在葵涌廣場地下尋尋覓覓,原來我想找的目標就在常出現的中銀對面,日後月巴人去銀行前可先買杯飲品去消磨時間。

首選夏日水果茶,今次點了原甜版本真的很像台灣飲過的水果茶味道,只是以塑膠外帶杯和精美茶具之別!今次的水果除了有橙/ 青檸(甘桔?!)/ 菠蘿外還有一片西柚,水果味道更加豐富,沒減甜的百香果汁更為酸甜,心理上覺得更有層次更加好味, 讚讚讚!

傍晚放工時候沒午飯時間多人, 幾位店員不斷以國語"歡迎光臨"招徠客人, 我也開玩笑的以國語回答,誰料幾位年青人也跟我轉channel來交談, 以國語來點台式飲品更有風味! 想不到高大男店員竟會猜到我曾在openrice留言 ,還直接說是寫給旺角店的,就是因為我點了水果茶,難道很少人點這款飲品嗎?? 單單這杯水果茶,在一個月蓋滿十個印仔,應該沒有難度的。

茉香奶綠+珍珠; 同是以台灣綠茶泡製的奶綠,茶香不太明顯, 奶味比例較重但不算過份, 只是茉香真的完全沒有,不對主題耶! 珍珠非常有嚼頭但不是QQ那種有韌勁,而是略帶硬身那種有嚼頭,煮珍珠方面可以有改進必要;正常甜度也不會太甜,甜度是OK的,第二次已被店員認出來,躲也躲不了!

頂級莊園可可, 看到店員以可可粉沖泡, 可可(朱古力)味道頗濃, 沒加牛奶所以不會太滑溜, 甜度不高, 可可味充斥口腔!! 由於用上不少可可粉泡製,飲用時一定要攪勻,以免味道不均。

阿里山金萱茶同是烏龍茶一種, 選了半糖更貼合飲茶口味,烏龍茶味道淡薄,一般客人較易接受,顏色金黃通透的頗漂亮, 只是沒有回甘,對喜歡濃味的我就不太對味了。

某天胃口不開,點了看到名字也會分泌唾液的鮮榨檸檬綠茶,檸檬茶少甜夠酸,以新鮮檸檬榨汁而成,很有檸檬清香,本來滯滯的胃胃飲完後也舒適得多,消滯一流。

抹茶拿鐵特意分開2次飲, 上層抹茶味道濃郁帶微苦,足料; 底層鮮奶部份加上糖水,香甜又滑溜; 混和後味道更好,飲進口裡仍感到綠茶味道及點點綠茶粉在內, 價格稍貴但真的美味, 好飲! 以外觀而言,除了水果茶外,這款綠白分明的飲品其實也很好看的,稍為混合更出現漸變綠色,蠻好看的呀。

仙草凍鮮奶茶, 見到不少葵芳OL都點過, 雪白鮮奶混了仙草後,飲來竟帶點紅豆味?! 大大磚仙草凍滑滑如涼粉,啜一聲滑進口腔, 比珍珠多了幼滑也不用咀嚼得那麼倦,不錯的味道及配搭! 另一款推介。

宇治金時抹奶= 綠茶粉+奶粉+紅豆。看著店員下了3-4匙奶粉難怪那麼香滑了 =) 抹茶味仍感到但被更多的奶粉味中和了不少,罐頭紅豆蓉味甜美, 紅豆增加飲品不少甜味和咀嚼感, 以味道來說是可以的,但又不是我的首選。

店長推介蜂蜜檸檬+珍珠, 以蜂蜜加鮮榨檸檬汁的飲品較一般飲品酸, 清香檸檬味在炎夏裡應該更為合適,今天吃得有點滯,用來消滯也很不錯,但多飲恐怕會有胃酸過多,也證明珍珠配這些酸味重的飲料是不配的。

安溪鐵觀音+珍珠, 鐵觀音茶味比以往飲過的烏龍茶來得濃味, 顏色深邃得像普洱,微甜之下更像飲茶葉茶, 喜歡濃味純喫茶的客人應喜歡這茶味。

自從第一次跟店員開玩笑用國語溝通後,這是另一間認得月巴人的台式茶店,收銀那位美少女跟泡茶的哥哥每次都一起閒聊一下,服務分當然不會低了。

其實試了不少日出茶太的飲品,
終於搵到了兩款我是較喜歡的 ~~

仲記得我第一次買的是兩杯珍珠奶茶, 叫了少甜,但仲係過甜,所以之後都冇再飲

鐵觀音 : 叫了全走甜, 終於都合我口味了 !!全走甜竟然是真正鐵觀音的味道, 可想而知,如果沒走甜的味道會是如何

櫻花綠茶 :沒什麼特別, 只是比道地綠茶冇咁甜,

而最近我終於試了不是茶的飲品, 「榛子朱古力」
估唔到又幾好飲, 朱古力味幾香 !!!!加埋榛子一流呀 ~~
不過記得要走甜,如果唔係甜得滯又扣分了~

返左成日工勁累,放工去搭車俾我見到有間新開左係葵涌廣場的日出茶太,我梗係去買杯野飲啦,我問左店員有咩好介紹,佢就介紹左杯"仙草凍鮮奶茶"俾我,大大杯,好靚呀杯野,我之前都同到人地拎住杯咁既野,就已經好想試,原來係"仙草凍鮮奶茶"黎,一飲,估唔到會有個驚喜,D仙草好滑好好味,原來同奶係咁夾既,我個同事就買左杯好特別既野,好似叫做""抹茶拿鐵"""好特別可以分到2層,最慘冇影底俾大家分享,個店員仲好詳細咁教我地有3種飲法咁飲,好有善~~味道都好夾,我下次都要試下里杯先~

應該加埋topice..串成6個字...
10時左右..門口牌面寫店長推介其中之一係仙草鮮奶凍成18$杯,,前面no.位先生都係叫呢杯,,
我一於試下,,,結果乃野...成杯4/5係比d黑色涼粉佔住哂..變左嚼個d野多過飲野,,仲有第1啖諗住試真d但都係驚喜,,再飲落覺得似曾相識...
發現杯野公式應該係:淡奶+涼粉=呢杯成18$既垃圾...

知道這兒開了間新的台式飲品,放工後一於來試飲一下
要了最基本的茶太奶茶,真出奇這兒的飲品可以是沒有珍珠的
想要珍珠的話要加三元,本人又不是很好珍珠所以決定不要珍珠,要淨奶茶!
等了一會奶茶就好了,細細的喝一口已經覺得不太對路了
首先沒茶味,再來就是非常的甜,感覺像喝有奶味的糖水,一點都不像喝奶茶
最終喝剩一半放棄了,以這樣的價錢來買奶茶真的一點都不值
不知道是我選擇錯了還是當天水準不穩,我完全感受不到他們的出品有多好
要再來的機會恐怕不會有了

星期日去左葵涌廣場行街
見到日出茶太o係哩度新開左間分店
仲係星期日當日正式開張..好多人圍住
周圍有人派傳單, 做緊優惠買第2杯半價
老板娘好後生架..仲好好人咁介紹我試左杯檸檬蜂蜜蘆薈...
酸酸味味咁好醒神!d蘆薈仲好大粒..好好飲!
同行朋友試左一杯招牌烤茶加珍珠
茶味真係好香!!我試左一啖都覺得好正!
d珍珠好煙un..好有嚼口

去到商場，見到日出茶太開張　仲有優惠第二杯半價添，
立刻同friend去試試。
近期太多同類既店鋪如雨後春荀般出現，但係品質就參差不齊，飲過唔同店鋪既出品，都覺得日出茶太既出品係有一定保証。
當日飲過宇治金時，朋友仔就叫咗qq奶茶，都好大杯
味道都好好，宇治金時好有日本風味（有d掛住京都既宇治金時添）　14-16元一杯算係好扺飲。