食過漁屋後，我諗我短期內都唔會特登出九龍/港島食放題
因為漁屋真係「平、靚、正」！

淨烏冬
味道正常，都幾大碗，可以唔洗試醬汁螺肉、八爪魚、中華沙律
我好中意食呢3樣前菜！
八爪魚幾抵讚，係原隻，無切到碎哂，好好味火炙三文魚壽司、花之戀、反卷
火炙三文魚依然係入口即溶，
我依家覺得火炙比普通三文魚壽司好食，
我覺得沙律燒同醬油燒都好味，友人中意醬油燒多d
花之戀都唔錯，上面多蟹籽，好中意佢整到細細件，
一口一個，唔會食到散左，又可以試多幾款食物
反卷ok，但可以唔試鰻魚壽司、蟹籽、三文魚
正常，都係細細件、的的式式，一口一件刺身
三文魚腩真係極品，睇得樣已經知道好肥美
食落又真係比普通三文魚刺身多魚油、魚香味！
普通三文魚都好好味
玉子面層有焦糖燒過，個人覺得甜左少少
北寄貝無黎到，唔知點解……
甜蝦、玻璃蝦新鮮！(記得以前係無玻璃蝦)
不過我同友人都中意食甜蝦多d，食落鮮甜d金菇肥牛卷
以前食過兩次都覺得好正，但今次食覺得個汁無以前咁濃，
而且大舊左，食ge時候無咁方便，可以試一件ge燒雞泡魚干
呢個一直都有供應，係漁屋ge特色食品！
今次終於叫左黎試，友人食過唔係太喜歡，
不過我幾中意wor！
聞落幾香，睇落好似好硬，但其實食落好軟，
味道甜甜地，有魷魚干ge味道同口感，我覺得幾好食炸墨魚餅、炸紫心番薯
魚餅我同友人都中意食，一人半個岩岩好，過下食癮
番薯天婦羅竟然係紫心，好好味，好甜，好軟

今餐飲品可以揀汽水、玄米茶etc.
同友人都係飲凍玄米茶，
味道幾特別，最重要係唔似汽水咁甜，
飲完再食野可以試真d食物ge味道，推介，
臨走仲食左雪糕！

今次係我第一次食日式放題，心情有d緊張。由於我同老婆用餐後有野做，所以提早黎到，點知太早到，餐廳未開始營業。我地喺商場行左一陣，終於可以進入用餐啦！

由於預早訂位，因此我地唔洗等位。不過，店內座位實在唔多，如果唔訂位可能要等一陣。食放題的顧客會被安排坐喺店旁邊座位，食其他食物就會坐喺店中間位置。

我點左：

1. 刺身 (三文魚、八爪魚) (刺身係厚切，好好食)
2. 壽司 (火炙三文魚、燒鰻魚、花之戀、芝士炸蠔、加州卷、加州反卷) (只係芝士炸蠔麻麻，因為唔太熱，而且炸蠔淋淋地)
3. 手卷 (軟殼蟹) (紫菜夠脆)
4. 軍艦 (蟹籽) (紫菜夠脆)
5. 粒粒魚生飯 (好多魚生，無花假！)
6. 東京什錦鍋+熱烏冬 (烏冬爽口，什錦鍋有海鮮，老婆見到人叫佢先至叫，唔錯！)
7. 串燒雞軟骨 (軟骨好脆)
8. 金菇肥牛卷 (好juicy)
9. 清酒煮蜆 (無乜清酒味，但啱唔飲酒的我)
10. 鹽燒鯖魚 (熱住上枱，好新鮮)
11. 三文魚蟹籽沙律 (沙律醬唔會太多，反而三文魚比我預期多)
12. 蝦天婦羅 (好熱)

點左但係無黎：
1. 燒三文魚頭、魚鮫、魚腩
2. 雪之戀人

總括黎講，食物質素好高，每件份量唔算多，等我地可以試多d唔同野食。以上叫左無黎的食物，原來係當日暫停供應，但係店員無同我地講，咁啱個告示板喺我上面，最初根本留意唔到，我覺得店員應該主動同我地講，唔洗我地白等。不過，雪之戀人係無暫停都無黎，好在我剛剛食飽，唔係實問店員。

放題限時2個鐘，最後半小時店員會提醒客人last order，值得一讚！

突然好想食日本野就諗打去叫外賣啦，之前已經試過一次！張外賣紙明明寫住供應時段到4:30!咁我3點幾打去啦！原來last order左！佢地3點半就無既！但真係好想知！3點半last order點樣供應到4:30?

今次又係咁！3:15-3:20打去，諗住仲有得食啦！上次打去話3:30!打去聽電話係個講野唔正既女人！一聽電話…唔係理左電話入面個人先伽咩！點解係會同d同事講完自己d無聊野先？都算！問佢e家仲有無啦！佢問返我轉頭book左幾點！我話唔係！係問仲有無得叫外賣！佢話無！last order左！之後我話上次打黎又話3點半last order!今次3點半都無！又last order左！到底想點！點知係條友係咁話無可能！佢地係3點last order既！真係好過份！幾個板本！唔知想點囉！

第一眼感覺，地方狹窄，枱與枱之間相隔太近，而且檯面位置不足，很快便放滿了食物。。。

但既然選擇放題，位置狹窄是必然的。。

開始落order了。。。。

一開始點了很多東西。。
如金菇牛肉卷，秋刀魚，雞軟骨串，牛肉薄燒，刺身壽司等。。。

奇怪的是。。order單上清楚寫明製作時間需要10-15分鐘，但落單後不足5分鐘食物便到枱了。。

最快上枱的是金菇牛肉卷。。味道一般
其次是牛肉薄燒。。但不太熟。。
秋刀魚味道不過不失。。
但師傅們很有心思，將食物擺設得很漂亮，
印象分大增。。大蝦天婦羅的粉太厚了，不太喜歡。。
另外芝士年糕銷量應該不錯，
將一件切開成了兩件，
而且第二次落order點芝士年糕的時候，
很久都沒有來，
要服務員跟進才會來。。。
第三次亦同樣如此。。
此舉令友人十分不滿。。。

刺身方面:
令我十分驚喜的是，
刺身竟然按落單數量出足
過往嘗試過數間日式放題，
每次點單刺身都是減半上或漏單，
但這裏卻沒有出現這樣的情況刺身賣相極佳，且非常新鮮，
三文魚很肥美，
帶子鮮味十足，
甜蝦雖小，但味道極佳。。
鮑魚片味道較為普通，
蟹柳味道反而不錯，

之後點了，牛油粟米，清酒煮蜆，汁燒雞排，漁屋長串燒

牛油粟米向服務員說了兩次才上枱，
清酒煮蜆，讓我感到奇怪，為何沒有酒味
汁燒雞排，不過不失。
漁屋長串燒，味道一般，
但為何我只叫了一串，到枱時卻變成三串呢？

壽司卷物方面:

花之戀人，漁屋太卷，加州反卷各叫了數個。。。
花之戀人，味道不錯，
漁屋太卷，有種甜甜的味道，讓人感覺良好，
加州反卷亦不錯。。。
上枱時以長碟擺放，非常特別。。。花之戀人雖好，但不得不提燒鰻魚壽司。。
一開始點了數件，味道極佳。。。
第二次一口氣點了二十件，
由於友人下手太快，還來不及拍照已經吃了半碟。

最令我印象深刻的是火焰壽司。。
味道不錯是其次。。
最特別的是那樓梯般的盛器，
經過師傅們精心擺設令［樓梯］更具特色。。。甜品方面:
有雀巢雪糕，四方啫哩，豆腐花。。。
令我不解的是，為何四方啫哩和豆腐花需要服務員跟進才上枱？
難道四方啫哩也需要製作時間嗎？

整體來說
食物方面不錯，
款式很多。。
師傅們很有心思。。
大部分服務員態度良好，
不時到枱收拾空碟，
但有一位服務員的態度卻未如理想，
以我猜想應該是經理/店長，
因為服飾與其他員工不同，
時間快到的時候，要求我們離開，
表情顯得不耐煩，
但整體上不影響心情，
對於這間日式放題絕對有下次。。

我二人去食,19:30入坐食到21:30
在這二小時內不斷地入order ,但只上一些飽肚的食物如:壽司,羊架,天婦羅,串燒,魚生起碼縮水一半
只有羊架好食少少,其他無樣好....................起初入左好多order之後敢再入法路係到又話妳知有定無,攪到係到等
之兩小時不斷order又唔出的繼續唔出幾枱人"古燥"D職員當時運高睇唔到真係頂住條氣

慶祝朋友生日,臨急在前一天打去訂位, 竟然訂到位!!之前食過一次,但在如心的一間!!感覺麻麻地...

BOOK 了8:15, 但因為有枱, 打來叫我們早些入場

一去到, 發覺間店舖好細, 我估只容納100人內, 但因為是位於商場, 開放式, 坐到出店舖外有點不好看...
我們就是被安排坐門口路邊, 兩張4人卡位,前後座, 再加一張CHAIR!!我們共9大1細..好在卡位其實都算寬闊!!一坐低, 限時兩個半鐘, 足夠有餘!!把握時間叫食物, 算幾多款, 有飯類, 壽司, 手卷, 刺身, 沙律, 熟食, 天婦羅 , 甜品...飲品任叫, 有啤酒, 難得!!先來刺身, 算厚切, 又多款, 有帶子不過超細粒,特別要講雞蛋, 有焦糖在面, 食落感覺甜甜軟軟的, 好味 不過第一轉叫刺身,叫了很久才來之後反而快了!!牛油粟米, 太肥了, 因為上面有兩大舊牛油, 又熱辣辣, 不過似乎多了一點, 因為食落去少了粟米味, 只有牛油的香!!酒煮蜆, 賣相吸引,OK!!蟹子沙律好味, 什錦刺身沙律又多料, 很快已被人搶食!!其他小食螺肉,中華沙律及芝麻八爪魚份量好小好小, 竟然一個小碗裝3種,給4個人食, 太可惡了,於是再點多次,又是這樣...天婦羅多款揀,蝦雖然粉薄,但蝦細隻, 要讚一讚個蕃薯, 是紫色那隻,好甜好味!!其他炸帶子及芝士年糕無咩特別!!金菇牛肉卷多汁, 淋身, 羊架略縑細隻, 但幾好味(朋友話)豬軟骨烏冬, 大碗, 烏冬彈牙, 豬軟骨惹味..特別推介:雞泡魚干, 放題竟然有, 叫了3次, 全部是熱辣辣!!!! 有咬口,甜甜的,好味!!食了不多東西已很飽, 最後甜品,任叫,有雀巢雪糕,紅豆,朱古力,雲利拿味, 又有迷你豆腐花,原來是百福!!!!仲有四方果啫喱, 有青檸,提子味, 以為一定好食,點知它來的時候,已經唔夠凍, 一食落淋PAT PAT ,不夠硬身, 失望!!

這裡6位送1位, 每人$168,加一, 但最失望是本身訂了壽司蛋糕,最後沒來, 我們因為夠時間埋了單, 問侍應, 侍應呆了, 我們最後不要了點解唔自動送出來呢, 無了驚喜給朋友!!

成日都想係荃灣揾間有水準D既日式放題,約2年前食過呢間放題,印象中OK,於是最近想再食,點知BOOK咗幾次都BOOK唔到,成日都好full,於是今次特登早一個禮拜book先book到,心想咁full應用好好食,點知..................失望!!!!!!

我同老公兩個人,book咗7：45，應該係第二輪，唔駛等就入,好好,點知一開始點咗幾樣嘢都話冇，(三文魚頭、三文魚鮫、清酒（凍熱都冇）),供應真係少得咁緊要?

跟住叫刺身，雖然有好多款式，例如三文魚、希靈魚、八爪魚、帶子等,但次次落親單都嚟唔齊,叫其中6款刺身，嚟得3款，叫8件上得4件，仲要薄切,細細件咁上，刺身都OK新鮮,但每張單都會自動減份量,實在令人氣憤？

大部份叫嘅食物都間歇性漏單，好多食物都係嚟唔齊,地方擠迫,平均$200一個人，價錢ok,但咁樣出食物嘅手法，唔會有下次!

去到餐廳,見到有d 位係坐左出舖位,出了商場

,換言之,行人行過睇住你食野囉

好彩我係坐入面卡位

但環境講真認真麻麻,好似人地求其茶餐廳咁

食物質數方面,尚算合格未係好難食,不竟都係$148 一位,無得高要求

不過我最唔滿意係明明點左既係可以無嚟

刺身份量又嚴重唔夠,明明 order 左 20 件,佢真係可以嚟得5 件囉

真係太搞笑

staff 又好似唔明係地講廣東話咁

食過一次唔會去多次啦 ^^

聽男朋友講得多, 所以把心一橫決定去試一次
原本想試TST新開個間, 但基於時間問題,
我地都係決定去呢間食番

因為book左枱, 所以等5分鐘就可以食,
懷著開心既心情去係甘點呢樣個樣....
等左一陣只係黎我點既1/3
心諗可以要整所以無理會到
但等式好耐都係無黎過,
就決定唔等再點過
點多起碼4次既刺身都無黎
其實真係有d燥燥地
最後我地都係走

值得一讚既,
係服務寅係幾好,
每一次同佢地講跟單都好好聲氣

星期六經過荃灣
想吃刺身吃到飽
最好的便是放題

其實先去在如心的分店
但當半個場都是沒人的
等安排位置都要左轉右轉
立即走人

到了這一家
卻快捷很多
而且待應會提前告知,,,
什麼沒有
令你不會劃紙後等&追
值得一讚

食物
刺身款 有10多種
難得有帶子....
味道還不錯,,,八爪魚,甜蛋,,吞拿魚就不OK
"立"魚,,三文魚,,甜蝦,,帶子,北寄貝
不斷的叫了好幾遍

炸物,,和食,,串燒
好多選擇
來足份量,,沒有漏單
味道也不錯

148加一 算合理