出發往坪洲前，因等船費時到IFC商場找尋雪糕，才發現乳牛乳酪店已取代B&J位置，而且人氣度還很高呢!
　
同灣仔店一樣，regular/large乳酪的售價為$28/$35，不過每杯乳酪所包topping已由2款減為1款，而乳酪口味還是維持原味及綠茶2種。BBQ前夕，清怡的乳酪確比雪糕更為適合，綠茶味又是老公所愛，就與老公要了大杯一起分享。店員耐心解釋乳酪機未做到mix效果，但就可以人手配搭出雙味乳酪，是日就是要了這個經合，配料選了coco pops：
　
綠茶乳酪-IFC店與灣仔店口味不盡相同，新店的出品綠茶香交融乳酸味，口味清爽迷人，質感又柔滑，比老店更清新討喜。配上朱古力濃店一般，但十分脆口coco pops，挺美味的~
　
原味乳酪-綠茶味是青出於藍，原味卻是有所不及了：乳酸味不算濃，質感較稀似摻水太多，口味過於平淡，並不吸引。
　
而乳酪始終不夠雪糕飽肚，大大杯食完也感覺空虛，其實我還是喜歡吃雪糕更多。慶幸坪洲還有很豐富的美食，食畢慢慢行去碼頭搭船了!

去完行山, 同朋友經過呢間雪糕店, 口痕一試!
朋友們很喜歡乳酪雪糕的fresh! 感覺比較健康, 無一般雪糕咁肥!
酸酸地又好冰凍的軟雪糕, toppings有很多選擇, 有鮮果, 有啲nuts等....
有機會會再試, 感覺幾健康~

九月上旬‧晴

只賣兩款味道，加十多款現成的配料，兩位店員，一個小小的舖位，就令每天也排大隊，就的就是這裡的乳酪。

一日經過，原來Ben & Jerry已去，換來乳酪雪糕店，來一杯如何。

花了近15分鐘排隊，要了杯正常份量，綠茶味加mochi的。

乳酪味道很不錯，帶一點酸味，綠茶味香濃，吃起上來很清新，加上煙韌的mochi，絕對是不錯的飯後甜品。

28蚊，是貴少少，不過可以讓大家乖乖排隊的，也算是成功的產品。

知道呢度開左間新舖, 放工就去睇下咩款, 我係超鐘意食乳酪飲牛奶既人, 所以唔怕果朕味

呢度有2種口味可以比客人揀, 原味及綠茶, 店主見我眼望望, 於是問我試唔試, 當然要試下喇, 我初時以為好似阿x羅咁, 將d生果mix埋落d乳酪一齊做, 但原來揀左乳酪後, 再on top加上你鐘意既生果,乾果, 麥片等等既食物上去一齊食

今次我揀左龍眼加綠茶味乳酪, 比較清新無咁甜嘛, 乳酪食落口質感似雪榚, 但味就係乳酪咁, 但綠茶味唔濃囉, 咁樣一杯就要$28, 同一杯haagen xxxx差唔多, 但再加多款topping就要$5, 所以都唔算平架, 係好奇所以黎試下, 同埋感覺健康d嘛

由灣仔走到中環,PP3到IFC,從此Yo Mama與你常在.

兩者環境大不同,永豐街一帶比較優閒,國金內有點兒緊張.
吃乳酪,不同吃飯盒,應該輕鬆一點.
你吃飯盒,可能會用極速倒下去.
但你會不會成舊乳酪倒入口?

喜愛吃朱古力雪糕,亦喜愛吃Frozen yogurt.
平日聽Oasis,偶然聽Kings Of Convenience.
也是同一原因.

綠茶味乳酪,加杏仁片,味道酸之外,奶味亦香濃.
同樣地較為硬身,溶解速度相對較慢.
杏仁薄片好像吃著瓜子,同綠茶味頗為相襯.

吃著乳酪聽音樂,望著國金內的急速步伐.
冰冷的面孔,急勁的腳步,形成一連串Drum N Bass的調子.
是乳酪愛音樂,或音樂愛乳酪?

10-10-2009

落船後到 IFC 行 city'super, 途中見到呢度終於開幕, 2 人又買了一杯 plain yoghurt with Frosties (regular $28, 跟一款 topping) 止止口痕.

記得灣仔店 (http://www.openrice.com/restaurant/commentdetail.htm?commentid=1993128) 的原味 yoghurt 幾酸, 但呢度的奶香較重, 密度亦較高較「挺身」, 個人而言較喜歡呢度的, 但食完都幾飽 而今次又叫 Frosties, 純粹想食 d 脆卜卜又甜甜嘅嘢 , 下次再配 fruits 吧.

都係已執笠的 Urban Eatery (http://www.openrice.com/restaurant/commentdetail.htm?commentid=1940700) 出品好食 d, 始終人哋奶香較濃, 食完又唔飽膩, 不過呢度的出現都係好消息來的 -- lunch time 想食 frozen yoghurt 的話, 起碼唔使吓吓爬斜路 (即係去邊度: http://www.openrice.com/restaurant/commentdetail.htm?commentid=1935678) 吧!