差不多每日收工都會經過旺角..
最近對"甜品革命"幾有興趣*

第一次黎食.. 兩個人叫左3個dessert*

味道其實普普通通.. 唔算好特別..
最好味係d生果.. 差不多每個甜品都配生果或者雪糕..
有d兩樣都有.. 我幾鐘意呢點^^

但個梳乎厘完全係失敗.. 食到中間feel 到仲凍凍地- -
正常焗完應該個心都會熱嫁ma...
所以食到一半就冇食了...

原隻燉木瓜唔錯丫* 價錢都算合理=)

聽講椰果子幾出名.. 下次黎一定要試下=P

其實我覺得呢間鋪頭都幾吸引丫,,位置又唔錯...
點解唔做得有heart一點呢?
如果店內每個員工都有heart的話.. 就算甜品其實普普通通..
但食客一定會番轉頭*

下晝五點幾
經過「甜品革命」入面一個客都冇
決定入去試一試好有名既椰果子

★ 栗子椰果子 $38
★ 焦糖布丁椰果子 $38

☆ 生果配兩片西瓜
☆ 焦糖布丁幾幼滑

我唔知焦糖布丁咩叫好食
我淨係知布丁入面冇洞洞應該都叫唔錯啦
味道應該都係果種味
不過配上椰果子幾O岩味

如果佢個門面可以明顯 D 就好啦

這店開了一段時間,每次行過也沒有引起我想入內坐下幫襯的衝動.門面的裝修是一大問題,甚討厭要撥開那厚厚透明膠廉才能入店的設計,一間位於人多車多馬路邊的店舖,膠廉可以保持有幾乾淨?還有將雜誌訪問稿件當牆紙貼!夠晒80'S.如果不是友人主動提出想試的話...
山栗芧屋椰果子----其實用椰青水做成大菜糕模樣再放回殼內的構思是不錯,但質地嘅不像啫喱軟但又比大菜糕硬,味道沒有了椰青水的清甜,加上一堆甜到漏的栗子蓉及幾片酸杧果!原全九唔搭八,錯晒!
芝麻糊----因友人面對厨房坐的關係,看見是用微波爐翻熱,味道真的感到抱歉,不懂形容.
要革命悉随尊便,但不要令客人成為犧牲品!

食完打冷..見對面呢家甜品店, 食得多石磨坊/糖百府, 姑且一試, 入去見有介紹加盟, 加得盟應該野食吾差得去邊啦..點知慘過辛亥革命..

- 分量小得可憐
- 水果酸得可憐

真係冇心機寫呢個食評, 差到無論... 你幾百萬未開頭, 就去晒下 $ 啦... 同石磨坊仲要貴d既價錢, 少/差石磨坊一半既 QUALITY

仲話加盟... 吾好玩啦

革命完全失敗

上次同個FD行過~想試~但好多人~所以無試到~

上個星期~行過見到有吉位~就入去~一打開MENU~INFO度話係唔知邊間酒店既人主理~再睇多幾頁好多新派甜品~賣相(張相ONLY)都幾吸引~但我小食凍野...所以都係叫熱既,見到芝麻糊同杏仁糊~2IN1係$25蚊~就叫左呢個~友人叫左芝麻糊~$18蚊~等左一陣...碗野黎啦~第一眼見到~

嘩~咩黎KA~個賣相異常核突~同張相有個whirlpool既樣原全絕對肯定係兩回事!!!不過心想...味道先係最緊要...咁我就將佢個個印左佢公司名(成本低過一毫)既SPOON舀少少上黎...嘩~一舀~真係自出娘胎以黎都未見過好似水一樣既芝麻糊~真係陰工~不過個時又心想(AGAIN)...可能好有芝麻味....同杏仁味....一啖飲(係飲~唔係食)落喉嚨~嘩~~奶到~我真係唔知道呢個世界上有芝麻糊同仁杏糊係要加奶~就算有都一定唔會係加咁多奶~我用左$25蚊去飲一碗奶LOR...~首先已經唔係糊~其次係無芝麻味同埋仁杏仁味(聞落係有D~不過用香油都做到出黎..香過佢都得)咁話晒都會$25蚊..我飲埋就即刻走~HV'T LOOK BACK AGAIN(NO NEED)

總結:連D普通正宗甜品都唔整得好...我情願你唔好將佢放上MENU,所以而家好多人都話FUSION,共實就係左搭右~右搭左~不淪不類

其實D STAFF態度OK~不過係間野質素唔掂~

如果甜品既未來係會變到咁~咁我諗我情願返屋企食砂糖~

食完唯珍，心思思想去食甜品，甜魔朋友們常提起的甜品革命位於朗豪坊附近，腳程只需十多分鐘，不太遠，一於去朝聖，順便散散步當做飯後運動吧！

到達時還未夠八點，由於不是甜品店的繁忙時間，人客不多，看看餐牌，這晚不想吃心太軟，改為選擇「炸意式芝士香蕉伴雪榚」，而女友是日甜胃未開，純粹陪坐，勉為其難點了杯「雙重朱古力」飲品。

飲品先來，雙重朱古力竟以外賣膠杯呈上，賣相求其兼慳皮，幸好混入不少朱古力碎粒，甜度足，味道可以接受。炸意式芝士香蕉伴雪榚是即叫即製的，炸意式芝士香蕉份量不少，脆粉有點厚度，但用刀輕輕切開也覺得鬆脆，內裡的芝士及香蕉則各自發揮，味道合格但容易飽滯，不算突出，伴碟的云呢拿雪榚 size 不大，生果亦只得寥寥四片，沒有想像中咁抵食。

看過甜魔朋友聚會的相片，單是賣相，已較我當日試到的好幾倍，希望是我的錯覺吧！

其實這店新開時已經食過，今晚再來是因為想吃新派甜品。

黃金杏仁糊 $25

這個是凍的甜品，其實我都猶疑了一會，因為凍冰冰的天氣不想食凍的甜品，但又喜歡杏仁

的甜品，所以都選了這款。來到時已經見到好靚，食落是比想象好，原來是不太凍的口感，

杏仁味夠香滑，上面有一層厚厚的蛋黃醬，當把2者撈起來吃時味道又很配，而且又不會太

甜，果然是推介之一的甜品。


燕窩鮮奶燉蛋白 $45

蜜糖兒選了這款，好香濃的奶味，蛋白燉得好滑。在燉蛋白面放了燕窩茸，味道都不錯，當

然都不太甜，所以會食得比較健康又有益。

又係朋友介紹... 先申報我食左o的咩，焦糖布丁椰果子 及 黃金芝麻糊...

配搭未見過唔等如掂，真係好難食...仲要係呢個價錢...

椰果子味道無問題，芒果唔係當造，酸我都可以接受，布丁普通未至於難食
但係三樣野係一O的都唔夾囉!
加上三樣野都係普通到不了，咁既價錢唔會再食

最大鑊係呢個推介既黃金芝麻糊! 即係未熟蛋黃+芝麻糊...
兩樣加埋原原本本地張生蛋黃既腥同芝麻既草青味發揮得淋漓盡致!
芝麻味又淡... 變左真係慘過食X.... 盛恵二十五元正

唔會再去...

行完朗豪坊諗起呢頭附近有間幾好食評既甜品店,鍾意甜野既我當然唔會放過啦
椰果子龍泉眼露伴雪糕 呢個好好味呢~!個雪糕好奶溝埋落西米露好滑,椰果子係淡淡椰味既jelly,而大大粒既龍眼好甜,我同朋友仔都激讚
抹茶奶凍拼曲奇雪糕 d抹茶令到個奶凍有d苦呀個雪糕好普通好普通,d生果又唔係好甜,基本上成碟野好一般...
藍莓椰果子 見張張table都叫個椰青,好似幾得咁就試一試啦~藍莓好淡,淡到差d feel唔到不過椰果子加埋d椰肉一齊食都唔錯呀,我同朋友仔最後密密挖曬d椰肉黎食,呢個甜品有得玩又有得食,都幾特別
朋友仔唔夠喉話要再叫,夜麻麻2個女仔食3個甜品,實肥死喇......

係附近返工..果日放工行去旺角時見到有間好似幾多明星報章介紹既一間甜品店
甜魔當然唔想錯過...
好啦..同同事一齊入去試啦
入去見到成間都介紹椰果子..我心諗係椰子定椰果呀?
店員細心解釋係椰青水加工後整到好似d jelly咁既..
好..睇完個menu其實我覺得都幾貴....
不過一於試下啦..

友人就叫左一杯野飲..唔記得咩椰果子凍$18
成杯都係椰汁咁...其實同我果個大致一樣.只係少左上面果層布丁+mango+椰青
但友人話ok解渴~可以再黎食

而外我叫左個招牌...其實係唯一呢個我覺得最夾..
焦糖布丁茅屋椰果子$38
上枱時就見到一個mini焦糖布丁+幾片mango 係面用個椰青放住
一試...先講布丁.,.很一般..覺得百佳賣的統一好吃得多了
mango都幾甜~食完面果層就有d汁..下面有一層勁大塊的椰果子..
食落去係椰子味既蒟蒻咁..感覺好似係許留山食過
呀!仲有就係椰青先新鮮的..所以我食哂d肉~好滑喔


總括黎講...佢既配搭新穎又唔係好算..
只係覺得好似食kinder出奇旦咁..一次過滿足3個願望咁囉..咩都可以一次過食哂!哈哈
貪心人士可以黎試下...不過專程造訪我看就不必了~

吃完晚飯，跟壽星一齊去附近的甜品革命繼續下場。

在云云選擇之中，要了這裡出名的椰果子產品，分別是椰果子龍泉眼露伴雪糕、椰果子龍眼冰露，還有班戟千層併明治栗子伴雪糕。

半凝固形態的椰果子，散出幽幽的椰果清香，再配上新鮮甜美的龍眼肉，及西米粒，感覺是清爽。當然，最重要是那球雲尼拿雪糕，清甜香滑，相當不錯。其實椰果子龍眼冰露跟椰果子龍泉眼露伴雪糕差不多，只是少了一球雪糕，但多了幾粒龍眼肉而已。

嚐了些少班戟，質感幾實，而不是煙韌，栗子茸亦欠缺鮮香，也不軟滑，是明顯的失色。

被壽星反客為主，埋了單。

星期5晚見滿座又咁多新式甜品, 所以同 bf 試下.
點知..
抹茶奶凍拼鮮果$30 - 個奶凍好硬, 好似食粉咁, 一 pat pat
焦糖布丁椰果子$38 - 個焦糖布丁好味, 不過個椰果子無咩特別, 椰汁味果凍咁, 仲要裝滿成個椰子咁大兜, 食2啖已經厭左.....
一句講晒, 又貴又唔好食

The old menu has been replaced, no more dark cherries, but replaced with blueberries and more traditional chinese desserts.

Luckily there are a few non traditional ones to select, this time tried coconut sorbet with strawberry, and the young coconut jelly with blueberry.

The blueberry one was as good as expected, but the fruits on the top didnt quite match it.
The coconut sorbet contains quite alot of ground coconut in it.

I think I am quite bored of it so far, so will await for the new menu again, or unless I have cravings for the young coconut jelly!

因為看了其他食友的吸引介紹，不得不試一次，看看革命後甜品有多成功。

在別人吃晚飯的時間，我倆來到，自然人不多，環境也幾舒服，抬上的碟子潔淨到可以反光，第一個印象不錯。見到餐牌有多款未見過的甜品，太好了，又可嘗新。

點了兩款甜點，先來黃金芝麻糊，對比平日吃的芝麻糊，很明顯地顏色先勝一分。黃色的部份沾甜品的三分之一，下面依舊是芝麻糊。當我期待著會有什麼化學作用產生，一試之下有點失望，為什麼沒分別，再試真一點，真是沒分別喎。好，只試面層，有點點甜味。那火搶燒過的烤味，是唯一丁點的分別。既然與其他甜品店吃的沒分別，索價二十多元，你也算大胆了。

意式芝士茅屋椰果子，未試就知道味道難夾，見是店子推介，就看有什麼扳斧可以做得好。吃下去，芒果是甜的，tiramisu 分開來吃也沒有不對版，芝士餅不算濃，也灑上少許不太夾的椰果子的朱古力粉。分開來說，椰果子是清甜，加上椰子內還有些椰子肉，感覺夠fresh。上碟很大份量，吃下去又不算太多，很快就吃清。

革命需時，暫時還未成氣候，希望日後有更多好吃的新款式。

過了過多月先開始寫這個食評, 其實試食當晚, 適逄小女子差不多要出發往日本之時; 固未能及時寫食評
現日本之旅已回程已個多月, 手頭上工作也完成了, 自覺無咩細藝時, 又開始為Openrice 盡點棉力吧

份量十足我甜魔一行廿多人, 基本上已坐爆一間小小既鋪頭, 菜單一早由攪手辨好,
基本上甜魔們都係等食

分了4 張枱, 除菜單以外, 各人也可再叫心頭好
詳細不必寫了, 當晚點了十多個必食之選, 但無一留下印象, 味道亦無過人之相處,
全統與新派甜品也強差人意
連本人最期待既 山栗子茅屋椰果子, 也只是換湯不換藥之作 ,
基本上所有茅屋椰果味道也無分別, 只是配料有點差別而己
而作結既的心太軟也流不出朱古力出來, 而配上的雪榚也是牛記出品味道

一切幻想也隨之作結 , 是夜革命失敗, 後會無期也