行完街同媽咪就去左 新開的WOW ! BURGER !!
去WOW ! BURGER之前, 仲見到附近又開左唔少新店..!荃灣真係愈黎愈多野食呀

WOW !BURGER專做外賣生意,...因為入面得兩張十分細既枱 ( 坐晒FOR 4~5人到)
如果唔介意出面長期勁多人係你隔離排隊既話 (好多人等買台式飲品)
出面仲有兩張枱仔比你坐 !

最尾叫左兩個餐, 但下面呢個係單買既價錢~~
叫佢轉返做套餐, 唯埋都係 $3x !!
如果好味既話, $3x絕對抵食過麥記架!!!

我就叫左個芝士牛肉漢堡餐, 熱辣辣即叫即本, 保證新鮮熱辣 !!
個包塊牛肉幾厚呀..同麥記既薄牛冇得比..一塊=兩塊
咬落仲有肉汁~~正呀 !!d芝士仲要溶溶地

野飲就叫左伊甸園 (姐係橙汁+雜果冰)
十分解渴 !!!

真係好開心荃灣開左呢間BURGER店, 因為我地又可以有多一個選擇啦!!!

去年12月,佢已係灣仔開左一間
一年後,憑藉料足新鮮
係咁多間新式漢堡店打出名氣
沒有豪華的裝修,沒有豪華的包裝
只有新鮮的味道
一份堅持一份真誠
令佢可以成功了~
新分店質素也非常良好~
值得一試

WOW! Burger---Tartar Fish Fillet Burger(他他魚柳漢堡)

日期：2009-10-22

在"WOW! Burger"(荃灣分店)買了"Tartar Fish Fillet Burger(他他魚柳漢堡)"($18)。在家用焗爐翻熱。[以200C焗3分鐘)]

"WOW! Burger"是本地一家漢堡包專門店，始於2008年。"WOW! Burger"與"Monster Burger"由同一間公司經營。

他他魚柳漢堡---芝麻漢堡麵包夾著吉列炸魚柳、蕃茄片、紫洋蔥和生菜，配上他他醬(Tartar Sauce)。芝麻麵包外脆內鬆軟。吉列炸魚柳肉質相當嫩滑，魚味較淡。他他醬酸甜惹味，十分醒胃。生菜新鮮翠綠，口感爽脆，蕃茄清甜多汁，洋蔥爽脆香口。整體質素不俗!

與男友在荃灣左逛右逛至際，突然醒起有間 burger 店新開張，於是就去試一試！
剛好呢日係promotion last day, 好好彩，叫左兩個餐，—個豬柳 + 芝士 burger，一個剩牛肉 burger，送兩杯汽水，跟餐叫左兩份扭扭薯條。

坐底等住食，鋪面較細，多少少人排隊已經好迫，男友果份好快整好，但佢話想等埋我先食，咁樣個burger 同薯條就咁等左5分鐘..... 終於兩份餐食得齊哂之時，男友咬第一啖就 ... >_<.. 唔多鍾意，因為個飽已經凍左.... 反之我個牛肉 burger 就剛剛好，因為立即食，個麵包仲熱，軟身的，薯條同樣有咁既情況出現....

只是短短5分鐘，就出現咁既情況，睇黎佢地要想想辦法搞搞佢 wor... 仲有應該要再加多d款式，如果唔係，好難生存呢！

I have tried the meat burger and the spicy pork burger in WOW! Burger

Meat burger is juicier in Monster Burger lei~~~

The spicy pork burger is quite special which is sweet and spicy and the pork is in good texture

The size is smaller but of course at a lower price la

某天在荃灣處理妥公事後,特意跑到路德圍買漢堡包,除了想試試其漢堡包外,時間不許可我坐下來吃午餐也是主因。

雖然其厚厚牛肉漢堡很吸引,但今天卻未有興緻吃牛肉漢堡,最終選了這個芥末雞扒包。

麵包烘得暖暖微脆,算得有誠意;帶皮雞扒炸成金黃色,好漂亮!炸雞醃得夠味道肉質也可算滑溜,連雞皮也炸得脆脆的,味道調得不錯的炸雞;黃色芥末應混了沙拉醬,芥末辣味不重還是甜甜的,怕辣的食客也不害怕!芥末醬跟雞扒又相當配合,好味道。

配菜還有新鮮生菜、紫洋蔥和蕃茄,幾層生菜厚厚的爽脆翠綠,真的可減低雞扒的油膩感;蕃茄片鮮紅多汁,切得頗厚更有口感,還有一些來自蕃茄的甜味,讚;幾圈紫洋蔥同是帶有甜味, 味道比白洋蔥討好得多,只是吃後同樣有"餘香"。

薯條曲曲的活像檯面上的電話線! 外面那層橙色味原來粉相當惹味.跟麥當當的單純鹽味有所分別,只是經過一輪運送後,電話線薯條已沒那麼香脆,只餘下較軟身的薯條,相信新鮮脆身熱乎乎的會更加誘人。

套餐送一杯飲品,吃漢堡配一杯coke zero實在是天作之合!

小店位置真的很小, 除店內幾個位置外,還有店外幾張桌椅, 本來應該都蠻開揚的,只是旁邊就是人流不絕的2間台式飲品店,坐在店外吃包真的To see and to be seen.

年輕店員非常有禮, 感覺得到不是機械式的對白, 要讚!

Wow!Wow!Burger 既burger 真係 ok bor!
話說前幾日發現荃灣多左間野，個招牌顏色及style 頗為突出。一於搵幾日試下先，我一共試左兩個餐。


1. 芝士牛肉漢堡
漢堡飽:首先一大分別，跟m記的不同，不是嘉頓包。 友人說是法式的包，我也不知道，
但面頭是脆脆的，即是有烘過，可口。

牛肉:牛肉很厚，但不大。咬下去，真的有肉汁！肉汁在口中四濺！接後是一句廢話，有牛味的。這juicy 的牛肉是完全跟某部份m記的乾貨兩回事!但我略嫌不夠結實,是否因攪得不夠碎?這亦不傷大雅。

芝士:沒太留意，不夠突出吧。

生菜及蕃茄:如果跟mos burger 相比，這相差太遠了。因為蕃茄及生菜不夠脆，欠了那口感，咬下去淋淋地；而且有出水情況，頗有不新鮮之嫌，此乃這個包敗筆之處。


2. 香辣雞扒漢堡
漢堡包:跟上文提及無大異，但因第二次吃，欠了新鮮感。

雞扒:可能我吃不慣辣，我認為這塊雞扒配上(有辣椒的芥末醬)後相當辣。而雞肉連皮的雞扒煎得較香，討人喜歡，嫩滑之餘又熟，十分好。

乾蔥及生菜蓄茄:一樣平凡，漢堡包裡的蔬菜不脆則不合本人口味，亦沒新鮮之感，如果咬下去脆脆的，整個漢堡就更好了。


3. 薯圈
嘩!先望一望，份量不少！炸得好，新鮮上油，熱辣辣。外皮脆時，裡面薯肉軟。其中有一條像電話線的，十分有趣。


4. 汽水
無特別，汽水很難有特別，但該店不似某部份ｍ記般一杯汽水半杯冰，抵讚！



5. 價錢
前者$32 ，後者 $25。新張期內贈送一杯汽水，這樣的話還頗化算，尤其我這種中學生。但新張期後，如果想有野飲，好似要＋＄７／８　才有一杯汽水，或是再加少許＄買一杯特飲，這就要唸唸先。但其實這個價錢是值得的。


6. 服務態度
整體黎講，都真係唔錯。櫃機前的那人尤其令我深刻，應該是該店經理吧，他很有耐性。那餐牌比較亂，看得懂要頗花心思。一位師奶看不懂那餐牌，但那經理沒有擺出不屑的樣子，反而用心講解，十分好。


7. 環境
那裡環境真不能令人接受，又是該店其中一個敗筆之處。說的不是衛生問題，而是大小問題！台內只有兩小張桌，沒騙你，店外好像擺放了兩張?，數張椅。在壓逼感下，很難用心品嚐食物！可能這店打算專做外賣生意，但我卻喜歡堂食。



整體來說，其實不錯，改天再來吃。

尋晚(27-10-2009 Tue)約同男友食飯,原本佢話去太平館,但由於我公司搬office,尋日入伙同同事叫o左好多o野食做晏,所以仍好飽,於是約返o黎荃灣,諗住食熱狗の家,點知未到7點半o黎到,竟然話閂o左門,貼o左張紙話賣晒.真係有冇咁犀利啊?

咁點呢?諗到前日睇完戲,經過荃興徑,見到呢間o野,於是同男友拖住疲累o既身軀行到o黎,見有位坐,就即刻坐低諗o野食.

同男友叫兩個餐,男友話第一次食加上熱氣,所以一定要試牛肉漢堡,咁就要$30.00o既牛肉漢堡飲可樂,我要$25.00o既芝士豬柳漢堡,飲凍檸檬菜蜜.

我入去買,其實都唔肯定套餐係咪好似麥當奴咁,有漢堡包,飲品同薯條三樣,於是都問一問,原來只係飲品同薯條二選一.啊.但個男人就補充,o衣o家買套餐,唔理你揀薯條定飲品,都會免費送一杯汽水.

咁我發版啦,男友o個個要薯條同可樂,我o個個要凍檸檬菜蜜同送o既雪碧啦.

坐低等o左一陣,o野食到齊喇,但點解少o左一杯送o既可樂o既?於是問問o係門口派傳單o既女仔,佢睇睇單,話係喎,就幫我攞返杯出o黎,唔該晒.

齊晒喇,影埋相就開餐喇.睇見兩個漢堡就好開心喇,因為好豐富,顏色又靚同生菜又多.食落,我件豬柳好似遜色啲,我食唔出佢o既味道,醬汁微甜,生菜同兩片蕃茄片都好新鮮,幾好味.
味道: 4分

男友就大讚自己o個個牛肉漢堡,我睇吓,件牛肉幾厚,食落,鬆鬆軟軟咁,重食到淡淡o既牛肉味,好過麥當奴好多.
味道: 4.8分

而薯條呢,亦唔係麥當奴o個種,呢種唔係脆口,至於味道,我覺得呢隻一般,不過佢係熱辣辣o.既.
味道: 3分

我杯凍檸檬菜蜜,開頭冇留意有檸檬,所以冇’篤’就咁飲,菜蜜味道清清,幾好味.之後發現有檸檬,’篤’o左之後,出o黎o既檸檬味,令菜蜜味道更清,而原來,檸檬都有好多片.
味道: 4分

順帶一提,呢o度o既凍飲,冰o既份量唔多,唔錯.

下次有機會會再試.

服務:
好好,出面派傳單o既女仔好主動,我o地唔知入面叫我o地攞o野,佢就幫我o地攞出o黎.
入面收錢o個個都好有耐性.

環境:
細舖仔,裡面就只有兩個位,要坐o係舖外街邊,不過仍可.
而裡面都有啲調味料.

之前幾日都有食過,今日心思思又嚟食過

喺灣仔間分店幾個月前試過,坦白講,好食但無驚喜,皆因過得海嘅話就大把選擇:monster, shak'em bun, burgeroom等等,wow算係一線尾二線頭,不過喺九龍呢邊就唔同環境,好食嘅厚牛肉漢堡點都要出到尖咀,例如triple O (其實triple O 都唔算好厚)同main st deli@langham hotel,喺荃灣就惟有揀mos 或burger king,唔係話唔好食,但件牛肉就真係唔夠厚.......

所以家陣開咗wow喺荃灣真係好高興,話晒佢牛肉都夠厚夠味,薯條都ok好食,價錢都係三十幾蚊,個包都可以要求加多少少菜(再多就另外收費),如果水準keep 住無下降又無特別加價,相信都會成日幫襯

前排有幾次去貢茶都見隔離舖裝修中，今次過去終於見到開門，

點了個芝士牛肉漢堡，送薯條和汽水，

漢堡味道幾好，咬落熱辣辣，牛味夠，口中爆滿醬汁，

薯條就弱些，內裡仲好油呀，救命…

汽水唔夠凍，

店內坐得不太舒服，坐出面會好些。

又去去wow buger!
之前已經食過1次!
感覺唔錯!
上次食左個cheese beef burger!
好正, 好有肉汁,
個包好鬆軟!
不過好大個!
佢地個薯圈好好食
熱烘烘!
又脆!有自助調味同1包包茄汁
1包包個d好食d
因為自助個d好酸有種酸梅味!

今次食左個cheese 豬柳burger!
好好食,
我d fd叫左芥末豬扒burger同雞扒burger
佢個雞扒burger唔熟
於是我地叫佢換啦!
個店長好好人,
佢親自整左個不特止,
仲比左5個薯皮比我地!
個薯皮都唔錯,
好脆,不過唔夠味
好淡味!

不過佢個位好細,
3個人去已經要坐街位,
容納唔到好多人,
不過個price都算平,
1個餐都係$25-$3x
我輸寧願食wow!都唔食m啦咁~

佢舖面得2張檯, 同一個side brench
佢o既cheese 牛肉漢堡ok好味

魚柳包~麵包烘得不夠鬆軟甚至有啲硬...
魚柳脆漿炸得薄而脆魚柳不會乾爭爭~但魚柳細件左啲口感略為單薄..
好評如潮嘅香辣汁果然名不虛傳~整體配搭很好!
薯圈炸得略為過火有啲乾...
可以一試

我已經唔係第一次食
以前都係o係尖東店食.....
估都估唔到佢會係荃灣開......正正正正正


佢o既cheese 牛肉漢堡真係好好味
成個包d料都好夾!!!!
塊漢堡勁勁有肉味....又冇渣.....
真係好正..........
一定要食!!!!!!!!!!!!

This shop started its businese very recently .

After reading the good comments from the guys here ,

I decided to have a meal there


芝士牛肉漢堡

The beef was thick , more thick than that of MOS , BK , ...

The taste was good too , soft tuexture , juicy .....

IMO , its better than many burgers from MOS , BK

...... not to mention , KFC & Mc


冰極薄荷 , Freeze Mint

Tasted good , fresh , not too sweet

I prefer this over a cup of ordinary cola

WOW! Burger---Mustard Chicken Burger(芥末雞扒漢堡)

日期：2009-10-09

在"WOW! Burger"(荃灣分店)買了"Mustard Chicken Burger(芥末雞扒漢堡)"($18)。在家用焗爐翻熱。[以200C焗3分鐘)]

"WOW! Burger"是本地一家漢堡包專門店，始於2008年。"WOW! Burger"與"Monster Burger"由同一間公司經營。


芥末雞扒漢堡---芝麻漢堡麵包夾著煎雞扒、蕃茄片、紫洋蔥和生菜，配上蜜糖芥末醬(Honey Mustard)。芝麻麵包外脆內鬆軟。煎雞扒肉質尚算軟腍，味道鹹香。蜜糖芥末醬味道微甜，芥末味偏淡。生菜新鮮翠綠，口感爽脆，蕃茄清甜多汁。整體質素不俗!