見佢個門面裝修得咁靚, 門口又擺哂d烏冬, 又介紹佢所用o既烏冬製造歷史, 一心諗住佢d 烏冬會好好食.... 不過同我之前去過中上環一間爐端燒食o既烏冬, 可以話係天同地比.

明太子蛋卷: e 個係唔錯, 新鮮做o既蛋卷, 加上辣辣明太子碎, 係一個唔錯o既組合.

烏冬三重奏: 烏冬太硬喇, 又唔夠彈牙, 係就係好滑, 不過似乎係得個滑字, 三個汁入面, 個山芋汁比較好; 合鴨汁無乜鴨味, 只係得麻醬味; 溫泉蛋都係不外如是... 而且份量偏少, 一個人要食兩份先夠.

冷稻庭. 地雞汁: 個汁超咸, 汁o既濃度唔夠, 同個冷烏冬一齊食, 會變咗唔凍唔熱. 所謂o既地雞同o係日本食o既都唔一樣o既!!! 可能佢個汁咸到蓋過哂d 雞味.

牛腸串燒: e 個係最差差差o既一個, 又無味, 燒得太乾, 唔夠熱, 同食橡筋無乜分別.

曾經很迷圓方，希望攻佔場內每一間餐廳!! 後來隨著尖咀區越來越多的新場開張，這份熱情慢慢冷卻，但間中仍會來這裡行街+睇戲，而月頭剛好為友人預祝生日，終於完成目標了!
　
稻庭原來也是一間大熱店，前2天想訂七點的座也沒檯了，還好大家不介意6:30pm早點開始晚餐。步進店內，一派和風的格局優雅又有隱密感，不過為了營造舒適食熱鍋環境，店內超冷約只廿度! 趕快點菜增加熱量，打開餐單選擇集中於各款稻庭烏冬及鍋物，是晚三位女士專攻前者，共品嚐了：
　
日式煎蛋卷($42)-一客四件蛋卷，可選明太子或鰻魚，我們要了前者；柔嫩多汁帶天然蛋香的蛋塊，夾著香脆明太子，富有甜咸口味+軟脆口感對比，加上溫熱感相當之正! 比起早幾天吃的Monster sushi出品的蛋卷真的好太多了!
　
陶板北海道香腸($98)-另一款份量不小，同集團的魚一丁也有供應的小食，不同之處是食物上檯後，店員會代為食客細心剪開香腸，其緩慢又有耐性的態度，可是非常的有日本風情! 香腸剪好後，趁熱挾起嚐嚐：咬感香脆又彈牙，肉味香濃，果然不錯；特配的芥末子醬也值得欣賞，清新感剛好可中和肉腸的膩滯!
　
然後來到主角稻庭烏冬，這裡總共有冷稻庭烏冬、熱湯稻庭烏冬、熱醬汁配冷烏冬，以及撈烏冬等四個不同系列的選擇。是晚人數有限，只能選試其中兩款：
　
冷稻庭三重奏($98)-屬冷稻庭系列，由彈牙有咬口的凍稻庭烏冬，配上三款不同風味醬汁食用。先試山芋醬汁無甚味道，又有類似蛋白的黏黏漿汁，一般；中間的合鴨醬汁就滋味濃郁又惹味，撈烏冬十分適合；最後溫泉玉子醬汁其實非常滑身又富蛋香，不過淨食比撈烏冬更為吸引!
　
安格斯牛肉熱稻庭($98)-屬熱湯稻庭烏冬系列，烏冬熱食時會較凍的軟身，彈牙的口感全失了，但也可保守到軟而不稔叭叭，其麵質又爽滑且帶淡淡米香，再吸收了牛肉湯的鮮味，個人也很欣賞。而湯中除了優質安格斯牛肉，還加進了火箭菜，估不到火箭菜滾湯的效果也幾清新討好呢!
　
場內主要是鍋物較貴(每人$150起)，淨吃烏冬+小食消費並不算高，是晚埋單不過$370，而全部食物均令人令人滿意，在圓方眾多選擇中，也是值得推介的一間。
　
然而重複多句，場內真的超凍勁凍，吃到最後連黑糖雪糕也失去興趣，埋單後還是早早離場再去行街! 下次真要帶多件褸，再來試更多不同烏冬/鍋物!

係雜誌睇到介紹覺得幾吸引，就同朋友一齊去試下啦~
入到去，坐二人位，都唔算好迫，最大問題係冷氣太勁，好凍，女仔記住帶返件褸~
野菌熱稻庭鳥冬: 第一啖飲個湯底，濃而不咸，好正~野菌好鮮甜，烏冬好彈牙，而好滑身，有一種細緻的感覺
冷稻庭鳥冬: 食得出鳥冬的質感，每條鳥冬的粗幼一致
鹽燒手羽先:鹽燒非常香口，雞肉都有肉汁唔乾身
芝士年糕:香軟的外皮，一口咬開，即滲出熱熱的流沙日本芝士，好味~

之前睇雜誌介紹過依間{稻庭烏冬}, 話係滑身幼身既烏冬, 帶有小麥味;
我對幼身既烏冬感到興趣, 就去Elements試一試

因為去個陣係雜誌岩岩介紹完個排,所以我頭兩次去都要差唔多等30分鐘先有位.
覺得佢地人手唔算太夠,佢地限死黑衫既staff係負責落單,傳菜還傳菜staff,
叫佢地針水又叫左兩三次先針到,又冇乜笑容,
全部都cool cool地,但又未去到態度差既.

我試過佢地既...
溫泉蛋沙律 - 普通野, 蛋味唔夠, 菜ok新鮮.
咖哩牛肉熱稻庭烏冬 - 試完熱再試凍稻庭烏冬先知原來佢地唔適合熱食!!
佢地熱食會冇左小麥味,雖然都滑身,但冇晒特別之處.
赤豚肉蕃茄豬骨熱湯稻庭 - 一樣,熱食唔得,唔係唔好食,但變左唔值咁既價.
冷稻庭三重奏 - 幾好食, 唔同汁有唔同既好味, 食到淡淡小麥味, 不錯不錯!!
肉澡溫泉玉子掛烏冬 - 好食!! 溫泉玉子配襯稻庭烏冬好夾!! 小麥味出到~~
北海道豆乳煱 - 好食, 不過愈食愈咸, 開頭好味d, 同埋鍾意佢地唔會加水會加湯;
雞煱 - 正正!! 好滑好滑既雞, 雖然貴但真係好好食, 重要入面配料既免治雞肉都好好食!!
芝士飯 - 我食個次唔係襯咖哩煱, 但都好好食, d飯粒吸晒湯既精華, 加埋芝士, 好得!!
記得叫staff幫您煮個飯,佢地識整會好食d,同埋食完都幾飽肚.
重有如果雞煱加稻庭烏冬都ok,因為冇咖哩或者蕃茄遮左d小麥味,不過都係主張凍食.

結論係...
佢地d雞好好食, 稻庭烏冬要凍食, 芝士飯做結尾好滿足!!
不過都係偏貴, 份量偏細, 一份{咖哩牛肉熱稻庭烏冬}係食完唔會飽,因為佢真係好幼.
唔可以日日黎, 但有時想食貴d食好野既話..咁佢地都算係一個不錯既選擇!

睇完戲，見有烏冬店像似好得，不防一試。

天婦羅冷烏冬 $108 - 蝦不夠大隻，粉漿較厚。冷面汁味OK。

冷稻庭三重奏 $98 - 正

咖哩牛肉熱稻庭烏冬 $108 - 牛肉唔得！咖哩湯還可以。

燒雞翼 $35 - 無味

枝豆 - 一般。


烏冬是一級貨，但加上其他配料後就較為遜色！

Had lunch on Saturday. Arrived at about 1:45p.m. No need to wait.

日式eel煎蛋卷 ($48): only very small pieces of eel in the middle. four pieces. taste soso. the egg roll came after 2-3 minutes after we ordered. wondered if it was freshly made.

赤豚肉蕃茄豬骨熱湯稻庭 $108: the pork is very fat and thin. tomato soup is quite good. the udon is very smooth. but not as chewy as the cold one.

地鷄南蠻汁冷稻庭 $85: the sauce is very salty. there were more mushroom than chicken. the texture and taste of the chicken (free range?) was quite good. the cold udon was the best thing there. However, i don't really understand why the cold udon should be put in such hot sauce. It became hot udon?

Overall, the udon is ok but too expensive. there is a little insect flying around our food. very annoying. my friend killed it as last. don't understand why it can fly in a restraunt in a shopping mall!

週五到圓方睇戲，順道到訪彼鄰的「稻庭烏冬」。

小食點了鹽燒雞翼、魷魚餅及大蝦天婦羅。鹽燒雞翼味道確是惹味，佐酒不俗。魷魚餅未算＋分香口，但內含大大粒的魷魚粒，以添彈牙口感，味道不錯。至於大蝦天婦羅，炸得不油膩，外層炸漿厚薄恰到好處，雖鮮蝦味不夠突出，但整體都令人滿意。

主食方面，選了安格斯牛肉煱及北海道豆乳煱，另添招牌稻庭烏冬。每個火煱都配雜菌野菜一大盤，用料賣相俱佳。安格斯牛肉切得薄薄，味道頗濃，但因肉質偏瘦，口感未算很軟腍。北海道豆乳煱的湯底外表潔白，未吃已覺吸引，相較牛肉煱的湯底，明顯更甜更滑。不過，當放了配料後，湯底原有的味道已不突出了。豆乳煱的主要配料有豚內、蜆、免冶雞肉及三文魚。蜆肉及三文魚無乜特別。豚肉味道鮮味＋足，good。將免冶雞肉弄成球狀灼熟，內含小粒雞軟骨，口感特別，值得一試。最後是招牌稻庭烏冬，出品已是七八成熟，稍稍放在火煱內烹煮已可食用。烏冬入口夠滑，咬落煙韌有彈性，質素同樣令人滿意。

[28/5/2010; Fri]

難得有人找我吃午飯,於是我也溜出去圓方吃飯去。
提議了幾間,最後他們選了這家。
有午餐供應,就算不選午餐的話,
選其他的烏冬什麼的,仍然是會飲品送的。
我最後選了蠔烏冬。
落單時小姐提醒了我那不是炸蠔,而是用湯煮的。我倒是沒所謂。
小姐的說明清楚,也很有禮貌!

先來是沙律,很好吃,我把整個都吃光光!
還有一個飯團,大概有些糙米玄米等等吧,很有咬感,
但我把紫菜放得久了,不好吃。
我的烏冬上來了,怎麼那麼的多?!
我還叫他們可以加其他小食,因為我吃過晚上的份量不多的嘛!
結果..只有努力的吃囉...。
蠔只有2-3隻,不算很驚喜,普通吧,其實配起烏冬可能有點不格格不入。
烏冬仍然是滑,但我想下次我會吃回冷的!

老細請食welcome dinner, 本來諗住食buffet, 點知尖咀區既buffet 間間都要waiting list...又話d 人冇錢既??

但老細提議呢間, 佢book 左位.....

準時去到, 老細未到, 叫左兩個小食, 一個係玉子曼魚卷, 好好食, d 曼魚仲有汁, 正到唔記得影相...

一行7人, 食左好多野....
玉子蛋夾曼魚(好好食)
溫泉蛋沙律(冇乜特別)
芝士年糕 (好好食, 外脆內軟, 不過唔食得多, 會好漏)
雞翼 (最冇特別呢個)
冷烏冬( 真係出名烏冬, 好好食,佢有好多款味道, 我地叫左幾個不同味, 麻醬好味道, 不過佢d portion 細d)
叫左3個熱既鍋, 豆乳, 牛肉沙煲沙煲, 同埋海鮮鍋,各有不同特色, 個湯底真係做到足, 唔會3個同一款湯底, 而但最唔好係一定要叫2人份量
仲有綠茶雪糕, 不過唔記得影相

食物好食, d service 真係好好, 所有鍋物會有專人服侍, 幫你煮....但係就好唔就腳.....

很久沒有在餐廳吃到好食材了.
雖然這餐廳就在樓下, 但開業那麼久, 我們才第一之幫趁.
原因是 1) 老公不想排隊 2) 不用排隊的時候老公都要返工.

這天是星期日12：30,　 出奇地沒有排隊的人龍. 老公二話不說就走了進去.

對仔女冬天夏天也好, 吃烏冬一定要吃冷的. 在家裡我做了熱的, 就一面吃一面扭計, 做冷的, 吃粥也要花1.5小時的女兒也可超快吃完. 所以他們指定點冷烏冬. 見冷稻庭烏冬沒餸吃, 給他們點天婦羅.....怎料二人都拒絕.

老公點了鰻魚山芋掛稻庭
我點了地鷄南蠻汁冷稻庭

不用說, 味道是正宗得很了.

要說的是食材. 像我這樣天天為了搜購安全和新鮮食材給仔女吃而東奔西走的師奶, 對於食物質素是有嚴格標準的.
我家從不買名牌衣履, 手袋. 但會買高價食材, 因為 仔女有健康的身體最重要.

如果你知道, 一條日產鰻魚在超市賣$128. 你便知道這裡的鰻魚山芋掛稻庭賣$108是很抵食了.
如果你知道100g地鷄腿肉在超市賣$40以上(很難才買到) 那麼地鷄南蠻汁冷稻庭賣$85是很抵吃的.
另外, 如果你知道一包乾的稻庭烏冬(2人份量)在超市賣$70元, 那麼冷稻庭只賣$68是抵吃的了.

**傳統上日式食物的份量總是較少......除了日本人和中國人都認為人應吃至八分飽才健康外. 吃到精湛的廚藝和優質食材, 人的生理和心理就會滿足了.

看完alice in the wonderland,都已經7點半了, 友人訂了8點, 以為早點去都沒所謂, 但雖然相差半個小時, 還是沒有位子給我們....只好四處逛...等她們打電給通知我們...

準時8點給抬我們, 看環境很舒服, 位子大部分都是"卡"位, 坐得非常舒服!!!
因為是第一次嘗試, 沒有主意吃什麼, 之前聽朋友說魷魚餅是必點首選~~

最終我們點了魷魚餅, 燒香腸, 豆乳鍋物....
上菜很快, 餐廳員工也很有禮貌跟耐性介紹我們

但食物素質/味道沒有給我們多大驚喜!!!
魷魚餅 - 一定要吃!!! 很大粒魷魚
燒香腸 - 沒什麼特別, 但分量很大
豆乳鍋物 - 味道很香濃, 但略咸, 越煲越咸!!! 分量同樣很足

以上已經遠超兩個人的份量.....吃到最後, 有點胃頂的感覺....
總括來說, 味道是一般, 但服務/環境非常不錯, 也是值得一try!

九月上旬•霜降

在好幾款日本麵中，最喜歡的是手打烏冬，再來就是蕎麥麵又或是稻庭烏冬，排最尾的，就是蛋製的拉麵了。久聞在這裡開了間稻庭烏冬店，就聯同另外兩位食友，一行四人來試一試。

這裡的地方不錯，四個人，可以試多幾味，就要了明太子、黑豚豬肉、天婦羅及親子窩，四款冷熱不同的烏冬來試一試。

先說烏冬，是日要了兩款冷烏冬，麵身爽滑值得一試，而明太子撈烏冬就顥得好吃一點。黑豚肉及親子窩配的也是飯，而味道也頗不錯的。豚肉是在座食友皆同意吃得過，親子窩是用上醬汁加上雞肉，是下飯良伴；還有最後的天婦羅定食，雖然是油膩了一點，不過作為稻庭烏冬店，已經算是不錯；

埋單每人百一，不便宜，但計及食物品質，也算物有所值。

想看烏冬的賣相及其他定食的相片，請參考下列網誌：

http://gourmetkc.blogspot.com/2009/10/blog-post_29.html

跟幾位食友閒聊了個多小時，才施施然的離開。想吃有水準的稻庭烏冬，這裡也以選擇。

行完西九海濱長廊,到最近的Element吃晚餐,知道"稻庭"有點貴,但很少到Element,試試也無妨~ 兼且我跟家夫最喜歡便是吃烏冬了~^^

"冷稻庭(豚肉南蛮汁)" $85 --- 稻庭好滑呢,又靚!是幼烏冬來!白雪雪滑嘟嘟跟它最合襯~

不知什麼是"南蛮汁",原來是較咸的熱湯,較多油; 豚肉很薄,脂肪跟瘦肉平均分配,湯中還有大根、冬菇和秀珍菇,湯面的菜很爽很好吃,生吃的,食材很豐富和新鮮~
口感好得意,稻庭是冷南蛮汁是熱,一冷一熱雙重口感~!! 烏冬夾起來原來是「長壽麵」,拉得長長又不會斷,可能以'過熱河'的方式吃,所以不會太咸,但如只喝湯,就咸了點啊~

安格斯牛肉熱稻庭 $98 --- 這個相對沒大特別,烏冬好吃,牛肉一般,湯像鹽味清湯,湯面同樣有些菜,一條條很幼細的,都好吃~

月見免治雞棒 $58 --- 雞棒內有點雞軟骨,爽爽地,份量都不少啊!大大支的!燒物很香,配上日本生蛋汁,點少少都幾滑~ 本來有點怕生蛋的腥味,但這個沒有!

總括:稻庭烏冬·鍋物日本餐廳 食材全都很新鮮,環境很舒服,有不少卡位,私癮度高,兼服務不錯,剛我鄰坐著日本大客,喝支大SAKE,常幫他們倒酒,而我們都常加茶,效率高~!!

大年初四，同友人到圓方逛街，順便一試響好耐前已經話要一齊試既稻庭烏冬．

睇<飲食男女>講過，稻庭烏冬響古時日本係貢品來的，而且其特色係幼身，同傳統烏冬既粗身唔同，究竟稻庭烏冬同普通烏冬有咩唔同呢，喺今日我就同友人一試呢間稻庭烏冬店．

喺去幫襯之前，我都上開飯睇過對於呢間餐廳既食評，有人話水準一流，又有人話烏冬普通過普通，咁當然，我就唔可以用咁大既期望去試呢間餐廳喇（希望愈大失望愈大）．

入正題喇，當日４點零鐘同友人響圓方行到無野好行，就去搵稻庭烏冬既位置（我一直只知響圓方，實際位置唔清楚）．咁早，人地梗係準備中未開市啦，咁我就睇下門口個餐牌，準備下晏d入到去點咩菜食喇，其實菜式唔太多，有熱烏冬，冷烏冬(＄98－＄1xx)，鍋物(價錢由$180至$4百零蚊咁上下)，同埋其他散嗌可以扔落鍋物烚熟既食物，仲有燒鳥，同埋頭盤．其實是次之行都係諗住想試下佢既招牌菜，稻庭烏冬架姐，所以對其他興趣不大．

６時半，回到餐廳等位，已經見到成棚人響門口等緊，但原來唔駛２０分鐘已經可以入座（我諗係好多拎左飛既人見咁多人唔等）

由於已經睇過餐牌一次，所以好快就可以作出決定，我同友人被安排坐響餐廳中間位置，一個用半個人咁高既木間開既座位，雖然唔係間房咁，但起碼坐低唔駛同格離同你眼望我眼咁食，叫有返d私穩．　友人就點左一客蟹肉稻庭烏，冬，而我就係炸蝦天婦羅稻庭烏冬$98，淨係食碗烏冬又唔飽，見到餐牌有款叫$108安格斯牛肉他他（叫得他他，我以為佢係西式整法，用刀剁爛牛肉拌蛋黃呀其他材料撈埋啦，但原來呢個他他，即係牛肉薄片刺身，比d鼓油咁既物體你點黎吃)，比個名呃左．

另外，點左客係自家製魷魚餅(無記錯$78)，真係足本製作，啖啖都係魷魚粒．
講咁耐，口都臭，稻庭烏冬終於黎喇，友人果碗就成碗蟹肉拆散撈落d烏冬到，
我果碗炸蝦天婦羅烏冬就分開上，試啖烏冬先，唔．．．食落去覺得稻庭烏冬同普通烏冬，即係唔會令我”嘩"一聲嗌出黎，只係粗幼既分別，湯底好清，無蓋晒d面粉香味，同埋無上次響尖沙咀香之香食既烏冬咁糊咁腍身．最有驚喜就係炸蝦天婦羅，足足有兩大隻炸蝦，咬落去啖啖肉之餘，脆漿又唔會過厚，又唔覺好油身喎，好快就極速幹掉兩大隻炸蝦．　另外點菜果陣待應話梳打飲品點一杯第二杯免費，即係買一送一啦，抵飲．

上菜速度好快，可能因為要番多幾轉枱做生意啦，所以如果大家玩開慢食細味食物既就唔太岩喇，但待應有禮，亦好醒目，見你杯茶唔滿會自動幫你斟滿，食晒又即刻幫你收晒d碟．環境唔算太嘈吵，可能因為開響圓方佢都係做中產生意，眼見好多食客都斯斯文文，講野唔會話好大聲．埋單$460，以圓方食晚飯黎講，價錢唔算太貴．不過你問我會唔會再試我會答你，我再返黎會試佢d鍋物．

我建議如果兩口子去圓方拍拖，唔想食生冷野，想食熱辣辣既野既人黎試佢d鍋物,見格離枱嗌到食枱都係，響度烚下烚下都幾過癮．

同友人睇戲，好鍾意去elements，因為elements 間戲院坐得好舒服，戲院對面開o左間稻庭烏冬，一直都想去試下，第1次大約4點幾到，友人話6點先開，所以去麥當當坐o左一陣，6點15分行返去點知已經full house (唔係化?!), 最後去o左野姜食。

到今次，友人比我早放工，所以佢去拎飛先，星期二 e個傳統市場學上話人流最少o既日子，竟然都要排1個鐘，你話香港邊有金融海嘯?!

2人一睇menu，因為唔係太想打邊爐 (已經打o左幾日喇~)，所以每人叫一碗烏冬，再叫其他小食~

温泉玉子沙律
第一碟上o黎就係温泉玉子沙律，用料新鮮，醬料+雞蛋令d汁好好味，但係份量太少，而家唔太突出... 唔值60幾蚊~

芝士年糕
wah~ d個真係一流，唔"留"，外脆內軟，好想食多一碟~

北海道蟹肉熱稻庭
叫o既時候一心以為係蟹棒或者蟹柳，勢估唔到係蟹肉碎!! 有一pat pat o既獻汁，shit! 仲要d獻汁凍，搞到成碗烏冬唔熱，稻庭烏冬好滑，但好幼，又唔彈牙，好似一碗"pua"o左o既(即煮過籠)壽桃牌奶油麵，奶油麵 - 係我留學時代食o既麵，已經有幾年冇食，係好有親切感，但係唔需要用成百蚊買 e d 親切感... 仲要我唔會煮過籠 + 熱騰騰ga wow!!

安格斯牛肉熱稻庭
友人碗麵，我見佢d牛肉簡直係肥牛，友人只係話麻麻....

除非傻o左... 如果唔係冇理由要我等成個鐘去食芝士年糕ma????

http://hk.myblog.yahoo.com/ultrabearhk/article?new=1&mid=36