七月初七•七夕

來尖沙咀為遲一點來試菜的餐廳探路，工作完畢，吃飯時間就只剩下廿分鐘，就來這裡吃個上海麵。

要了酸辣湯拉麵，大大碗的，不少的拉麵條就浸在濃郁的酸辣湯之中。我最怕杰杰的東西，不過有些湯是如此的，如福建麵線，那也會接受。酸辣湯不酸不辣，也不夠熱，慍慍不火的，兩邊不到岸。麵條也是夠份量的，也彈牙煙韌，算不錯；

亦要了個牛肉煎餅，熱辣辣的，餅皮薄，吃起來有點韌，不酥化。肉餡卻夠味又鬆軟，很不錯。當然這個酥餅吃後是有點口渴的，但好吃就夠了。

還要了豆漿一杯，極速15分鐘的吃完這個午餐，快來快走，算是不錯。

20/9/09(日)

阿SO推介才知道這裏有美味的粢飯。因為愛吃粢飯，也準備試對面的糖仁街，故特意來厚福街。
來到見阿姐正忙著做粢飯，果然是即叫即做。肥嘟嘟的一件，糯米薄薄的一層，包著脆的油炸鬼，好吃。只是吃到油炸鬼的尾部時有些硬，但巳比那些早巳做好，飯多餡少的好很多。
後來吃完甜品出來，望望對面，只一陣子，看見粢飯巳賣完。如果專程去吃的，要早些來呀。

同一個好耐無見既朋友去左食呢度食上海野, 本來諗住搵個地方再舒服d既食店傾下計, 不過我地2個都太想食上海野, 所以就黎左呢度食, 好在可以坐到卡位咁都總算幾舒服。

雖然得2 個人但係我地都叫左好多野食

紅豆餅
有進步! 上一次黎食個姐豆皮好硬, 凍冰冰, 今次就好食好多喇, 因為個紅豆餅好熱好新鮮! 豆沙好多但又唔會太甜, 正!

北京餡餅
餡料用左豬肉及韭菜, 好好食好有驚喜! 雖然個皮我覺得煎得耐得制硬左少少, 但係因為佢有好多肉汁所以夾埋一齊都仲好正!

酸辣湯
好食! 好夠辣! 有好多好多料, 雲耳好爽口, 但豆腐反而食得出唔係好新鮮, 不過整體黎講都好唔錯, 如果佢有細碗就好喇, 咁大碗真係食唔晒

上海排骨麵
呢度既海排骨麵真係好特別, 個排骨唔係出面食到既一般烤豬扒, 而係好似煲彊醋個d味既肉粒, 雖然油左少少但係個汁真係好好食! 個肉粒今次硬左少少, 而且呢個排骨都係镼配菜飯夾好多, 因為可以撈埋d汁

豆漿
偏甜。

總括黎講都算又平又好食, 但係個服務態度就真係麻麻, 我地坐左張4 人台, 就算無客人佢都成日都迫我地坐埋一邊, 真係好煩-__-

朋友睇完電視Sx Good節目話推介，又跟他介紹試下。

在電視節目內話這店的粢飯糯米做得好薄，好好食。

粢飯

我叫的粢飯完全不似節目所講薄薄的糯米我覺得同出面其他粢飯無分別，

其實飯厚少少我都可以接受，但油炸鬼就一定要夠脆，當然，我都是食不到

脆卟卟的油炸鬼啦之後食完走人時見原來粢飯是整定的，吾怪得之啦！


酸辣湯

好奇怪，可能是我少見多怪啦！我未食過用辣豆辦醬做的酸辣湯

雖然材料都幾足，有荀、木耳、肉絲、豬肚等等，但始終都覺得味道不像樣。

仲幾咸添食完好口喝呀！


豆沙餅

這個是軟餅，都算OK，豆沙份量適中又幾香滑，不會太甜。


Summary:

其實我一向都覺得有名人去食，這間餐廳食肆必定會加料，又或者整得好D，

我地平凡人行入去食，點會有這樣對待呢算把啦！食過就會死心

改名No Good

擔擔麵 ($23)

唔正中
無花生醬, 都唔知係唔係擔擔麵
面頭又唔係肉碎, 係一d唔知咩既碎粒, 但冇肉既!!
好難食
果湯又冇乜味
麵就有好多好大碗
不過好難食都食唔落
拿拿聲走人.....

以往嚟都要等位, 今晚可能夜咗(九點半), 所以唔駛等

朋友叫咗酸辣湯加餃子($29), 我就叫咗炸菜肉絲麵($20)

見到朋友嗰碗我就有啲後悔, 因為碗酸辣湯真係好足料, 睇落都好好味, 朋友最後清晒~

我嗰碗就麻麻, 啲麵好'立'口, 炸菜又太少(我好鍾意食炸菜呢!)

仲有, 呢度啲豆漿都好好味

上次偶然走進厚福街*小巷，發現了「唯一麵家」的酸辣湯，看見如此多的料子（豆腐、豬肉絲、雲耳、冬菇、葱花），心情勃然開朗，呼嚕呼嚕便吃了清光，也忘記拍照先祭一祭「開飯」網。

今回，再特意前往，還帶備環保盛器，回家可以給阿媽試試看。

阿媽用來滔白飯，這種吃法也很讚。

小酸辣湯：$15（細食女孩如我，只飯碗大小，飽肚感覺甚強悍）
大酸辣湯：$23（可加上海麵，價錢不變）

還有上海小吃、小菜、麵食、碟頭飯，由十幾至廿幾銀不等。上次試過「辣味魷魚」（$15），但原來只是白灼，只表面淋上沙爹醬，所以味道跟預期有點兩樣。也罷，一碗酸辣湯，已叫我心如鹿撞。

這兒門面樸素，其中有一位哥兒侍應生，印象特深，皆因他身穿橙色T恤制服加板仔褲，粉藍色的短襪，很down-to-earth，感覺很街坊，更親近（不扮高深），執拾、落單、行動盡皆主動、俐落、diligent。這樣子最好，吃東西自然是食物本身最要緊。高貴華麗的裝潢，開得火旺的吊燈（懶係吸引，其實電力消秏過甚），穿戴亮麗的侍應生，全都吃不進肚子裡，算帳卻有你的份。簡單的美就已經很充份，勝在價目夠基層，成世人，僅此「唯一」咁猛料的酸辣湯，富口感，吃得過癮，最重要係過後無話口渴無添加邊度搵，教人一吃難忘印象深。

* 厚德街小巷在哪兒？在加拿芬道的加拿芬廣場正對面，小巷靠右手邊走，經過日本食肆（金太郎），再前走便是了。
* 店內貼有通告，說深水埗西九龍中心的美食廣場，以及佐敦也有分店云云。

尋日八點幾去到, 都仲係幾多人，坐低之後先知呢間係 蔡先 推介過。
想點餸叫極都無人理，應完我就行咗去，係得一個妹妹仔算幾好。
但係八點幾已經好多野都無喇
窩貼 .... 無
水餃 ...... 無
晏啲仲出唔出，唔出
咁點其他啦，上海湯麵，擔擔麵，豬扒湯麵，餡餅，豆漿
我食嘅擔擔麵同平時係街食嘅唔同，無麻醬味，但係幾重蝦米味，個麵都 ok 唔差。
豬扒睇落幾靚，幾吸引，不過我試。
餡餅都幾 ok, 類似牛肉餅咁，有啲肉汁
豆漿偏甜，同埋唔知係咪雪得耐，我飲到有少少一片片嘅冰 ...

在尖沙嘴區內﹐每條街道都人多擠逼﹐真的有點透不過氣。所以從大街轉入這開滿食店的內街尋找一個比較清靜的地方來坐坐稍作休息。這店差不多是這內街的中尾段﹐店內環境光猛﹐空調亦夠凍﹐與外出熱熱昏暗的街道有一大對比。

因肚子已飽了一大頓﹐所以食物只點上北京餡餅﹐蔥油餅和凍豆漿來作小食兼過口癮。


北京餡餅 $9 - 餡料用上豬肉及韭菜﹐味道較濃﹐與餅皮一起吃會比較合適。可惜的是餅皮有點兒煎得‘火農’了一點﹐所以只能吃下豬肉韭菜餡料而違下外出那燒焦的外殼餅皮。

蔥油餅 $8 - 煎得剛好﹐外皮脆脆﹐內裡還有點軟熟。 但蔥的比例真的遜色了一點﹐有一兩塊內的蔥粒數目瞭瞭可數。蔥的來價也不是很昂貴﹐為何不下多一些來做好這小食來吸引顧客呢﹖撇徐蔥的份量﹐不竟這處蔥油餅的質素已好過很多地方。

凍豆漿 $8 - 夠凍﹐但味道不竟過甜。

總括而言﹐這店食物本身的基本功做得不錯。如能改善烹調技巧至細心一點的話﹐食物一定能相得益彰。

好似好耐都去食過.所以再次去回味回味!
碰巧人少少,仲可以坐到卡位...good!
而且,呢日仲見唔到個位惡嬸嬸,應該放假.
北京餡餅汁少左,但依舊好好味.
回鍋肉炒年糕:味道一樣保持水準,年糕都係煙煙韌韌,
記得要親熱食,不然年糕會凍了會變硬.
豬扒粗炒:豬扒幾好味,略嫌炒得唔夠乾身.

今日同Babe 落左Starbucks Hea時間

Hea 到6點幾過黎尖沙咀搵地方開飯

Babe 話呢間D野食都唔錯 所以帶我黎試

一入到去 睇下個Menu, D野食都幾平

叫左一個酸辣湯

酸辣湯好多料, 夠"杰"身, 唔會好辣同好大碗
試完覺得仲好味過中環 餃子園個酸辣湯

一個雲吞水餃麪

雲吞水餃麪就真係麻麻地... 雲吞同水餃既分別只在於形狀, 餡料一樣架
仲有可能煮太耐, D 雲吞同水餃一夾就散...

一個北京餡餅

好多肉汁, 好多餡, 好惹味... D肉唔會好硬, 下次一定要再食!


好抵食, 味道也不錯
有機會會再返黎食

妹妹好想吃菜飯喔~~~ 好久沒吃過菜飯了~~~~
就來到美味有保證的唯一~
珈甄推介妹妹吃無錫小排骨菜飯 ($30) ~

我們那時間是2:30pm, 店內人很少喔,
上菜速度非常快!! 大概不出3分鐘, 妹妹的菜飯已來到!
然後再過不出5分鐘, 珈甄的牛牛麵到上桌了!!!

好大碗菜飯喔~~~ 菜粒大大粒, 還有蝦米仔呢~
小排骨真的很美味~~~ 肉好像很老,, 不過珈甄說這道菜是這樣的 @w@
而那醬汁甜甜的超好吃 >v<!

珈甄都讚她的米線很好吃~ (是叫5香牛展嗎..??)
湯還有泡著雪菜和芽菜~
妹妹不吃牛肉所以沒試味喔=o=

今日經過厚福街, 見到唯一麵家, 想試好耐, 但一直都冇機會, 午飯時間又到喇, 衝左入去~~~

叫左一個炸菜肉絲湯麵~~~一個北京餡餅以及一個熱既豆漿。因為唔想飲甜野關係, 個伙計就建議我飲熱既, 又真係唔甜架噃, 不過咁熱既天氣, 未必個個都喜歡熱既。

我對北京餡餅有情意結，第一次食係中學附近的一間鋪頭仔，覺得相當好味!! 但都已有好多件冇食過喇, 今次見到就梗係要叫啦~!~

這個北京餡餅相當有水準。 餡餅皮厚度適中, 而且微脆~~唔un~ 第二就係個餡相當足料~~~第三就係肉汁豐富~!~! 食多幾個都仲得呀~!~!~

至於炸菜肉絲湯麵亦不俗, 個麵爽而不淋~~~可能肚餓關係~清碟完場~!~!~!

今日去到尖沙咀,口又再痕痕,想食下粉麵. 想起厚福街好多o野食,故此看東看西,選擇唯一.

叫了o個云吞米粉 ($23.00) : 唔知是我叫錯o左,還是這店叫的云吞都是豬肉云吞,因出面的云吞都是鮮蝦云吞,算吧,已食o左, 豬肉云吞d料好油,唔算好味,而o個米粉都是普通貨色,無特別.

座位好擠迫,唔知是唔是這個價錢算平,所以有很多人來食,但食品質素不算很好(只是個人感覺),故此我覺得他們還有進步空間.

但暫時唔會再食此店.

三個人去食野, 我地兩個女仔, 加一個男仔, 因為我地唔係好餓, 所以食少少野都ok lor~~
男仔要左水餃麵-
好快就黎到喇, 好似唔駛煮咁~~~

我地要左'次'飯-
好夠熱, 同埋好多料, 都幾豐富, 不過咸左少少,

所以叫左三杯豆漿-
都比較甜左少少, 豆味都ok, 夠凍

坐位方面, 好似有d 窄窄地, 兩個人坐冇得放袋,
而且好似成日趕人走咁....仲有好多時一個人都sip 佢入黎坐....
好怪咁呢....食完都走人~~