街口的港式大裝修, 以前的租庇利Bar亦已結業, 沒有特別大裝修, 大改良, 昔日酒吧頓時變成茶餐廳, 以前的Bar檯, 而家就是茶記既奶茶部...香港咁多暗翠華, 裝修得最求其, 最唔似翠華feel,就是這一店.

平日係地鐵站, 翠華部貨車, 都會見到一個形似Ronaldinho既黑鬼, 邊食個脆爆奶油豬, 邊用一個類似伙頭智多星既表情, 大叫好食呀...咁款. 同事仔其實係俾呢個廣告吸引了, 我們辦完公司既事, Hea 一 Hea 先返公司啦, 在決定求其機利文新街食定去試新翠華時, 就是因為呢個奶油豬, 就翠華呢.

我就唔食奶油豬啦, 叫一個深海魚塊早餐吧. 一個簡單的西式早餐全餐, 有煎雙蛋, 有茄汁豆, 有炸魚柳, 仲有隻牛油豬, 表面上係幾豐富既. 不過, 如圖, 塊魚柳就真係細左少少, 不點汁呢, 就會覺得佢又薄又乾, 實在有失翠華既一般水準. 煎蛋, 大陽蛋, 只可說是不過不失.

奶油豬, 果然是脆. 同事食落都覺得幾得意, 我亦聽到佢食到 "shok shok"聲, 非常之enjoy. 只可惜個包唔係幾夠熱, 上面既奶油, 應該唔會係平日我地買開既鷹麥同壽星公, 奶味同甜味都比較重.

奶菜呢, 就唔夠濃啦, 所謂各人有不同所好, 有人喜歡濃, 有人喜歡奶味重, 有人鐘意淡淡地.....我就偏向濃同多奶. 今次翠華呢杯, not my cup of tea.

街口港式就裝修好, 問一問呢間是否臨時...小姐說第日會兩間一齊做.....
是嗎?? 一街兩鋪...不過翠華...仲要係中環區, 做得到既.

八月下旬‧有雨

港式茶餐廳在裝修，同一個集團的另一間茶餐廳在一街之隔開業了，就趁另一個有雨又行不上勝香園的早上，來吃了個早餐。

這個舖位很有趣，樓底高，舖面深，但面積其實不大。在這個旺位置，當然很容易就坐滿人。在開業只幾天的時候來，眼見運作還是亂亂的，就要了個奶油豬加羅宋湯螺絲粉的早餐。

羅宋湯螺絲粉差不多是立即送來的，色水是夠了，但喝一口湯，是淡淡的，毫不對辦。螺絲粉是硬硬的，整體來說，是遠離水準；奶油豬隨之而來，卻只是「油豬」，沒有奶油的踪影，是忘了吧；

咖啡看起來像奶茶，有相你看的。

埋單24蚊，似乎不是這個集團的水準，可能遲一點來會更好。