坐地鐵的朋友們應該看過
意粉屋廣告有阿爾卑斯山pizza
賣相很不錯的
現在被芝士火窩取替了

為了阿爾卑斯山pizza而來
見一個兩人餐，由400元減價差不多一半
也就試試吧

餐湯是酥皮白湯
好像是有龍蝦的？不太感覺到

芝士焗龍蝦帶子天使麵，就是很好的，也是今晚最好的一道，龍蝦帶子們終于出現，而且不少，天使面也很正常，芝士很豐富，藕斷絲連的，食完都快飽了。

阿爾卑斯山pizza，真的貨不對版，餐牌廣告飄亮得很，實物，真普通，pizza不熱的，也就不太脆，白黃色的芝士不像芝士味，而pizza上的配料，也不夠多

可以試另外一些散叫的吧，或是另外一間西餐廳

因為收到意粉屋的芝士火煱$50優惠，所以就專誠去試一試。

我地叫了海鮮經典芝士火煱，海鮮有帶子、蝦、龍蝦仔、鮑片等等，火煱可以揀有菠菜定無菠菜，我地揀了無菠菜。

原本很期待，當火煱和海鮮來了之後，我地首先試帶子，在芝士煱中緑一陣之後义出來食，食落去只係點滿了芝士的蝦而已，真的沒有什麼特別，每樣材料都只是浸滿左芝士。

食完好似有點唔飽，就再叫了件芝士蛋糕，望落去係芝士蛋糕的樣子，但係食落去無芝士味，只有檸檬味，怪怪地，但都OK。

好彩係平左$50，如果唔係就唔抵了。芝士火煱只係＝浸滿芝士的食物。

卡邦拿正呀,雖然無乜肉同貴,不過當它一上檯時就知佢一d都唔簡單.
每碟意粉上面,只有中間面個d係巴馬臣芝士.
唔好看它小小的芝士,以它的味道可以形容佢為芝士中的徠卡,
同個d C,N,S,P 不是同一個級數.

沙田己經無什麼好食,上來or查下有邊間未試過,見到意粉屋唔錯就試下.

最初以為會好貴,發覺原來還要比附近的食肆平.
雖然有加一,但只要是會員就有9折,而且憑舊單,一個月內再來有88折.

講返食物,真的是不錯.
肉醬闊麵好夠份量,而且味道都好好,不會過酸或過甜.
唯一要彈的它外觀不太靚

個湯就真係...湯就ok,不過d小龍蝦好似未發育咁.
我呀媽街市買到的蝦毛都比牠大,而且仲要得2小隻

豬豬女友有生日coupon, 加上今期有promo, 黎到當然係叫個特餐喇.
看看menu, 嘩 連意粉屋都有"瘋薯"食???
d "瘋薯"有冇咁"恆" 呀 lee 期...

最後叫了:
北海道鮑魚野菌忌廉湯
威尼斯墨汁麵,
阿爾卑斯山薄餅.

4個人,
另外叫多個carbonara喇, 不然餓親豬豬女友.

北海道鮑魚野菌忌廉湯好快有得飲;
味幾濃, 但唔覺有鮑魚味


威尼斯墨汁麵都不少帶子及蝦, 足料.
成口都黑左....

阿爾卑斯山薄餅等左一陣, size比想像中細d;
個皮勁脆, 脆到曲奇唔, 有餅碎既?!
上有少許火腿等, 都好食. 驚喜則欠奉喇.

個carbonara 最後才有得食;
太多汁太水了, 似忌廉汁多d...

甜品加多個水立方士多卑利船;
話係有d白酒弄的;
但食落又唔覺有白酒味, 好似d jelly 咁味.
雪糕正常.

服務很好, 一讚.

折左, 4人都係300蚊.
今日豬豬女友請, 食得特別開心;
希望第日佢會繼續請我食飯就好喇~

同bf慶祝自己生日,去到沙田突然好想食意粉,咁緊係去the spaghetti house la
去到叫左個2人套餐
$228有一個湯, 揀2個main course同一個餐飲
個湯係北海道飽魚忌廉湯
2個main course揀左墨汁海鮮意粉同燒豬仔骨配著條
個墨汁海鮮意粉係卜3係耐左d先黎,但真係好食,意粉軟硬適中,係食到個嘴黑曬
個燒豬仔骨配著條係十大熱點之選,但真係唔好食
d燒豬仔骨好'鞋',d味好怪,唔值百幾蚊,但個size就真係好大
個湯好creamy,但食唔到有鮑魚=(
service好好,見我地要搬d野,即刻有waitress黎幫手,真係好好

去吃下午茶
明明没什么人 但是上菜好慢 催了很多次

龙虾酥皮汤套餐 酥皮汤永远那么好吃~
菜汤鸡扒汤面 虽然是天使面 但没有幼滑的感觉 有点硬 鸡扒又老又油
小事拼盘分量很足
焦糖黄桃pancake加雪糕 麻麻得

好耐無去意粉屋食tea，
好掛住佢個羅宋湯底吉列豬扒天使麵，呢個係我至愛，豬扒脆卜卜，羅宋湯又杰又好味～
可惜，令我好失望～
唔知係呢間煮得唔好食／煮法唔同咗？
豬扒好乾好扁，仲有啲唔知乜香料味？
雖然個羅宋湯底都仲好味。
另外仲叫咗龍蝦酥皮湯 + 龍蝦汁帶子長通粉，呢個好味。

有 openrice coupon... 早前用左一張 $50 同舊同事係青衣分店食 lunch ~ 今次就同母親大人用埋剩下兩張。

不知是否受到經齊不景氣的影響？每次去 spaghetti house，總會找到比上次平宜的套餐。超初以為今天是假期，應該會貴 d ，點知佢有 holiday set lunch ~ 12:30 前落單同埋 1:00 埋單，$49 有酥皮湯、意粉 / 飯、飲品。另外仲有天使麵餐，$32 包野飲。在意粉屋裡，可以話係「史無前例」咁抵。

講返正題，食物質素就好壞參半。近日總是比唔到笑面

酥皮周打蜆肉湯: 酥皮比以前簿了一半有多，直情係可以完全溶於湯內，冇左以前令個湯既層次更豐富的作用。莫講話蜆肉的大小，跟本連蜆粒都好難搵到，只係食到一至兩次。周打湯滲入了薯香，但奶味太濃。酥皮湯的水準又下跌了，失望矣。

煎簿牛扒番茄湯天使麵: 一直以來喜愛的菜式 ~ 簿牛扒依然有兩塊，肉質夠淋，黑椒味調較得岩岩好。可惜的是，天使麵都幾硬，應該係太急住上菜所致。雜菜湯底的蔬菜份量充足，但味道略淡，要自己加鹽同埋黑胡椒先夠味。

鮮蝦蛋炒飯 (龍蝦汁): 味道好，係因為有蕃茄。平身龍蝦汁頗杰，但因為佢既蕃茄夠酸同埋夠大粒，又夠多 (多到可以食到啖啖蕃茄果隻)，所以感覺冇咁溜。至於蝦呢，尚算彈牙。蛋炒飯就一般，飯較硬，同埋 d 蛋都係分開的。

+$22 朱古力焀岩配雪糕: 呢個最抵讚﹗現時很多餐廳均有心太軟，但良莠不薺，最怕果 d 焗過龍，搞到個心太軟「乾爭爭」或者係有陣燶味的。如果品質係難控制，倒不如整個 moist chocolate cake 再加 chocolate 槳囉。首先，佢 d 朱古力槳係放0係個 cake 隔離，熱乎乎的，而個 cake 既朱古力味好濃，食落去有種暖笠笠的感覺。雖然 d 朱古力並未去到好 dark choco，但佢唔會係加左超多牛奶勁甜果隻，有陣好香的朱古力味... 如果太苦未必人人受到，所以呢點我係明白的。雪糕香滑，唔係 cheap 野，配上朱古力蛋糕，做到一冷一熱的對比... 加 $22 絕對係超值。今餐最好都係呢個...

雖然有好味的甜品，但佢既整體質素仍有待改善。曾經是意粉屋的 fans，但現時的意粉和酥皮湯卻令人失望。昔日的意粉屋，你幾時先返黎呀？

P.S. 埋單，$113.3，用左 $100 coupon，最後收 $13.3。每位 $7.. 哈哈，咁又一餐，多謝 open rice﹗(抵食比 5 分係因為有 Coupon 而已)

同友人們行完山就上去意粉屋食埋dinner先散band, 點知發現竟然只同AIG做優惠。
可惜無人有此信用卡, 真係無so呀.

食物真係油麻地，要用正價食，會覺得唔抵，


牛仔骨，薯條，量唔多，五個人火速消滅的第一碟！

芝士菠茶餃，唔掂啦！散開晒！味道又唔係特別香滑～

三文魚Pizza，極品差，呢個配搭本來就好危險，三文魚好易腥，咁…朋友想試…

正常食物第二碟，所以又係火速售馨，芝士肉醬千層麵

今次覺得意粉屋d都係一時時好食, 記得上次去cwb既分店食既時候都唔覺得差既..唔通係分店既問題.

首先在此衷心多謝早前openrice舉辦的活動之獎勵 -《The Spaghetti House》現金劵 $150…

我其實不太懂「吃」。我只是喜歡吃好吃的東西、希望跟其他人分享不論是愉快還是「激心」經歷吧！承蒙openrice對小女子的賞識，其中一篇於活動其間發表的食評被編輯推介了，那份喜悅實在難以形容…

星期四晚上下班後與他到了《The Spaghetti House》，那時等候的食客不多，很快便可入座了。我們被安排坐在窗子旁、全店中最安靜的雙人座位，實在太幸運了。

來過《The Spaghetti House》數十次，總覺這裡價錢不便宜、食物不算突出、服務亦不見得很好很殷勤，算是比上不足比下有餘吧。每次到來大多是點芝士焗龍蝦帶子天使麵及挪威煙三文魚鮮果沙律的，今次決定試試「還沒有吃過」及「新推出」的食物。看了menu良久，套餐配搭總是「順得哥情失嫂意」的，最後決定點「意粉專家套餐 C（$228）」…

套餐包括兩客佛羅倫斯帶子鮮蕃茄湯，我們加了各$18轉酥皮湯，湯的質感較濃、酸酸甜甜的，還有點點蕃茄蓉於湯中呢！初時還怕配搭怪怪的，怎料酥皮跟蕃茄湯也蠻夾啊，而且酥皮還挺「飽肚」的。另外蒜茸多士亦十分香脆，不錯不錯。

之後侍應端來了我們的乾蕃茄鮮野菌天使麵…主要材料是蕃茄絲、磨菇及少許乾蕃茄（我不就是把菜名重唸一次嗎？！），想不到這款天使麵之油份蠻多的，感覺就像在吃中式的炒麵般，不好吃，卻又不至於難吃。

然後就是新推出的焗蟹蓋炸軟殼蟹墨魚汁天使麵，我對炸軟殼蟹的印象只限於壽司店吃到、都是包在手卷裡的，而這裡把整隻炸軟殼蟹上碟，對我來說挺有趣。蟹蓋內的白汁混入少許蟹肉，份量已比想像中多，還有那些「黑卒卒」的墨魚汁天使麵，頗特別的。整體上味道不錯，我覺得比芝士焗龍蝦帶子天使麵好吃。

吃了差不多一個小時多，最後來了兩杯凍檸茶，他說不知什麼原因味道跟平時有點不同、就像喝酸梅一樣，我說「咁咪仲好，可以消滯丫嘛～」…

用了$150現金劵，只需多補$125便可離開，比平時到來吃「慳」了一半多，感覺挺不錯…

多謝你…openrice…

二月九日

因寫文章得了三張現金卷,工作辛苦.放了一天年假來休息一會兒.難得母親放假.伴陪她去沙田領取護照,剛有現金卷就順便來這裏享受個下午茶.因平日的關係,客人不多.坐下則快點叫菜.叫了一客意式海鮮天使麵以及焗肉醬意粉.

有時候是否悠閒有點過火.意式海鮮天使麵賣相不合格,材料全是放在一旁,有點,有點摸不出頭,天使麵則煮得還可以,麵質較滑.味道還算淡.麵算是合格而已,母親的焗肉醬意粉沒有多問味道如何,只道了一句份量不夠.因焗肉醬意粉送一份湯,可能因下午茶的關係,沒有什麼料材,普通的酥皮湯沒有多加評論..

最後二杯餐茶.凍檸檬茶以及凍檸檬水,自行添加糖,沒有多的問題出現,慢慢談天說地,因工作關係,愈來愈少和母親外出食飯.埋單約一百元如不是有現金卷的可能不來,因有更多選擇.

一月三十一日(星期六)

由於之前寫食評,得到意粉屋的一百五十元coupon,真的要多謝openrice呢!是日十二時許到達,不用等位,而且menu有所不同,加了農曆新年菜單!當然,我們點了些平日沒有的新年菜色吧!看看menu整個是好噹噹的!很溫暖的新年氣氛!

老公說點一個飯一個意粉和一個小食,他首先點了黑松露菌汁香煎雞扒墨魚汁飯,小食說要了新的好運年年拼盤,意粉就要了白汁燴海鮮闊條麵,一邊點一邊想夠不夠吃呢!因為之後要到健身中心跑步,吃個飽才跑跑!

一會後,黑松露菌汁香煎雞扒墨魚汁飯就隨即送上,香嘖嘖的墨魚汁飯很香,香氣已經增加了我的食慾,急不及待地起筷了!老公給了很多飯我吃!雖則是黑松露菌汁,但是我覺得芝士味道比較濃!不過效果也叫好!因為飯很黏口!加上與雞扒很match,雞扒肉很滑!而且份量多!切開也有5-6件,絕不少!每人吃了半個飯已經飽了一大半了!

之後,白汁燴海鮮闊條麵也很香,白汁一向是漏的!而海鮮都足料!有青口,帶子等等,加上白汁,帶起了鮮味!闊條麵也炷得恰到好處!每條的口感大足!很滋味!最後,好運年年拼盤也到了!此時已經捧住了肚子,不可以浪費食物,沒想到原來份量那麼多的!

好運年年拼盤有醬燒豬仔骨,南方炸雞奕,特危春卷,豬肉腸,燒粟米,薯角!我們吃的時候已經凍了!春卷一般,我喜歡吃薯角!老公仔說雞奕好吃!不過最佳的是當我們肚子餓是吃,現在飽了,會影響評分的!

整體上都好味道,感謝openrice給了我們吃意粉屋的機會,我們會再來的,只是上次試新餐比較差,原本的菜單應該是好吃的!

Thank you Openrice for treating me and my family to have a nice "Lunar New Year Eve" Dinner @ Spaghetti House

Asked for a dinner set for two, including Barbecued Baby Back Ribs served with Potato Wedges & one Squid Ink Risotto with Seafood in Lobster Sauce Au Gratin. In addition, my sister ordered one Spaghetti Carbonara.

Italian Arborio is rich and creamy since it really takes time and spirit to take care of the rice. Otherwise, it will not be mature or too raw. However, it is very nice to bake them with seafood. It is the first time I tried Squid Ink Risotto! It was really very yummy and delicious~ Full of Shrimp, Scallop, Mussel, Cuttlefish, Fish Fillet, Fresh Mushroom & Tomato, so yummy it is!!!

When the ribs come, we still had not finished the Risotto yet, the chef was in high efficiency!!! The ribs were marinated with secret barbecue sauce for more than ten hours, this signature dish is just another mouth-watering dish that you can't resist!
hohohoho!

While the Spaghetti Carbonara came on table, we were still tasting the ribs...Italian Parmesan Cheese, Ham & Onion are full of the Carbonara...Yeah!!! Great!!!

Extra $100 was added above the coupons, thanks Openrice again!

先要感謝openrice，上個月寫食評佢送左三張$50既意粉屋coupon俾，呢個星期六放工就來左呢度食喇﹗

9:00pm來到，難得的被安排在對著馬路的玻璃窗二人枱，我呢0的八卦地盤佬就最鍾意望街景，一路食一路睇最過癮﹗

很多年沒有吃意粉屋，最記得就係佢既七彩玻璃燈罩，有型有款。

都唔知食咩好，樣樣都想食，又有$150coupon支持，可以食得大一點﹗見佢有0的賀年套餐，於是點左個$248既恭喜發財套餐食0下﹗

先來的是兩個露荀湯，未飲已聞到好香既忌簾同埋露荀味，入口味道未算濃郁，忌簾味較重，有不少露荀粒及帶子粒，清清地當頭盤也是不錯的選擇。

飲完湯主菜到，先來一個醬燒豬仔骨，豬仔骨大件得不得了，足足有成隻長碟咁大，肉質鮮嫩帶炭烤香，醬汁微辣夠惹味醒神，味道很不錯﹗

再來雞扒磨菇墨汁意大利飯，未食已嗅到陣陣的菇菌香，食落飯身軟糯帶有濃濃的墨汁香，雞扒亦大塊細切多件，燒得火喉恰到好處不乾肉身軟熟，工友最開心就係見到好多磨菇0係面﹗從意大利飯來說相比起對面的Tutto及尖咀的意大利餐廳，呢度做得更出色好味﹗最後成碟清哂﹗

配埋餐茶埋單$270左右連加一，減左coupon即係一人幾十蚊就有得食，開心死﹗

同工友事後講起，記得三五七年前吃意粉屋又貴又唔好食，三百多元兩個人吃一餐還有不少選擇，呢次食完感覺好左亦都覺得食物精緻及用心機左，是另一番的體會呢﹗

其實以意粉屋既裝修，佢較番暗少少燈，每枱加番支蠟燭仔，營造一個比較溫馨又浪漫的氣氛，我想可吸引更多情侶顧客，再加上佢而家0的食物好左，其實大時大節做多點點宣傳或優惠，相信不愁客路。

再一次多謝openrice，希望以後有多0的呢0的美食卷送俾我地就好了﹗