0
1
1
以上資料只供參考, 請與餐廳確認詳情
舅父家住於沙田的廣源邨 ，遇上上週六外婆壽辰，老人家行動始終不太方便，那就拿個主意，從老人院裡接她出來暫住一天，並於村裡的酒家擺下兩圍壽宴。這間「福滿樓」從拜年時也曾路過，看門面也以街坊生意為主，個人來說，對食肆的級數也沒太大介懷，重要的還是食物的質素。誰知開始時便出了事故，但凡這類全包宴席，例必送上一枝紅酒，近年大眾對紅酒的普及程度，也是有目共睹，一洗以往往高高在上的印象，只是大家對紅酒的「基本」知識也所知不多，不是說是要做一個酒評家，諸如抖氣、每一杯的應有份量，以致擺放等，也屬一知半解。飲了這枝酒家提供的紅酒，那味如香醋的酸度......實在難以飲用下去。期間我們向侍應反應情況，連她也不明所以，最後要由食客解釋何謂瓶內的沉澱物，那有「本末倒置」的事?! 結果一枝酒也要報銷，其實另一枝也是勉強收貨，究竟是來貨的問題，還是存放有誤，總之作為餐飲的從業員應有此等基本知識。至於廚房的出品，其乳豬全體也是有點強差人意的，其全體的溫度一點也不熱，雖然當晚天氣是有點偏寒，始終也不是必然的借口。外皮還是脆口的，可惜連上肥膏的件位也是偏厚，口感來說有點肥膩，整體只屬一般。燒味部雖是不行，打後鑊頭主理的三個熱葷倒是合格有餘，分別有鮑汁瑤柱節瓜甫、西芹蜜豆炒珊瑚貴妃蚌和生炒排骨三樣，除了中間的炒鴛鴦雙蚌可以推高一點鑊氣之外，三味菜式調味、口感和火侯控制也沒重大錯失，雖非甚麼上品，也是可以品嚐的水平。打後的紅燒雞絲翅，用上超大隻的巨碟來盛載，在視覺角度是多了一點「氣派」。其翅針和雞絲確是足料，打下芡汁的上湯，無論濃度與味道也著實不俗，也沒有下了重味精後的不良反應。蒸老虎班明顯是養魚來貨，蒸的火侯也是過了一點，某些地方吃著一點粗嚡，以過往的蒸魚來說，是遜色了一點。菜膽花菇炆鮑片倒又扳回一點分數，其海味呈爽口之感和鮮甜之味，亦不呈甚麼韌口，打的芡汁還是恰到好處；至於所言的瑤柱貴妃雞，雖未吃已知是冰鮮來貨，但其燒味部的處理也令人失望，鮮味談不上，肉質也不滑，其皮倒是甚薄的。尾段的飯麵有紅燒伊麵和福建炒飯，也屬普通的水準，不是說不喜歡「浸炒」的東西，熱氣實在欠奉。味道來說不過不失。到最後的紅豆沙和蒸壽桃，又給予人不俗的印象，煲到起沙的紅豆甜湯，吃出一點陳皮味道，而壽桃的包身也是軟熟，內餡的香甜度也是適宜。食物的水準也是有點高低，反差感也大，曾考慮過給予喊面，思前想後還是留回一手，雖然確是如食友的口頭襌「窄窄地」。始終侍應的服務水平是可以的，某些食物的水平也不太差，起嗎沒有吃到反檯的情況。(我也沒有付上一文錢) 若有關方面有幸看到的話，還望諒解只是對事不對人，除希望提升燒味部的水準之外，也希望加強一點相關的餐飲知識培訓，始終不是每個人，也可以「包容」醋味紅酒的。
繼續閱讀
見呢間酒樓新開張, 下層又有一間食粉麵餐廳...所以一心去試下啦~今次叫左份佢話最抵既早餐, 都要20蚊ga!個餐廳有4個侍應, 是旦叫左個侍應黎落單..點知佢叫我等等..好...咁我等lor, 等等下...不見人影...咁叫過另外一個啦, 好快就過左黎,我就叫左個配搭好普通既....沙嗲牛肉米+火腿煎旦+熱華田~落完order佢企左係到30s...(我都唔知佢做乜)之後佢又重覆一次我地order既野 = =ok....穩陣d好既~~~~不過30s就...............................好耐bor新環境, 欣賞下順便傾下計啦~~傾傾下...唔經唔覺傾左30min, 就發現有d唔妥...點解到呢刻都仲未有野食, 而d侍應就咁得閒企係到傾是非???叫左個人黎摧摧單啦......終於出到一杯野飲.....點知又要再坐多15min...又再摧人...先至黎到份火腿煎旦..再等一陣..就有個侍應同我講話冇晒牛肉....@@大佬呀......我食早餐咋wor~冇牛肉?你點捱埋個下午呀~冇得食唯有是旦轉啦.....最終都只有餐肉米...(灰晒)今次好快就黎到........逐樣食物講下啦~餐肉米 - 有2塊餐肉, 都幾厚既, ok呀!不過個湯底就.....冇味...好似用清水...火腿旦 - 冇難度既食物, 所以冇問題啦~不過佢有跟一份白方包, 但就好唔掂...塊包係硬既, 好似放左隔夜咁....華田 - 佢用果d隔熱杯, 夏天就真係熱死啦~~d味道都幾濃幾好飲既~~不過食一份咁普通既早餐, 要用上over 1小時去食同等,真係離晒大譜, 仲有.....煮個麵je, 你駛唔駛over 30min先發現呀?個餐廳客人數目不多, 大約8人到咋wor...出野已經咁慢...唔摧都唔出野食, 其他桌既客都有相同情況...加上間店其實未裝修好就開張,入面個wall係灰色一層層...(唔會係art掛..)食食下野有隔離桌既人俾人轉左去另外一張table,原因係果到師傅要做野= =到埋單時...要拎張單出去埋, 果個收銀唔識收$, 入機又出問題..我地叫左2個餐, total40蚊je, 埋到去咁都要整左5min先埋到張單....佢連我地食咩飲咩有幾多個餐都唔知,最後係我話食咩幾$佢就收我幾$...真係騙左佢佢都唔知呀!!!講真...我好少打食評, 仲係未試過打咁長,但今次真係好離譜,未裝修好就開店賺錢,食個早餐要花上超過一小時既時間,價錢在這個屋村都唔算便宜,如果佢冇改善....我真係以後都唔會再黎呢間食~~~
繼續閱讀