星期三, 又係凍到唔想出街食, 再打開外賣紙既Collection, 上日食了媽打, 另外有間聰嫂播. 咁就又要做下白老鼠啦. 灣仔區的外賣參差, 好唔好食都係要撞一撞彩.

叫了星期二既lunch set, 咖喱豬柳飯同沙爹雞球飯.....由同事仔負責打電話落單. 之後怪事開始黎啦...........

首先, 他用極奇怪既眼神回望, 道: 接電話果位阿哥把聲同尋日叫外賣接電話果位阿哥把聲一樣既....

等....一樣是45分鐘, 之後外賣到, 裝內附上的, 竟然是星級媽打的外賣紙.......唔通我地叫錯.....對一對我們既order同menu, 冇錯播.......再細心對一對...原來兩間既fax number 是一樣的....但店舖就一個軒尼斯道, 一個謝菲道....

因為Menu上有主子既相, 留意到, 原來聰嫂就係星級媽打其中一個女...再叫同事細心對一對個樣......: 係, 冇錯, 係同一人黎既......我們心中既疑團終於解開. 一門兩傑, 不錯.....但回看番媽打張相......正確點說...是"有營主婦"吧.

疑團解開, 二人都係食飯先, 我食咖喱雞, 同事食沙爹豬柳....雞肉嫩滑, 咖喱又不是太辣, 而且夠香口, 有汁送飯, 當然好胃口啦. 同事的沙爹亦非常香濃, 而且一樣是沒有味精的佳作. 食哂....收垃圾.....咦.....我叫的不是咖喱豬柳飯, 我叫的不是沙爹雞球飯, 為何變成沙爹豬柳飯同咖喱雞球飯......大家笑說應該是淋錯汁吧........囧啊.......