268
29
11
| 餐廳: | 大班樓 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
港鐵上環站 A2 出口, 步行約5分鐘
繼續閱讀
電話號碼
25552202
開飯介紹
星級粵菜餐廳，餐廳以頂級有機食材炮製一系列傳統及新意兼備的中菜，招牌作包括雞油花雕蒜花蟹和羊肚菌炆腐皮等手功菜。
繼續閱讀
獎項殊榮
米芝蓮一星餐廳 (2021-22), 亞洲50最佳餐廳 (2017-2021)
營業時間
星期一至日
12:00 - 15:00
18:00 - 22:30
以上資料只供參考, 請與餐廳確認詳情
招牌菜
食家推介
相關文章
食評 (335)
究極難BOOK中菜😵亞洲五十大NO.1寶座😲人氣話題度最高嘅中菜🤩🫶🏻大班樓🫶🏻「時間只有這麼多，叫安歌會否比較傻」，無論人同食物，都係講求綠分，散聚有時，如果要講到香港邊一間中菜最令人懷以忘懷，係我心目上排名榜第一位嘅非大班樓莫屬，依稀記得2021年初訪大班樓已經榮獲亞洲五十大NO.1嘅寶座，已經全城熱話，一位難求，後來改變預約制度及識人好過識字系列先可以訂到晚餐位置後已經再無緣尋味!大班樓之後再拎埋米芝連一星，無論假日平日，午市晚市都已經訂無可訂，只能每幾個月留意官方IG開放預約時間，每次預約都好似搶演唱會飛落足心力先有機會訂到一席。為左應付龐大食客需求，佢地都由九如坊搬遷到新鋪，機緣巧合之下，終於有機會可以再次品嚐到香港中菜界傳奇熱門店，相信大家都驚期望度拉到好高，但實際食落不外如是，可以幫大家定下驚先，首先，大班樓雖然聲名顯赫，但係價錢對比其他星級米芝蓮中菜嚟講。係走性價比親民路線，無論午市晚市散叫套餐都相差不大，人均5-800位都已經可以捧腹離場。1.炭火第一刀叉燒4.8/5⭐️時不宜遲，前菜就係一道極之珍貴炭火第一刀叉燒，肥瘦適中不在話下，厚切叉燒嘅口感滿足兼夾且有住住些微炭燒焦脆，係一道非常滿足嘅前菜，唯一美中不足係每人只分配到一件，更需要提前預訂，唔係就無機會試到依道招牌之一嘅名物。2.香酥七味羊肋骨4.3/5⭐️第二道嘅羊肋骨，非常香酥，建議大家分低儀態，直接用手，入口唔需要用力已經可以做骨肉分離嘅效果，我地食到齒甲留香，回味無窮。3.海鹽蔥油貴紀雞4.3/5⭐️大量蔥油淋起貴紀雞上面嘅賣相已經令人食指大動，加上每件雞都非常嫩滑，不過對比上次到訪食過嘅另一招牌名物慢煮乾蔥煀滑雞(4.9/5⭐️)略嫌唔夠驚喜，好多時都聽到雞有雞味，魚有魚味依句廢話，但係依度嘅慢煮乾蔥煀滑雞真係做到雞有雞味依個名符其實嘅效果，令人一試難忘，係我係香港迄今為止食過最好味嘅雞。4.脆皮百花雞3.9/5⭐️依道菜第一次到訪時告知需要預訂先有，今次第二次到訪當然提早預訂，佢其實並唔係普通嘅雞，簡單嚟講就係脆雞皮釀入蝦膠模彷返成雞件，都係心機功夫菜，難怪要提早預訂先可以品嚐，不過可能係今日叫左兩道雞，雞件脆皮但蝦膠唔太夠彈，依味反而略嫌無甚驚喜，不過不失，一次就算。5.招牌雞油花雕蒸花蟹配陳村粉4.3/5⭐️大班樓依個招牌菜伴隨住亞洲五十大No.1之後就享負盛名，唔試佢依個招牌雞油花雕蒸花蟹，都唔好同人講嚟過大班樓，盛名之下，兩次到訪都有叫到依道名物，老實講，第一次到訪可能期望值太高，上菜擺盤非常吸晴奪目，打卡一流，懷住興奮心情當然即刻食之而後快，但入口一刻就發覺花雕酒味蓋過咗蟹同雞油嘅鮮味，令到索汁嘅陳村粉被酒味掩蓋，稍稍扣分，當然，蟹嘅質素好高，無乜挑剔。而第二次到訪，與友人閒談間都傾起上次食花雕蟹嘅經歷，細心嘅侍應都有聽到我地嘅討論，好貼心地幫我地同廚房溝通依個情況，而第二次到訪嘅雞油花雕雞果然正常水準發揮，無被酒味蓋過鮮味，依個菜式都仍然係每次到訪必點嘅。6.蟹肉燸米飯4.9/5⭐️同樣算係半隱藏餐牌，只有出現係套餐，即場散叫係無得點嘅，但係可以提前預訂，經過咁多道精美餸菜嘅洗禮，我地都已經心滿意足，但估唔到，成餐飯嘅高潮，竟然係依盤蟹肉燸米飯，侍應提前捧上俾我地打卡同過目之後就幫我地平分，外表普通平凡嘅燸米飯，大家本身以為只係填飽肚嘅水準滋味，但係依碗燸米飯嘅蟹肉鮮甜同燸米飯融合得非常恰到好處，而且蟹肉份量多到每一啖飯都有蟹肉，令我地食完一碗之後即刻意猶未盡，急不及待添飯，為依餐星級尋味之旅劃上完美句號。-總結:大班樓由2021年獲得亞洲五十大餐廳NO.1之後風頭一時無倆，及後更上一層樓奪得米芝蓮一星，餐廳格局並非走奢華路線，似係高級私房菜格局更多，依度唔似其他三星中菜咁無微不至，但餐廳食物水準同性價比相對之下更加係實而不華，令人記憶更加深刻，念念不忘，我亦都非常期待下次再訪!====大班樓中環九如坊18號地下(舊址)中環威靈頓街198號The Wellington3樓==== #中環美食 #大班樓 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#星級尋味====
繼續閱讀
今日上午第一輪與家人享受咗潮州午餐。到晚上就與表哥、表嫂來一個四人粵式中秋晚飯。大班樓聞名已久，總是未有機會品嘗，今晚表哥相約見面來個聚餐，當然求之不得啦👏🏻👏🏻👏🏻👏🏻👏🏻👏🏻👏🏻👏🏻茘芋鴨盒望落去好似飲茶嘅茘角，原來裏面係粒粒鴨肉，芋皮十分鬆脆，芋肉入口溶化，香滑👍🏻咸檸檬蒸蟶子蟶子新鮮，粉絲放面加上數條咸檸檬絲，食落唔係鹽、豉油嘅鹹味，而係鹹檸檬絲嘅咸及蟶子嘅鮮味，特別。炭火厚切叉燒差不多有成寸厚，肥瘦，甜味適中，冧得嚟仲有咬口，好彩每人一件，冇得爭嘢食🤣🤣雞油花雕蒸花蟹配陳村粉賣相吸引，上枱已經聞到花雕香味。咁大隻花蟹，蟹鉗肉結實，陳村粉吸收哂D花雕酒，食完一碗粉就好似飲咗花雕酒😵💫😵💫刴椒鹹菜蒸龍躉頭配鮮蝦餃子同花雕蒸蟹一樣，上枱已經好矚目。推開刴椒鹹菜見到半個魚頭，好大，好大，好大⋯⋯師傅控制蒸魚嘅時間十分準成，雖然好厚肉，全部都係緊緊熟冇 over ，肉質非常嫩滑。餃子入口麻香撲入喉嚨，麻、香、辣、鮮味同時間在口腔散發。厚厚嘅龍躉皮十分彈牙及黏口，由此證明用料上乘及非常新鮮👍🏻👍🏻👍🏻👍🏻😋😋😋😋樟木煙燻鵝雖然有點乾身，但鵝味道濃郁，煙熏香氣撲鼻。魚湯腐皮浸時菜腐皮滑，菜心份量唔多加上白果油炸鬼點綴蟹肉櫻花蝦糯米飯半籠蟹肉拌糯米飯，蟹肉甜，糯米飯除了有臘味味道，配上蟹肉及櫻花蝦增添鮮味。杏仁茶+杞子雪糕杏仁茶可以濃味多一點，但仍頗滑。杞子只是點綴，但雪糕食唔到杞子味道。
繼續閱讀
絕對抵食過Omakase!!! 係度食咗成3個鐘，侍應每款都慢慢介紹，由材料烹調到食法都識背，好勁！唔怪得要book半年先食得，真誇張🤤本來無諗住去食，但突然見到有得book後日，就狗衝去😆食個lunch 都過千一個係貴，但見到母親大人食得咁開心咩都值！佢老人家咁岩呢個月生日，時間岩岩好💯最好食係佢個招牌蟹，真係啲汁加埋個粉皮超好食。侍應建議我除咗叫個餐再加個炒飯同雞，的確係超好食但我地跟本飽到食唔晒要打包，拎到返去做埋晚餐，掂💪🏻
繼續閱讀
#top50restaurantsinasia 大班樓 大班樓 The Chairman Restaurant要搬家啦⋯⋯thanks @natfu invites us臨別秋波，九如坊舊址食埋最後一餐。今晚食咗好多好野， #炸臭豆腐 配埋個 #秘製醬， 簡直絕配， 侍應叔叔仲好好人， 俾多碟我哋😅招牌菜 #花雕蟹陳村粉 必食， 花雕味夠濃， 花蟹爆肉， 陳村加埋秘製醬， 錦上添花。一定要介紹大家 #脆皮豬尾， 先慢煮滷豬尾再炸， 外皮脆得均勻， 對面滷到入味， 肥膏一啲都唔膩。一碟就係一隻豬尾😱 就咁冇左五隻豬！再來 #紅燒乳鴿 ， 滷水再煙薰過乳鴿， 食落好香👍🏻#剁椒魚頭 啖啖骨膠原#蜂巢芋泥煙鴨盒 好味到板板聲，芋泥夠多，配埋鴨松，功夫菜！最後來個 #梅菜扣肉煲仔飯梅菜夠香， 扣肉唔膩，加埋飯焦，教我如何不吃它？老牌飯店， 侍應都是老手， 所以服務都好掂👍🏻要同舊店講bye bye 啦⋯⋯寄望新店book 到位啦！ #hkig #hkfoodie #foodblogger #hkfoodblogger #foodporn #michelinguide #hkrestaurant #tophongkongrestaurants📸 by @natfu
繼續閱讀
大班樓難book位就係人都知難得有朋友book到位即刻過嚟試吓佢啲嘢食一行六個人到約定時間就可以即刻入座唔駛等好耐！不過餐廳位置有啲偏遠所以地鐵站行過去要多少少時間但為咗呢一餐幾遠都照行入到去即刻揀佢哋最出名嘅嘢食花雕蟹肉陳村粉真係冇得輸有濃濃嘅酒香味陳村粉吸晒湯汁嘅精華真係好好食～臭豆腐都係必食外層炸到好酥脆叉燒肥瘦適中而且又有焦香味🤤本身以為米芝蓮餐廳一定會勁貴點知價錢都okCp 值真係好高🎉
繼續閱讀