11
16
3
港鐵佐敦站 A 出口, 步行約4分鐘
繼續閱讀
營業時間
星期一至日
06:00 - 00:00
以上資料只供參考, 請與餐廳確認詳情
果日去尖沙咀，經過佐敦，決定食返個早餐見到茶餐廳，決定入去食返個A餐。羅宋湯螺絲粉羅宋湯酸酸辣辣很開胃，加上螺絲粉十分飽肚。腸粉最特別係可以配中式點心，腸粉非常滑。燒賣大大粒，口感彈牙。咖啡配上完美比例咖啡。
繼續閱讀
今日係佐敦做野，行岀大街食呢間最快食物豬手木桶飯餐牌冇呢個架，睇左好耐，呀姐就話：你哋食唔食豬手架？岩岩岀，得幾個賣晒就冇架啦。45蚊有豬手飯，係我腦海中，簡直係抵啦！不過真係估唔到咁大兜食唔晒咁濟！啲豬手燜到勁冧！又好入味！超多花生！撈飯一流！美中不足係佢啲毛髮好旺盛下咖哩魚柳飯個咖哩汁普普通通啦，個意粉好漲，唔好食魚柳啲肉好梅，下次可以唔叫咖哩同意粉例湯我覺得個湯好咸，但老公話好淡🤔紅青蘿蔔湯，啲蘿蔔都好冧。檸檬茶個茶底比較淡，個檸檬就好酸唔係好夠甜，不過諗諗吓唔好飲咁甜好。服務天氣太熱，一坐入去其實都諗唔到食乜，呀靚姐見我睇緊木桶飯個牌，就間我食唔食豬手飯？一樣價錢，一日唔係岀好多個，所以唔寫入餐牌。佢哋個個都好有禮貌，可能因為唔係太繁忙嘅關係，我哋坐咗好耐都冇趕我哋走🤣環境有廁所嘅，不過各位女士最好去咗附近商場或者公廁仲好。佢呢到去廁所都比較遠同暗。
繼續閱讀
以為佐敦大街唔會有伏，但早餐質素伏到我要寫第一篇食評。四眼肥仔侍應好有禮貌，醒目貼心。但佢嘅早餐係我食過咁多間餐廳之中最差一間。首先，凍檸茶D茶好酸，仲飲到好大陣水喉水味，我飲左少少就冇再飲。個公仔麵有陣紙皮味，食得出係好低質個啲麵，炒蛋唔似炒蛋，唔知佢點整出來。 雖然份早餐係比啲冰室平，但大佬你都唔好咁伏。侍應禮貌再好都挽回唔到。
繼續閱讀
大家去到餐廳，可以留意，有位四眼哥，留意下他對客態度。找錢時佢會叫你："伸隻手出嚟"；叫佢抹下張枱，佢回應："睇唔睇到我入緊單？" 唔靜止對我，對枱枱客都係咁，大家點睇？我一向耐耐有食呢間，但面對呢位新掌櫃，真係覺得無必要食餐飯要受氣，我就可一不可再了。。食茶記，正正常常，好難想像會有d伙記，會出現咁嘅態度，全佐敦得一間食店嗎？
繼續閱讀
係我食過最難食嘅茶記！係得茶記食我都吾會期望有乜好態度～吾講服務，講食物雞亦撈公，雞亦酸嘅，2隻食剩1隻，食吾落散叫 西多士，入面冇花生醬都算，外觀完全影響食慾，更何況係吾好食炸魚薯條，梨到無醬無茄汁，要問先有忙都情有可原，問題係吾忙，舊魚咸到我食左一啖已經放棄 …無下次，可能係我吾好彩 🙂
繼續閱讀