熱情態度！但坐底後，叫咩都被一個四眼說話不清晰的女待應推介海產！仲要唔貴唔推，諗住兩個人樣樣都試下！點知叫扇背，佢就話新鮮大扇背，不過我堅持要中扇背！
1！！好啦！到左一睇就知係冰鮮，仲要48一隻，唉！
2！！茶水無一杯，問佢就話，水8蚊一支！唉唉！
3！！牛利！用水煮完先燒一燒，對唔住，無味！
4，價錢太貴！個人睇法！
本來叫左個飯都取消！點解？試左呢兩樣，够啦！結尾$284!!!
期待變失望！去大抗再食燒野！
唔會有下次！我話既！

幾個月前試過都幾好味
今次同朋友吹水 順便試下佢個鐵板燒

我地叫左生蠔，鵝干多士，煎羊奶，燒龍蝦，帶子，龍龍炒飯

因為屋企人無意中在網頁上見到以$38一隻龍蝦為招牌貨，所以好奇去試。店員見我們一行五人，便推介了$108一隻龍蝦，因為比$38的厚肉，最後我們order兩隻$38和一隻$108。當三隻龍蝦一齊上菜的時候，牠們外型大細無分別。我們再向店員查詢，她都說$108的比$38大了一點，肉身厚了一點，十分勉強。服務態度十分差，全部食物份量十分少，但價錢都不便宜。連普通開水一杯都欠奉。請各朋友小心。

既然來到龍蝦燒當然要食食燒龍蝦，我要了的是48元一隻的那種，蒜蓉味，龍蝦很有鮮味，而且分量不小，大家也吃很滋味。

之後點了一份燒羊架，味道不錯，肉質鬆化，沒有燒得過久，而且肥瘦比例平均。

燒扇貝，很大隻，肉質很鮮甜爽脆，配上蒜蓉很正。

燒茄子味道可以，但不夠濃味，燒茄子若配上合適的配料燒是相當好吃的，這兒的燒茄子味精有點單調。

燒玉米，不錯，燒得很香甜。

燒菠蘿，這個真的好吃，燒完後的菠蘿一點酸味也沒有，而且很多汁。

辛苦了一星期,終於等到周末,就同我既為食寶貝去覓食啦,經過我冇點諗過既情況下,女朋友就提議食佢最喜歡既串燒啦,正當係門口猶豫緊佷其他野個陣,一個熱誠女店員已經拿住一份菜單過黎邀請我地光顧,令我感受到皇子公主出巡之氣派
我就第一次黎既,入到店內,地方唔算大,椅子都沒有得唉,我腳下仲有個食剩既蝦頭-,-,可能今日唔係好旺,女店員得閒到再次駛出熱情,耐心介紹有咩好食,抵食,辛苦晒,我地點左一隻$48 龍蝦啦,扇貝啦.花甲啦,豬頸肉啦,雞翼啦,有個叫咩豆腐丸啦,燒蠔,聖子,牛油金菇,一杯蔗水,一杯水蜜桃飲品,仲有個燒香蕉,
唔駛等好耐,野食就慢慢上台啦,樣樣都新鮮熱辣,最開心就莫過於又有人餵,,,不過失望係自己叫個杯蔗水,從字面解,同水差不多,只係比水多左小小味道.好淡-,- ,,, 龍蝦SIZE都唔算細,不過食落肉又真係唔多,味道亦見普通,去唔到驚為天人既境界,蠔就都係啦,一定唔難食,不過又講唔出點好味, 驚喜既係呢個花甲,份量夠,隻隻都有肉係入邊,味精不錯,聖子都好大條,仲有個扇貝好大隻,好多肉,其他個D豆腐丸,豬頸肉啦,雞翼啦同牛油金菇,都係水準以內之作啦,細心無聊既我,留意到其中一個男店員成日好兇問人,'呢張台走左未架' 皆因冇人執台,-,- 呢D雖然唔影響我既食物,不過就唔係太好啦遇著我呢挑剔之人,,埋單$570, 宵夜黎講就唔平,如果環境再舒服D,仲有如果個電視機可以大聲D,我同女朋友就可以聽到仁心解碼個肥人係男人定女人黎-,-

今日同女朋友食飯, 諗住試新野, 就去左<龍蝦燒>食,

佢以$38 o既龍蝦作招來, 都幾吸引, 諗住同女朋友一人一隻吃番餐海鮮餐,

我地等左一陣位, 入坐後想叫2隻 $38 o既龍蝦, 點知佢地話賣晒, 而且只可以叫一隻,

咁就唯有叫$68 龍蝦一隻, 同其他野食

其實我叫完野食都唔記得自己叫左D 咩, 女朋友話今餐我話事所以都冇問我叫左D咩

等左好耐, 黎左蒜容包, 牛油金菇, 牛舌等等, 份量好少, 味道十分之普通, 又偏貴, 實在唔值呢個價錢

佢黎左幾樣野之後黎左碟雞翼, 女朋友就食左, 我都冇為意都有食

龍蝦都好細隻又無肉, 只係食到蒜茸, 食唔到龍蝦味.

點知隔左好耐之後有個 waiter 黎同我地講: "通知番你地, 你地食左隔離o既枱2份雞翼喎!仲要食晒2份!"

o下? 咩叫食左隔離o既? 佢地自己出錯上錯左食物, 但就用一副我地有錯o既口吻同我地講, 仲要態度唔好! 而且我唔知1份有幾多隻, 我點知我地食左2份?

埋單時check單, 發現佢冇同我地講話會收番我地錢, 但就已經加左2份雞翼o既錢,

而且佢地出錯令我地要俾多左錢, 一句唔好意思都冇!

我唔介意俾雞翼o既錢, 但係佢地o既做法同態度令我同我女朋友都不愉快!

星期六同老公睇完戲就去呢到宵夜, 呢到真係越夜越多人,不過好彩佢哋有好多個鋪所以都唔使等好耐.
一坐低即刻叫嘢食, 我哋叫咗鵝肝,鮑魚,虎蝦,雞翼,牛肉同腎,除咗串燒仲會有其他小食,例如三文魚剌身,泰式鳳爪.

首先試店員推介鵝肝,鵝肝份量唔少配脆法包,好味!!跟住就係招牌虎蝦, 確實幾大隻仲係游緊水唔係死蝦,肉質彈牙有蝦味.再一人一隻鮑魚, 都係好新鮮.其實配菜不過不失,總括都幾好,價錢唔係平,可以接受啦.下次可以同多啲人嚟就可以試多幾款.

黎到一心食海鮮
諗得到既都叫左黎試兩個人食到放滿４人枱！！
佢好多海鮮都有既
食左好多唔同種類，佢隻隻都會有唔同調味比你簡
但其實黎黎去去都係芝士／ＸＯ醬／蒜茸
食得多時個口都分唔到咩味喇

我覺得有Ｄ仲燒得唔夠香口要自己加枱上面既味椒鹽
海鮮質素係正常啦冇話覺得唔新鮮
但燒完出黎唔係話好好食
可能我地叫得多佢又黎得快
食唔切好快凍哂就唔好食喇

最得我心都係個燒菠蘿
好多汁好多汁好甜
但同時間有海鮮既咸味＝＝
整體黎講冇想像中咁回味

今日同朋友行街, 朋友話佐敦好多野食, 所以我地就行左去佐敦

去到文英街, 就有個阿嬸截住我地派傳單, 話新鮮龍蝦$38 隻, 叫我地試下, 仲好熱情講左好多次"$38 咋!!"

我地見$38 D都幾抵, 而且我同朋友都仲係學生, 唔想食咁貴, 就決定入去食.

等左一陣位, 有個waiter就帶左我地去對面馬路街第二間舗,

坐低左叫野食, 到我地落單個waiter 先同我地講: " $38既龍蝦冇晒啦喎, 得番$68, $99, $169, $399 ..., 2 個人只可叫1隻咋喎! "

本身俾人用$38 隻龍蝦騙左入黎已經感覺唔好, 個waiter 態度仲要唔好, 真係有D嬲!

本來冇得食龍蝦, 我地諗住叫其他海鮮, 點知聖子又冇, 象抆蚌又冇...

好啦, 唯有叫個$68龍蝦, 試下佢個招牌菜.

等左好耐好耐好耐, 終於都有野食, 但係牛舌太硬 , 燒牛肉卷份量好少..

到主角龍蝦, 好細隻!! ( 而家睇番其他人post 既相發現同$38既size 一樣 )

無乜肉, 我地2 個人, 2 啖都食完喇!! D肉其實有D梅, 唔似新鮮龍蝦, 但係佢用好多蒜茸蓋住, 食唔到龍蝦味...

最後仲要漏單, 我地追番碟雞柳, 可能隔離枱見我地追單, 佢地又追番扇貝, 之後聽到陸陸續續好多枱都追單!

又等左好耐好耐, 食埋偏咸的雞柳, 就走!! 唔會再黎食!!

PS, 因為冇寫開食評, D 食物又唔特別, 冇影相, 但係食完真係要上黎分享不愉快經歷!!!

上月中,大學學兄從澳州回港, 所以特意約了其它老同學出來晚餐, 大家已數年沒見, 那天我們相約尖沙咀,人齊後大家議論用餐地方, 其間有人提意到渡船角,澳洲回來的學兄聽了非常驚訝, 指碼頭一帶沒什麼好吃的, 難怪那麼驚訝他五六年沒回來, 那邊改變了很多, 我們就此決定登上的士出發.

到達後我們逛了數圈, 那里大多是火鍋店及串燒店, 最後決定食串燒,原來同一街內也有兩間串燒店, 一間是以麻辣為主另一是燒龍蝦海鮮為主題, 大家覺得海鮮較為吸引, 接待員小姐問我們喜歡坐那邊, 原來他們有幾間店鋪, 其中一間提供新鮮生蠔及鐵板燒, 我們就到那處, 店內感覺蠻舒服, 侍應生講解了各種生蠔我們亦點了兩打半(30隻), 有韓國,非洲及法國,味道很鮮甜有小許海水味, 價錢由三十多至五十元, 那天剛好是周三生蠔有八折優惠,其實我對生蠔有點抗拒因之前吃的大部份頗腥但這裡的很好吃很新鮮; 我們點了$398鐵板大龍蝦,學兄不大興趣始終龍蝦澳洲較多,師傅制作中龍蝦仍在動頗新鮮, 很爽口很鮮甜, 但蝦頭煮湯需另收費用覺得不太合理, 不過大家老友聚首那小小費用就沒有計較.

牛肉是大家最喜愛的所以點了三份鐵板西冷牛肉, 大約四成熟, 肉汁豐富又軟, 口感不錯, 鵝肝多士很好吃, 外脆內軟, 還點了炒菜, 龍蝦炒飯及鐵板帶子, 聖子等......, 酒當然是不能缺的, 學兄想喝日本清酒那我們肯定奉陪, 沒想到六個人竟喝了三支大支裝男山, 利害!! 最後結帳共三千元(每人五百元), 價錢一般, 味道很不錯但可惜我們人數較多未能坐在鐵板前欣賞制作過程.

本次晚餐意義甚多因為大家很久沒聚首一堂開懷順暢飲談天說地, 這樣要回想二十年前大家還在英國諗書, 那時大家仍是小伙子現今已有家室, 酒菜加上友誼感覺,大家決定很快會再回來!!