8月29日, 今日過開奧海城睇戲, 求求其搵咗間蕎麥麵食~ 記憶中呢間蕎麥麵專門店都開咗幾耐架喇, 斷估都應該穩穩陣陣卦…

::: 花之戀飯配冷蕎麥麵定食 + 胡麻豆腐 ::: $58
幾款自選飯前小食之中我揀咗胡麻豆腐, 其實咪就係即開一盒即食豆腐切片再淋上芝麻醬汁了事, 味道都唔會難食得去邊~
所謂嘅花之戀飯其實就係將d花之戀有嘅材料放落個碗度, 當然唔少得大幅增加飯嘅份量! 可惜作為花之戀精粹嘅三文魚刺身同蟹籽嘅份量就維持原狀… 三小塊三文魚刺身無鮮味都算, 個飯仲要唔係有味壽司飯, 只係普通微暖嘅白飯, 而呢個微暖嘅狀態同d冰凍嘅三文魚一齊食係有d核突嘅…
作為呢度嘅招牌冷蕎麥麵基本上係唔錯~ 夠冰凍, 食落有種清香嘅麥味~ 美中不足嘅係d麵淋身咗d, 唔夠爽口彈牙.

::: 咖哩豬扒飯配冷蕎麥麵定食 + 炸餃子 ::: $58
炸餃子個賣相都熟口熟面, 平時d café或者k房叫嗰d都係同呢個一樣~ 味道濃濃嘅, 唔算新鮮嘅肉, 個皮都幾脆下, 算係咁.
咖哩豬扒飯個咖哩好似包裝咖哩咁, 個味道甜甜地, 有d蘿蔔粒, 薯仔粒, 應該都係包裝咖哩附送嘅配料. 吉列豬扒個炸皮同豬扒分開, 浸咗d咖哩汁又好淋pat pat, 麻麻地…

::: 串燒牛舌 ::: $22
另外叫咗一客串燒牛舌試試, 係細細塊嘅薄燒牛舌, 燒得頗乾, 牛味一般~ 普普通通咁啦~

其實呢度d野食唔算特別好, 不過主打食蕎麥麵嘅專門店畢竟有佢嘅招徠. 但竟然我地食完無耐佢就執咗! 唔知係咪都係敵不過地產霸權而被捲走呢? 希望如果新開嘅仍然係食肆的話都只會越開越好味啦~

週圍都大減價, 今晚就約埋朋友一齊去掃貨!!!

Shopping咗一陣, 就去咗填吓個五臟廟... 朋友路過呢間「日田」就比佢吸咗入去... 我都未趕得切同佢講我幾年之前食過麻麻地...

見到特選定食幾抵咁, 就Order咗2個...

加州卷--冇味...炸餃子--OK...燒雞芥末紫菜飯 配 冷蕎麥麵定食--燒雞味道都OK, 不過唔知D芥末去咗邊... 冷麵醬冇咩味... 麵質還可以...鰻魚飯 配 熱讚岐手打烏冬定食--個2片鰻魚嘅賣相好唔吸引... 朋友話我個燒雞飯好食D... 唔係呀嘛, 我已經覺得食完冇咩幹勁嘅啦喎... 咁呢碗鰻魚飯我真係不敢恭維...食物已經唔算好味, 仲要隔離枱人嘈到拆天, 由頭嘈到落尾, 雖然佢地似係講國語, 但係都聽唔明佢地講咩, 坐佢地隔離真係想插聾自己對耳!!!

服務都係一般, 環境唔算擠迫, 雖然價錢唔算貴, 不過應該唔會食第3次...

2個人係奧海城搵野食, 睇左好耐就試下喬麥麵, 天氣禁熱食冷麵就最適合了~
我叫左個SET $50 有花之戀飯+喬麥麵+小食

小食:加洲卷, 凍豆腐
我個人覺得個麵真係幾凍幾好口感, 唔錯.
個花之戀飯, 太多飯, 3文魚好薄..得3片..

朋友叫左天婦羅烏冬, 評價係無咩特別

我們認同都係喬麥麵係呢間店最好選擇

總括都係一間幾經濟的日本野呀~好食過自家烏冬

在34度高溫之夏，搵野想食都幾難！樣樣野都熱辣辣，見到都無咩胃口。
星期六走入商場涼下冷氣都不錯丫！
行完三期我同老公本想去食日本野，點知見到一係好多人排隊，一係貴到無影！
所以我地又行返出二期搵食！

路過門面有好多Soba既模型樣板，看來都好味，又見價錢都OK就選佢啦。
見到都是有坐滿，我地等了幾分鐘就有位安排（木人行）

見到餐牌當然是叫Soba啦！4字頭既價錢，都OK啦，仲有咁大隻蝦（相片）

冷大蝦溫泉蛋蕎麥麵來到的竟然 （真係只供參考）
D麵比想像中淋，唔係好凍～及個汁好淡，好似加了水，可能麵未停乾水老公叫了(什錦天婦羅)結果真係什綿？都叫有2隻蝦各1片地瓜及青椒，
可憐的是天婦羅軟身唔脆（份量超細）細個吉野家D牛肉飯！
個天婦羅汁連蘿蔔茸都無。食完兩樣都一D都唔滿足！
幸好仲有個小食 燒無骨牛肋排真是上碟都咁是但？有D似燒汁炆，甜甜地味道，都幾淋幾好食！

我想我最感覺良好的就是
～沖繩桶柑梳打
酸酸地，幾香柑味，當然我沒有發現有果肉啦！

本來是約了三位好朋友食飯,但因為有兩個臨時不來,所以就單獨跟剩餘的一位朋友共聚晚餐...
逛了一會兒後,我們決定試一試這間餐廳先來一個炭燒芝士年糕...
口感很好,有濃烈的芝士味,值得一試...燒多春魚有點焦,但肉質甜美,你也可以一試吧我覺得這個雞軟骨串是整個晚餐的焦點!!!!!!!!!!
真的很好吃, 點了一些檸檬汁,更加帶出肉質的鮮味.
下次來一定再會再試試這個.這個三文魚飯不過不失, 飯的質量很多, 但三文魚不太新鮮炸豬排蕎麥麫值得推薦給大家...
豬排炸得很香,麵條也弄得不錯蟹柳小卷很普通, 可以試一試更精美的壽司小吃

蕎麥麵粉比小麥麵粉的顏色較深，法國人用於做黑麵包；日本人做蕎麥麵，朝鮮人做一種涼糕，俄羅斯人做烙餡餅，法國人做小薄餅，波蘭人直接用未磨的去皮種子做粥，此外歐洲人還用來做粥或做澱粉使湯增稠。

原來蕎麥麵有多種選擇: 田舍(使用整顆蕎麥籽包括外殼), 綠茶(加入綠茶粉末, 茶香濃郁), 山芋(獨有滑溜口感), 更科(只用蕎麥籽中心部份, 蕎麥粉和小麥粉的比例是8:2, 是日本最矜貴的蕎麥麵), 四季(適宜一年四季食用,蕎麥粉和小麥粉的比例是5:5 ), 真打(蕎麥粉和小麥粉的比例是7:3, 有獨特甜味)愛知縣辣油腩肉撈蕎麥麵定食...腩肉看似肥膏多過瘦肉, 但其實一點也不膩, 軟腍腍肉質, 味道甜中常辣, 雞蛋、炸蒜與蕎麥麵撈起會有蛋香、野味、幼滑的口感, 嚼勁非常。定食送小食/飲品/麵豉湯, 我選加洲卷炭燒雞芥末紫菜飯...雞帶住燒汁去炭燒, 芳香嫩滑, 飯粒珍珠煙韌口感...再配冷蕎麥麵定食...麵質粗糙也較有口感, 冷吃更顯清爽。

和友人逛新開的奧海城三期，選了重未試過的日田吃午餐。
因為已是下午三時，不用等位便可入座。店內環境不錯，竹林裝飾大方得體，卡座亦很舒服。原本想單點，看見店員遞上的優惠後才轉為點兩個午市套餐。
優惠十分吸引，1:30PM以後，第二客午市套餐半價。入座後便會奉上水一杯，店員會續杯，所以單點不怕口乾午市套餐可選一杯飲料(冷熱同價)或小食(加州卷、天婦羅)友人點的套餐份量挺大，有一碗飯和蕎麥麵。
炙燒三文魚普通，飯量很多吃不完。
不過朋友讚蕎麥麵很好吃、很有口感，有彈性不會過稔，下次一定要試試我點的牛肉窩，上枱時熱辣辣，湯頭甜甜的很好下飯。
不過餸有點少，牛肉只有兩塊
另外有冬菇、豆腐、芋絲、紅蘿蔔，都是一小件還有小量紹菜..
另一邊廂，飯量挺多的，到最後撈湯送飯，很飽
不過飯有點像日本米，但又不夠黏、不夠香，比之前吃的日本店遜色。

整體上不錯，午市優惠很實際，在這區來說價錢算是相宜，質素亦不差。

同yan去睇戲順便食飯,見喱間價錢ok食物又幾吸引so試了~!入去時6:30到冇乜人~!
以蕎麥而主,當然要試下,叫左兩個定食,個set有蕎麥麵,主菜同小食,幾多野食咁,主菜要了火炙三文魚腩飯配冷蕎麥麵定食,小食配了餃子同加州卷~!加州卷,味道正常!炸餃子,個皮有點韌,唔夠香口,麻麻地!蕎物麵,份量唔多,不過仲好,因為只係想試少少,唔算特別好食,味道ok啦~!火炙三文魚腩飯,三文魚半生熟,面層熟的,底面是生的,味道都ok,亦都幾大塊,飯偏酸!

感覺上同別府差唔多,食物水準味道普通冇咩特別,價錢算係合理,不過服務態度一般有待改善,明明自己落錯單,就唔好懶D客講錯比你聽,好似想同人拗咁,當然最後都肯換返啦,不過黑面咁...真係無奈呀-0-......!

午餐一役後,胃口和心口也是悶悶的,絕對無任何食慾呢在旺角區狂步行,再於奧海城打打波,出一身汗,也無補於事.

7點了,回家前點樣都要吃點輕食作晚餐.雙星餐廳的套餐又忌廉湯又白汁意粉,望都又反胃了於是走落地下,一試以蕎麥麵為主打的餐廳:日田蕎麥處.

此店開業時,從雜誌看宣傳佈導實在吸引,因為我還叫喜歡吃蕎麥麵啦不過好少入奧海城,就算到來,又是已吃飽時候.

奧海城食市林立,不過這時候只有此店較旺場,我們入坐後外面的人已經要等位了二人套餐很便宜呀,百零元有食物有飲品.但我們真的吃不下所以轉為散點.餐食選擇也相當多,小食,天婦羅,飯,麵,壽司等等

主食是一碗蕎麥熱湯麵,選了最輕鬆版本(正名唔記得左).配料好簡單,雞蛋,魚片,菇粒,菠菜,蔥花.份量每樣都算多.至於蕎麥麵的量也不少呢,麵條欠缺彈性,軟淋淋,應該沒有過冷河關係?不過配熱湯的麵又係會淋,我見自己煮的作品也是這模樣淡淡地的麵汁好配合蕎麥麵:健康行頭.其餘選了都是小食.第一樣是雞肉飯團.賣相可以啦,小巧的三角型.不過當用筷子一夾起,全個飯團都四散Orz...最後用爬的方法食...飯粒是珍珠米,用醬汁撈過,甜甜地的,當中有不少雞肉粒粒,可惜肉質超鞋.第二樣是雜錦天婦羅.有蝦,茄子和南瓜各兩件.炸層輕巧薄脆,只是點點油膩並不過份.蝦肉夠大也爽口,南瓜香甜,茄子無試估不到整體質素比我想像中好.最後一樣小食是新出品,雞肉雞軟骨燒餅.實際是肉餅上加沙律醬及一隻蛋~將蛋攪破後,蛋汁流於肉餅上,如果鐵板夠熱的話,效果一定好好,滋滋作響外蛋會趁機熟透.可惜不是,鐵板只得微暖咋,蛋白沒什熱力下,形成半透明成劈野留在餅上,食入口都幾心寒味道只靠濃濃的甜醬汁味,雞肉肉餅好散,當中的軟骨得少量.此味始終油份較高關係,又開始滯起來了

柚子蜜在做買一送一.冷熱一樣價錢.柚子味淡淡的,勝在夠凍和大杯而已.我覺得還是蕎麥麵合我口味多些,對冷蕎麥麵及炒蕎麥麵也感興趣...但係想歸想,再經此地機會也不會多,始終返回家那段路也太轉折了

睇完戲價錢唔太貴就試下..
40$ 雞飯 有小食/野飲送..揀左小食 加洲卷兩舊.
.後者黎先..麻麻地..夾落唔算實..易散.,.味亦唔算太出..
前者d汁甜得際..太流..而且d雞好硬口..
份量適中..但呢個價錢認真唔抵..唔會再試..