我經常經過淘大見到此店都會想, 為什麼賣散裝壽司店可以多人幫襯到坐下來吃的,而且在人流非常暢旺的馬路口開店...
今天我跟男朋友予定去睇concert, 原本大家諗住食炸雞的, 搭小巴就在此店門口下車, 經過門口看到擺放出來一本一本的餐牌,便開始試試此店,解開多年的疑團.
撥開門口的冷氣膠簾幕, 看到的是很多堂食的坐椅. 左手邊冷凍柜放滿一件一件獨立包裝的壽司, 有冷麵及便當(跟一般外賣壽司店無異), 再行前幾步....yeeeee ?? 為何會有蠔bar 的 ? 還有赤貝, 蜆, 海膽... 我在蠔bar 前看了一會,有一位架著眼鏡的女侍應過來說只要你order我們就會即時開, 最終我跟男朋友都非常心動地坐下了.
在枱面旁有紙筆, 有壽司,sashimi, 串燒, 熱暈, 時令食材... 不過有些食物都不在order 紙上所以大家要細心看均全店上的圖片及時令, 不然就會錯過很多美食.
我看己去蠔bar ordered : Irish Rock 2只, White Pearl 2只同埋唔知咩法國蠔仔3只 (100蚊3只) , 架著眼鏡的女侍應立即拿了我選的蠔入廚房準備
我們又點了一些串燒 : 牛舌, 雞尖, 墨魚咀
跟住壽司:鯛魚, 八爪魚, 芥末八爪魚,海膽 及鐵火卷

蠔方面 : 每次有蠔從我地個位經過我都會聞到淡淡的蠔味, 好吸引.
Irish Rock - 海水味,厚身(因為我選左大隻), 香.
White Pearl - 先海水味慢慢甜
法國蠔 - 爽口

串燒方面 : 真係估佢唔到甘好味
牛舌 - 厚身而且好香, 咬落爽口野味
雞尖 - 好香不過細隻左的, 送酒小吃必備.
墨魚咀 - 嘩 !!!! 我平時食果的被炸到乾晒身,又重香料味. 點知呢個一落口"索索聲"仲彈下彈下, 有墨魚既香味, 而家先知道原來墨魚咀係甘既味道架 !!! 讚

壽司方面 : 壽司並唔係冷冰冰, 比起迴轉壽司及連鎖日式料理店略勝一籌, 而且用料新鮮有heart
鯛魚 - 一般
八爪魚 - 厚身咬落軟淋淋好好味
芥末八爪魚 - 未試過的芥末八爪魚可以攻鼻攻到上眼, 真係要再試
海膽 - 佢用既係加拿大海膽, 原本架著眼鏡的女侍應sale我地一板的.有兩款, 一款係用木板仔包裝的比較平但有的散肉, 另一款就係citysuper 果隻包裝, 比citysuper 平. 不過男朋友話唔食所以我只ordered一客 (最後咪又同我搶) 有heart 有驚喜
鐵火卷 - order 紙上是沒有的, 我地問架著眼鏡的女侍應.

總評: 可以自己選食材真的很開心, 另外好多食物在order 紙上是沒有的, 而且仲好新鮮特別, 記得要試. 當日的二人前係大大隻活蝦同活赤貝,仲有蠔添, 吸引死我 睇到員工對工作的熱誠以及對食材選擇的細心. 壽司店名"超級壽司"非常不起眼, 裝修似日本的平民食堂或居酒屋, 原來別有洞天.
我會再帶朋友去試串燒及壽司, 正 !

三文魚腩同蝦壽司好得！
蟹膏壽司都好多蟹膏！


海鮮炒拉面唔錯！面質OK， D蝦同蜆都好新鮮。
見到兩枱人食生蠔，估唔到在這些地方都有咁多人食生蠔，下次都想試下。

不過服務就認真麻麻！個個人都有D黑面？？
如果只計食物都算唔錯！可以再試。

呢間店位於九龍灣大街,是去淘大的必經之路.人流絕不成問題.而店主力是賣外賣壽司.但仍有不少堂食位.冷氣是足夠.

但服務真是奇差.收銀黑口黑面.沉默不語..呢種服務客人怎會開心?三文魚刺身45元:沒有便宜的選擇.全部都45元.但魚肉色澤暗淡,夾起來相當薄身.入口雪味什重,魚肉林身,完全沒有魚油香味.只是淡而無味.冒住眼食.肯定不知道正在食三文魚,但幸好沒有一股腥味.

無味三文魚都45元.當然喊臉

早幾日去淘大間超級壽司，見到剛有情侶離開，於是我和老婆就坐佢地張4人檯，坐落之後伙記叫我埋去隔離搭枱，ok，that's fine，之後坐左過去，由於張檯可坐6個(3個坐一邊)，而早已有1人坐在食野，咁我坐佢對面都好正常，點之老闆娘之後叫我地坐埋去食緊野的人側邊，咁就可以空出3個位俾其他客，聽完我火都嚟埋，之後我和老婆都真心嬲，待客如狗，即轉場去食阿牛哥算........

還記得多年前在九龍灣工作，外勤後總喜歡到這裏買盒花之戀，慰勞自己一天的辛勤。今天路過，好奇心驅使我走來看看，見店子陳設一切依舊，壽司擺放位置也別無兩樣，變的似乎就只有價錢。

以往最鍾愛的花之戀$22只得小小三粒，不太划算，於是就買下冷麵和手卷。冷麵其實是意大利粉加千島醬，絲毫沒有半點日式風味，幸而八爪魚頗為新鮮，吃一盒已頗為飽肚。三文魚手卷應該不是自家出品，因為那個牌子我家附近的壽司店也用到，味道方便沒甚特別，值得一讚是紫菜還是脆口的。

今天很想找日月星，雖然大概知道位置但無奈尋不著，下次待有時間要再細心看。

雖然我差唔多每個星期係九龍灣返教會，但我都好幾年冇幫親過食呢間午市平價日式快餐，今次真係舊地重食。

午市選擇不少，我就揀左七彩碎花魚生飯，我同時幫朋友揀埋食日式蛋煮三文魚丼，因為朋友鍾意食三文魚。個餐另包蜂蜜綠茶，我地就揀左走冰。都算唔錯，遇正是日大暑，飲番D凍飲，成個人涼晒!七彩碎花魚生飯有七款餸，包括三文魚粒、吞拿魚粒、蟹柳粒、玉子粒、魚子、八爪魚粒同青絲七種顏色，繽紛奪目，當然一分錢一分貨，以37蚊的價錢計，味道都OK! 我都唔會期望D魚生真係好新鮮，但都可以接受。日式蛋煮三文魚丼，朋友雖然鍾意食三文魚，但今次熟食就唔多喜歡，尤其賣相唔多吸引。朋友話D三文魚外觀似豬肉多過似魚喎! 我就反而認為D三文魚唔新鮮咪煮成棕色。雖然份量好大碗，但三文魚味道認真麻麻，可能唔慣食熟食三文魚卦?! 至於椰菜同雞蛋味道都係一般啦!

想吃三文魚刺身，可惜德福、淘大的壽司店全都人山人海，要花不少時間等位，所以去了超級壽司(和食堂)，不過顧客都不少，本來被安排坐在近雪櫃的位置，身旁不停有人揀選外賣的壽司，甚為騷擾。坐了一分鐘，天花板滴下冷氣機水，最終被安排坐在較入的位置，算是鬆動少許。

我們吃了～
日式煎餃子炒麵($43)：餃子有五隻，味道正常，但那些炒麵很難吃，味道怪怪的，醬油味不足，質感有些黏糊糊，差！蒲燒帆立貝定食($45)：回家打這篇食評才發現定食沒有附上沙律，唉，只怪我們沒有細心看清楚定食的內容。這碗蒲燒帆立貝飯賣相尚可，帆立貝肉質新鮮，白飯加上醬油，味道不過不失。三文魚刺身($32)：炒麵和定食都吃完，三文魚刺身都未目蹤影，向店員查問，她口頭回應已落單，行動卻是發現遺忘了，而急急向廚房跟進。三文魚很肥美，但只有五片，不算便宜。蜂蜜綠茶：極難喝，完全沒有蜂蜜的甜味，綠茶味亦非常淡，就連那片檸檬亦是淡而無味，實在不理解為何如此簡單的飲品會沖製得那麼不堪。總結而言，我不會再光顧超級壽司(和食堂)。

位於九龍灣淘大既超級壽司
門面睇落去就好似街坊小店
開頭都以為只係做埋D平價野既日式小店

點知入到去發現真係好多新鮮既海產
不過一分錢就一分貨, 要新鮮既話, 貴就必然
呢度有好多唔同既生蠔可以開黎食
但都唔平... 有法國蠔都講緊成 3X, 4X 隻

最後都係ORDER左
活帶子刺身, 呢個就好新鮮同甜, 1隻活帶子開到8片左右
天婦羅, 呢個炸得幾好, 唔多話好多粉
鹽燒鯖魚套餐, 條魚都燒得幾好味, 但都唔夠嫩滑

最後總括而言, 真係值得一試
平既話可以叫下定食 都係$40-50左右
貴既話可以食下新鮮野

今日見肚餓又行開淘大附近,所以入左去食野。
首先我一入去係坐左1盒價值$52蚊4隻既生蠔。
坐低左之後個牙姐問我係咪1個人,我話係.唔該
之後佢擺低左d餐具,,就走左去。
咁我想落單個陣就嗌左唔該啦,,點知佢好似當我無到咁,,
原來佢招呼緊客人,咁難怪既。
但奇在,個客唔多出聲,佢就成碌木咁棟係度又唔理我/佢汁邊個客，又唔出聲又唔勝咁,
實在令人不滿,個刻我心諗,點解態度咁差既呢

我前前後後叫左4次唔該!..佢無可能2個字後先理我囉..又唔係繁忙,個陣成間鋪頭得3個客係度.
1個食緊野,1個自己揀緊壽司,1個就坐係度揀生蠔(呢位就係牙姐汁邊個客)
咁試問佢有咩可能聽唔到我嗌呢?

雖然佢有應我：係~
但係.佢無行埋黎問我食咩.真係差到極.

但唯一讚既係.食物質素依然係有水準.
$52蚊既蠔堂食要$60..唔緊要..但有d砂石咁...不過以呢個價錢..算係咁啦
另外再嗌左1個汁燒牛利拉麵~
牛利咸左小小.拉麵好好味,栗米好甜,但個湯底咸左小小~但依然好味~

格局和價錢也很大眾化的緣故，午飯時間人比較多，要和其他食客搭檯

點了一個加州手卷、一客三文魚小卷（８件）、一杯蜂蜜綠茶加州卷的賣相不俗，配料十足
三文魚小卷則稍為失色，發現其中一件不是整齊切口（也就是俗稱的頭頭尾尾）
幸好份量沒什麼大差，味量還可以
至於蜂蜜綠茶，完全喝不出綠茶味……可能是蜂蜜的味道喧賓奪主，凍飲也使原有的綠茶味難以發揮，下次叫熱飲會不會比較好？

以整體水準來說，要不是執著於即叫即做的話，叫一個外賣，或者到旁邊的雪櫃挑些現成壽司，相信不會相差太遠，除非你有興趣試一下這裡的生蠔、北寄貝等特色料理勝在價錢實惠，以同等價錢在其他壽司店只能攝牙罅，在這裡卻足以醫肚