鴻裕的金毛兒子今天滿月,他預早兩星期前約定親朋好友聚餐,分享他小寶寶誕生的喜悅。飯局無邊界,晚上走到這艘靠岸停泊的大理石巨船酒樓。自從海鮮舫裝修後很久沒再光顧,就趁這機會舊地重遊。菜餚嚐到一半當爸爸的已酊酩大醉,雀躍捉住大家拍照,難掩心中的興奮與激動!

脆皮燒雞~~新鮮嫩滑,肥瘦適中,皮夠脆,吃到捧腹時間,這道菜餚仍見每張檯都吃清光
清蒸班魚~~火候掌握適中,魚既鮮且滑
乳豬全體- 好大隻又肥又膩,一咬融化的變成整口肥油! 絕對見不得大場面!
白灼蝦~~不新鮮,失卻爽脆和鮮味!

由敦煌畫舫開始 , 到現在的明星海鮮舫

耐不耐都跟屋企人一起去幫襯 , 對上一次 , 有成年前 ,

多年來沒有回港 , 移民加拿大的家人回來了

一起去明星海鮮舫的貴賓廳吃晚飯 , 所以印象比較深刻

其次就係碟辣酒煮花螺

( 為食鬼對好食嘅餸菜梗係多多少少有d印象啦 )

真係正的 , 推介推介 !!

辣度適中 , 花螺夠大夠鮮嫩 , 食咗兩小窩

昨日是我的生日, 決定同我father and mother 細妹去明星食晚反, 我地好開心叫了5 個菜, 本來好開心的, 突然從天而下, 好大聲, 一粒水晶從天而掉落, 打中只杯邊, 再掉落台面,(好大聱) 周圍人都聽到, 個粒水晶有half 手掌大, 好大粒, 我呀媽嚇到大叫, 成身濕曬, 如打中個頭一定要call 車. 真係驚魂未定, 同個酒樓女是應( 師奶)" 反映, 佢笑笑口說 " 你好好彩, 要快d 去買六合彩", 佢地完全唔點...不知所謂.....跟住我同個經理反映, 佢唔好意思, 話送反糖水, 生果....唉...都己經絛曬MOOD, 到食完反問佢地係唔係族糖水, 生果, 佢地的女是應" 師奶" 好似唔記得, 依間野一定要 "BAD LIST" 佢. 我都係第一次去的. 打中我呀媽, 真係要穿頭...............

約左姑媽姑丈佢哋兩老提早做中秋, 成十年都無同過佢哋兩個一齊食飯, 今晚阿爸梗係好好招呼兩老啦. 媽咪六點鐘就打電話俾我叫我打定電話落去book位. 我嗰陣都心諗多此一舉嫁喇. 點知打電話落去嗰陣佢哋話今晚有人係到擺酒, 所以二樓同三樓都無, 只得番幾張枱... 仲話已經有人係到等緊~~~ 本來諗住轉場的喇, 不過最後我阿爸又唔知道仲有邊到好食又廢事煩, 都係決定叫我落去博下.

因為我就正正住係對面, 唔駛五分鐘就到, 門口阿姐即刻係一樓偏廳到俾咗張枱我. 個偏廳唔係好大, 不過都有成十張枱, 我入去嗰陣得我一個咋嘛... 打電話落黎嗰陣又話得兩三張枱又話已經有人等緊... 扼左人落黎..... 正常我心裏面係到不斷怨緊既時候, 我發現唔駛十分鐘, 呢個偏廳既枱就已經差唔多坐滿晒... 嗰陣我反而暗暗驚呼好彩早左落黎. 如果唔係等到七點半都未必等到有人走呀.

5個人我哋點左:
芝士焗龍蝦伊麵底: 龍蝦開殼切件整得好好, 基本上好多夾起就啖啖都係肉, 就算係鉗嗰d位都只係咬兩下就食到. 唔駛咬到成口都係龍蝦殼. 好香濃既芝士, 都幾杰身, 夾起d麵既時候d芝士係黏住d伊麵而唔係水汪汪塘水咁係到碟低到. 麵身煮得啱啱好. 不過呢味餸要趁熱食. 一凍左因為d芝士太杰無咁好味.
小籠包(半打): 小籠包入面既湯好夠味
紅燒乳鴿: 皮脆, 肉嫩! 好好好味
清蒸石班: 全枱人都勁讚. 條魚本身夠鮮, 都幾大條, 一上枱我媽咪都擔心唔知會唔會出現蒸得太老既情況出現. 但係蒸煮時間啱啱好. 成條魚既魚肉都係嫩嫩咁啱啱好, 連魚背都咁好味. 不過係佢哋用蒸魚鼓油甜品重左DD.
青菜兩碟: 正常菜!

呢餐5個人食左 $17XX. 都唔算平. 不過D野真係好好味. 尤其係海鮮囉. 發覺佢呢到整海鮮仲好食過屯門三勝同埋西頁. 西頁D海鮮係鮮不過廚房唔得~~ 下次有得我揀, 我寧願落黎明星食喇~~~

已經一個星期前定左位但係都勁多人等攞位。
因為冇其他PACKAGE選擇, 所以只可以選擇一個三百幾蚊嘅套餐。
個套餐全部都係海鮮: 蒜茸炒蝦。唔新鮮。
蒸元貝: 夠大隻、鮮甜。
青蒸大班: OKAY,O岩O岩好。
炒蟹: 唔掂。
跟住叫左一隻2斤10襾嘅芝士焗龍蝦: 芝士入唔到龍蝦,不過都好味。
最激氣就係個壽包....叫佢地最後先上...點知等左半個鐘...催左三、四次....
先有一盆微暖....擺到好亂嘅壽包上檯。

死因
1. 待應反應慢, 無心工作.
２。　食物勁咸，碟大食物少
３。　唔貴，但勁唔抵食

千其唔好以為佢個場靚就係個度擺酒，如果係我，我會後悔一世。。。

我想俾負分，不過冇。。。得個場靚Ｄ，但係最重要既食物同服務就死哂。。

今餐係Daddy生日飯，今年終於論到我o地請啦! 本來打算食豪d，點知壽星話要依間，冇計計啦~ 依間以前叫「敦煌畫舫」ge酒家，係「沙田友」ge集體回憶! 相信唔少朋友細個果時都問果d大人以下ge問題:「隻船識唔識郁o架?」哈哈~ 轉吓眼就大個仔，上次響庶晚飯都已經係n年前geF.7 謝師宴lu。 而架船換左老闆改左名之餘，仲裝修埋添! (耗資3千萬咁話)

想當年左咁耐，係時候入正題了:

明星佛跳牆 ---------- 七點鬆d已賣淨兩個only，差d飲唔到! 唔差ｇｅ都市　不過用料比較「好睇唔好食」，而且水又太多（成９碗）如果鮑魚仔改成響鏍，而d榣柱可以用完粒ge就好啦!

鮮果龍蝦沙律 ---------- 成家得我話食得過　＄１１８得少少龍蝦肉又難怪佢地ｇｅ～　不過我真係覺得好味，而且仲係我十幾年前細個食ｇｅ風味（印象中好少食龍蝦沙律，依道ｄ龍蝦係咸咸地的），可以試得過。

沙薑雞半隻 ---------- 半隻以有正常一隻咁大　雖然唔係鮮雞，但係肉體依然能夠保持彈性，火喉掌握亦佳，＄５４抵食

農家炆豬肉 ---------- 敗筆！花腩肉炆唔淋又唔夠入味

青檸牛仔骨 ---------- 又一次應驗左牛肉平價冇好　不過用泰式青檸做都幾創新，勉強可以ｇｅ

豉汁涼瓜炆鮮班腩 --------- 好入味呀！涼瓜同豆豉本身係絕配不在話下，ｄ斑骨腩炆到完全索晒佢地ｄ精華，唔錯！

鴛鴦壽包 --------- 估唔好有兩款！黃色果ｄ係奶皇來的，即叫即蒸即上，好食！　
生果盤 ---------- 送ｇｅ～　OK啦！　

P.S. 依道ｄ服務真係好好，勤換碟之餘又唔會hard sale 貴野，仲會幫安排好起邊樣先！抵比滿分　

星期六晚, 一行3大2細去吃晚飯, 一心唸住它裝修好去試下啦, 落單時一張寫明當晚日期的單張, (內有冬瓜盎 + 雞半隻) HK$168, 大蝦芝士麵 HK$68 , 鮑魚 10隻 HK88元, 之後再加了一個飯 (飯是從平常的MENU 中選出)..

好啦之後 士應拿了一張單寫上所點的食物和價錢, (點知比我發現左d價錢唔同既), 之後找了一個穿黑色suit (高級d) 來了解, 她說 (噢, 星期六和日d價錢每樣加 20元), 我話, 你張單是今日日子, 張單的價錢沒有改 (亦找不到字眼寫星期六日 on top 加 20元, 之後她只好說: 我們一向星期六日都是這樣, 對唔住張單未改 (但當時已是晚上 8:00時, 不是6點既的時間, 心唸如果是剛做晚市, 你張單未改都話), 她繼續說你現在是否唔要, 我可以幫你改單, (當時已8:20分, 小朋友又肚餓), 如果唔係我一定立刻走人, 連一毫子都唔會俾, (堂堂一間習團或大酒樓, 行政竟然這樣亂)… 唉

食物方面, 都ok,所謂的大蝦芝士麵就差勁了太多...

以後都不會再去…

當我一踏進明星海鮮舫的範圍，第一感覺是：不安全。
酒樓在裝修中，直至九月中。這座三層高的酒樓，在裝修期間竟然封閉上樓的樓梯。所有食客要用電梯上落。
如果該酒樓突然發生火警，食客及職工如何逃生？搭電梯？

都成年冇o黎過了.

現仍只係裝到一半.
但一入內, 感覺很好, 也很靚呢.

水晶燈及大電視, 不錯, 不錯.

5個人食晚飯; 叫了: 豉汁涼瓜爆海參, 甘香茄子, 石榴肉排, 蝦香珊瑚脆豆腐, 土伏靈燉草龜湯, 及特價乳鴿兩隻.

甘香茄子先上, 係好多好多炸蒜, 及炸的茄子條;
幾香口但太油了, 食一兩舊已夠...

石榴肉排即類似咕嚕肉咁, 但不用菠蘿用石榴;
都有異曲同工之效架, 不錯, 撈左唔少飯呢.

土伏靈燉草龜湯, 聞倒藥材味, 唔鍾意飲;
豬豬女友則說ok....
見倒d 湯內有塊龜板呀

兩乳鴿係特價的, 但卻冇減料, 都夠大隻架, 皮炸得好脆.

豉汁涼瓜爆海參唔知點解d 苦瓜真係好苦, 連食開苦瓜的豬豬女友及媽都叫苦!

咁情況, 不妙, 我當然唔食喇~~

蝦香珊瑚脆豆腐有d 咸魚雞粒豆腐煲feel, 事實上味都差不多, 係冇咸魚;
送飯一流.

服務很好.

其實都幾抵, 如果唔係個龜湯, 一人都不用一百元.
會再來的.

尋日約左d親戚飲茶, 見佢出面搭晒棚仲以為佢唔開tim. 原來係內部裝修但係繼續開放.

十點鐘落去攞位. 基本上, 三樓仲有2/3係空既. 不過一入到去就發現, 新裝修好既三樓好靚呀. 不過最靚居然係個厠所. 不過我發現厠所居然係無乾手機... 我估可能用既人太少所以佢哋係翻新既時候決定取消掛, 有d唔係咁環保喎.

講番野食~~~ 其實佢呢到既野食算係唔錯, 基本點心既賣相同味道都唔錯. 唔會有難食既野囉. 特別要講下係佢呢到既流沙飽真係好正, 上枱既時候係打開中間, 佢個流沙真係好流沙~~~ 不過佢既蛋黃味重左d, 如果可以減番少少蛋黃既話會仲好食. 炸雲吞個雲吞皮都炸到好脆. 雖然我自己無食, 不過我聽到我細佬食既時候嗰d聲... 仲脆過食薯片呀. 嗰日我哋叫左冬菇湯伊麵, 黎到既時候真係估唔到佢有咁多菇一齊上. 朵朵菇都有番咁上下大朵同厚身.

不過嗰日既服認真唔得! 時間尚早時, 個場坐得一半滿, 我哋嗰邊好多吉枱. 有好幾次我哋想叫d阿姐加水加點心, d阿姐明明見到我哋舉手都扮晒睇唔到咁. 明明見佢望到我哋, 一下就轉左頭行開左. 真係激到我幾想行埋去佢前面直接俾張點心紙佢叫佢落單無咁炆囉~~~

是晚, 父母在西貢, 帶著女友一齊出去會合食晚飯. 中間點, 沙田畫舫就比較適合. 就到我們放工, 又就到佢返屋企. 亦順便看看新裝修之後有什麼改變, 亦有少少是為了兄長生日而食的一餐飯.

是日食晚飯, 小菜幾碟, 5個人, 談一談家事, 我亦好讓父母同女友多接觸接觸. 我們點下5道菜, 我一看點菜單, 已知阿爸點多了. (四個剛剛好)

首先, 來了一個, 陳醋骨, 醋味夠香, 骨夠酥軟. 有時, 醋骨做得不好, 好容易有"鞋"口既感覺. 這次保持了肉質. 肉依然夠滑, 是一個不錯的高分.

為了女友, 點都有一兩味素菜. 簡單的羅漢齋, 同一個油鹽水浸莧菜. 羅漢齋味道做得夠清淡. 好喜歡這種清淡感覺. 因為好多時, 因為羅漢齋是全素食, 酒樓方面怕唔夠味, 味精, 豉油往往落得好重. 油鹽水浸莧, 面頭用了粉絲, 取代了炸蒜相伴, 而且聯水夠清夠咸味. 這裡雖沒有什麼齋菜選擇, 但做出來, 都有不俗表現.

我們亦叫了兩個半素的菜, 紅梅靈芝白玉, 蝦香珊瑚脆豆腐. 兩個同樣是豆腐, 一個是炸過的, 一個是普通嫩豆腐. 再加上海鮮. 蝦香珊瑚脆豆腐, 有濃香的蝦醬味, 加上珊瑚蚌, 而且煲仔上, 比較惹味. 同樣的, 紅梅靈芝白玉, 白玉, 就是豆腐, 靈芝就沒有, 那些細菇仔就有. 紅梅是什麼吃不出, 帶子仔就有......若不是有帶子, 這也是素食之一.

連鎖酒樓, 味道環境還是不錯. 沙田畫舫, 細細個就常常黎飲茶, 轉手明星之後, 此次初嚐晚飯, 原來質素一樣有水準.

呢個係遲來既感謝.

5月尾我哥係沙田明星海鮮舫擺酒. 老實講我地之前無咩期望, 黎呢度飲茶覺得好似"up up dup dup", 都係一d 地區街坊酒樓咁. 不過因為我哥要擺over 40圍, 又想近屋企方便外婆黎, 所以book左呢度.

大日子前我地黎過兩次, 同侯經理傾細節. 佢好易話為, 我地要求既野佢可以offer就offer. 本來我地book 3樓, 但擺酒前一個星期發覺3樓未必夠用, 要轉2樓, 佢地都無問. 我地當日有武獅, 佢地都比我地前一日送定d 鼓, 獅子黎, 好方便我地.

大日子當日, 佢地既招呼非常好, 所有野都跟得好貼. 席前不斷有小食同fruit punch 供應. 好多親友同我地反映 d 野好食, 特別係條魚, 好新鮮好好味. 場地佈置都好好. 影d 相出黎, 我d 朋友話一d 都唔似係酒樓. 員工招呼得好好, 唯一問題 (不過唔係明星問題, 係我地既問題) 係, 我地擺44圍, 太多賓客, 員工上得菜就少左時間幫我地斟酒. 如果擺咁多圍, 主人家真係要多多幫手斟酒.

今次我哥係呢度擺酒令我地對明星改觀. 非常感謝侯經理同佢一班同事當日既幫忙. 做得非常好! 我地都會向其他人推薦呢間酒樓.

一直都係早茶茶客
收到傳單(己附)
又就到父親節
見到星期五晚都未加價
提早慶祝未嘗不可

點知去到開晒茶食緊花生
問張傳單上面資料有無
侍應阿姐話有
落單要搵部長
好啦
揀左兩個孖寶+鮑魚

點知
到落單時
今日無優惠
只可以散叫
價錢差好遠

散叫價錢:
片皮鴨1食$128
冬瓜盅$138

理論完一輪無結果
由熟客仔長輩出手問江部長
部長話請示上頭
回覆都係唔得

擾攘一輪
最後叫左$688海鮮5重奏再加花膠海鮮煲
688海鮮5重奏
=上湯龍蝦伊麵、蒸鮑魚8隻、青斑1條、扇貝8隻、豉汁炒聖子1斤、金銀共饅頭半打

份量尚算合理
食物正常水準

海鮮樣樣都有殼
侍應換碟都爽手

但始終對被騙心有不甘

侍應阿哥阿姐都係打份工
無謂搵佢地出氣

將件事放上0黎
都係想話俾管理層聽

節日前後加價
只要寫明顧客會接受
但若果假借優惠吸引顧客
臨時取消
此等銷售手法
顧客只會可一不可再
損失的始終是食店
還要是大型連鎖集團

奉勸大家一句
有咩優惠
入去前問清楚有無
以免開茶後騎虎難下

第一次來到呢間畫舫~

入門口~見到有2大疊報紙~
由酒家代賣~只有蘋果同東方~
果然已經係與眾不同

上到去~
假日太貴了點~
叫set會抵好多~
以防有人唔飽...
但個人覺得~去飲茶叫set的話~好無意思~

不過4個人埋單3百幾~算係咁~

叫了一個168蚊的set
有炒飯~有燒肉~有3個點心~
要有的~都有了~很不錯嫁啦
但係佢個燒肉~皮係極厚~
好似係俾火燒完一次又一次咁...
擁有唔係屬於燒肉的厚皮...................好似餅乾的口感...
其中一個點心...流沙奶皇包...好難食...蛋黃太多....又唔夠液體........

另叫了白雲鳳爪
阿姐仲俾我地拼埋泰式鳳爪~正~但辣了點

再叫了第二個set~
乳鴿拼米線~
um...很一般~只係勝在平吧~

畫舫內~沒有外在的奢華~
同一般舊式酒家一樣~食物亦冇乜特點...