒, 於是乎就去左呢間之前有訂檯的酒店食自助餐。

其實呢幾年食自助餐o既次數已經少左好多, 一來自助餐價錢越來越貴, 二來自己又唔係話大食之人, 所以對自助餐o既興趣已經大大減少。 不過, 再食多次都無咩所謂的。

呢間自助餐o既格局算係唔錯的, 不過油煙就比較大少少, 就算坐到去窗旁, 都會聞到好強烈o既油煙咪, 所以呢個係需要改善o既地方。

另一方面真係要改善o既係佢地o既食物質素, 特別係海鮮類。 其實佢地提供o既海鮮真係好多, 唔同款式o既做法都有。 不過去到酒店食海鮮, 第一樣必食o既似乎一定係生蠔了。 呢度o既生蠔賣相係ok的, 但食落口就另一回事 , 呢款生蠔係無咩海鮮味, 正確無咩味先至岩, 因為可能佢地係清潔生蠔時用水係咁大力沖, 令到d生蠔o既鮮咪走晒, 食落去唔係太好。 魚生都係差唔多, 三文魚同吞拿魚都係好一般o既水準, 唔算係咩大製作。

不過個人係喜歡食先冷盤o既, 我覺得佢地o既沙律幾ok的, 特別係鍾意食一款 咖哩海鮮沙律, 幾特別, 亦幾好味。 湯真係唔掂!! 個晚話係提供左 金粟雞蓉「燕窩」羹, 但一入口唔好講燕窩, 燕碎都無, 完全呃人的!

其餘o既食物都一般, 唔知係唔係就中秋多阿爸阿媽出去食o既關係, 大部份熱盤都係中式的, 但西餐o既款式又唔多。 頭先講佢o既咖哩ok, 熱盤都係ok的.. 所以呢度唯一ok o既算係咖哩了。

因為中秋關係, 所有每人有指定信用卡, 就可以獲贈大閘蟹一隻... 但唔送好過送.. 隻大閘蟹膏少已經算啦, 但係入口都係唔香, 無蟹味的! 我地五個人, 食左三隻已經算了, 寧願食其他野好過。

甜品ok, 有d正常o既甜品供應, 但又有d 另類配搭。 三文魚芝士蛋糕, 同埋龍蝦做甜品等等.. 算啦.. 唔敢試呢d大膽菜, 試下d傳統野算了~~

終於食到傳聞中要大排長龍的九龍酒店奶皇流沙月餅, 幾香幾軟熟, 而且入口唔肥膩, 出面賣$148六隻, 所以食左一隻已經補番數。 雪糕算係幾多款式的, 不過係有唔同牌子係同一個雪櫃, 一個係H記, 另一隻唔知係咩.. 所以都係試左H記算了, 無試另外個隻。

同埋又係中秋, 每檯都有送奉紅酒一支, 不過, 都係一般貨色(當然, 四百蚊唔通想試82年紅酒咩?)

總括來說唔算係差的, 但亦唔係太有特色囉, 可能平時食得太多特色野了~~~ btw係值得去食的~

琴日除左係國日,仲慶祝外婆birthday。
就揀左呢間restaurant黎celebrate喇~
其實我覺得呢度D食物好有創意我鍾意!
我係甜品既fans,so我多數都食甜品la......
杏仁蛋白:杏仁味重,不過就唔夠熱,差少少。
龍蝦乾心太軟:一般啦,因為D朱古力實左,唔流~
:唔錯呀!外,面就好脆&微熱,但裡面就係cold(香艼味)
龍蝦三文魚cheese cake:夠哂創意,上面就係cheese cake,個ban底就係龍蝦三文魚,唔會比local果D cheese cake咁漏~
bread pudding&柚子毛士:冇咩special。
最後揀左杯薑茶作ending~
D waiter服務唔錯

Thank you OpenRice. 這次活動好玩又好食.

二位參加者一組, 一起製作奶黃餡料, 搓月餅皮, 及月餅成形等工序.

首先派食譜及圍裙, 按照蔡師傅教導混合了奶黃餡料及餅皮料, 但因奶黃餡料需要蒸及餅皮冷藏的關係, 最終是用上蔡師傅預先整好的奶黃餡料及餅皮料, 好啦, 到包月餅及壓成形, 參加者都很細心製作, 焗了20mins, 製作出香噴噴的奶黃月餅, 每人可將製成品帶走慢慢品嘗.

試食: 剛焗好的奶黃月餅好香好好味, very good.

多謝經驗豐富的蔡師傅教導.

另, 參加者可以discount price 買一盒奶黃月餅.

很久沒有寫食評了,07年的11月份曾寫過Window Cafe的食評,當時的題目是"有創意!我鐘意!"
,我依然認為Window Cafe的食物依然有創意,但味道及食物品質同樣有待改進。

老公因工事遲來,唯有剩下我一個人密密地吃,從來未試過一個人吃buffet,感覺好像怪怪的。

先拿一碟生蠔,生蠔非常的肥美creamy,當口中嘴嚼生蠔時,駭然發現另一生蠔底部有一條小蟲從蠔殼底部爬行,當我正拿起叉子撥弄那隻小蟲時,並向女侍應反影"蠔殼有蟲",她隨即收起碟子,隨後沒多久,經理也過來向我解釋原因.有致內容是生蠔過於新鮮的原故......,其實在日常生活中,什麼事情也會發生我並不太在意小蟲,當晚也沒影響我吃生蠔的興致。有點值得欣賞,自從反影意見後,明顯地當生蠔即開後,並不如之前放在食客的碟子上,而是拿入廚房一會兒再拿出來給食客享用,在維生方面,在廚房做了多一重功夫。 經理的管應能力及反應迅速,值得加許。

說回其它食物,如煙燻淡水龍蝦仔釀白鱔、瑤柱蝦米梳乎厘、基圍蝦蟹黃忌廉汁焗釀蟹殼、橘子燒鴨胸、椒鹽瑤柱琵琶豆腐、羅氏蝦西施柚咯唆爹、"即制火焰"蝦干拼草莓芒果,名稱及食物配搭依然創意十足,相信廚師在名稱上攪盡不少腦汁。

食物太多,無法一一形容,但對瑤柱蝦米梳乎厘及即制火焰"蝦干拼草莓芒果極為鐘愛,味道配搭得極俱心思,有蝦米及瑤柱味道的梳乎厘原來可以那樣好味的。一向腦海內將梳乎厘及甜味畫上等號,但創新打破了食物的界限. 而即制火焰"蝦干拼草莓芒果亦是另一創意之作,灑上干邑酒在草莓芒果上並不晞奇,但內裡的蝦干味道濃郁,酸甜帶酒味及"蝦干的鹹味,正正將甜、酸、鹹共冶一爐.其實椒鹽瑤柱琵琶豆腐亦挺好吃,可惜內裡豆腐不夠滑,要不然,可做得更出色。

另外,唯一要彈的,便是橘子燒鴨胸及鵝肝和牛的肉質過韌.反之,水煮牛肉X的肉質其纖維像魚肉的質感般嫩滑.盼廚師能注意這點。

甜品方面,並巧幾款Häagen-Dazs 如夏威夷果仁、檸檬雪芭及草莓雪芭是我慣常愛吃的,單是
雪芭,以吃了七杯呢!

總括來說,創意十足,但如能將食物質素同時提升,將有助酒店餐廳名氣

最後埋單也只不過是有人二百多塊錢,因為老公是用Dining card結脹的

好開心參加了OR 與 九龍酒店合辦既月餅製作班
因為每位參加者都能用優惠劵購買九龍酒店既酥皮奶皇月餅,
咁當然要買啦~ 呢隻月餅真係好好味, 內裏既奶皇好香呀~
叮熱味道更好~ 我HONEY 都話好好味~
原來月餅係要咁整架~ 再次多次OR 比這個機會我~

個次係公司聚餐去左九龍酒店食...
開頭以為會好多野食la." 不過最後都幾失望..
因為d野食都唔係咁岩口味...好多同事都話冇咩野岩食.."
有長腳蟹食..不過成日都好快比人拎哂,.但d肉質就麻麻地喇,.
可能雪得太耐.." 不過佢會每人有一份和牛..但d和牛好難咬開..
真係唔太好食...最好味應該係d甜品..我食左2轉d餸就去左食甜品,."
因為確實冇咩野好味.." 下次我應該唔會再去

今日係我仔仔生日諗住同佢慶祝,聽人講九龍酒店buffet 多野食同7歲以下小朋友免費,所以就離試下,都ok 喎,我係網上訂位重送左兩杯drink ,有汽水同鮮橙汁任選,再加上每人一杯餐飲我地三個人就有四杯drink 啦~講番食物先,一座底每人送一隻芝士龍蝦,不過就好細隻,算啦送既.
冷盤~生蠔,青口,蝦,螺,不過就無蟹腳,生蠔鮮甜,其他都ok
沙律~都係平時個D款,我本人就無試,買相 ok
刺身~都有四五款有,三文魚都ok
壽司~款式都幾多,全部都係熟既岩灑小朋友
熱盤~款式及味道ok,有炸天婦羅,海鮮檔重有個焗蟹蓋呢個你要問佢攞,因為無擺出離
係海鮮檔旁有個牌寫住,重有加哩檔,有簿餅
面檔~都係以海鮮為主
甜品~個人應為都幾多款,有忙果西米露,忙果布旬,薑汁旦白當然重有朱古力噴泉,有H字頭既雪糕,不過就無我至愛朱古力味
其他都有豆付花藍梅芝士餅等等......重有好多不過我太飽無食啦,最後重有個自製紅豆冰同珍多冰...........幾特別
整體以呢個價錢我會再試,同D服務幾好,收碟快,值得一讚~

是日同同學仔一行6人一齊黎食Buffet 聚下
因為有張8折卡, 計落每人都係$350, 仲有餐飲呢~
日本節有得抽獎呢

我地食左好多野...
生蠔: 即開即食, 唔係太肥美, 但都唔差, 我食左8隻==
湯+翅: 好好味, 好多料! 粟米湯, 我個人覺得一般, 中湯都唔錯
牛柳粒: 一流, 勁好味呀, 個廚師勁好人, 佢叫我一陣先黎拎,
佢話得返幾粒, 佢唔想俾我食, 佢話佢都覺得唔好意思, 因為凍左
煮海鮮: 自選挴鮮, 有廚師即刻煮, 佢又叫我過3分鐘再返黎拎, 佢話唔想我等
我要左青口同帶子, 帶子好大粒, 好香牛油味, 好好味
海鮮蒸旦: 好好味, 勁多料, 但好隱秘, 得個牌, 要問佢先知!
木棣布甸: 細細碟, 好好味, 味道岩岩好, 唔太甜, 我食左2碟
炸雪糕: 唔知係咩野味架, 炸左食左先會知, 灰黑色個隻係芝麻, 好好味!
粉紅係士多啤梨, 同學話唔好味, 可能大家都唔中意藥水味啦
雪糕: H 字頭o既雪糕, 食左2個球

今日仲有得抽獎, 我地個個都抽倒8折卡一張== 隔離桌抽倒日本豉油一支==