一家三口 一心去嘆Coffee + Pizza 12點幾到 冇乜人氣 就舉手叫人落Order 點知個個好似好忙咁 手軟先有人嚟 個waitress 好似冇表情咁聽完就走 啲食物到齊就食 食完問個Waitress （同一個）想要杯清水 佢好cool 咁話：冇喎 我哋有礦泉水賣嘅 我話太古城分店次次都有 佢話呢間冇
要就比$買 跟住又好cool咁走咗去 到我同阿仔出去揀cake 另一個waitress 好專心聽我講 我返埋位諗住今次掂啦 點知等咗10分鐘倒 見到佢走去抹枱 冇人攞嘢嚟 個個走來走去 （開始多人）好辛苦（捉）到個人 先有得食 間店好多人 但好明顯人手不足 得3個人週圍走 個便裝女人（應該係主管）淨係掛住抹嘢同擺好塊餐板！完全冇理會店內情況 ！到埋單仲正 擺低張單就冇人理 真係想走鬼咗算 要親身行出去攪 冇人講多謝 冇人識笑 出口個主管都冇理會人所有人都cool 到爆！下次去番太古城好過！

Coffee 同食物水準高 環境好 但CS勁差 我太太上次叫咗杯Mocca 有餅送 但今次就冇 我問個Staff （女） 佢話朱古力類飲品冇份 我話上次有 佢話上次攪錯咗 跟住走咗 但店內唔多人 問佢攞抔清水 佢話比錢買嘅就有 跟住又走咗
我係太古城分店次次都有清水 Order 咗件Cake 呵咗一聲就走咗去抹枱！完全冇咗件事唔追都唔記得！係太古城分店從來冇試過！上次黎時啲員工都冇咁差！好興咁埋單算 其實食物及環境質素唔差 但員工質素就銅鑼灣呢間最參差！改善就會好啲！

第一印象係Menu設計好得意, 好新穎因為設計係一張報紙

到餐日係肚內bb剛好6個月, 我地專為bb慶祝食飯^~^

上網見到openrice有人介紹一個好hea既地方, 想黎見識見識

當日我6點半到已到餐廳, 可能係星期星期二啦, 人唔多, 仲可以比我揀坐sofa定小圓枱, 一心諗住食飯都係坐小圓枱^^肚內小bb會舒服d

係等老公黎既時候order左一杯花茶, 係女侍應介紹的, 未飲已聞到花香, 飲落清清地, 幾好, 杯邊仲會放上一片有nuts既餅, good~~~

老公到左之後, 我地就order多一杯咖啡, 之後就要左個好出名的西西里特色紙包焗海鮮同埋Parma Ham pizza
焗海鮮一打開, 勁香, 有一件大魚肉同埋帶子蝦蜆青口, 食落有少少酒香, 份量雖少, 但味真係好食
Parma Ham pizza又係值得一讚的, 薄底脆口parma ham好味唔漏
最後我地仲叫左一個甜品, 唔記得叫咩名啦, 係一d雜果同脆脆仲有d cream tim, 細細份, 但我地2個都覺得好好食, 唔太甜, 好清新

total: $444.4

都知佢開左無耐, 希望之後會有更多的款式比我地去揀^^

因為朋友仔過海上堂找我食lunch，去左GOD入面間新開Caffe Habitu lunch，貼牆一行locker櫃同大長檯。好係一個忙裡偷閒格局。唔記得影Menu，設計好似報紙一樣好得意，可能為配合GOD嘅taste，另外waitress會用本書代替cash folder夾住張單比你收錢。幾好諗頭。
今日叫左:

soup of the day-忌廉菠菜湯
白汁忌廉煙肉意粉
Parma Ham pizza
朱古力蛋糕
另外叫左杯Latte

整體食物只算ok，杯Latte幾香好飲。以食物而論算貴，不過如果可以坐梳化位hea足一個下午就值回票價。

前日同朋友補祝生日, 響openrice見到依家餐廳嘅食評唔錯, 決定去試一試.

我哋三個人去到, 未睇menu先俾佢哋嘅裝修吸引到, 牆邊嘅locker decoration原來真係可以俾客人用, 中間兩張長枱嘅擺法好似成為依家餐廳嘅流行文化.

食物方面, 我哋研究咗張menu好耐, 因為成佢係成張newsletter咁, 好特別. 最後我哋叫咗四樣嘢.

1) 龍蝦湯, 蕃茄湯 (個人比較喜歡蕃茄湯, 好開胃)
2) 西冷牛扒 (賣相唔錯, 雖然價錢唔算平, 但都幾好食)
3) 煙三文魚pizza (我哋鍾意食三文魚)
4) Tiramisu (心水選擇, 正)

埋單時發現佢哋會用story book代替cash folder收錢, 幾特別嘅諗頭. 朋友仲話俾佢哋waitress嘅衫吸引到, 攪到佢都好想要一套.
一餐好開心好舒服嘅生日飯, 下次有機會再嚟捧場一下.

跟禮頓Caffe Habitu道別後, 很高興再在G.O.D.內重遇, 今次新餐廳有新感覺, 室外的光線帶入室內, 加上簡潔舒適怖置, 長檯, coffee bar, locker都是這裡的特色, 總之就是要營造一個忙裡偷閒的格局.

是日到位於G.O.D.內的新店, 甫到步才得知是第一日營業. 服務員照顧週到, 簡介了新的menu, 又建議我試一試Sea Bass Linguine, sea bass新鮮, linguine軟硬適中, 份量剛剛好. 我再點了一個Strawberry Ice Lemon Tea (Habitu 最優秀的是咖啡, 好應該喝一杯, 可惜本人不能喝咖啡, 於是點了這個飲品, 也不錯啊!)

因為是新開業的關係, 我更被獲贈一個限量版月餅呢!

專程去咗GOD新開嗰間Habitu食晏，可能因為時間尚早，人唔多，感覺唔錯，幾hea吓，試咗cabonara同parma ham pizza，the taste is good，啲waiter幾細心有禮，反而啲waitress就無乜笑容，禮貌一般，到食晏時間人多了就較為嘈了點，整體來說都可以接受。
見到佢哋有早餐供應，幾吸引，下次再試吧。

知道 Mitch Albom 有新書所以放工後即往 Page One走一轉，買完書是時候吃飯了。

原本想去剛於利舞臺開新店的Dxxxx拉麵，不過還是先來 Habitu the table。

我一向喜歡 Habitu 的風格，無論是室內的設計，擺設及食物的選擇都很合我心意而且置身其中有種好像離開了香港的感覺。由最初它在利園 (還在嗎 ? )及海港城開店就已經前往 (老闆請客，呵呵)，到近期的 Caffe Habitu 開到成行成市……其實我心裡面有少少害怕給其他香港人發現了這個 secret place~

前陣子來 OpenRice 無意發現之前GOD內的喜宴已經不在卻被 Habitu 進駐，所以有時間便來拜訪拜訪。

新店的路線走在 Habitu同Caffe Habitu之間，causal dinning (??) 內裡的裝修一貫的白色為主，印象中好像有兩張大檯，有點 SML的感覺，大檯背後有一排白色locker櫃，莫非想營造貴族學園canteen 風格??

Menu設計像報紙一樣，只有4頁紙，食物選擇不多，Starter, pasta, all day breakfast, dessert and drink.

是日點了 :
Still water (唉，早知要求tape water 啦)
Chicken Caesar Salad
Seafood Linguine

因為真的需要減肥 (或不要最肥下去吧)，所以點了我常吃的chicken caesar。
點海鮮意粉是因為被照片吸引….

菜來的次序卻先上了海鮮意粉，causal dining嘛，都不太緊要，可惜賣相跟照片有很大出入啊﹗整碟意粉的顏色看來淺淺 (雖然我知道 food shot也會有執相的時候)，意粉的份量不多，上面只有一隻帶黑色的蝦，數塊蜆肉及墨魚……售價HK$128不便宜呀~不過，意粉很可口，al dente，只嫌油了少少。

雞肉凱撒沙律，用木造的沙律碗剩著，份量也不好，細細碗。生菜新鮮，雞肉稱不上好嫩滑不過還可以。醬汁調我不錯，另附上三條脆口的麵包條。

兩個人只點了兩個主食，對我們大食一族來說是不足夠的，我本想留肚再吃它的拖肥布甸，可惜已售罄~~~好可憐啊~~~
Overall，Habitu the table的食物質素我認為是不需要懷疑的，不過價格偏貴，如果我在銅鑼灣想吃 habitu的東西，我大可去禮頓道那一間吧。所以我只會給它一個 ok 囉~

知道它推出了很多自家製的果醬及引入了其他地方的意大利食品，下一次再試。

I had a surprise birthday dinner here last night and I have to say this is a restaurant I strongly recommend for gathering! Their service is outstanding and foods are all yummy! Five of us ordered one parma ham pizza, an all day breakfast set, clam pasta, seafood platter, lamb shank and a lobster bisque. After main dishes, we had french press coffee, latte, chocolate drink and they all taste really good!

Denfinitely a restaurant that I will go often!!

身為上水人,好少會到銅鑼灣食野
行過GOD 見到有新店開張叫 the table~見佢張menu唔太貴 裝修又幾正~好relax咁 於是入去試試
坐係咁正既環境 個人都highclass左呀 成個有錢鬼佬咁~

叫左好多野~~人多ma 梗係試多d唔同野啦
一來試左個新野 好似叫mini-cupping~~係一set 咖啡豆俾我地自己沖的 有成4隻唔同咖啡豆!!個侍應話呢d唔係普通豆 係要係唔同國家入口的aa豆~~雖然我唔識飲咖啡 但咁樣飲法真係第1次~~好玩

之後到野食喇~~龍蝦湯賣相好搞鬼~~我個fd仲問: 隻龍蝦假架?
味道呀.....我本身食得淡..個湯龍蝦味太多~~ 個感覺太濃 如果淡番少少就正喇
跟住叫左pizza,pasta, 羊"失"~~不過太肚餓 有d無影到就食左~哈

個pizza係傳統意大利既薄底pizza 之前食過有d餐廳整到好鬼硬 但呢到既pizza底又幾好wo
口感適中~d芝士都幾正

跟住仲叫左個用白酒焗既魚~~正到暈呀 勁得 以前睇外國d飲食節目成日整呢d焗魚
今次終於可以試到 真係好好味 一打開個鍚紙 陣味真係飛出來架 呢個菜必食~

食左一大輪 最尾梗係要叫埋甜品啦~
一於試個甜品盤~~靚到唔捨得食~~~邊邊d擺設竟然係用咖啡豆同花~太豪華喇~
個人特別鐘意張相左下角果款 好香既士多卑利 正呀~~~其他味道都唔錯~

間野全名叫 Cafe HABITU- The Table
難得搵到間新開得來又有水準
有機會一定再來~~~

尋日行過G.O.D.，見到開左間新cafe，見到入面環境唔錯，一於入去試下

入到去就見到有兩張長枱，間格簡單得黎俾人好舒服既感覺。係度緊係要試下呢度d咖啡先啦，所以就點左個coffee cupping。我地仲可以自己試下沖咖啡添，試哂4種唔同地方既咖啡，侍應仲會同我地交流下d咖啡心得，原來佢地會每3個月轉換唔同既咖啡豆

之後就點左d野食，個龍蝦湯非常入味，完全將d龍蝦味溶入D湯入面，而且仲好香添! 我地仲叫左兩個拼盤黎試下，D火腿入口即溶，拎黎配麵包幾好，真係唔錯!!! 之後到最好食既Spaghetti Carbonara，d汁煮到岩岩好，淡淡地唔會太濃，意粉本身亦好有口感，岩哂我地而白酒海鮮都唔錯，一打開就非常香，魚肉唔會太熟，仍然有鮮味，抵讚!! 最後仲未夠喉，再點多份甜品食下先走。

呢度既環境真係好舒服，岩哂放工黎relax下，同埋d咖啡都十分講究，鍾意咖啡既人一定要黎試下。我地下次都要再去試多d唔同既食至得