是日去元朗返工，作為半個地膽既我就帶左同事黎食lunch
好幾年冇黎，都仲好光猛同乾淨（以食麵黎講）

天氣太凍，唔食熱野點得?

我要左牛丸牛筋米，牛丸好爽！不過我鍾意牛筋多ｄ，大大件好入味
食左同事少少西多，都幾好，之前黎都係食麵，原來多士都ok。如果我唔係夜晚食buffet都要返個奶醬多

p.s. 臨走時發現牆上有個『視覺提示』，笑死我地

午餐時刻，
一句 "呢度個間牛丸幾好味"
把我從荃灣吸引到元朗去
本小姐對牛丸還真的蠻喜歡的說

勝利門面不錯
內頭明亮整潔
很舒服也很乾淨
一碗牛丸麵 或 牛腩面 只要 19蚊
就算兩溝也是同價 ！

牛丸不會太大，size 適中
可味到很好，尤其彈牙
牛腩不及牛丸好味，不夠入味
牛腩可以不試，牛丸就一定要嚐嚐

難得放假, 要來食勝利牛丸, 佢平時 7pm 就收工, 唔係放假基本上唔會食到! 真巴閉~

學人哋叫咗牛腩河, 牛腩炆得好入味, 不過好似咸咗少少,
腩汁撈河, 勁正!


另外再叫多一電淨牛丸, 因為上次經驗係佢嘅一碗份量都幾少, 男士會唔夠飽....
牛丸出名在真係好彈牙, 同埋完全唔會有溝D 粉落去咁~

今天下午往元朗逛街,路經勝利牛丸與嘉麗園交界,正考慮進入那一家光顧,最後因未曾光顧過勝利,進入店舖,叫了一碗牛丸牛腩雙併米,味道一般,牛丸超小型稍羶,牛腩碎濕濕,(雪腩有
渣),乃預先大量製作,當落單時從煲內撈出,很不是味兒,與其名聲大相逕庭,真大叫呻笨.
(正一老闆勝利---顧客失利)

有日同gf 係元朗搵野食
gf 話試過勝利牛丸好普通, 唔抵食
咁我覺得話晒係老字號
睇到裡面都幾多客人
唔好都試一試
就叫了個牛丸牛腩雙拼河19蚊
真係同想像中一般咁差
細細碗, 湯底咸之餘仲有d "劫"
牛腩唔夠淋, 唔夠入味
牛丸都係較為細粒, 我又唔覺佢有幾彈
淨係靠名氣, 其實賣既係普通野, 自然覺得19蚊唔抵
純粹頂肚當下午茶還可以, 不過點都唔稱得上好食
試一次就算, 我諗下次都唔會幫襯

真係好難食, 我同老婆叫左雙併油麵同河, D牛腩不知所謂, 難食到嘔, 牛丸好DD, 但係戶為招牌菜, 我唔覺得有無過人之處, 面底亦都好一般, 我估我唔會再食

D蠔油生菜我食左一半放棄

兩個人50蚊, 唔知算唔算係優點......

今日係我 第1次去元朗玩, 同honey在元朗玩玩食食, 又睇完戲~ haha又係下午茶時間, 雖然 吾係好餓, 但是 知道 勝利牛丸在 元朗 好似 好 出名, 心想一定要試.

在openrice 見到 d 人話牛腩 & 牛肋好味, 於是 叫了 兩碗 雙拼($19)~ 牛丸&牛腩米; 牛丸&牛肋.米…

碗米size 比想像中細;好似兒童餐~ 成 $19蚊~吾係咁值!
湯底只有 一個字 ~ 咸!
牛腩, 牛筋幾林! 但不是 太入味 , 好普通.

我覺得牛丸太細粒, 味道似四海出品既丸, 沒有特別 ~ 唔抵食，有d失望 ~ 到元朗不用試的小店.

搬左去九龍成年,今日得閒特登番黎元郎行吓,當然唔少得食番豌牛腩面啦,其實真係好次差個以前dd,例如油面比以前硬左小小,個腩汁冇以前咁痴口,但味道就差唔多啦,都ok啦

細個果陣住元朗已經成日食, 早兩日襯住有假就去左元朗重溫味道. 頭先預備打食評的時候, 先看了一下其他食家的睇法, 發現近來的評分不斷下滑, 我自己的看法實在有些不同.

先從態度講起, 我自己覺得是正正常常的, 同其他麵店沒有太大出入. 唔會出現催人走的情況, 不過阿姐們對遲遲不落單的朋友是欠缺了一點耐性. 不過, 應該都不可以怪她們吧, 選擇這麼少都決定不了, 難免令人感到不耐煩.

味度方面, 牛丸非常爽滑, 牛的味道剛剛好, 唔會出現酥味. 牛腩亦夠淋, 如果牛根可以爽一點會更好! 提醒其他會去嘗試的朋友, 如果你特別喜好牛腩或牛根, 可於落單的時候講明多腩或多根的.

最後, 19蚊一碗麵, 其實偏貴的, 不過我自己覺得值. 你如果要去元朗做野, 或者去影相, 又或者去濕地公園後, 絕對應順道來這裡嘗一嘗這碗麵.

P.S. openrice提供的鋪頭相片, 應該是另一分店的

今日係第1次去元朗食勝利牛丸;
之前留意左呢間店仔O既食評好耐!
發覺佢D評分1落咁跌緊!所以今日就同男朋友去左食;

1入去;果然係勁多人!搭枱啦;
我同我男朋友1人叫左碗雙拼;我食河粉佢食油麵;
聽D牙姐落單聽到1頭霧水!
呢間野真係好似淨係做牛丸牛腩生意!
其他野都好貴!食野啦!

碗野比想像中細;$19蚊講真吾係咁值!
湯底真係好似之前O係OPENRICE睇食評咁講;好咸!
牛筋幾林!牛丸細粒咁;
整體都算係咁!試下又無彷!

經常性聽身邊既朋友講，最好食既牛丸非勝利莫屬，於是某日就同男友一齊去試試
一入到去，發覺得小貓3~4隻，之後就搵位坐抵，唔夠一分鐘，d啊姐就係咁問食咩，心想:睇都未睇...諗都未諗，鬼知咩
最後我地嗌左牛腩河+牛丸河，其實我想食麵架...但係唔知點解佢同我講冇，淨係得米同河...勁失望囉><"
唔夠幾分鐘，就有得食...發覺佢地既牛丸真係好彈，而且都幾有牛味呢，真係唔錯但係唔知點解我男友個碗，就變左牛筋...得1~2舊牛腩，不過咁都算啦...。食到半路，發覺冷氣愈來愈大咁，吹到個人勁唔舒服...結果啦啦聲食完就走。
讚:牛丸真係好彈+好有牛味
彈:啊姐好似趕住收工咁，係咁問...問...問...(煩)

我本身唔太鐘意食太多肥膏的牛腩
而且呢間餐廳ｓｅｌｌ的款式，只有牛丸ｒｏ牛腩．．．．．
我覺得唔抵食，１９蚊１碗，
當然飲品要另加錢～
所以我要１碗牛腩河便算＝〕

雖然送埋黎果陣，睇個賣相又好似幾多牛腩
但食落．．真係唔係好多真正的牛腩，在圖中可見，真係好多肥膏
有點怕怕
ｄ河粉唔會出油，都ｏｋ的
不過個湯底濃左ｄ，
仲要食完都唔係咁見飽果種......
我的3位朋友當時只點了奶油多~好像7元左右...


環境有少少ｄｉｒｔｙ的ｆｅｅｌ

加上服務態度又唔太好

PS::評分方面唔係亂比分,只係覺得各方面唔值3分 =v=

牛丸....爽滑都無用, 完全無牛味
牛腩....除左咸係無味, 我呢d牛腩怪都唔鐘意
湯底....水味~

尋日一食好失望
比起一般麵店仲差

如果我肚餓, 加上免費再送到我面前我會再食既

尋晚專登同男友渣車由上水過去食, 想試下d牛丸係咪真係好食得甘緊要,
去到門口, 入面得幾條友, 就已經心知不妙,
岩岩搵左個位一坐低, 阿姐就即刻問要食咩...我就話:等我諗諗先...
阿姐就一路企係隔離望住你, 我同男友覺得怪怪的...

分別就點左牛丸米同牛腩面, 跟住阿姐就話: 得啦, 呢度得牛丸同牛腩咖咋,無其他野點咖啦,
當時心諗, 咩態度呀? 就算係得呢樣野, 都應該好小小既服務態度呀~~
我即刻再問: 連油菜都無呀? 阿姐先話: 有...得生菜,無其他野揀.. ...
真係比佢激到"啤"一聲... ...算啦, 叫多2支可樂, 食完快快走人... ...

好快兩碗面就端上枱, 無可否認, 佢d牛腩真係比得幾多, 牛丸有6粒,
我同男友交換左d餸, 就開始食啦~~當然即刻試下佢d牛丸,
係彈牙既, 但我覺得而家好多粉面店都可以做到喎, 甚至係好食過佢既都有唔少,
我唔覺得有咩甘特別, 至於d牛腩... ...嘩...咸到死... ...講味道係ok既, 但真係好咸... ...

食到一半, 阿姐突然好大聲甘叫: 仲有無野加? 收工啦... ...我見隔離枱仲好似想叫野,
但阿姐好快就話: 收左啦, 加唔到野啦, 跟住就以9秒9既速度叫每枱客埋單,
唉.. ....真係出名大哂咩?甘既服務態度, 我覺得真係唔掂囉... ...
而且, 又未好食到要專登去食, 行過肚餓先食都ok既... ...

我覺得隔離嘉x園都好多佢多多聲~~~

元朗之行, 去到勝利牛丸門口, 見到另一間的招牌, 都唔知邊間先係真, 又或者兩間都係佢開, 不過點都好, 入去食lu

嗌碗牛丸河食, 主要都係試食牛丸係唔係如大家所講咁超好食? 一試之下, 五粒牛丸全部都通過了我嚴格的測試了, 係... 好味的! 牛丸有牛肉汁的, 唔係乾爭爭好多渣嗰種, 粒丸有彈性, 蹝屎唔算好大粒, 不過好味先係最重要!

重有奶茶檸茶供應, 飲左杯凍檸茶, 過得去!