18號一行8人去了尖沙咀糖朝吃飯，原本想坐房的，不過因為冇位要等，結果坐了大廳。
上到去先知安排了兩張圓檯俾我地，點食野啊﹗﹗兩張八仙檯拍埋就算了，邊有人甘安排架，差到呀﹗仲要同個部長講佐幾次要轉檯都冇下文，激死﹗
是夜點了九個野食﹕
1.糖朝炒飯$75—不過不失，同普通酒樓冇麥分別。
2.中式煎牛柳$65—因為本人係唔食牛的，所以唔知麥滋味。
3.脆皮炸子雞(半隻)$82—呢個好好味，會再去食返。
4.xo醬茄子牛肉$65—麻麻，因為成檯人都唔吼。
5.沙拉排骨$60—呢個好好味。
6.地魚干燒伊麵$60—都唔錯，又唔會太多油。
7.宮爆合桃炒蝦球$96—好味，蝦球很爽，合桃同長豆都甜甜地，很清。
8.炸兩$26—很大件。
9.一桶豆腐花$88—驚喜之作，本menu度寫4人份量，但我地分佐八碗之後仲有3碗剩，好抵食，飽晒。
茶介$2一位，抵呀﹗埋單$69４，都ｏｋ啦。

最近忙公司presentation conference，都無上黎寫食評，終於完成工作。可以同2位靚女同事過來食野，我叫左雲吞麵、馬拉糕。雲吞麵麵底明顯行貨，係交貨貨素，但走鹼過度，引致彈性不足，而雲吞亦太散，蝦就不新鮮有點梅淋。

馬拉糕都可以夠鬆口，令人滿意。取了靚同事的咸水角，小巧但皮厚得令人難以置信...出名店令人期望太大

與朋友二人點了以下食物, 大概味道都很好, 會再光顧啊!

馬拉盞: 鬆軟好味

雲吞面: 冇咩鹼水味, 面夠爽口

素腐皮卷: 皮煎的很脆

合桃糊: 香滑

食完鹿嗚春食完之後, 要食個甜品黎個完美句號, 突然腦閉塞, 諗唔起尖咀邊度有甜品食. 想食松記, 但未免太遠, 結果就去左糖朝..
原先想叫木桶豆腐花, 在座又唔係個個想食, 唯有叫碗熱芝麻糊+豆花, 另朋友叫左個合桃露+豆花, 一黎到, 個芝麻應該係水唔係糊, 浠到呢, 又冇味! 我碗"糊"都已經咁浠喇, 更何況我朋友碗"露"...真係除左豆花ok D之外, 其他野都係食唔過!
如果鍾意薑味ge朋友, 一定鍾意佢地ge蕃薯糖水--好辣! 本人都ok好薑味, 但係呢碗蕃薯糖水真係好夠薑, 飲兩啖真係行氣活血慶烚烚!
10點幾行到去仲要等位, 一上去見D座位都係 6~7成滿....唔該唔好扮多人喇, 唔好厄遊客呀!

今日食完飯, 想食下糖水。
於是去左糖朝!!

我叫左個 百合珍珠豆腐花, 一上個時冰震住.D 煙仲飄下飄下超靚!
我都嚇一嚇!!豆腐花都咁大陣仗!!勁!!!
個賣相都贏曬!
之後食落都OK 喎!!!正呀@@@
D 豆腐花都幾滑, 甜度適中, 份量又OK 喎!!

所以值得一去!!!

差不多半年沒見過友們了,
友走著時選了糖朝,好呀,好久沒吃過了。
上了2樓坐下,時間還早的關係,沒太多人。
所以也沒出現沒人理的現象。
反倒是不斷介紹我們吃什麼囉。
叫了個士多啤梨骨,咕嚕蝦球,再叫了個炒飯。
那個骨太大件,也太像京都骨,我不太喜歡,
倒是其他的都不錯說。

吃完正餐就來甜品,我吃了芒果珍珠豆花,
芒果汁的確是他們的王牌!不錯!
而且也是presentation10分,拍照時的確夠氣氛!
價錢也說不上貴,要記住它可是在黃金地段囉!

第一次來這裡食糖水,知道一定好貴,於是就點了個珍珠豆腐花+榴槤西米露~

珍珠豆腐花: 一來到,原來係有乾冰係底,賣相真係幾好,但凍的豆腐花麻麻地....(60分)

榴槤西米露: 好香榴槤味,好濃郁,正!!!鍾意食榴槤的要試下(70分)

另外試埋朋友的桶豆腐花,比起剛剛的凍豆腐花正好多,因為剛剛的太硬了(70分)

總括來說,我覺得這裡還是吸引遊客多點....

假日在尖沙咀逛街拍照, 行到累便找地方坐坐, 順便來個下午茶. 決定選擇糖朝, 一黎女友想食甜品, 我自己就想食少少點心, 糖朝最fit, 兩樣都有~
點了兩款甜點一款點心~
甜的點了 雪糕西米凍豆腐花 和 香芒糯米卷, 點心選了我的至愛 蛋煎糯米雞~
雪糕西米凍豆腐花 - 賣相一流, 一出場就贏哂, 煙霧迷漫襯托出雪榚好像很冰凍似的, 但真正試味後又不見得好好味
香芒糯米卷 - 甜味適中, 咬口亦不俗, OK~
蛋煎糯米雞 - 無期待中的好吃~ 主要是蛋煎的不能說是糯米雞, 祇能算珍珠雞, 因為大大隻的糯米雞油份充足, 沾了蛋醬再煎, 那種香味極為吸引~~ 但細細隻的珍珠雞的油份不足, 效果差太遠了
歇歇腳的話, 這裡絕對比坐茶餐廳優勝, 起碼坐得舒適

真係唔入黎都唔知道原來有糖水食喎!
我呢個甜魔好少唔識喎~假假地個個禮拜6都會係TST流連嫁嘛!
今次又係等男朋友收工去睇葉問2,點知好多地方都full,咁就揀d少人睇d既戲院啦
哈哈~估唔到港威真係仲有位!等埋朋友收工,10點後只有12:10一場,
唔知去邊到hea,果時11點幾就近近地係附近行下...
發現左呢間店~真係好奇怪,點解我唔知既呢?
今日諗住打食評先知道原來OR係-123分...難怪從來都唔知道啦~

係門口望一望MENU,見到唔係中式就諗都冇諗入去嚐鮮啦
見到MENU第一版就介紹木桶豆腐花~
$88蚊,都幾大桶我諗要多幾個人先食到...
個部長話多數D人都係叫豆腐花
想必是招牌就點了

楊枝甘露豆腐花:X2chopstick:$22
之前上錯左楊枝甘露...之後再去叫部長改返係有豆腐花既,發現佢用返呢碗加返豆花比返我地,所以果碗豆腐花比其餘2碗甜一點~!
實在太特別了~其實本應我拍左短片,但原來OR只支援UTUBE...所以睇唔到個效果
上黎既時候,佢係用一個碗盛住,用左乾冰同水..搞到煙霧迷漫~諗住好正啦~冰火喎!
我試左男朋友呢碗,芒果唔甜,整體都唔夠甜,,,豆腐花唔滑又係杰杰地咁...同埋唔夠凍
榴槤豆腐花$22
見到有榴槤又忍唔住揀左佢..不過同明記一樣,通病可能係因為榴槤同豆腐花根本就唔夾?
榴槤雖得一嚿,但食得出係金枕頭~味道甘甜~可能係當造既關係啦~但豆腐花又係一d都唔甜冇落糖水而且杰杰地..唔滑食落去我覺得好怪,,,汁又少,唔juicy囉~感覺好似乾哽咁..而且都係唔夠凍,,


不過講真,食物質數令我留唔到印象..
但係環境價錢地方同服務我覺得可以再黎
下次或者我會叫佢地既榴槤酥皮卷..希望好過發記啦~
total計埋茶$都係27蚊一位~抵!剩係睇冰火都抵啦..食物唔係差,不過唔係好食囉~
不過我覺得整體付出咁少可以有咁過癮同hea既地方我會再黎囉~
同埋佢有點心..下次去tst要試下先~不過我諗佢地收1點左右..
睇佢menu先知原來呢間野日本有好多間店~hk只得一家咋~
裝潢都好唐朝感覺幾high..不過原來係咁平..
其實都幾多人食..點解or呢間野仲要差到得-123分呢???

今日同朋友2人去左糖朝食LUNCH
都幾多人要等位
一去到門口有個女仔黑色衫咨客姐姐
態度勁勁唔好
有位俾我地上,123就俾左個餐牌我地
問佢拎套餐紙又唔睬我地
係咁係度就我地上上面個層
上到去同個侍應姐姐講個咨客態度勁唔好
佢又搵左個唔知咩人,仲之就係佢上司
呢個男上司,竟然一句對唔住唔好意思都冇
個個侍應既態度仲好過佢
同佢講過帶位咁,佢一D誠意都冇
係咩有心包庇個咨客,亳無悔意
之後勁怒咁叫左個套餐
D野等左好耐,又唔係好食
下次唔會再黎

假日食完飯. 唔加個甜品係唔夠滿足gei~
咁岩經過糖朝就去試試la~
坐低睇menu 先知..原來得丁咁多係甜品..
好多都係點心ar..小菜ar..
朋友要了陽枝金露豆腐花 and 雜果西米露.
我要了個陽枝金露~
unfair..朋友要的都有用乾冰盛著~ 賣相好吸引的~!
偏偏我的就沒有乾冰盛著..連芒果也是超酸...
但係佢地話自己食d生果都好甜ga..
真係我咁unlucky..~

總結:
好處係 難得一間唔駛等位gei糖水鋪~ d糖水的確放左好多料~賣相特別~
壞處係 食個糖水要上一層樓梯.甜品不夠多選擇..又加茶錢.又加一.不化算~

糖水舖開到一街係…【糖朝】好耐好耐冇黎…廣東道哩間兩層舖依然爆晒棚…外藉遊客慕名黎o既亦多…除左黎食糖水之外…晚飯小菜/點心o既選擇亦多…

今晚我地就純為黎食飯後甜品…

香芒糯米卷 ($28)…鮮芒夠甜但主要講技巧係個椰絲糯米皮…一般, 吾算軟滑…

芒果珍珠西米露 ($22)…朋友叫的, 我試左一匙…我係芒痴, 芒味係夠, 但好甜!!!...相信好多糖…

蓮子杏仁露 ($22)…我偏愛熱食…所以點左哩個滋潤養顏的(呵呵!!)…蓮子足又夠粉…杳仁香…但又係…好甜好甜…

雪糕西米凍豆腐花 ($22)…朋友的份…我只看, 亦冇心試食…但我想像哩三樣野o既”合體”吾會太出色…質感味覺亂大龍!! (哩項吾入食評o既一部份, 嘻!)…註: 朋友都食吾晒, 亦冇讚播!!

四月一日 (星期四)

吃過拉麵,我仍覺得不太飽
於是嚷着老公仔再吃甜點才回家,於是便選了附近的糖朝

選了兩款,一是豆腐花,另一是鮮湯雲吞

鮮湯雲吞
雲吞包得很精緻,但餡料充足
加上鮮湯,是一大享受

豆腐花
之前都吃過,頗滑的
但質地就較硬,有點像布甸的感覺

終於飽了,我們終於可以捧腹而回!

因女友二姊突然想食豬腸粉，可是尖沙咀又好像沒有這香港地道小食。這時剛好在廣東道，想到糖朝可能豬腸粉，於是進內一試。可惜糖朝只得豬腸粉甜品，但不竟有點肚餓，於是決定照舊光顧。

因二家姐是素食者，我們點了大量齋菜。不過平心而論，糖朝的粥麵及點心只屬普通水平。飯後，我們點了看似很有名的原桶豆腐花。$88的原桶豆腐花可裝滿八大碗，豆腐花滑而熱，可算是好食又抵食，屬所有菜式最好的。或許糖朝最好的始終是甜品！

http://hk.myblog.yahoo.com/chicken-goal/article?mid=3712

看戲前，女友先到選左黎呢到食野。

要左雞絲腸粉，唔係皮簿果款，不過水準係可以架。
燒賣，一般般啦，同普通酒樓質素差唔多。
蝦子海哲撈麵，蝦子鹹味唔夠，麵有少少鹼水味，不過海哲很爽，有驚喜，配麵食意想不到，係今日既意外收獲。
女友要了個芒果珍珠豆腐花，上菜果陣視覺效果一流，睇門口張poster，間野推介豆花，水準其實很一般。

服務有待改善，不過坐沙發很舒服。
埋單每人$80蚊，整體黎講係可以俾ok面。