At cool gelato, there is very good deal at $45 for a coffee drink, cake and gelato. But as we were having dinner soon we wanted only a single scoop.

We chose the strawberry yogurt flavoured gelato which for me, was quite disappointing. It did taste true to its name, but was icy and lacked any creaminess . Even real frozen yogurt won't have this sort of texture.

I think it is fair to say I won't be stopping by again any time soon - da dolce, XTC and pappagallo offer much better quality gelato.

之前聽聞K11開了間COOL GELATO, 特意跟朋友一起去!
個人覺得所提供的味道不多! 試了金莎同士多啤梨味!
金莎味道不夠濃, 所以點了士多啤梨味!
士多啤梨味GELATO 食落其實有少少酸, 士多啤梨味都吾夠濃, 不過都接受到!
然而呢間GELATO 始終未係我食過GELATO最好食既一間!
因為本人去年係英國旅遊時曾經食過認真好味既GELATO!
而今次光顧K11只能讓我回味英國之旅的那一間GELATO食店!

試食了兩款味道，開心果（無嘜味道）及熱情果（好酸），但求有個位坐吓所以是但要一球雪糕，個Sales以為我又試食金莎，用此表情回應我。我發覺此Sales(束馬尾、表情很苦的），真不適合賣雪糕，又不懂介紹給人客，又露出苦情的面孔，我們吃雪糕很Sweet，也希望買雪糕的過程很愉快。希望此店懂得檢討，否則應該好快消失。

話係 Gelato
我係意大利都無食過咁無味、食落去好似加左水既 Gelato
佢果 d 唔可以話係 Gelato....普通 ice-cream 都不如

cheesecake
我問個 sales 邊隻cheese 味最重....好聽佢講食blueberry cheesecake...
點知~~~~
好似一個紙包蛋糕加左 d beery 上去咁
真係未食過咁差既cheesecake

同我一齊既朋友都唔會再去..

點了$45的set來吃.
一杯熱cappuccino加一杯雪糕,十分化算.

金莎味雪糕,太甜..

然後再喝cappuccino,就令咖啡變得有點苦..

兩者併起來,原來有點奇怪..

慶幸商場內暫時沒有太多人流,
否則座位位於商場內這樣開揚的位置,
亦不會太舒適.

暫時,環境都尚算清靜,是行街中途,稍作休息的其中一個地方.

食完銀座黑豚之後，當然去返呢間一直都想食而且無喊面既舖。
咦，有乳酪雪糕，仲有蘋果味喎，試食左一啖，都幾清新下，
於是就叫左呢個單球啦。

結果，嗯，只可以講佢唔似Gelato，反而似雪糕。
食到乳酪味既，不過可惜係冰粒較多，如果有返D蘋果口感仲好。

尖沙咀講真雪糕選擇唔算多，廿蚊一球，都可以既。

男友生日飯前還有少許時間，於是我們就先食點甜點等下場。

K11的這間gekato，看樣子蠻吸引，而且又有提供座位，於是就成了我們的目標。口味不算有大驚喜，於是選了比較普遍的開心果味。

原來一球的份量不多，感覺比坊間的貴。味道不過不失，沒有開心果粒，口感是差了一點。而有好的環境，就當拉上補下，打個和吧。

尖沙咀最近開了新商場k11，入面有一間雪糕店叫cool gelato，食的是意大利雪糕，最初以為是一般的意大利雪糕，原來內有乾坤，雪糕有很多款選擇，要了比較特別的愛爾蘭咖啡和曲奇，咖啡味有香濃的愛爾蘭咖啡味道，反而咖啡室比較弱，但反而更加特出愛爾蘭咖啡的味道，曲奇入面有碎曲奇，兩款雪糕質感非常的幼滑，環境和店員的服務都很好，環境寧靜衛生，價錢要貴了一些，25元一個球、兩個球要40元，但質素一流。

http://icuteee.mysinablog.com/index.php?op=ViewArticle&articleId=2149266

12月31日（星期四）晚，話說我們食完朱古力雪糕後，一個小小的雪糕球又豈能滿足甜魔女友，於是我們繼續往K11前進尋找吃甜品的地方，如果我沒有看錯，就祇有Cool Gelato 這一間雪糕店。既然來到，在未前往目的地前也順道逛逛這個商場。行完三樓，一落扶手電梯已經見到“目的地”，外賣店的格局，但店外有地方供客人坐，感覺不錯。一間小小的雪糕店，除了雪糕外還有咖啡類飲品和芝士蛋糕供應，此外還有套餐，用$40元就能試到以上其中兩款，頗超值。能夠用一個價錢吃到兩款甜品，女友又豈會錯過？女友選擇吃紅酒芝士蛋糕，而我就想吃經典雲尼拿雪糕。

兩款甜品的份量比想像中較少，可能始終將貨就價，沒關係罷！我和女友一齊分享紅酒芝士蛋糕，但兩人的感覺卻有不同，我覺得芝士味較濃而沒有紅酒味，女友剛好相反，覺得有紅酒味反而沒有芝士味。一件芝士蛋糕，兩個人同時吃竟然有兩種不同的味道，很神奇，不過我倆都喜歡那餅底，很脆口，女友說可能是曲奇和果仁混合；經典雲尼拿雪糕香軟綿滑，比一般gelato更幼細滑溜，可能因為雪糕裡還加了雲尼拿籽，雲尼拿味比其他的更香更濃，愛吃雲尼拿味雪糕的我很欣賞。

標題是女友起的，她解釋道是因為在一晚內吃了三款甜品，比平時大多祇吃一至兩款多，感覺“升呢”左，故以此為題。

P.S.:我們吃完甜品，離開時剛巧遇到食友在隔離火鍋店吃晚飯，我們撘檯坐了一會，暢談一番，感覺歡愉，多謝食友的熱情招呼和美酒，謝謝！

見K11新開, 就入去行下, 行到攰攰地, 就想食下雪糕...
向櫃前, 店員好主動問我地想試咩味, 我一眼望過去, 就俾黑到好似炭既雪糕吋吸引住!
原來係dark chocolate!!!!!!

我充滿期待,, 一試我同大怪獸就愛上啦!!!
好香好滑有少少dark choco. 應有的bitter, 有少少"溜", 不過食一個球都ok!!!!!

下次一定要再食~~!!! Yummy!!!

$25 單球, $40 雙球, 食得過

Gelato 同雪糕既唔同之處,

係Gelato 比雪糕少d 脂肪,

但係卻比雪糕多d 糖份

Gelato 之所以咁軟滑, 係因為佢用既糖份係要調較到水與糖0岩0岩好令佢唔起粒

有D 味道更會用蛋黃做材料



呢間Cool Gelato 既gelato 唔錯

味道夠rich, 美中不足既係佢唔係隻隻味都咁軟滑

所以真係要試試先落order

試左士多啤梨質感唔夠滑, 起粒既食落似雪糕

最後揀左Yogurt 同芒果

Yogurt 味係一個驚喜, 我初頭以為係純frozen yogurt 咁既味

原來唔只, 益力多咁既味又rich 又滑



我一生人食過最好味既Gelato 係0係拉斯維加斯Bellagio 酒店入面
雖然Cool Gelato 比佢唔上, 但卻一定好食過Gino's Gelato

已經唔記得有幾耐冇因為食物而寫食評既衝動，今次主角"COOL GELATO"，佢地都係以意大利雪糕作招來。雪糕，一種茶餘飯後既甜點，有人話GELATO比ICE CREAM更能夠帶出食物既味道，照我睇，佢地唔是"帶出"食物既味道，而係"添加"左自己既個性係食材之上。佢地獨特既氣味能夠同食物發生奇妙既化學作用，又或者係因為激起左我地潛意式中既味覺回憶，開心果味最能令我歡心，香濃既口味簡直不能夠形容，如果想話講出黎，我諗你地親身去品嚐更能體會！COOL GELATO係食家不可不試既好地方！

尖沙嘴新開左間K11商場, 昨日難得放假, 同Daddy去Shopping, 行行下唔見左人, 打極電話都唔聽, 差D反轉個商場, 原來佢比2樓既意大利雪糕吸引, 走左去試食,連電話都聽唔到, 一向對雪糕甜品無興趣既佢~居然話想買黎試下,25蚊一球,40蚊兩球,計落兩球好似抵食D！18種不同口味,花多眼亂食邊只好呢? 先入為主,綠色係my favorite,我揀左開心果味同綠茶味,Daddy就揀左藍莓乳酪同椰子味, 大家share黎食, 一個字”掂” 用料好新鮮,食得出係無加到人造色素,調味劑,味道好天然,開心果味勁香濃,入口即溶,feel到好滑溜,如果你有親身試過的話,你一定會贊好,同出面既簡直無得比,(開心果)味真係好搶手,唔洗一陣就比人買晒,想買多球都無><by chance,後黎Daddy仲買左杯咖啡,都係唔錯既配搭
最開心就係有得堂食,慢慢享受,諗起又好掛住好想食添^^……唔緊要,好在我公司行去K11都唔洗5分鐘, 放左工or lunch時間都可以去買黎食!

開心果味~食左真係好開心

知到尖沙咀開左間gelato雪糕屋，即刻忍唔住要去試下，我一路睇 d 味，見到開心果味就覺得幾過癮，其實本來冇咩期望，諗住都係試下味過癮下，但試左一啖, 就唔試再試啦~唔駛諗就即刻比錢！開心果香味濃烈！實在太棒啦~~~係超特別, 係從未試過GE感覺~好味！
$25一球唔算太貴，但$40有2球卻相當化算！可以用個"抵"字形容。
比起Pappagallo,XTC類型GE gelato雪糕屋、Cool Gelato GE開心果味可謂相當出眾！不過要keep住質量，而其中拖肥味及咖啡味不夠突出，希望下次再試會有驚喜啦！

開心果味

琴日CHRISTMAS出左去尖咀行街,見到有個新商場叫做K11,於是行入去睇下了,未夠鐘食晚飯,而且有點肚餓睇下有咩食下了 ,行行下俾我見到2樓有間意大利雪糕,原來成個商場得一間賣意大利雪糕,咁我梗係抱住睇下的心態過去了,嘩.......原來她們有好多款唔同的口味架...成18款咁多...一時間我都唔知食咩味好.....令我心大心細....不過個度D女仔幾NICE...不斷俾我試下唔同的口味,最後我都係點左黑朱古力同開心果....2球都係$40,都好平了....食落去真係好滑...同平時食開個D雪糕真係唔同架...好正^^...雖然好想再食其他味架..但我仲有一餐DINNER要食....不過我會下次再黎食過呀....仲有呢度係有堂食架...坐得幾舒服....我會再去食架^^