凍冰冰, 幾條友衝入去, 我叫左碗花生芝麻糊加湯圓, 食兩啖, 我已經想放棄, 真係... 我自己走去百佳惠康買盒多多沖粉, 都怕且拍得住... 完全冇花生味, 完全冇芝麻味.. 同埋.. 甜到呢.. 真係落左好多糖 law 我想講...

唔係吹水, 我地一行七人, 有四五個食佐半碗 (不同湯水), 就放下湯羹

好唔好食, 你地自己話

下面有人話, 好有花生味... 唔係掛... 食過糖水未架...

前晚同左成班fan去左呢間店到食d小食同
糖水,叫左好多糖水同咖喱魚蛋.豬皮同蘿蔔,
d糖水係用湯電裝,份量起碼多過出面一倍,但
價錢差不多,而且味遁唔錯,一定要試雙皮奶,
味道不錯,口感有少少粗糙,但都ok,只係$15一
碗,其他咖喱魚蛋.豬皮同蘿蔔,都要試下,d咖喱
味好香好濃,但唔算辣,不錯,食勁多野一人都只
係$27,真係抵.

在金沙角吃完晚飯之後,少不免以甜品作結尾,稍移玉步,來到同樣是在冬菇亭內的"天湖".

簡簡單單,要一杯椰果涼粉冰.椰果是椰汁雪出來的果凍,味道帶有很濃的椰味,入口彈牙.加埋涼粉,同椰汁一同入口,坐在悶熱的冬菇亭之下,感覺透心涼.

喝罷之後已很飽,步出亭外,見到門外的牛雜檔口,只有眼巴巴,看著友人將牛雜放入口.一副享受的樣子,令人妒忌.

等人的時候~叫了一客花生芝麻糊

一見已覺得可愛~
圓中有圓
亦不捨得打亂呢個亂中有序的感覺~
一直慢慢地食~

每一啖都有花生芝麻味~
不論顏色定味道~
都係花生中有芝麻~芝麻中有花生的感覺
糊中有糊~你中有我~

oooooooo~
好一碗花生芝麻糊

略嫌夠香未夠味~
但唔會過甜~都算係咁啦~

本人喜歡腐竹糖水~有蛋花更好~不過唔鍾意有白果

所以叫了一個腐竹糖水

未到之前~友人已經話: 咁咪姐係豆漿?

我仲話~唔會掛..................
因為我食開嗰d~煲得好的~仲有一細細塊的腐竹~味道更加唔會話似豆漿

但當碗嘢嚟到...
友人係完全正確

腐竹糖水真係等於豆漿

因為我一塊腐竹都見唔到...
只係一碗奶白色的水........................

不過佢都仲係腐竹糖水味啦......

尋晚廿幾個人夜媽媽想食糖水, o係沙田都冇咩選擇, 就去咗沙角呢間甜品舖
糖水種類都算多, 不過全部都係好大眾o既甜品, 唔會有d好特別o既款
我地叫咗好多嘢, 凍熱o既芝麻糊, 花生糊, 腐竹蛋, 各款西米露等等, 各樣都不過不失啦
只係我覺得有d糖水唔值呢個價錢lor, 有d好普通o既糖水都廿幾蚊
最驚喜係個魷魚, 堅好食! 7蚊一串, 18一碟, 由於我地堂食, 佢都畀咗碟仔我地, 估唔到有咁多, 完全唔係一串個feel 個汁好香, d魷魚又靚, very good! 呢個最抵

另外呢度都好啱一大班人去, 因為一定會夠大!!

食過了晚飯，有幾位食友都意猶未盡，特意過來這裡來個甜品來為之前頗"熱氣"的晚飯滋潤一下。

位於屋邨冬菇亭內的小店，已開業快廿年了，賣的不是甚麼高深的甜品糖水，而是很大眾化的食品，為一眾在排檔食完了食物的客人，有一個"下火"的選擇。

<<麥米粥>>一如以往甚有咬勁的小麥粒，簡單又清甜~
<<南北杏雪耳燉雪梨>>清涼滋潤，不論是為了"降火"還是想滋潤一下亦都非常適合，特別是在炎夏天氣，一喝之下絕對是"透心涼"。
友人要的<<o窄喳>>加進了花奶，口感變得更滑而口感多層次，這裡的水準算是不過不失。

我們中國人食得健康，全因為在食物方面取得平衡，這也是為什麼我們都遠較外國人長壽的其中一個主要原因。所以，晚飯過後有時間又吃得下的話，來一碗味美的甜品及糖水，是為不二之選~

朋友帶我嚟食什果涼粉,認為食涼粉唔駛吓吓入元朗食b仔,更何況b仔既質素同最初已經有一啲分別!

一人份既什果涼粉,有木瓜,西瓜,蜜瓜,香蕉,芒果,椰果等等,涼粉ok滑,有涼粉味,條脷都透心涼!什果份量唔少,生果甜,椰果幾爽,配合涼粉食幾襯

食o左幾年，仍舊保持水準，加上價錢合理，係我必食之選！個人推介芝麻糊，不單芝麻味香濃，而且口感非常滑，水準絕對好過大良/滿記/石磨坊等。另外亦值得一提，花生糊亦是十分香滑！

叫左杯十七蚊的大木瓜奶
略為淡左d
好大杯...
但係侍應完全唔得
我地落落下單...
佢竟然嫌我地慢....
落左兩個野就走人....
老實說...
我地只係其中一個人落慢2秒左右.....
咁的態度....唔得law.....

上半場火鍋後, 過黎對面邨食埋碗甜品. 炖蛋好滑, 甜度適中.

可能食慣新派甜咯如滿、松等, 始終覺得選擇唔夠多同比較簡單.

其實味道不錯, 只不過是先入為主而已.

在西田購物日滿載而歸的一晚，我們卻在新城市菓一道帶著5成飽的離開再到這裡覓食，幸而這下半埸好好味，行咁遠都算是值得。我們多多的叫了一碟煎腸粉、一碟煎蘿白糕、encore 的二碟酸齊、再上一個木瓜燉雪耳和杏仁糊加湯丸兩份食。大讚煎腸粉，煎得香口又唔硬；蘿白糕也很有蘿白味，不會只得啖啖粉；酸齊最出色的地方是它還是微暖的，加上甜酸適中的酸汁，二碟還只是剛剛好。木瓜燉雪耳和杏仁糊加湯丸不算是突出，湯丸更是皮厚而稍甜，但今晚的下半場晚餐卻是驚喜萬分，好滿足又方便的在門口搭47x 返屋企。

推介，杏仁味香，雜果（非鑵頭！），新鮮度可接受，最好一啖杏仁豆腐一啖雜果，正！！

煎腸粉都幾好味，斎都ＯＫ

其他食物好少試，太多了，眼花

有時多人出食物慢Ｄ，無可口非

服務大排擋黎講冇咩，仲可爹兩句

尋日食飽飯冇野做, 同女友, 另一個friend去整碗糖水,傾吓計, 我地叫左個紅豆沙, 一個雪梨炖雪耳同埋一個薑汁湯圓
紅豆沙----超甜.....食左兩啖就食唔到喇, 而且碗野, 水還水, 沙還沙, 又好淺色, 好明顯係加左好多糖水落去.
雪梨炖雪耳-----雪耳仲好硬, 同埋唔係好乾淨
薑汁湯圓-----6粒有2粒已經爆左, 賣相好難睇, 味就ok啦, 我個friend話.
地方係大排擋, 環境就麻麻喇
總括黎講, 都係唔合格, 應該唔會再食。

今日衣著單薄,手腳凍到彊,食完明角,仲想飽d,就黎呢度試試...呢度係大排檔,見到隔離的大排檔多人到爆棚,食羊腩煲,打邊爐的多...而呢度就題得較為冷清,可能因為係夜晚食飯時間的關係...

本黎係想食熱的甜品,但唔知食咩好,就求其叫左個什果涼粉...份量同上次糖家差唔多...什果切得比糖家細粒,易d入口,有木瓜,西瓜,蜜瓜,香蕉,芒果同椰果...椰果係罐頭果種,什果都算新鮮...木瓜,西瓜,芒果都幾甜,但香蕉,蜜瓜唔夠甜,味道有d淡...糖家d什果好食d...涼粉則比糖家的多同好食...

但價錢就...比想像中貴,仲貴過糖家...大排檔之中,佢唔算平...食完之後,手腳仲凍...下次都係去返糖家好了,起碼坐得舒服d...可能因為自己少食甜品,所以覺得$20個甜品好似唔值...服務方面就麻麻,叫左呀姐2,3次,但仍不瞅不採...所以抵食程度糖家值3,天湖值2...