之前都睇左好多呢度既食評，話唔好果d通常都係話油煙味大，野食唔好食，同訂位出錯等。由於之前食過佢紅磡果間都已經覺得好底同服務好好，所以今次都決定去試下尖咀呢間。

首先我想講間間食燒烤既都大油煙味架啦，所以我唔覺係咩大問題，而且我去果日又唔覺得d油煙味好大喎。

至於野食方面，我覺得以佢既價錢算好好。而且仲好貼心咁安排每枱預先放左牛、豬同海鮮各一碟等我地一埋住就有得食。d老虎蝦真係隻隻都有成7吋長仲好新鮮。帶子同魚生又任叫任食。我覺得淨係食牛同海鮮都好易回本。每人兩罐汽水我覺得都夠。

服務都好好，耐唔耐會有人出黎教你點燒先最好。

至於話訂位問題，我覺得成個訂位過程都好清楚，個接線生會清楚解釋booking會hold 15分鐘，過時唔等。我覺得好好，先小人後君子好過之後有爭議。

總而言之，我覺得呢間餐廳值得一試。

ps︰我唔係佢地既員工或朋友，係專誠由澳門黎hk揾野食既遊客 ^_^

o係雜誌見到個廣告好耐啦, 之前book唔到位, 今次早幾日打黎就book到wor, 唔知係好彩定唔好彩啦....

佢話八點三開始食到十點半, 我睇之前d食客話八點去到就已經有得入去啦, 咁我咪早d去囉, 點知門口企滿晒人, 企到落樓梯, 等下等下差唔多八點半先入到去...
入到去, 個爐係有水, 不過唔係之前d人話係污糟水, 我諗佢地有聽意見.
講返d野食, 一入到去, 每枱都會有一碟海鮮, 一碟牛同一碟豬, 每人仲包兩罐汽水, 不過只得可樂同雪碧....
d 蠔同d蝦都幾大隻, 元貝size正常, 翡翠螺就細d, 味道ok既, d待應行過都會講解下點樣燒同幾時食得, 服務算係咁啦~
d一口牛同雪花肥牛就真係幾正, 不過d牛胸腹就幾un下; 豬都ok既, 不過牛好食d囉, 之後仲叫左d有香草既雞, 都幾好食, 仲有佢d粟米超甜, 勁好食.
整體d燒野既食品幾好, 不過個爐d火力好唔平均, 好難燒...

至於其他熟食都唔錯, 叫左d刺身, 壽司同天婦羅, 樣樣都幾新鮮, 我地叫左d天婦羅, 佢黎完又黎, 我地話食左啦, 個待應竟然一手就掉左去後面架碗碟車都當垃圾, 嘩, 佢知唔知呢個世界有好多人無得食ga ?! 間餐廳搵到錢都唔駛咁掛?

最後想講個環境, 非常嘈, 嘈到講唔到野, 佢分開左中右三行卡位, 中間既卡位由兩張枱兩個爐拍埋, 但係就分比兩枱客, 聽到晒同睇到晒人地做緊乜, 好似唔係咁好wor, 而且眼見有d枱一個爐仲要逼住七個人, 點燒呀??

試下ok, 總算都幾多野食, 食得多既人就o岩晒~
聽人講不如自己黎下啦, 無想像咁差, 不過又唔好期望咁高

呢期賣廣告賣得咁行, 又見d 人食完既評價都唔錯 ( 唔係 openrice 食評 )

見佢 198 任食, 價錢ok 又多海鮮食, book 左早段 5:30 - 8:00食

可能係第一段既關係, 並無人地講既好大煙之類既問題, 抽風都ok!!! 唔熱唔焗!!

食物選擇都幾多, 大蝦, 蠔, 扇貝, 牛有好多種, 豬又有好多種, 重有好多熟食!

估唔到佢主力係sell和燒, 但係佢地既魚生都好新鮮, 好好味wor!!

羊鞍都好好味, 好淋, 豬燒完無乜味, 蝦都幾好食, d 蠔細隻到燒完無晒影...

整體黎講都唔錯, 卡位坐得幾舒服, 侍應attitude 都好好, 又會黎教你點燒最好!!!

最失望都係d 牛麻麻地!!!!

食到頂住個胃走!!

之前睇食評覺得唔錯, 介紹左個 friend 食, 佢食完係咁要再食, 好啦, 就去睇下先~
未食之前有睇食評, 覺得 d comment 多左唔好既嘢, anyway, 自己食左先知好唔好, right?

book 左第二 round 8:15, 8:00 上到去已經好多人等緊, 個 waitress 講多好多次: 安排緊, 安排緊, 但係都有人係咁問住佢...我又唔明d人囉, 你 book 左 8:15, 咁 8:00 到左都係早, 等多一陣又何妨呢??

入到去, 已經 set 好哂 2 碟食物, 即刻好開心, 因為真係好大碟囉....

我唔知係咩泥咖, 不過開始燒....friend 係咁問我好唔好食, 講真, 係好食, $218 + 10% charges 係咁上下, 我本人去食開和幸同 x 呂波果d和牛, 同燒魂一果d比較...唔係好公平囉!
不過, $240 食咁多嘢, 真係好抵咖喇!!

講下d伙計, 本人認為佢地好有禮貌喎, 佢地真係好忙 (我地坐係 kitchen 出面, 睇哂佢地行出行入為咩囉)....真係唔停 serve 人, 仲要係好多好似我地咁不停入單既, 佢地都多謝多謝咁...
咁仲想點??

如果果d人想要高級服務既...又真係去錯地方囉!!

可以再去~~~ 呀

壽星女揀呢間餐廳慶祝生日, 單睇雜誌廣告嘅和牛照片確實好吸引, 令人垂涎三尺, 我很熱熾期待呢~

揀咗20:15 – 22:45時段, 價錢$218 + 10% 服務費, 送汽水2罐

睇過之前食評話佢哋冇打電話嚟confirm booking, 今日中午店員打嚟confirm, 我冇聽到, 晏d 佢哋再打一次嚟confirm, 要直接對話為止, 我諗佢哋已經進步咗!

我哋提早喺餐廳門外等候, 已經餓到個肚咕咕聲, 不久, 接待員比我哋20:00入座, 直至22:30結帳, 真係太好, 靈活更有商機吧。

安排入座後, 我哋忙住寫紙點嘢食, 店員同我哋講已準備一啲拼盤, 因為之前等得太耐, 都應該好肚餓, 所以希望快啲比食物我哋醫肚, 諗得好周到呀~

無幾耐一碟碟美食送上, 包括有:

安格斯一口牛、澳洲和牛百花肉、牛里脊、牛腹肉、牛舌、黑豚肉、羊鞍、廣島蠔清酒燒、虎紋蝦、小玉貝、帆立貝、翡翠螺....................等等

除咗網燒食物外, 仲有魚生刺身、壽司、天婦羅...........包羅萬有。

咁嘅價錢, 我覺得好抵, 唔知點解食評講到極差。

唯一最大問題係抽風系統太差, 當滿座時集體燒烤, 氣溫自然上升, 白煙佈滿整間餐廳, 食完成身汗 / 面油, 由頭臭到落腳。奉勸大家冬天唔好去食, 容乜易啲外套吸哂味唔要得呀!

而服務方面, 間間自助餐d 侍應都忙ga la, 佢好得閒企喺度, 你又話佢唔做嘢嘅啫, 我覺得呢間可以接受囉。

今晚同咗個friend 試呢間任點任食ga日式放題
好彩一早訂咗位, 星期二閒日都已經座無虛席!!
如果聽呢個friend 講到時至算
今晚就試唔到lu!!!

一入座 d waiter已經送上一碟海鮮類食品&一碟牛類食品 plus一碟刺身
真係省卻了考慮點嘜嘢的初步時間!!
而且 D 食品重係貴當嘢, 唔係求其想塞飽你D 食物
海鮮類食品: 虎蝦 + 翡翠螺 + 扇貝 + 蠔 + 蜆
牛類食品: 一口牛 + 牛胸腹: + 雪花肥牛 + 牛脊肉
刺身: 三文魚 + 墨魚
每人重送兩罐汽水

之後再order咗
安格斯一口牛
黑豚肉
和牛舌
羊鞍
菠蘿

可即食食品
蝦天婦羅
蕃薯天婦羅
吉列帶子
希靈魚
劍魚

D嘢的確係新鮮
不過D可即食食品去番正統日式料理會好好多!!

我從來都唔寫食野, 今日真係頂唔順要開個account黎寫d野
話說我同朋友約好今日去呢間尖咀食肆(燒魂一)試一試. 約好6:30pm去食, 朋友都book 左話6:30pm.
去到個recep同我講話我遲左大拿拿5分鐘 , 佢已經將我張枱比左人! . 效率真係高到你唔信!!
跟住我朋友黎到, 梗係同佢理論啦!! 佢話我地遲到 !!(5分鐘 !!你間乜野食肆黎架!! ) 我地問佢點解唔call 我地confirm 下. 佢起初仲好大力咁屈我地話已經通知左. 事實就梗係冇啦!! 之後又前言不對後語咁話昨日我個friend book 枱果陣已經confirm, 喂! 妳邊句真呀?
跟住仲正到同我地講話有張枱專比我地呢d walk-in同遲到既客坐既, 同人搭枱黎燒. 嘩!! 大佬, 我食飯咋, 遲到五分鐘要罰架?? 駛唔駛罸我企起身食呀, 小姐!!
咁係人都走啦, 果個小姐仲一副好行夾唔送既態度!! 搵佢經理, 又話佢冇返, 比張咭片叫我聽日打黎!! 咁既服務態度真係一流啦!!
不過好彩原來好多食評d評語都讚佢去一次就夠!!真係多謝唒個recep小姐啦!!
未燒野食就已經一肚火啦, 一定唔會有下次囉!!

短餖兩星期食左兩次......
原因得一個... 我真係覺得依間唔錯

我好記得第一次去係九月頭o既時候..有次剪完頭髮同姐姐好肚餓...有好想擦餐勁o既mood, 所以就撞左上去食燒肉放題~~

一入到去... 其實係有點兒呼吸困難, 不過佢地既seating arrangement 係impressing 的~~ 兩個人的話佢會安排闊落的四人卡位比你, 食得好舒服, 唔洗迫~ 但一坐低... 又比燒爐裡面上手用完之後遺下o個兜水嚇親.....我以為佢地會清.. 原來放個新網上去.. 又燒了 -_-

至於order 的問題... 最初係用大張A4 order紙 寫的... d 字細到冇朋友.... 唔識得點order, 但o的女侍應個個額頭好似鑿住"我唔得閒應酬你的"... 等左一陣, 反而係個穿恤衫的先生 (um... 後來發現佢係老細!) 主動講解比我地兩個迷途羔羊聽~
上菜的速度, 我就好好彩, so far 冇問題~ 係有點兒失望... 8點半已被告知冇晒牛舌!
刺身都幾新鮮~~~ 最愛係三文魚同油甘魚!! 燒物方面主攻牛類及海鮮~ 隻蝦冇想像中吸引, 反而蜆仔同螺好鮮甜~
在場一名帶住紅頭巾的先生 (應該係主廚啦~) 整晚會周圍巡視, 得閒指導下你點燒得好o的~ 不過佢講野好直接..唔好比佢激親~ 傾落原來佢好好笑的!! haha


第二次去, 只不過係兩個星期後的事, 由於覺得太抵食的關係, 一定要同A 先生去食一次 今次唔再walk-in了~ book 好位, 唔洗諗o甘多~~
仍然係食8點15~~ 入到去, 依然係舒服cozy的卡坐~ 坐低喜見爐中已沒有上手燒完遺落的污水, 而order 紙亦經改良至細張細張的~ 清楚好多

曾經聽紅頭巾先生講過, 有客人會投訴食物味道不夠, 而店中沒有調味料提供! 事實上紅頭巾先生講得o岩的, 如果食物夠新鮮, 放鹽就好了,少放醬料最好, 因為沾太多調味反而會蓋了本來的鮮味. 不過一樣米養百樣人, 佢地應該係聽取部份客人意見後決定提供調味料以安撫客人需求呢~

唯一好想反映o既係... 汽水o既選擇除左可樂同雪碧 如果有健兒可樂就好喇~ (個人喜好!) 同埋冇熱茶供應真係差少少~ 食得油膩都想有啖茶飲o下

食物方面, 一坐低,佢地就比定牛, 豬同海鮮各一碟你, 等你可以有o野燒住先, 同埋乜都可以試下然後再追加~ 這個idea 不錯啊 至少唔洗頭十五分鐘呆坐等野食到~
上菜方面刺身可能因為同一時間收太多order 所以會久一o的, 其他食物都好快到呀! 仍然最愛的是一口牛同埋羊鞍!! 食幾件羊鞍已經覺得好值回票價.

服務方面, 今次好好多, 尤其係見經理走來走去親力親為, 侍應們又尚算勤快.
不過我始終唔明. 點解總係o甘早last order 呢... !?!

埋單兩個人$480! 真係好抵~ 當然質素真係冇得同其他高擋日式燒肉店比, 人地地收幾錢, 依度收幾錢, 有時要balance 番唔可以太呵索lor

一路都冇寫食評.. 點解又開始寫番呢... 因為真係好想寫番d野平反一下...
的而且確燒魂一唔係最好的食肆, 有好多不足, 有好多要改善的地方 但我欣賞o既係,. 佢地有o個個心去聆聽客人o既意見, 去改善去迎合! 我覺得係值得欣賞同支持! 我只不過係兩星期冇去, 就睇到佢地不斷改進 really impressing!

其實去之前都驚驚地咁啦..係個舊同事話想去試下 特登 收工拿完野去試

食就食5點半個轉.. 今日 5個人 我收工拿完野 上到去大約6點半
個場又唔係好多台客.. 有幾台咁..可能都重早未到食飯時間

話說D 同事已經食緊 咁原本聽話限ORDER 四次驚未上到去已經無得ORDER

原來都唔係..叫做無限ORDER既 講講D 魚生啦

差唔多試哂每種魚生 基本 三文魚 吞拿魚 都有 都叫OK 新鮮既 光澤係差少少姐"
不過呢到主打都係燒肉 所以我覺得過得去

咁上到去..一開波..就係咁燒.. D 一口牛肉粒.. 都唔洗點D 咩汁..就咁食都夠肉味
就算可能係 凍肉 ( 話說食落又無雪味架喎) 都真係OK.. 夠紅 又有雪花

海鮮我試左海蝦同翡翠螺 兩種都好鮮..唔係好似個D 喊食評講到咁差..
我雖然唔係成日食幾百蚊一餐.. 但自問食野都幾有要求 總體真係OK

同埋D 侍應 服務真係幾好..有笑容.. 又會講下笑
又好勤幫我地汁野..唔係太忙都有過泥吹下水 氣氛幾好 又唔會太嘈.. (最嘈係我個台)

可能我對呢D自助燒肉店都有D 經驗..唔會燒到好大煙... 抽風比起想像中好 唔會食完成身煙味 ...

跟住佢又有D 窩物 有熱野食... 懶燒既朋友可以點個D 頂頂個肚

個冷烏冬都試左..唔錯..都叫做彈牙.. 一人食左一碗..

可能之前D人寫得太差... 我覺得 妳俾得呢個價 都叫值番哂..

大前提..我地LAST CALL 本身叫左 10份 一口牛肉粒 個經理提我地可能叫得太多
俾住 一半份量我地. 到7:45分左右 埋單 我個朋友叫佢再上多半份
佢都好客氣咁 再特登拿俾我地 服務泥講真係好好.. 同埋經理把聲真係好好聽..成個DJ咁(題外話)

最後食埋D牛肉粒...坐多左十分鐘到就散了


大家一定要去試下... 埋單 都係 1089$$ 5個人
除番開都係 220 左右一位 唔會太貴 ! 值得一試

平時不寫open rice都要寫

從未食過甘難食甘差的餐廳

1) 雖然好像選擇很多但最出名的 肉原來得個樣,食落有苦味...其他就不用說喇

2)個爐一燒就膿..食晒D黑MUN MUN野落肚,叫他換就扮聽唔到

3)臭氣紛天...毫無抽氣...成間店都是燒味 坐多陣都焗死
一邊食一邊流汗 無隱喇

４）跟之前一個食家一樣

ＢＢ都收１３８

請問個ＢＢ可以食到甚麼呢

照比。。。但我一定不會再去

D伙計態度又差

真係請都0吾會去

一去到俾三樣野,牛拼, 豬拼和三文魚刺身,,望落去都幾好,但係一食發覺d肉完全冇味,同埋都好鞋, 唔似人地d燒肉店有醃過同點燒都唔會令肉質變太差, 另燒時好易chi 住個燒烤網。抽風係一個好大問題,完全抽唔到煙,而且真係好熱,會焗到暈。不過d伙計態度係幾好。如果想希望食有質素既野就唔好黎,呢到係一般質素,因為只係需要俾一般價錢,係合理...

早一個星期前都book左位...book最早果個時間...因為見好多食評都話好多人
一去到以經7點..好在冇咩人..,話左比佢聽book左..點知佢咩都冇睇過又5知我地book左咁..
入到去..環境都好好...以經有人拎d刺生同其他野比我地..都好細心咁講解
一路食都有幾個人教我地點燒..覺得佢地都有幾有禮貌^^
尾中不足既係茶都冇...又要加一....而且D汁好淡
各位一定要提佢換左果個網..燒得耐..d燒燶左既黑色野係個網度..會好苦
-雖然d刺生細細舊但係好新鮮
-d蝦好大隻又甜,直得一試,不過貝類都幾難燒..食少少就夠
-我地叫左好多種牛肉都分5清..不過好好味...(叫D一粒粒同一卷既會比較好因為一塊塊果D比較碎好易燒燶...
-牛舌一定要食!!推介
-其他熟食都5錯..每樣都叫DD試下吧
不過佢地LAST ODER既時間比較早.我地可以食到8點佢7點3就CUT..大定早D去..
一次叫多D會好D

果日我同兩個朋友BOOK咗8:15果一場, 我哋到去太約8:10, 搭LIFT上到去, 已經有一大班人在等, 迫到連LIFT都出唔到, 在門口我哋只見到有關食淨食物每100G要多比100蚊的通告, 價錢表完全見唔到, 只係在樓下見到櫥窗外寫住價錢$188, 任食2.5小時, 所以結帳時, 張單印住$218(8:15入場), 我哋都覺得奇怪, 跟住問一問D職員, 佢哋話9:15後入場先至$188, 需然激氣, 都要無奈哋照價付款
而食野其問,發生了一 段插曲, 因有一隻蜆燒唔開, 結果爆咗, D汁液彈落我塊面, 於是叫個待應比D冰我敷一敷, 個待應竟然同我講要$5一杯冰, 我當然話唔需要, 好在後來都攞咗兩粒冰過來, 但當我想敷時, 有一個貌似高級D的職員走過來同我講, 淥親唔好用冰敷, 會起水泡, 又話琴日有一個客不小心淥親, 但店裡好似無湯火膏, 之後就走咗, 不了了之, 無再跟進, 最終我D朋友叫我唔好用冰敷, 但我的傷口都係起了一個水泡
另外 第一罐汽水是用可放水及冰的汽水筒推過來再拿給我們, 但D汽水完全唔凍, 由於這個價錢是包了兩罐汽水, 當我哋叫佢上第二罐汽水時(用托盤上), 竟然拿了三罐罐底已"突"起的汽水

抽風嚴重唔夠...焗到嘔...食完個身勁臭....
一口牛...口感還可以,不過唔係咁夠肉味
簿牛肉....整太簿...無口感....加一落就(痴)底..攪到好似食炭咁...
d蝦好梅...唔知想點....
食物無味道...諗住用醬汁補救...點知醬汁都好淡....
服務都幾好....
不過d扇具唔熟都話比你知食得...食落個心係凍的...:
雖然服務態度ok....但成餐唔知想點...就係想走...

首先，唔好同伊x波個類高級做比較

價錢：＄218一位, 加一， 每人送兩罐(coke/sprite)

睇完＜飲食男女＞，今晚同女友去試吓
想訂位，但喺唔接受即日，唯有搏一搏，好彩有o的booking冇showup.
未入場，好墟撼，好似係渣住張standby ticket喺機場等上機咁，好彩有位剩

環境：仲以為要share檯，原來係坐4人卡位，quite comfy

食物：原來已經擺好咗1 set牛拼，1 set豬拼，1 set海鮮拼，一碟魚生
質素：以咁嘅價錢，可以食到呢個質素，幾surprise
希望可以keep得住

睇番下面D comments，想有少少幫嚟間餐廳平反

呢間餐廳，喺入場前，已經講明個爐點用
就係，海鮮放中間，肉類放外圍，因為中間部份有個兜，如果有肉汁滴咗入去，就會嗆火
兼且又有位師兄四圍巡，去教育其他食客
但其他檯"煲蠟"場面依然可見，好彩我得兩個人，D肉冇鋪得咁滿掛，所以無發生喺我身上

另外，我係食8點半至11點個輪，大概10點鐘就宣佈last order
咁我就落多D野食啦，職員就比個溫馨提示我，話怕會食唔曬，兼浪費食物的話就要charge certain amount per 100g, fair enough!! 但佢地無阻撓我，或者刻意漏單!! GOOD!!
因為我係個後勁淩厲嘅大胃王

我覺得，呢間餐廳好有紀律，好多野都有白紙黑字寫明，唔錯
例如，last order time, number of item per request, buy addition time (extra 30 mins for $ ??)
但喺香港呢個地方，有啲人鍾意羅special discretion，似乎唔多work，兼會得罪人
對有紀律嘅人嚟計，問題不大，值得再去，
小小建議
或者收每位250，提供汽水＆熱茶任飲，sauce任添會更加好
當然唔加價仲好啦