當日好趕時間,我同幾位朋友都可以係唔夠半個小時由坐低,落order,食埋早餐兼走人,岩晒趕時間既香港人。

我食左餐旦麵 加 凍咖啡 RMB24。

食物上得好快。

口味亦好接近香港人口味。

價錢亦同香港一樣不相伯仲.........

下次都會再黎幫襯。

有點事跟好友獅王北上走一趟,回程時就連午飯尚未有著落,貪此店就近火車站,胡亂填飽肚子便算.

此店走港式快餐路線,即係南北西東,粥粉麵飯大部份都有供應,水準當然是一般般.

乾燒伊麵 : 下午茶有炒粉麵供應,本以為是濫竽充數貨色,但一上檯,已經覺得好乾身,洋蔥味輕柔,咬一口,味道洽到好處,油份不多,麵條沾上醬油平均,是廚師拋鑊功夫到家,反而覺得草菇粒少了些.

淨水餃 : 果然未必每一樣食品都攦家,一碗有七粒水餃,未上檯已經聞到'鹼'水味,湯是魚湯,但呷一口已經覺得好重手師傅,水餃餡料不多,肉跟蝦是四六比,加入少許紅蘿蔔絲及木耳絲,蝦是爽口,但無乜蝦味,水餃皮淥得太耐,有部份已經脫落.下次未必再來了.

套餐人仔22,凍飲再加兩蚊,果然跟香港一樣,就連凍飲要加錢都跟足,地方唔太乾淨,上菜速度慢,要學,唔該學足d.

2009年09月25日，08:30
同組同事的食堂，我未試過。
趁到惠州出差，要在商業城坐大巴，先到這店吃早餐。

地方不大，客人不多，店員多而反應稍慢。
有座位因漏水而被封住。

本不習慣早餐吃太飽，但路程遠，中途會有變數，衹好填飽點肚。

所謂港式慨念早餐，真的包羅萬有：
西有腿、蛋、餐肉，意、通；中有粥、粉、麵，樣樣俱全。
香港特色"鴛鴦"，當然不會缺席。

近關口的食店，不會便宜。

要了牛丸河和齋啡。
牛丸河：湯底算清淡，河粉過腍；配上牛味、無彈性、丸狀物體，勝在飽肚；反觀玻璃生菜，夠清甜。
咖啡：苦而不香

吃著吃著，熟悉身影走過，原來是同事Y；
他是店的常客，要過例牌早餐。
大家聊聊天，便各自上征途。

題外話：
同組同事差旅費問題，被老頂照了幾次肺，我卻不認同。
試過這食堂後，老頂竟告訴我，情況有所改善，問我做過什麼。
怨枉啊！我不是到這裡查正！
我祇是好奇，這店何以吸引你們。