話說肥妹又去左偷食, 咁肥仔又耐無見肥妹, 夜媽媽落住雨都出一出cwb見一見佢啦

佢又咁岩食附近食完餐飯, 自自然然想試下隔離既五代同糖啦

天氣咁凍最好就係食番碗熱野, 坐低傾下計架啦。

一坐低左諗又諗, 又唔想咁凍既時候仲食雪花冰, 所以決定嗌個芒果奶凍

同埋腐竹雞蛋糖水食下。

芒果奶凍 : 個奶凍幾滑, 幾有奶味, 但係芒果汁同埋芒果肉真係唔多掂, 好酸

腐竹雞蛋糖水 : 幾好味, 個口感好滑, 隻雞蛋都唔錯, 但係個份量就細左D, 如果大番D咁就正啦。

大家可以黎試下, 我相信佢其他食物都會有一定既水準!

第一次食雪花冰,大約是兩個月前到糖百府食牛奶雪花冰
當時只覺普普通通,不過不失,冇驚喜
第二次便試了五代同糖的楊枝金露雪花冰,雖然好像比糖百府的雪花冰份量少些,
但味道令我覺得有驚喜,不會太甜,入口溫和,軟軟綿綿的,又不像糖百府的有少少"不對路"的味道,而且食完整個不會有"厭了"的感覺,不過,個人不喜歡那個芒果汁,覺得味道不對,不過冇甚影響對整個雪花冰的感覺
另外,我只等了3分鐘,店員便驚我不耐煩,主動前來解釋要剛整好,要放一會才可達較佳效果,不好意思,事實上只到了4-5分鐘便有了,我覺得其實算快了,難道想佢整定晒立即可送出來好?當然即叫即整好

一定會有下次,會試下其他味道同其他甜品

本人一向不好甜品, 雪花冰更不是我杯茶.

記得幾個月前因為天氣酷熱, 便跑到銅鑼灣新開的糖百府吃雪花冰, 吃過之後覺得不外如是, 無甚特別.

幾天前友人極力推介五代同糖, 本人抱著姑且一試的心態, 想不到有意外的驚喜, 一試難忘, 再試傾心!!!!

坦白說我這個星期已光顧了好幾次, 每次都跟朋友share嘗試不同的雪花冰.

容我大膽的講一句, 五代同堂的雪花冰比糖百府好多了!!

五代同糖的雪花冰真的似雪花又似雪糕!! 相反糖百府就略嫌"削"了一點, 這個絕對跟成分中用水或用奶多少的分別.

說實的, 餐牌上的雪花冰我差不多都吃過, 每一種都很有水準!

花生雪花冰--香濃花生味, 像極吃著一個冰凍的花生糊
香蕉朱古力雪花冰--香蕉味朱古力配合得宜, 吃得出朱古力不是一般貨色 (糖百府竟然是用廉價朱古力!!! 同賣三十多塊, 難怪我愛比較有heart的五代同糖!!) 不過是次的朱古力比起其他的雪花冰來說未夠綿
綠茶雪花冰--喜歡綠茶的一定會喜歡
士多啤梨雪花冰--不在menu上, 我想是時令的, 很清新!
香芋雪花冰--是云云當中我覺得是最綿的雪花冰, 像極是一塊很薄的布, 很香很軟
楊枝金露雪花冰--"賣飛佛"!! 酸甜配襯得恰到好處, 超讚!!

ORDER了益力多奶凍及心太軟(抱歉忘了價錢),

-益力多奶凍:奶味不濃,但有很濃郁的益力多味而且很滑溜,好味~
-心太軟:不錯;朱古力的味道很突出,但好像有dd overcook, 因為朱古力軟心流出來有點凝固,而且面層蛋糕有些微硬,但仍然是好吃的~

點心太軟的時候服務生沒說明要等多久...心太軟等了超過20分鐘,雖然一向都知要等,但看著友人把奶凍都吃完了而自己的都未上桌就有點納悶...

隔左咁耐先寫食評~
初頭見到d人比咁多好評呢間"五代同糖"以為係造馬..
自己本身鍾意食心太軟~以前成日特登由筲箕灣老遠走去九龍城食心太軟~
所以特登收左工都要去試下係咪真係咁正先~
因為黎左都有幾次啦,,試左:
$48心太軟+(椰子雪糕,豆腐雪榚,榴槤雪榚)呢三樣都試過哂~
最好味係加豆腐雪榚,,清清地都唔會搶朱古力味~椰子味太似藥水味,唔會再食><
榴槤雪榚因為我個fd叫所以有份試...不過淨食好過配心太軟,,因為太勁榴槤味啦!!
至於個心太軟,,次次都必叫,,,因為除左個雪榚球細之外,,幾次都做到岩岩好流哂心既效果(冇焗過火都未夠火喉都對心太軟好緊要ga啦),,,同埋朱古力唔會太苦,,,太約50-60%左右掛(我諗)

仲有試過朱古力/原味梳孚厘,,基本上$40左右既價錢我覺得還可以~
不過自己就唔會再叫,,食心太軟算數,,下次等朋友叫先痴佢地食~

服務方面,,不過不失,,有個女仔幾有禮貌,,d男仔就麻麻,,以前係主動俾水你,,依家同佢講先有杯水~不過其實我覺得水應該要比左客人先,,尤其係食西式甜品,,到客人食完甜品d朱古力"張住個口"又要問你拎水又再等1-2分鐘就好似唔係咁好了~
記得第一次去臨走時同老闆反映個雪榚太細,,佢即話,,下次比大球d你啦!
肯接受客人意見,,抵讚!!! (5分服務係比個老闆)

我地1行7人到同代同糖食甜品

叫阻焦糖燉蛋,呢度新出架,同以往吾同,呢度係凍
好滑,雖然冇熱既咁有蛋味,不過,我覺得個味都岩岩好

叫阻佢地出名既益力多奶凍,
好滑,好有奶味,係爭d益力多味

叫阻2個心太軟,1個係配雲利拿雪糕,1個係配朱古力雪糕:
我個人比較鐘意配朱古力雪糕多d,因為雙重朱古力超好味,d朱古力雪糕仲有朱古力chips係裡面
總括黎講:2個好好味,朱古力咪岩岩好,d朱古力漿好似流水咁湧出黎

叫阻梳乎里,今次係叫阻"疆"汁梳乎里,仲係加重"疆"汁
超有"疆味,"梳乎里好有大酒店水準

叫阻楊枝金露雪花冰,新口味,第2間冇,得佢1間有,好特別
楊枝金露雪花冰好大份,好有芒果味
我個人覺得好,抵食有水準過糖百府

叫阻芒果沙冰,1杯野黎既,好滑,好凍

最後,仲叫阻楊枝金露,
好大碗,楊枝金露水準好高

不得不提係五代同糖d service真係好好,成日拎水俾我地,又幫我地加水

每人都係33元,食得又飽,又抵

因為好多雜誌推介, 所以今日去試下!!!
(1) 等位
老闆的朋友有優先權入坐, 呢樣野唔該改善下呀!!係一啲好低級的餐廳先會做的事!!
(2)佈置
佈置不俗, 鐘意大玻璃kitchen design, 感情幾好, 但係可能老闆賺錢要緊,太迫, 坐得幾不舒服...同埋點解要開行個冷氣, 唉!!又係低級餐廳所做的事!!
(3) 因從報張知道叫心太軟或梳乎理要等好耐, 為免同伴要等, 今次先試沙冰....唉!!!真係好差, 唔企身, 唔滑...不如駛個冰俾我食啦....師父太懶啦!!!
俾啲心機啦....真係名過於實, 好難令我再去多次啦!!!

潮流興食雪花冰, 君不見某店門口排了幾十人客等位, 為的就是一碗美味的雪花冰, 新血係這間叫五代同堂的甜品屋, 去到時人客都唔少, 似乎都得到食客的認同
我就試試楊枝甘露雪花冰, 雪花冰係芒果味的, 感覺就似食芒果雪糕的沒兩樣, 其實什至有點似軟雪糕, 不過份量可是不得了, 成坐山咁, 講真, 我一個人食一份根本食唔哂的
芒果汁唔酸, 不過芒果就比較酸, 但非戰之罪了, 因為而家已經十月, 芒果都唔會太好味的, 加了西柚肉, 忠於楊枝甘露的原味, 但都因為咁, 其實沒有太大的驚喜, 係一個不過不失的甜品

20/10/09 驟雨

今天是我落場的日子, 於是我相約了我的朋友食個tea ,我朋友提議去食雪花冰,之前我這位朋友都有來食過這間＂五代同糖＂的雪花冰, 都大讚叫好食, 於是今天去了＂五代同糖＂叫了兩個雪花冰食!

當我們進入店內, 店員都好nice同你說聲"歡迎光臨, 同時我們自己找了座位坐,那個店員給我們餐牌, 之後他就整個人企了我們旁邊等候我們叫東西!那時我們一頁餐牌都未看, 一坐下來就order 咩?真是古怪, 之後我對他說, 讓我們看一看餐牌先, 那時個店員馬上介紹他們的新產品---士多啤梨雪花冰, 不過我最後都是打發他行開先, 之後我們要求要兩杯水


兩杯水已送上, 好明顯是冇煲過的水, 之後我放下來冇飲, 不過我都是為食雪花冰而來, 都是算了, 一會兒, 我朋友order了個楊枝金露雪花冰, 而我order了一個香芋雪花冰, 等了15分鐘, 我的香芋雪花冰終於送上, 外表看來都好美, 一片片的冰好像削了的鉛筆碎般, 層次分明,份量都不細, 有點紅豆伴襯, 賣相都好相襯, 如果這個香芋雪花冰真是雪糕, 就真是吃不了啦, 之後當我食第一口, 味道相當濃郁, 好香濃的芋頭味, 食落真是不知道自己是否食緊就是冰, 口感好像雪糕的鬆軟, 再配上甜美軟棉棉的紅豆真是絕配

楊枝金露雪花冰個賣相真是鮮艷明麗, 雪花冰上面灑上柚子, 旁邊也有不少新鮮的芒果和新鮮的芒果汁打造, 啖啖的雪花冰充滿 juice的芒果汁, 冰片也刨得幼細, 香濃的芒果食落啖啖清香, 如可以灑一些椰汁, 味道一定錦上添花, 更似是楊枝金露


整體都不錯, 雪花冰的款式都好多,可惜雪花冰的配料不多, 可以加些棉花糖, 椰果,小丸子,果凍之類的配料之選擇就好了, 服務方面, 店內的店員都有4, 5 位, 但亳冇笑容,有點感慨!

呢排朋友仔個個工作量大增，晚晚都十點左右先收工，所以由相約晚飯改做甜品聚會。
見到介紹有新野喎！有中式又西式多選擇，其他食評亦OK，就今晚去左試下！
11:30pm，可能平日又夜，坐左七成客。店內環境比一般甜品店寬敞，坐得比較適服。我地三個人就可以舒服到坐o係開放式(玻璃)廚房前既一張大檯(可坐約6-8人)。朋友仔一個打完波，一個未食飯，所以叫左四樣野試：
1)楊枝甘露雪花冰---
香濃芒果味雪花冰+芒果肉+芒果醬+西柚粒，唔錯！
如果各下鍾意食雪糕既話，會覺得佢好食過糖百府。
口味各人不同，約以糖百府比較，糖百府既雪花冰似sorbet"清爽"D，
佢就似雪糕"杰"D滑D。(本來想試埋榴槤味做比較，但是日停售)

2)焗三色雪山---
睇檯上既雜誌介紹寫話裡面有士多啤梨、熱情果同朱古力雪糕，
但落單時姐姐仔問我地要咩問，細問之下，原來改良左，依家係蛋白包住雪糕
同一層雪芳蛋糕。上桌要立即食！會有外熱內凍既感覺。
未食過"火焰雪山"既可一試，大致一樣只係外層無點火。食味就無特別。

3)原味梳乎利---OK，合格既梳乎利。

4)益力多奶凍---
呢個似乎係最得我心，好清楚既益力多味，但唔會太濃太甜，質感亦軟硬適中。

以上全屬個人口味(一個鍾意食甜品但又唔鍾意太甜既人)

由於友人爭俾錢，所以唔知價錢。

多謝寶寶請客！我既openrice第一次俾左妳啦~

今日終於去o左open rice 人氣第一位o既糖水鋪
一去到見到幾個人等緊,, 男侍應同我講要等2張飛
好采有個男侍應同我吹水 唔經唔覺過o左廿分鐘 就滿心歡喜入去
入到去即刻叫o左個久仰大名o既楊枝金露雪花冰同心太軟配雪糕;
楊枝金露雪花冰真係好好味 芒果肉又多 個芒果醬就更加一流(不過d芒果肉有少少酸)
心太軟冇樓下post o既等咁耐 大概只有十分鐘 一切開個心太軟 d 朱古力醬洶湧出黎 d醬真係好好味 唔會太甜
呢間o野真係即叫即做 唔似得出面叫d雪藏貨返黎
係女侍應游說之下 我叫多個益力多奶凍同埋原味木糠布甸 不過個奶凍口感就林得制 唔係太好味 而個木糠布甸對比起格離街果間「木糠」就差好遠 呢到o既木糠就太甜
另外叫侍應拎2杯水黎竟然好似要好似乞食咁 10分鐘先見到杯水
埋單果陣 個侍應唔知係我得罪佢定係佢唔妥我 真係好冇禮貌咁同我收錢 我只係聽唔清楚 佢就用惡劣o既態度同我講 ($xxx 唔該！)
我心諗: 點解收銀收到好似我殺o左你老豆!? 係門口o既時候就好好招呼 埋單果陣就用惡劣o既態度
老套d 講句 今時今日咁o既服務態度係唔得o架

因為佢極速上升既原因,一早已經想同朋友一試.
可能因為還未到下班時間,所以店內只有小貓三四隻.
一坐低,已經點了一直很喜歡食既心太軟....
由ORDER到食物都既時候,需時.....35分鐘左右....真係.....耐到唔知點形容
食左第一口,已經心知不妙,"點解唔甜既????!!!!"令愛甜既我完全失望=="
我做PARTTIME既地方比佢重好食10倍以上,旦係個度只係一間餐廳.....點解會咁???!!
只可以講,去一次就夠啦.

食 完 頭 兩 餐
最 終 的 甜 品 店 就 在 此
剛 好 不 用 等 位, 實 在 太 開 心 了

只 ordered 2 個 冰 3 人share
楊 枝 金 露 綿 花 冰 and 香 蕉 朱 古 力 綿 花 冰
但 都 超 出 我 所 想 的 好
份 量 是 多 的, 比 較 耐 食 的, 比 較 耐 溶, 可 以 全 程 都 像 吃 一 絲 絲 綿 綿 的 冰
我 們 吃 得 不 是 快, 但 最 很 溶 了 的 冰 只 有 很 少, very good

楊 枝 金 露 - 這 個 一 流, 味 很 足 夠, 有 西 柚 肉, 芒 果 dice, 芒 果 source
香 蕉 朱 古 力 - 這 個 很 少 朱 古 力 冰 呀, 大 多 是 香 蕉 冰, 但 兩 者 都 很 濃 味, 有 甚 麼 配 料 呢, 不 太 有 印 象, 只 記 得 有 早 餐 食 的 可 可 粒 & 綿 花 糖

隔 離 桌 的 ordered 了 一 奶 凍, 來 時 它 的 震 盪 / 震 騰 騰 程 度 還 比 " 羅 x 臣 jelly" 的 廣 告 還 要 厲 害, 真 攞 命

The service was good + friendly, environment was fairly clean + tidy.

I have ordered soya bean ice cream (2 scoops) and 火焰雪山 both recommended by a weekly magazine. Strong taste of soya bean for the ice cream but I did not like the texture, a bit rough, unsmooth. Also, too less sweet which raise the strong beanie “fishy” taste accidentally. For the 火焰雪山, the combination of puffed egg white with ice cream was quite weird to me. Not only they are not the right matches, but also the regular supermarket quality ice-cream has down graded the overall expectation from customers before eat (At least they they honest and told me in advance ).

Little disappointed, maybe ONLY I did not order the right stuffs for myself and follow the recommendations from the magazine. I will definitely visit again soon, try something else due to their good service and food quality!

昨天同朋友在銅鑼灣吃完飯,跟住經過一間叫"五代同糖"的甜品吃甜品! 好彩行快幾步, 唔係好多人等, 唔夠一分鐘就爆多人排隊! 一坐低就有個侍應過來推介, 見佢地新出草莓雪花冰,同羌汁梳乎利, 咁就試下囉....

個冰ok,好香士多啤利味, 正!
羌汁梳乎利, 如果羌味重d仲good, 不過我個friend就覺得夠味!

P.S. 特別一提,佢地都幾窩心,因為見我們等個梳乎利都要一段時間, 比左2杯暖水我們! 值得一讚!